Thiruvananthapuram

Photo Gallery

Summer Health Tips: കടുത്ത ചൂടിനെ കൂളായി നേരിടാം! ഈ അഞ്ച് പാനീയങ്ങൾ മികച്ചത്

Roniya Baby12d ago

പ്രതിരോധ ശേഷി വർധിപ്പിക്കാനും ശരീരത്തിൽ ആവശ്യത്തിന് ജലാംശം നിലനിർത്താനും സഹായിക്കുന്ന മികച്ച പാനീയങ്ങൾ ഏതെല്ലാമാണെന്ന് അറിയാം.

കനത്ത ചൂടിൽ ശരീരത്തെ ജലാംശം നഷ്ടപ്പെടാനും നിർജ്ജലീകരണം ഉണ്ടാകാനും സാധ്യത വളരെ കൂടുതലാണ്. അതിനാൽ, കനത്ത ചൂടിനെ പ്രതിരോധിക്കാൻ സഹായിക്കുന്ന ആരോഗ്യകരമായ പാനീയങ്ങൾ കുടിക്കേണ്ടത് പ്രധാനമാണ്.

വിറ്റാമിൻ സിയുടെ മികച്ച ഉറവിടമാണ് നെല്ലിക്ക. ശരീരത്തെ ശുദ്ധീകരിക്കാനും രോഗപ്രതിരോധ ശേഷി മികച്ചതാക്കാനും നെല്ലിക്ക ജ്യൂസ് കഴിക്കുന്നത് നല്ലതാണ്. ഇത് ശരീരത്തിന് തണുപ്പ് നൽകുകയും ദഹനം മികച്ചതാക്കുകയും ചർമ്മത്തിന് തിളക്കം നൽകുകയും ചെയ്യും.

ബെറിയിൽ ആൻറിഓക്സിഡൻറുകൾ ധാരാളമായി അടങ്ങിയിരിക്കുന്നു. ഇവയിലെ ആന്തോസയാനിനുകൾ ഓക്സിഡേറ്റീവ് സമ്മർദ്ദത്തെ ചെറുക്കുന്നു. ബ്ലൂബെറി അല്ലെങ്കിൽ സ്ട്രോബെറി, തൈര്, അൽപം ബദാം പാൽ എന്നിവ ചേർത്ത് സ്മൂത്തി തയ്യാറാക്കി കുടിക്കുന്നത് ആരോഗ്യത്തിന് ഗുണം ചെയ്യും. ഇത് വേനൽക്കാലത്തെ ചൂടിനെ ചെറുക്കാനും ശരീരത്തിന് ഉന്മേഷം നൽകാനും സഹായിക്കും.

ഗ്രീൻ ടീയിൽ കാറ്റെച്ചിനുകൾ അടങ്ങിയിരിക്കുന്നു. ഇത് ഫ്രീ റാഡിക്കലുകളെ ചെറുക്കാനും വീക്കം കുറയ്ക്കാനും സഹായിക്കുന്ന ആൻറി ഓക്സിഡൻറ് ആണ്. ഗ്രീ ടീയിൽ നാരങ്ങും പുതിനയും ചേർത്ത് കഴിക്കുന്നത് കൂടുതൽ ഗുണം ചെയ്യും. ഇത് മെറ്റബോളിസം വർധിപ്പിക്കാനും ശരീരഭാരം കുറയ്ക്കാനും മികച്ചതാണ്.

ഉയർന്ന അളവിൽ പോളിഫെനോളുകളും ഫ്ലേവനോയ്ഡുകളും അടങ്ങിയ മാതളനാരങ്ങ ജ്യൂസ് വേനൽക്കാലത്തെ ചൂടിനെ പ്രതിരോധിക്കാൻ സഹായിക്കുന്നു. ഇത് രക്തയോട്ടം വർധിപ്പിക്കാനും ഹൃദയാരോഗ്യം മികച്ചതാക്കാനും സഹായിക്കുന്നു. പഞ്ചസാര ചേർക്കാതെ മാതളനാരങ്ങ ജ്യൂസ് കുടിക്കുന്നത് കൂടുതൽ ഗുണം നൽകും.

പുതിനയും നാരങ്ങയും ചേർത്ത തേങ്ങാവെള്ളം കുടിക്കുന്നത് ശരീരത്തിന് തണുപ്പ് നൽകും. തേങ്ങാവെള്ളത്തിലെ പ്രകൃതിദത്ത ആൻറി ഓക്സിഡൻറുകളും ഇലക്ട്രോലൈറ്റുകളും ആരോഗ്യത്തിന് മികച്ചതാണ്. ഇത് ശരീരത്തിന് ഉന്മേഷം നൽകാൻ സഹായിക്കുന്നു. ഇത് നിർജ്ജലീകരണം തടയാനും സഹായിക്കുന്നു.

#Health News #Health Tips

Roniya Baby