NIA: ഭീകരവാദ സംഘടനകളിലേക്ക് റിക്രൂട്ട്‌മെന്റ്: അസം സ്വദേശിയെ പട്ടാമ്പിയിൽ നിന്ന് പിടികൂടി എൻഐഎ

പാലക്കാട്: ഭീകരവാദ ബന്ധം ആരോപിച്ച് അസം സ്വദേശിയെ പട്ടാമ്പിയിൽ നിന്ന് എൻഐഎ കസ്റ്റഡിയിലെടുത്തു. ഭീകരവാദ സംഘടനകളിലേക്ക് യുവാക്കളെ റിക്രൂട്ട് ചെയ്യുന്നതുമായി ബന്ധപ്പെട്ട അന്വേഷണത്തിന്റെ ഭാഗമായാണ് നടപടി. പട്ടാമ്പി വിളയൂർ എടപ്പലത്തെ വാടകവീട്ടിൽ താമസിച്ചുവരികയായിരുന്ന ഇയാളെ എൻഐഎ സംഘം നടത്തിയ മിന്നൽ പരിശോധനയിലാണ് പിടികൂടിയത്.

അതിർത്തി കടന്നുള്ള ഭീകര പ്രവർത്തനങ്ങളും റിക്രൂട്ട്‌മെന്റും സംബന്ധിച്ച അന്വേഷണത്തിന്റെ ഭാഗമായാണ് ദേശീയ അന്വേഷണ ഏജൻസി‌ രാജ്യവ്യാപക പരിശോധന നടത്തിയത്. അസം, പശ്ചിമ ബംഗാൾ, കേരളം എന്നീ സംസ്ഥാനങ്ങളിലെ 16 കേന്ദ്രങ്ങളിലാണ് ഒരേസമയം റെയ്ഡ് നടന്നത്. അസമിലെ 10 ഇടങ്ങളിലും പശ്ചിമ ബംഗാളിലെ 5 ഇടങ്ങളിലും കേരളത്തിലെ ഒരു കേന്ദ്രത്തിലുമായിരുന്നു പരിശോധന. യുവാക്കളെ തീവ്രവാദത്തിലേക്ക് ആകർഷിക്കുന്നതും സംഘടനയുടെ ശൃംഖല വ്യാപിപ്പിക്കുന്നതും തടയുന്നതിന്റെ ഭാഗമായാണ് എൻ.ഐ.എയുടെ ഈ നടപടി.

ഭീകര ഗൂഢാലോചനാ കേസുമായി ബന്ധപ്പെട്ട് 11 പ്രതികൾക്കെതിരെ ഗുവാഹത്തിയിലെ എൻ.ഐ.എ പ്രത്യേക കോടതിയിൽ കുറ്റപത്രം സമർപ്പിച്ചിരുന്നു. ഭാരതീയ ന്യായ സംഹിത, നിയമവിരുദ്ധ പ്രവർത്തന തടയൽ നിയമം എന്നിവയിലെ കർശന വകുപ്പുകൾ ചുമത്തിയാണ് കേസ് രജിസ്റ്റർ ചെയ്തിരിക്കുന്നത്. നിരോധിത സംഘടനയായ ജമാഅത്തുൽ മുജാഹിദീൻ ബംഗ്ലാദേശിന്റെ പ്രവർത്തനം ഇന്ത്യയിൽ ശക്തമാക്കുന്നതിനായി, സംഘടനയിലെ മുതിർന്ന അംഗമായ 'ഇമാം മഹ്‌മൂദ് ഹബീബുള്ള'യുടെ നേതൃത്വത്തിലാണ് IMK രൂപീകരിച്ചതെന്ന് എൻ.ഐ.എ വ്യക്തമാക്കി. പശ്ചിമ ബംഗാൾ, അസം, ത്രിപുര തുടങ്ങിയ സംസ്ഥാനങ്ങളിൽ സ്വാധീനം ഉറപ്പിക്കാനായിരുന്നു പദ്ധതി. രഹസ്യ യോഗങ്ങൾ, തീവ്രവാദ പഠന ക്ലാസുകൾ, ലഘുലേഖ വിതരണം, ഡിജിറ്റൽ പ്ലാറ്റ്‌ഫോമുകൾ എന്നിവ വഴിയാണ് പ്രതികൾ രാജ്യവിരുദ്ധ പ്രചാരണം നടത്തിയിരുന്നത്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.

ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.