probe on nipah cases: നിപ്പ ബാധിച്ച രോഗികള്‍ മരിച്ച്ത് ട്രയൽ മരുന്നിലാണോ എന്ന് പരിശോധിക്കും

High Blood Pressure: മരുന്നില്ലാതെ ഉയർന്ന ബിപി നിയന്ത്രിക്കാം; ഇക്കാര്യങ്ങൾ ദിവസവും ശീലമാക്കാം!

ഉയർന്ന രക്തസമ്മർദ്ദം നിരവധി ആളുകളെ ബാധിക്കുന്ന ആരോഗ്യപ്രശ്നം ആണ്. ബിപി നിയന്ത്രിക്കാൻ പലർക്കും മരുന്നിൻറെ സഹായം ആവശ്യമായി വന്നേക്കാം. മരുന്നിനൊപ്പം തന്നെ ആരോഗ്യകരമായ ജീവിതശൈലിയും ജീവിതത്തിൻറെ ഭാഗമാക്കുന്നത് രക്തസമ്മർദ്ദം നിയന്ത്രിക്കാൻ സഹായിക്കും. കൃത്യമായ വ്യായാമം, ആരോഗ്യകരമായ ഭക്ഷണശീലങ്ങൾ, ശരീരഭാരം നിയന്ത്രിക്കുന്നത്, സമ്മർദ്ദം കുറയ്ക്കുന്നത്, മതിയായ ഉറക്കം ശീലമാക്കുന്നത് തുടങ്ങിയ കാര്യങ്ങൾ പ്രധാനമാണ്. ദൈന്യംദിന ജീവിതത്തിലെ പല ശീലങ്ങളും ആരോഗ്യകരമായ രീതിയിൽ പിന്തുടരുന്നതാണ് ബിപി നിയന്ത്രിക്കാൻ കൂടുതൽ ഗുണകരം. എന്നാൽ, ബിപി നിയന്ത്രിക്കുന്നതിനായി ഡോക്ടർ മരുന്ന് നിർദേശിച്ചിട്ടുണ്ടെങ്കിൽ ഡോക്ടറുടെ നിർദേശപ്രകാരം അല്ലാതെ സ്വമേധയാ മരുന്ന് നിർത്തുകയോ ഡോസിൽ വ്യത്യാസം വരുത്തുകയോ ചെയ്യരുത്. ജീവിതശൈലിയിൽ വരുത്തുന്ന മാറ്റങ്ങൾ മരുന്നിന് പകരം അല്ല. ഇത് ചികിത്സയ്ക്ക് ഒപ്പം പിന്തുടരേണ്ട ശീലങ്ങൾ ആണ്.

IV Drip Therapy: നവരാത്രി ആഘോഷങ്ങളിൽ ട്രെൻഡായി ഐവി ഡ്രിപ്പ് തെറാപ്പി; മുന്നറിയിപ്പുമായി ഡോക്ടർമാർ

Healthy Diet: രാത്രി വൈകി ഭക്ഷണം കഴിക്കുന്നവരാണോ നിങ്ങൾ? ശരീരം നൽകുന്ന ഈ മുന്നറിയിപ്പുകൾ അവഗണിക്കരുത്!

രാത്രി വൈകി ഭക്ഷണം കഴിക്കുന്നത് ഹൃദയാരോഗ്യത്തിന് ദോഷകരമാണെന്ന് നിരന്തരം കേൾക്കുന്ന കാര്യമാണ്. എന്നാൽ, അത്താഴം കഴിക്കുന്നതിന് കൃത്യമായ ഒരു സമയം ഉണ്ടോ? ഭക്ഷണ സമയത്തിന് ചില പ്രാധാന്യങ്ങളുണ്ട്. എന്നാൽ അത് മാത്രമല്ല പ്രധാന ഘടകം എന്നാണ് ഹൃദ്രോഗ വിദഗ്ധർ വ്യക്തമാക്കുന്നത്. നമ്മുടെ ശരീരത്തിൻറെ സ്വാഭാവികമായ 24 മണിക്കൂർ ജൈവഘടികാരം (സർക്കാഡിയൻ റിഥം) ദഹനം, രക്തസമ്മർദ്ദം, ഹോർമോൺ പ്രവർത്തനം എന്നിവയെ സ്വാധീനിക്കും. രാത്രി വൈകി, പ്രത്യേകിച്ച് ഉറങ്ങാൻ പോകുന്നതിന് തൊട്ടുമുൻപ് വലിയ അളവിൽ ഭക്ഷണം കഴിക്കുന്നത് ഈ പ്രക്രിയകളുടെ സുഗമമായ പ്രവർത്തനത്തെ തടസപ്പെടുത്തിയേക്കാം. സമയക്രമമില്ലാത്തതോ രാത്രി വൈകിയുള്ളതോ ആയ ഭക്ഷണരീതികൾ ഉയർന്ന രക്തസമ്മർദ്ദം, പ്രമേഹം മറ്റ് ഹൃദ്രോഗങ്ങൾ എന്നിവയ്ക്കുള്ള സാധ്യത വർധിപ്പിക്കുന്നുവെന്ന് അമേരിക്കൻ ഹാർട്ട് അസോസിയേഷൻ വ്യക്തമാക്കുന്നു. എന്നാൽ, വൈകി രാത്രി ഭക്ഷണം കഴിക്കുന്നത് മാത്രമാണ് ഹൃദ്രോഗങ്ങൾക്ക് നേരിട്ട് കാരണമാകുന്നതെന്ന് ഇതിന് അർഥമില്ല. രാത്രി വൈകി ഭക്ഷണം കഴിക്കുന്ന ശീലത്തോടൊപ്പം കൃത്യമല്ലാത്ത ഉറക്കം, വ്യായാമക്കുറവ്, കൊഴുപ്പേറിയ ഭക്ഷണങ്ങൾ എന്നിവയും സാധാരണയായി ഉണ്ടാകാൻ സാധ്യത വളരെ കൂടുതലാണ്. അതിനാൽ അപൂർവമായി മാത്രം രാത്രിഭക്ഷണം വൈകി കഴിച്ചാൽ പരിഭ്രാന്തരാകേണ്ടതില്ല. എന്നാൽ ഇത് പതിവാകുന്നത് ആരോഗ്യത്തെ ദോഷകരമായി ബാധിക്കും. ഹൃദയത്തിൻറെ ആരോഗ്യം മികച്ചതാക്കാൻ സമീകൃതാഹാരം കഴിക്കുക, ഉറങ്ങുന്നതിന് തൊട്ടുമുൻപ് അമിതമായി ഭക്ഷണം കഴിക്കുന്നത് ഒഴിവാക്കുക, കൃത്യമായി വ്യായാമം ചെയ്യുക, ആവശ്യത്തിന് ഉറങ്ങുക എന്നിവ ശീലമാക്കണം. അതായത്, ഭക്ഷണം കഴിക്കുന്ന സമയം പ്രധാനമാണെങ്കിലും എന്ത് കഴിക്കുന്നു, എത്ര അളവിൽ കഴിക്കുന്നു, ജീവിതശൈലി എന്നിവയാണ് കൂടുതൽ പ്രാധാന്യമുള്ളത്. രാത്രി വൈകി ഭക്ഷണം കഴിക്കുന്നത് രാത്രികാലങ്ങളിൽ ശരീരം കൊഴുപ്പും പഞ്ചസാരയും കൈകാര്യം ചെയ്യുന്ന രീതിയെയും ദഹനത്തെയും ഉറക്കത്തിൻറെ ഗുണനിലവാരത്തെയും ബാധിച്ചേക്കാം. നേരത്തെ അത്താഴം കഴിക്കാൻ സാധിക്കാത്തവർ പ്രായോഗികമായ ചില മാറ്റങ്ങൾ ഭക്ഷണക്രമത്തിൽ വരുത്തണം. ലഘുവായ ആഹാരം കഴിക്കാൻ ശ്രമിക്കുക, ഭക്ഷണം കഴിച്ച ശേഷം അൽപം നടക്കാൻ ശ്രമിക്കുക എന്നിവ വൈകി ഭക്ഷണം കഴിക്കുമ്പോൾ ശരീരത്തിനുണ്ടാകുന്ന ദോഷങ്ങളിൽ നിന്ന് ഒരുപരിധി വരെ തടയാൻ സഹായിക്കും. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Health Tips: വേനൽച്ചൂടിൽ ശരീരത്തെ തണുപ്പിക്കാം; ഈ പഴങ്ങൾ ഡയറ്റിൽ ഉൾപ്പെടുത്തൂ!

24 hours Doctor: 24 മണിക്കൂറും സ്പെഷ്യലിസ്റ്റ് ഡോക്ടറുടെ സേവനം: ഡോക്ടർമാരുടെ പുനർവിന്യാസത്തിന് അന്തിമ രൂപരേഖ

സംസ്ഥാനത്തെ ജില്ലാ, ജനറൽ ആശുപത്രികളിൽ വൻ മാറ്റങ്ങളാണ് വരാന്‍ പോകുന്നത്. ഇതിന്റെ ഭാഗമായി ആശുപത്രികളിൽ 24 മണിക്കൂറും സ്പെഷ്യലിസ്റ്റ് ഡോക്ടറുടെ സേവനം വേണമെന്ന് ആരോഗ്യവകുപ്പ് ഉത്തരവിട്ടിരുന്നു. പദ്ധതിയുടെ ഭാഗമായി ഡോക്ടർമാരുടെ പുനർവിന്യാസത്തിനുള്ള അന്തിമ രൂപരേഖ തയാറായി. കേരള ഗവൺമെന്റ് മെഡിക്കൽ ഓഫീസേഴ്സ് അസോസിയേഷന്റെ (KGMOA) എതിർപ്പുകൾ മറികടന്നാണ് പദ്ധതിയുമായി സര്‍ക്കാര്‍ മുന്നോട്ട് പോകുന്നത്. ജനറൽ മെഡിസിൻ, പീഡിയാട്രിക്സ്, ഓർത്തോപീഡിക്സ്, ജനറൽ മെഡിസിൻ, സർജറി തുടങ്ങിയ എതെങ്കിലും വിഭാഗങ്ങളിലെ ഒരു ഡോക്ടറുടെ എങ്കിലും സേവനം ജില്ലാ, ജനറൽ ആശുപത്രികളിൽ 24 മണിക്കൂറും ഉണ്ടായിരിക്കണം എന്നാണ് നീക്കം. ഒ.പി സമയം കഴിഞ്ഞാലും ആശുപത്രിയിൽ സ്പെഷ്യലിസ്റ്റ് ഡോക്ടറുടെ സാന്നിധ്യം ഉറപ്പാക്കാനാണ് ഇതിലൂടെ ലക്ഷ്യം വെക്കുന്നത്. മാത്രമല്ല രാത്രികാലങ്ങളിൽ അടിയന്തര ചികിത്സ വേഗത്തിൽ ലഭ്യമാക്കാനും പദ്ധതി സഹായിക്കും കൂടാതെ മെഡിക്കൽ കോളേജിലേക്ക് അനാവശ്യമായി റഫർ ചെയ്യുന്നത് ഒഴിവാക്കാനും ഇതിലൂടെ സാധിക്കും. ആദ്യഘട്ടമായി പത്തനംതിട്ടയിലെ പുനലൂർ താലൂക്ക് ആശുപത്രിയിലാണ് 24 മണിക്കൂറും സ്പെഷ്യസിസ്റ്റ് ഡോകറുടെ സേവനം ലഭ്യമാക്കുന്ന പദ്ധതി നടപ്പിലാക്കുക. പുനലൂരിൽ 15 സ്പെഷ്യലിസ്റ്റ് ഡോക്ടർമാരെയാണ് ഈ സേവനത്തിനായി അധികമായി ആവശ്യമുള്ളത്. കൊല്ലം ജില്ലയിലെ പ്രാഥമിക, സാമൂഹ്യ ആരോഗ്യകേന്ദ്രങ്ങളിൽ നിന്നുള്ള 74 ഡോക്ടർമാരെ ഇവിടേക്ക് നിയമിക്കും. മാത്രമല്ല ആവശ്യമെങ്കില്‍ പാരിപ്പള്ളി മെഡിക്കൽ കോളേജിൽ നിന്നുള്ള സേവനവും പ്രയോജനപ്പെടുത്തും. പുതിയ തസ്തികകൾ സൃഷ്ടിക്കാതെ പദ്ധതി നടപ്പാക്കാനാണ് നീക്കം. പി.ജി യോഗ്യതയുള്ള അസിസ്റ്റന്റ് സർജന്മാരെ ജൂനിയർ കൺസൾട്ടന്റുമാരായി താത്കാലികമായി നിയമിച്ച് പിന്നീട് തസ്തികകൾ പുനർനാമകരണം ചെയ്യാനും നീക്കമുണ്ട്. ആറ് മാസത്തിനുള്ളില്‍ കേരളത്തിലെ മുഴുവന്‍ ജില്ലാ, ജനറല്‍ ആശുപത്രികളിലും പദ്ധതി നടപ്പിലാക്കാനാണ് സര്‍ക്കാര്‍ ലക്ഷ്യമിടുന്നത്. അഡീഷണല്‍ ഡയറക്ട‌ര്‍ ഓഫ് ഹെല്‍ത്ത് സര്‍വീസസ് (ADHS) ഡോ. ശ്രീനുവിനെ സ്പെഷ്യല്‍ ഓഫീസറായി ചുമതലപ്പെടുത്തിയാണ് പദ്ധതിയുടെ ഏകോപനവും നടത്തിപ്പും. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ്ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

കൂടുതൽ പ്രോട്ടീൻ ആരോഗ്യത്തിന് ദോഷമോ? പുതിയ പഠനം പറയുന്നത് ഇങ്ങനെ...

ആരോഗ്യത്തിന് ഭക്ഷണക്രമം ഒരു വലിയ ഫാക്ടറാണ്. ഭക്ഷണക്രമത്തിൽ നമ്മൾ ഉണ്ടാക്കുന്ന മാറ്റങ്ങൾ നാം അറിയാതെ തന്നെ ആരോഗ്യത്തെയും സ്വാധീനിക്കും. പ്രോട്ടീൻ ശരീരത്തിന് ഒഴിച്ചുകൂടാനാകാത്ത ഒന്നാണ്. എന്നാൽ പ്രോട്ടീൻ കഴിക്കുന്നതിന് കൃത്യമായ അളവുണ്ടോ? ആരൊക്കെ ഏതൊക്കെ അളവിൽ കഴിക്കണം? പേശികളുടെ വളർച്ചയ്ക്കും ശരീരഭാരം കുറയ്ക്കുന്നതിനും ഉയർന്ന പ്രോട്ടീൻ അടങ്ങിയ ഭക്ഷണം അത്യാവശ്യമാണ്. എന്നാൽ പ്രായമായവരിൽ പ്രോട്ടീൻ അടങ്ങിയ ഭക്ഷണം ധാരാളം കഴിക്കുന്നത് നല്ലതല്ല. പ്രായമാകുമ്പോൾ ശരീരം ആവശ്യപ്പെടുന്നതിനേക്കാൾ അല്പം കുറഞ്ഞ അളവിൽ പ്രോട്ടീൻ കഴിക്കുന്നത് ആരോഗ്യത്തോടെ ജീവിക്കാനും വാർദ്ധക്യ സഹജമായ രോഗങ്ങൾ തടയാൻ സഹായിക്കുമെന്ന് പുതിയ പഠനം വ്യക്തമാക്കുന്നു. 350-ലധികം പഠനങ്ങൾ വിശകലനം ചെയ്തുകൊണ്ടാണ് ഇത്തരത്തിലൊരു നിഗമനത്തിൽ എത്തിയിരിക്കുന്നത്. പ്രോട്ടീൻ, അമിനോ ആസിഡ് എന്നിവയുടെ ഉപഭോഗവും വാർദ്ധക്യം, ശരീരത്തിന്റെ ഉപാപചയം (metabolism), ആയുസ്സ് എന്നിവയും തമ്മിലുള്ള ബന്ധത്തെക്കുറിച്ച് നടത്തിയ പഠനത്തിലാണ് ഇക്കാര്യം വെളിപ്പെടുന്നത്. പ്രായമായവർ പ്രോട്ടീൻ അളവ് അല്പം കുറയ്ക്കുന്നതാണ് ആരോഗ്യത്തിന് നല്ലത്. പഠനം പറയുന്നത് എന്ത്? മൃഗങ്ങളിൽ നിന്നുള്ള പ്രോട്ടീനുകളിൽ അടങ്ങിയിരിക്കുന്ന പ്രത്യേക അമിനോ ആസിഡുകൾ കൂടുതൽ കഴിക്കുന്നത് ശരീരത്തിന്റെ പ്രവർത്തനം വേഗത്തിലാക്കുകയും, അതുവഴി വേഗത്തിൽ വാർദ്ധക്യവും രോഗങ്ങൾ ഉണ്ടാകാൻ ഇടയാക്കുകയും ചെയ്യുമെന്ന് പഠനം വ്യക്തമാക്കുന്നു. എല്ലാവരും പ്രോട്ടീൻ കുറച്ച് കഴിക്കണോ? പ്രോട്ടീൻ എത്ര കഴിക്കണം എന്നത് വ്യക്തിയുടെ പ്രായം, ശാരീരിക പ്രവർത്തനങ്ങൾ, ആരോഗ്യം എന്നിവയെ ആശ്രയിച്ചിരിക്കുന്നു. പ്രായമായവർ, കായികതാരങ്ങൾ, രോഗങ്ങളിൽ നിന്ന് മുക്തി നേടുന്നവർ, പേശികളുടെ ബലം നഷ്ടപ്പെട്ടവർ എന്നിങ്ങനെയുള്ളവർക്ക് പേശികളുടെ കരുത്ത് നിലനിർത്താൻ കൂടുതൽ പ്രോട്ടീൻ ആവശ്യമാണ്. എന്നാൽ, ആരോഗ്യമുള്ള മുതിർന്നവരോ പ്രോട്ടീൻ സപ്ലിമെന്റുകൾ കഴിക്കുന്നവരോ ആണ് നിങ്ങളെങ്കിൽ കൂടുതൽ പ്രോട്ടീൻ കഴിക്കേണ്ടതില്ല. ആരോഗ്യ സംഘടനകൾ ശുപാർശ ചെയ്യുന്നത്... ലോകാരോഗ്യ സംഘടന (WHO) ശുപാർശ ചെയ്യുന്ന സമീകൃതാഹാരത്തിന്റെ പ്രധാന ഭാഗമാണ് പ്രോട്ടീൻ അടങ്ങിയ ഭക്ഷണം. പ്രോട്ടീന്റെ അളവിൽ മാത്രം ശ്രദ്ധ കേന്ദ്രീകരിക്കുന്നതിന് പകരം, ധാന്യങ്ങൾ, പഴങ്ങൾ, പച്ചക്കറികൾ, പയർവർഗ്ഗങ്ങൾ, നട്സ്, ആരോഗ്യകരമായ കൊഴുപ്പ് തുടങ്ങിയ പോഷകസമൃദ്ധമായ മറ്റ് ആഹാരങ്ങളുമായി പ്രോട്ടീൻ ചേർത്ത് കഴിക്കുക. ശരീരത്തിന്റെ വളർച്ചയ്ക്കും കേടുപാടുകൾ കുറയ്ക്കുന്നതിനും പ്രോട്ടീൻ വളരെ പ്രധാനമാണെന്ന് നാഷണൽ ഇൻസ്റ്റിറ്റ്യൂട്ട് ഓഫ് ഹെൽത്ത് വ്യക്തമാക്കുന്നു. എന്നാൽ, പ്രായത്തിന് പുറമെ ഒരാളുടെ ശാരീരിക പ്രവർത്തനങ്ങളുടെ തോതും ആരോഗ്യസ്ഥിതിയും അനുസരിച്ചായിരിക്കണം പ്രോട്ടീന്റെ അളവ് തീരുമാനിക്കേണ്ടത്. ഭൂരിഭാഗം മുതിർന്നവർക്കും ആവശ്യത്തിന് പ്രോട്ടീൻ ലഭിക്കാൻ വലിയ തോതിൽ പ്രോട്ടീൻ സപ്ലിമെന്റുകളുടെ ആവശ്യമില്ലെന്നും മയോ ക്ലിനിക്ക് ശുപാർശ ചെയ്യുന്നു. അധികമാകാതെയും കുറഞ്ഞുപോകാതെയും കൃത്യമായ അളവിൽ പ്രോട്ടീൻ കഴിക്കണമെന്ന് പഠനങ്ങൾ നിർദ്ദേശിക്കുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.