Mumbai and Delhi Air Quality:വായു മലിനീകരണം മുംബൈയില്‍ അതിരൂക്ഷം; ഡല്‍ഹിക്ക് ആശ്വസം

ഡൽഹി: മുംബൈയിലെ വായു ഗുണനിലവാരം ഗണ്യമായി വഷളായി. 322 എന്ന നിലയിലാണ് വായു ഗുണനിലവാര സൂചിക (AQI) എത്തിനിൽക്കുന്നത്. ഇത് 'വളരെ മോശം' വിഭാഗത്തിലാണ് ഉൾപ്പെട്ടിരിക്കുന്നത്. ഇതിന്റെ ഫലമായി നഗരവാസികൾ ആരോഗ്യപ്രശ്നങ്ങൾ നേരിടുന്നുണ്ട്.

മറുവശത്ത് ഡൽഹിയിലെ വായു ഗുണനിലവാര സൂചിക 176-ൽ എത്തി. ഇത് 'മിതമായ' വിഭാഗത്തിലാണ് രേഖപ്പെടുത്തിയിരിക്കുന്നത്. കഴിഞ്ഞ പത്ത് വർഷത്തിനിടയിലെ ഏറ്റവും മികച്ച വായുനിലവാരമാണ് ഒക്ടോബർ 24-ന് ഡൽഹി കൈവരിച്ചത്.

മുംബൈയിലെ വായു മലിനീകരണം

• മുംബൈയിലെ വായു മലിനീകരണത്തിന്റെ പ്രധാന കാരണം നിർമ്മാണ പ്രവർത്തനങ്ങളിൽ നിന്നുള്ള പൊടിയാണ്.
• കുറഞ്ഞ കാറ്റിന്റെ വേഗത, മാലിന്യം കത്തിക്കൽ, അയൽ പ്രദേശങ്ങളിലെ വൈക്കോൽ കത്തിക്കുന്നത് മൂലമുണ്ടാകുന്ന പുക എന്നിവയും കാരണങ്ങളാണ്.
• കനത്ത പുകമഞ്ഞ് കാരണം തലവേദന, തൊണ്ടവേദന, കണ്ണെരിച്ചിൽ എന്നിവ സംബന്ധിച്ച പരാതികൾ വർധിച്ചിട്ടുണ്ട്.
• അത്യാവശ്യമല്ലാത്ത ഘട്ടങ്ങളിൽ കുട്ടികളും മുതിർന്നവരും പുറത്തിറങ്ങരുതെന്ന് ഡോക്ടർമാർ മുന്നറിയിപ്പ് നൽകിയിട്ടുണ്ട്.

സ്ഥിതിഗതികൾ വഷളായിക്കൊണ്ടിരിക്കുന്ന പശ്ചാത്തലത്തിൽ ബോംബെ ഹൈക്കോടതി വായുമലിനീകരണം അടിയന്തര സാഹചര്യമായി വിലയിരുത്തി. മലിനീകരണത്തിന് കാരണമാകുന്ന പ്രവർത്തനങ്ങൾക്കെതിരെ ശക്തമായ നടപടികൾ സ്വീകരിക്കാൻ അധികാരികളോട് ഉത്തരവിടുകയും ചെയ്തു.

ഡൽഹി വായു ഗുണനിലവാരം

• ഡൽഹിയിലെ വായു ഗുണനിലവാര സൂചിക 176 ആയി രേഖപ്പെടുത്തി. ഇത് മിതമായ വിഭാഗത്തിലാണ് രേഖപ്പെടുത്തിയത്.
• യുദ്ധകാല അടിസ്ഥാനത്തിലുള്ള ശ്രമങ്ങളാണ് ഡൽഹിയിലെ വായു ഗുണനിലവാരത്തിലെ പുരോഗതിക്ക് കാരണമായത്.
• റോഡുകൾ പതിവായി വൃത്തിയാക്കൽ, നിർമ്മാണ-മുനിസിപ്പൽ മാലിന്യങ്ങൾ നീക്കം ചെയ്യൽ, റോഡുകളിലും പൊടിപടലമുള്ള പ്രദേശങ്ങളിലും വലിയ തോതിൽ വെള്ളം തളിച്ചതും അടക്കം ഇതിൽ ഉൾപ്പെടുന്നു.

പരിസ്ഥിതി വകുപ്പ് പുറത്തിറക്കിയ പ്രസ്താവന പ്രകാരം 2024 ഒക്ടോബർ 24-ൽ എക്യുഐ 306-ഉം, 2025-ൽ 275-ഉം ആയിരുന്നു. ഇതാണ് 2026-ൽ എക്യൂഐ 191-ആയി കുറഞ്ഞത്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക.

ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.