Thiruvananthapuram

Photo Gallery

Best Carb Foods: കാർബ്സ് കഴിച്ചും വണ്ണം കുറയ്ക്കാം! ഡയറ്റിൽ ഉൾപ്പെടുത്തേണ്ട മികച്ച കാർബോഹൈഡ്രേറ്റുകൾ...

Karthika V8d ago

ശരീരഭാരം കുറയ്ക്കാൻ ആഗ്രഹിക്കുന്നവർ ഭക്ഷണത്തിൽ ഉൾപ്പെടുത്തേണ്ട മികച്ച കാർബോഹൈഡ്രേറ്റുകൾ ഏതൊക്കെ?

ശരീരഭാരം കുറയ്ക്കുന്നതിനായി പൂർണമായും കാർബ്സ് ഒഴിവാക്കേണ്ട കാര്യമില്ല. ഡയറ്റിൽ ഉൾപ്പെടുത്തേണ്ട മികച്ച കാർബോഹൈഡ്രേറ്റുകൾ ഏതൊക്കെയെന്ന് പരിചയപ്പെടാം...

പെട്ടെന്ന് വയറു നിറയ്ക്കാനും വണ്ണം കുറയ്ക്കാനും സഹായിക്കുന്ന കാർബോഹൈഡ്രേറ്റ് ഭക്ഷണമാണ് ഓട്സ്. ഇതിൽ ധാരാളം ഫൈബർ അടങ്ങിയിട്ടുണ്ട്. അഥുകൊണ്ട് തന്നെ കൂടുതൽ സമയം വിശപ്പില്ലാതെ നിലനിൽക്കാൻ ഇത് സഹായിക്കും. ബ്രേക്ക്ഫാസ്റ്റിന് ഓട്സിനൊപ്പം ഗ്രീക്ക് തൈര്, കോട്ടേജ് ചീസ്, നട്സുകൾ, പഴങ്ങൾ എന്നിവ ചേർത്ത് കഴിക്കുന്നത് കൂടുതൽ പോഷകസമൃദ്ധമാക്കും.

ശരീരഭാരം കുറയ്ക്കുന്നതിന് ബ്രൗൺ റൈസ്, ക്വിനോവ, ബാർലി തുടങ്ങിയ പൂർണ്ണ ധാന്യങ്ങൾ അഥവാ whole grain ഭക്ഷണത്തിൽ ഉൾപ്പെടുത്തുക. കാർബോഹൈഡ്രേറ്റിനൊപ്പം ഫൈബറും പ്രധാനപ്പെട്ട സൂക്ഷ്മ പോഷകങ്ങളും (micronutrients) ഇവ നൽകുന്നു

ശരീരഭാരം കുറയ്ക്കാൻ ആഗ്രഹിക്കുന്നവർക്ക് ഡയറ്റിൽ ധൈര്യമായി ഉൾപ്പെടുത്താവുന്നതാണ് ബെറി പഴങ്ങളും തണ്ണിമത്തനും. കലോറി കൂടാതെ മധുരം ആസ്വദിക്കാൻ ഇവ കഴിക്കാം. ഇവയിൽ ജലാംശം ഉയർന്ന അളവിലുണ്ട്. കൂടാതെ ഫൈബറും പോഷകങ്ങളും അടങ്ങിയവയാണ് ഈ പഴങ്ങൾ.

ഉരുളക്കിഴങ്ങ് കേൾക്കുമ്പോൾ തടി കുറയ്ക്കാൻ സഹായിക്കുന്ന ഭക്ഷണമാണോ അതെന്ന് തോന്നുമായിരിക്കും. എന്നാൽ കൃത്യമായ രീതിയിൽ തയാറാക്കി കഴിച്ചാൽ കുറഞ്ഞ കലോറിയിൽ കൂടുതൽ സമയം വയറു നിറഞ്ഞിരിക്കാൻ സഹായിക്കുന്നതാണിത്. പുഴുങ്ങിയതോ ബേക്ക് ചെയ്തതോ ആയ ഉരുളക്കിഴങ്ങ് കൊഴുപ്പ് കുറഞ്ഞ പ്രോട്ടീനും പച്ചക്കറികളുമായി ചേർത്ത് കഴിക്കാം.

‌ദ്രുതഗതിയിൽ വയറു നിറയ്ക്കാൻ സഹായിക്കുന്ന ഒരു ഭക്ഷണമാണ് മധുരക്കിഴങ്ങ്. ശരീരത്തിന് ആവശ്യമായ വൈറ്റമിനുകളും മിനറലുകളും നഇതിൽ നിന്ന് ലഭിക്കും. മധുരക്കിഴങ്ങിന്റെ പൂർണ്ണ പോഷകഗുണം ലഭിക്കണമെങ്കിൽ അതിന്റെ തൊലി കളയാതെ കഴിക്കണം.

Karthika V