Diwali Insurance: ദീപാവലി സുരക്ഷിതമായി ആഘോഷിക്കാം; വെറും 11 രൂപയ്ക്ക് 25,000 രൂപയുടെ ഇന്‍ഷുറന്‍സ്!

ദീപാവലിയുടെ സമയത്ത് പടക്കങ്ങൾ പൊട്ടിക്കുന്നത് പതിവാണ് എന്നാൽ ചെറിയൊരു അശ്രദ്ധ മതി വലിയൊരു അപകടം വരെ സംഭവിക്കാൻ. അപ്രതീക്ഷിതമായി ഉണ്ടാകുന്ന ഇത്തരം അപകടങ്ങൾ ആശുപത്രിയിൽ ചികിത്സയ്ക്കായി എത്തുമ്പോൾ വലിയൊരു സാമ്പത്തിക ഭാരമാകാം. പ്ലാസ്റ്റിക് സർജറി അടക്കം ചെയ്യേണ്ടി വരുന്ന പല കേസുകളും ഓരോ വർഷവും ദീപാവലി ആഘോഷങ്ങൾക്ക് ശേഷവും ഉണ്ടാകാറുണ്ട്.

ഉത്സവകാലത്ത് പോളിസി ഉടമകൾക്ക് ഇൻഷുറൻസ് വഴി ചികിത്സയ്ക്കായി 25,000 രൂപ വരെ ലഭിക്കും. അപകടമരണങ്ങൾ ഉണ്ടായാൽ സാമ്പത്തിക സുരക്ഷയും ഉറപ്പാക്കുന്നു.

11 രൂപ മുതൽ പ്ലാനുകൾ

ആദിത്യ ബിർളയുടെ ഉത്സവകാല ഇൻഷുറൻസ് പോളിസി ഫോൺപേ വഴി വളരെ എളുപ്പത്തിൽ എടുക്കാം.

ഷോർട്ട് ടേം (11 ദിവസം): നവംബർ 5 മുതൽ വെറും 11 രൂപയ്ക്ക് ഇൻഷുറൻസ് ലഭ്യമാണ്.

എക്സ്റ്റൻഡഡ് കവർ (30 ദിവസം): ഒക്ടോബർ 11 മുതൽ 21 രൂപയ്ക്ക് ഇൻഷുറൻസ് ലഭ്യമാണ്.

പണം നൽകുന്നതിന് മുൻപ് പോളിസി തീയതികൾ കൃത്യമായി പരിശോധിക്കുക. പ്രധാന ദീപാവലി ആഘോഷ ദിവസങ്ങൾ ഇൻഷുറൻസ് പരിധിയിൽ ഉൾപ്പെടുന്നുണ്ടെന്ന് ഉറപ്പാക്കുക.

ഇൻഷുറൻസിൽ എന്തെല്ലാം ഉൾപ്പെടും?

11 രൂപയുടെ ഇൻഷുറൻസ് നിങ്ങൾക്ക് പല വിഭാഗങ്ങളിലായി 25,000 രൂപയുടെ പരിരക്ഷ നൽകുന്നുണ്ട്.

കിടത്തിച്ചികിത്സ: പടക്കം പൊട്ടിത്തെറിച്ചതിനെത്തുടർന്ന് 24 മണിക്കൂറിലധികം നീണ്ടുനിൽക്കുന്ന ആശുപത്രിവാസത്തിന് 25,000 രൂപവരെ ലഭിക്കും.

ഡേകെയർ & ഔട്ട്പേഷ്യന്റ് ചികിത്സ: രാത്രി മുഴുവൻ ആശുപത്രിയിൽ കിടക്കാതെ പൊള്ളൽ പരിചരണവും 25,000 വരെയുള്ള ചികിത്സയും ഉൾപ്പെടുന്നു.

അപകടമരണ പരിരക്ഷ: അപകടമരണം സംഭവിച്ചാൽ ആശ്രിതർക്ക് നേരിട്ട് സാമ്പത്തിക സഹായം ലഭിക്കും.

അപകടമരണ ആനുകൂല്യം: പോളിസി പരിധിയിൽ വരുന്ന അപകടത്തിൽ പ്രധാന ഇൻഷുർഡ് വ്യക്തി മരണപ്പെട്ടാൽ 25,000 രൂപ ഒറ്റത്തവണയായി നൽകും.

ആനുകൂല്യങ്ങൾ പോളിസി എടുത്ത വ്യക്തിക്കും പങ്കാളിക്കും ആശ്രിതരായ രണ്ട് കുട്ടികൾക്കും ലഭിക്കുമെങ്കിലും അപകടമരണ പരിരക്ഷ പോളിസി എടുത്ത പ്രധാന വ്യക്തിക്ക് മാത്രമായി പരിമിതമാണ്. പരമാവധി 25,000 രൂപ വരെയാണ് പരിരക്ഷ ലഭിക്കുക. കമ്പനിയുടെ നിയമങ്ങളും വ്യവസ്ഥകളും അനുസരിച്ചായിരിക്കും യഥാർത്ഥ തുക അനുവദിക്കുക.

എങ്ങനെ പോളിസി എടുക്കാം?

• ഫോണിൽ ഫോൺപേ (PhonePe) ആപ്പ് എടുക്കുക.
• ഇൻഷുറൻസ് വിഭാഗം പരിശോധിക്കുക.
• പടക്ക ഇൻഷുറൻസ് തിരഞ്ഞെടുക്കുക
• ലഭ്യമായ പ്ലാനുകൾ, പ്രീമിയങ്ങൾ, ഇൻഷുറൻസ് കാലാവധി എന്നിവ പരിശോധിക്കുക.
• ഇൻഷുറൻസ് കമ്പനി, കവറേജ്, പോളിസി നിബന്ധനകൾ എന്നിവ മനസ്സിലാക്കുക.
• ആവശ്യമായ വിവരങ്ങൾ നൽകി പണം അടയ്ക്കുക.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക.

ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.