Ranji Trophy: രഞ്ജി ട്രോഫി: ഗുജറാത്തിന് കൂറ്റൻ ലീഡ്, ആദ്യ ഇന്നിങ്സ് തകർച്ചയ്ക്ക് പിന്നാലെ കേരളത്തിന് ഫോളോ ഓൺ

അഹമ്മദാബാദ്: രഞ്ജി ട്രോഫി ക്രിക്കറ്റ് മത്സരത്തിൽ ഗുജറാത്തിനെതിരെ കേരളത്തിന് ഫോളോ ഓൺ. ഗുജറാത്തിന്റെ കൂറ്റൻ സ്കോറായ 534 റൺസിന് മറുപടിയായി ഒന്നാം ഇന്നിങ്സ് ബാറ്റിങ്ങിനിറങ്ങിയ കേരളത്തിന്റെ പോരാട്ടം 279 റൺസിൽ അവസാനിച്ചു. ഇതോടെ 255 റൺസിന്റെ ഭീമമായ ലീഡ് വഴങ്ങി രണ്ടാമതും ബാറ്റിങ്ങിനിറങ്ങിയ കേരളം മൂന്നാം ദിവസം കളി നിർത്തുമ്പോൾ ഒരു വിക്കറ്റ് നഷ്ടത്തിൽ 41 റൺസ് എന്ന നിലയിലാണ്. മുൻനിര തകർന്നടിഞ്ഞ് വലിയ നാണക്കേടിന്റെ വക്കിലെത്തിയ കേരളത്തെ മധ്യനിര ബാറ്റർമാരാണ് കരകയറ്റിയത്. മൂന്ന് വിക്കറ്റിന് 74 റൺസ് എന്ന സ്കോറിൽ മൂന്നാം ദിനം ബാറ്റിങ് പുനരാരംഭിച്ച കേരളത്തിനായി സച്ചിൻ ബേബിയും വിഷ്ണു വിനോദും ചേർന്ന് 46 റൺസിന്റെ കൂട്ടുകെട്ടുണ്ടാക്കി. ക്രീസിൽ നിലയുറപ്പിച്ച സച്ചിൻ ബേബി 42 റൺസെടുത്ത് നിൽക്കെ സിദ്ധാർത്ഥ് ദേശായിയുടെ പന്തിൽ പുറത്തായി. വിഷ്ണു വിനോദ് വെറും 57 പന്തിൽ നിന്ന് അർദ്ധ സെഞ്ചുറി പൂർത്തിയാക്കി. സിദ്ധാർത്ഥ് ദേശായിയെ സിക്സറിന് പറത്തിയാണ് വിഷ്ണു അർദ്ധ സെഞ്ചുറി തികച്ചത്. ആ ഓവറിൽ തന്നെ ഒരു ഫോറും സിക്സും കൂടി താരം നേടി. ഒടുവിൽ 66 റൺസെടുത്ത വിഷ്ണു വിനോദ് അമിത് ദേശായിക്ക് വിക്കറ്റിന് മുന്നിൽ കുടുങ്ങി മടങ്ങുകയായിരുന്നു. ആറാം വിക്കറ്റിൽ മൊഹമ്മദ് അസറുദ്ദീനും ആദിത്യ സർവാതെയും ചേർന്ന് കേരളത്തിന് വീണ്ടും കരുത്തേകി. ഇരുവരും ചേർന്ന് 95 റൺസ് കൂട്ടിച്ചേർത്തു. എന്നാൽ 58 റൺസ് നേടിയ സർവാതെ സിദ്ധാർത്ഥ് ദേശായിയുടെ പന്തിൽ പുറത്തായതോടെ കേരളം വീണ്ടും പ്രതിസന്ധിയിലായി. സ്കോറിലേക്ക് 30 റൺസ് കൂടി ചേർക്കുന്നതിനിടെ ശേഷിക്കുന്ന നാല് വിക്കറ്റുകൾ കൂടി നഷ്ടമായി. മുഹമ്മദ് അസറുദ്ദീൻ 57 റൺസ് നേടി. ഗുജറാത്തിന് വേണ്ടി അർസാൻ നഗ്വാസ്വെല്ല നാല് വിക്കറ്റും ചിന്തൻ ഗജ മൂന്ന് വിക്കറ്റും സിദ്ധാർത്ഥ് ദേശായി രണ്ട് വിക്കറ്റും വീഴ്ത്തി. ഫോളോ ഓൺ ചെയ്ത് രണ്ടാം ഇന്നിങ്സ് ബാറ്റിങ് ആരംഭിച്ച കേരളത്തിന് തുടക്കത്തിൽ തന്നെ തിരിച്ചടിയേറ്റ് ഓപ്പണർ റോഹൻ കുന്നുമ്മലിന്റെ വിക്കറ്റ് നഷ്ടമായി. വെറും 7 റൺസ് എടുത്ത റോഹൻ, അർസാൻ നഗ്വാസ്വെല്ലയുടെ പന്തിൽ ക്ലീൻ ബൗൾഡ് ആവുകയായിരുന്നു. തുടർന്ന് ക്രീസൊന്നിച്ച സച്ചിൻ ബേബിയും അഭിഷേക് പി. നായരും കൂടുതൽ നഷ്ടങ്ങളില്ലാതെ പിടിച്ചുനിന്നതോടെ മൂന്നാം ദിവസത്തെ കളി അവസാനിപ്പിച്ചു. ജാഗ്രതയോടെ ബാറ്റേന്തിയ അഭിഷേക് 29 റൺസുമായി പുറത്താകാതെ നിൽക്കുമ്പോൾ, റൺസൊന്നും നേടാതെ സച്ചിൻ ബേബിയാണ് അദ്ദേഹത്തിനൊപ്പം ക്രീസിലുള്ളത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Jesus De Miguel: മത്സരത്തിനിടെ ഗോൾകീപ്പറുമായി കൂട്ടിയിടിച്ചു; ഗുരുതര പരിക്കേറ്റ സ്പാനിഷ് താരം ജെസ്യൂസ് ഡി മിഗുവേൽ അന്തരിച്ചു

മാഡ്രിഡ്: സ്പാനിഷ് രണ്ടാം ഡിവിഷൻ മത്സരത്തിനിടെ എതിർടീമിന്റെ ഗോൾകീപ്പറുമായി കൂട്ടിയിടിച്ച് പരിക്കേറ്റ സ്പാനിഷ് താരത്തിന് ദാരുണാന്ത്യം. സിഡി ടെനറിഫെ ക്ലബ്ബിന്റെ മുന്നേറ്റതാരം ജെസ്യൂസ് ഡി മിഗ്വേലാണ് മരിച്ചത്. പ്രസ്താവനയിലൂടെയാണ് മിഗ്വേലിന്റെ മരണവിവരം ക്ലബ്ബ് അറിയിച്ചത്. ടെനറിഫെ - അൻഡോറ മത്സരത്തിനിടെയാണ് ദുരന്തമുണ്ടായത്. പന്തിനുവേണ്ടിയുള്ള ശ്രമത്തിനിടയിൽ അൻഡോറ ഗോൾകീപ്പർ ജെസ്യൂസ് ഒവോനോയുമായി മിഗ്വേൽ കൂട്ടിയിടിക്കുകയായിരുന്നു. ഗുരുതര പരിക്കേറ്റ് ഗ്രൗണ്ടിൽ വീണ താരത്തിന് കൂട്ടിയിടിക്ക് പിന്നാലെ ഹൃദയാഘാതം ഉണ്ടായതായാണ് സൂചന. ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കൂട്ടിയിടിക്ക് പിന്നാലെ അൻഡോറ ഗോൾകീപ്പർ ഒവോനോയ്ക്ക് റെഡ് കാർഡ് നൽകി റഫറി പുറത്താക്കിയിരുന്നു. എന്നാൽ ദാരുണ സംഭവത്തെ തുടർന്ന് മത്സരം പിന്നീട് ഉപേക്ഷിക്കുകയാണുണ്ടായത്. മിഗ്വേലിന്റെ അപ്രതീക്ഷിത വേർപാടിൽ ഇരു ക്ലബ്ബുകളും അതീവ ഞെട്ടൽ പ്രകടിപ്പിച്ചു. താരത്തിന്റെ മരണം ഫുട്ബോളിന് നികത്താനാകാത്ത നഷ്ടമാണെന്ന് ലാലിഗ പ്രസിഡന്റ് ഹാവിയർ ടെബസ് വ്യക്തമാക്കി. ഈ ദുരന്തത്തിന്റെ പശ്ചാത്തലത്തിൽ ചൊവ്വാഴ്ച നടക്കേണ്ടിയിരുന്ന ലീഗ് മത്സരങ്ങളെല്ലാം മാറ്റിവെക്കുകയും ചെയ്തു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Glenn Maxwell Retirement: അന്താരാഷ്ട്ര ക്രിക്കറ്റിൽ നിന്ന് വിരമിച്ച് ഗ്ലെൻ മാക്സ്‌വെൽ

അന്താരാഷ്ട്ര ക്രിക്കറ്റിൽ നിന്ന് വിരമിച്ച് ഗ്ലെൻ മാക്സ്‌വെൽ. കഴിഞ്ഞ വർഷം ഏകദിനത്തിൽ നിന്ന് വിടപറഞ്ഞ 38 കാരനായ ഓസ്ട്രേലിയൻ ബാറ്റ്സ്മാൻ ഇപ്പോൾ ട്വന്റി-20 മത്സരങ്ങൾക്കൊപ്പം ലിസ്റ്റ് എ, ഫസ്റ്റ് ക്ലാസ് ക്രിക്കറ്റിൽ നിന്നും പടിയിറങ്ങി. അതേസമയം 2027-28 സീസൺ അവസാനം വരെ കരാറുള്ള മെൽബോൺ സ്റ്റാർസിനായി അദ്ദേഹം ബിഗ് ബാഷ് ലീഗിൽ തുടർന്നും കളിക്കും. 130 ടി20 മത്സരങ്ങളിൽ നിന്നായി 2,897 റൺസാണ് മാക്സ്‍വെൽ സ്വന്തമാക്കിയത്. ഈ ഫോർമാറ്റിൽ ഓസ്ട്രേലിയക്കായി ഏറ്റവും കൂടുതൽ റൺസ് നേടുന്ന മൂന്നാമത്തെ താരമാണ് അദ്ദേഹം. ടി20 ക്രിക്കറ്റിൽ 5 സെഞ്ചുറികൾ നേടിയിട്ടുള്ള അദ്ദേഹം രോഹിത് ശർമ്മയ്ക്കൊപ്പം ലോക റെക്കോർഡ് പങ്കിട്ടത്. അതേസമയം ടീം മാനേജ്മെന്റിന്റെ ഭാഗച്ചുനിന്ന് യാതൊരു സമ്മർദ്ദവുമില്ലാതെ പരസ്പര ചർച്ചകൾക്ക് ശേഷമാണ് ഈ തീരുമാനമെടുത്തതെന്ന് മാക്സ്‌വെൽ വ്യക്തമാക്കി. മാത്രമല്ല മെൽബൺ ക്രിക്കറ്റ് ഗ്രൗണ്ടിൽ ഇംഗ്ലണ്ടിനെതിരെയുള്ള ടി20 മത്സരത്തിലൂടെ സ്വന്തം നാട്ടിൽ വെച്ച് ഒരു വിടവാങ്ങൽ മത്സരം കളിക്കാൻ ചെറിയൊരു ആഗ്രഹം തോന്നിയിരുന്നുവെന്ന് മാക്സവെൽ വ്യക്തമാക്കി. എന്നാൽ 2028-ലെ ഒളിമ്പിക്സ് ലക്ഷ്യമിട്ട് ഓസ്ട്രേലിയൻ ടീമിൽ വരാനിരിക്കുന്ന മാറ്റങ്ങളെയും യുവതാരങ്ങൾക്ക് അവസരം നൽകേണ്ടതിന്റെ ആവശ്യകതയെയും അദ്ദേഹം മാനിക്കുന്നതായി വ്യക്തമാക്കി. നിലവിൽ ബിഗ് ബാഷ് ലീഗിന് സജ്ജനാകാനുള്ള തയ്യാറൊടുപ്പിലാണ് മാക്സ്‌വെൽ. കരിയറിലെ ബാക്കി ടൂർണമെന്റുകൾ വിജയകരമായി പൂർത്തിയാക്കാൻ തന്റെ ശരീരത്തെ കൂടുതൽ ശ്രദ്ധിക്കേണ്ടതുണ്ടെന്ന് മാക്സ്‌വെൽ വ്യക്തമാക്കി. കഴിഞ്ഞ ഫെബ്രുവരിയിൽ ഒമാനെതിരെ ഓസ്ട്രേലിയക്കായി കളിച്ച മത്സരമാണ് മാക്സ്‌വെല്ലിന്റെ കരിയറിലെ അവസാനത്തെ അന്താരാഷ്ട്ര മത്സരം. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Hylo Open 2026: ബാഡ്മിന്റണില്‍ അഭിമാന നേട്ടം, ഹൈലോ ഓപ്പണില്‍ സിന്ധുവും ലക്ഷ്യ സെനും ചാമ്പ്യന്മാര്‍

ഹൈലോ ഓപ്പണ്‍ സൂപ്പര്‍ 500 ബാഡ്മിന്റണ്‍ ടൂര്‍ണമെന്റില്‍ വനിത, പുരുഷ സിംഗിള്‍സില്‍ പി. വി. സിന്ധുവും ലക്ഷ്യ സെനും കിരീടം സ്വന്തമാക്കി. ഒരേ ടൂര്‍ണമെന്റില്‍ വനിതാ, പുരുഷ സിംഗിള്‍സ് കിരീടങ്ങള്‍ ഇന്ത്യ സ്വന്തമാക്കിയത് രാജ്യത്തിന് അഭിമാനകരമായ നേട്ടമാണ്. കടുത്ത മത്സരങ്ങള്‍ക്കും ഇടക്കാലത്തെ തിരിച്ചടികള്‍ക്കും ശേഷമാണ് മികച്ച ഫോമിലേക്കും വിജയത്തിലേക്കും തിരിച്ചെത്തിയതെന്ന് ഇരുതാരങ്ങളും പ്രതികരിച്ചു. രണ്ടുതവണ ഒളിബിക്സ് മെഡല്‍ ജേതാവായ പി. വി. സിന്ധു ഡെന്‍മാര്‍ക്കിന്റെ ലൈന്‍ ഹോജ്മാര്‍ക്ക് ക്ജേഴ്സ്ഫെല്‍ഡിനെ 39 മിനിറ്റില്‍ 21-12, 21-14 എന്ന സ്കോറിനാണ് തോല്‍പ്പിച്ചത്. ഈ സീസണിലെ സിന്ധുവിന്റെ രണ്ടാമത്തെ കിരീടമാണിത്. 'ആരാണ് എതിരാളിയെന്ന് നോക്കാതെ എന്റെ നൂറുശതമാനം നല്‍കുകയെന്നത് എനിക്ക് പ്രധാനമായിരുന്നു'. മത്സരത്തെ മൊത്തത്തില്‍ കാണുന്നതിലുപരി ഓരോ പോയിന്റും എനിക്ക് പ്രധാനപ്പെട്ടതായിരുന്നുവെന്ന് വിജയിച്ച ശേഷം സിന്ധു പ്രതികരിച്ചു. താന്‍ വീണ്ടും ഏറ്റവും മികച്ച ഫോമില്‍ തിരിച്ചെത്തിയെന്ന് വിശ്വസിക്കുന്നതായും എന്നാല്‍ ഇനിയും മെച്ചപ്പെടാന്‍ ഇടമുണ്ടെന്നും സിന്ധു കൂട്ടിച്ചേര്‍ത്തു. സിന്ധുവിന്റെ വിജയത്തിന് പിന്നാലെ പുരുഷ വിഭാഗം ഫൈനലില്‍ ഇന്തോനേഷ്യയുടെ ജോനാഥന്‍ ക്രിസ്റ്റിയെ 21-17, 21-10 എന്ന സ്കോറിന് പരാജയപ്പെടുത്തിയാണ് ലക്ഷ്യ സെന്‍ വിജയം കണ്ടത്. മികച്ച പ്രകടനം കാഴ്ചവെയ്ക്കാന്‍ കഴിയാതെ വന്നതിന് ശേഷമുള്ള ലക്ഷ്യ സെന്നിന്റെ ആദ്യ ടൂര്‍ണമെന്റ് കിരീടമാണിത്. ‘ഒരു ടൂര്‍ണമെന്റ് ജയിച്ചിട്ട് കാലങ്ങള്‍ ഏറെയായി. അതിനാല്‍ ഇപ്പോള്‍ വലിയ സന്തോഷം തോന്നുന്നു. തുടക്കത്തിലെ ചില റൗണ്ടുകളിലെ തോല്‍വികള്‍ എന്റെ ആത്മവിശ്വാസത്തെ ബാധിച്ചിരുന്നു.' ഇവിടെ ആദ്യ റൗണ്ട് മുതല്‍ ഞാന്‍ കളിച്ച രീതി എനിക്ക് വലിയ ആത്മവിശ്വാസം നല്‍കിയതായി ലക്ഷ്യ സെന്‍ പറഞ്ഞു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

68th Kerala School Sports Meet: ചരിത്രമെഴുതി തിരുവനന്തപുരം, 2012.3 പോയിന്റുമായി സ്വര്‍ണക്കപ്പ് നിലനിര്‍ത്തി

കോഴിക്കോട്: 68-ാമത് സംസ്ഥാന സ്കൂൾ കായികമേളയിൽ കിരീടം സ്വന്തമാക്കി തിരുവനന്തപുരം. 2012.3 പോയിന്റുമായി ഓവറോൾ കിരീടം തിരുവനന്തപുരം നിലനിർത്തി. 965.3 പോയിന്റുമായി തൃശൂർ രണ്ടാം സ്ഥാനവും. 923.3 പോയിന്റുമായി മലപ്പുറം മൂന്നാം സ്ഥാനവും കരസ്ഥമാക്കി. അത്‌ലറ്റിക്സിൽ മലപ്പുറം ജില്ലയാണ് ഹാട്രിക് കിരീടം സ്വന്തമാക്കിയത്. തുടർച്ചയായ അഞ്ചാം തവണയും 75.3 പോയിന്റോടെ മലപ്പുറം കടകശ്ശേരി ഐഡിയൽ സ്കൂൾ അത്‌ലറ്റിക്സിൽ മികച്ച സ്കൂളിനുള്ള കിരീടം നിലനിർത്തി. ഗെയിംസ് വിഭാഗത്തില്‍ 1,310 പോയിന്റോടെ തിരുവനന്തപുരം ഒന്നാം സ്ഥാനത്തെത്തി (151 സ്വര്‍ണം, 92 വെള്ളി, 106 വെങ്കലം). കണ്ണൂര്‍ രണ്ടാമതും (813 പോയിന്റ്), തൃശൂര്‍ മൂന്നാമതുമെത്തി (796 പോയിന്റ്). അക്വാട്ടിക്സ് വിഭാഗത്തില്‍ 606 പോയിന്റോടെ തിരുവനന്തപുരം ഒന്നാം സ്ഥാനം നേടി. എറണാകുളം രണ്ടാമതും (106 പോയിന്റ്), തൃശൂര്‍ മൂന്നാമതുമെത്തി (120 പോയിന്റ്). സീനിയര്‍ വിഭാഗത്തില്‍ ആണ്‍കുട്ടികളില്‍ കോഴിക്കോടിന്റെ കെ. ജെ. എബിനും പെണ്‍കുട്ടികളില്‍ പാലക്കാടിന്റെ നിവേദ്യ കലാധറും മേളയിലെ മിന്നും താരങ്ങളായി. ജൂനിയര്‍ വിഭാഗത്തിലേക്ക് വരുമ്പോള്‍ കോട്ടയത്തിന്റെ വിഷ്ണു യാദവ് ആണ്‍കുട്ടികളിലും കോഴിക്കോടിന്റെ അല്‍ക്ക ഷിനോജ് പെണ്‍കുട്ടികളിലും മേളയിലെ താരങ്ങളുടെ പദവി സ്വന്തമാക്കി. സബ് ജൂനിയർ വിഭാഗത്തിൽ തിരുവനന്തപുരം ജി.വി. രാജ സ്‌പോർട്‌സ് സ്‌കൂളിലെ എം. ശ്രീഹരി ആൺകുട്ടികളുടെ വിഭാഗത്തിലും ആലപ്പുഴയുടെ ഹർഷ ജോൺ പെൺകുട്ടികളുടെ വിഭാഗത്തിലും മികച്ച താരങ്ങളായി തിരഞ്ഞെടുക്കപ്പെട്ടു. തുടർച്ചയായ മൂന്നാം തവണയാണ് തിരുവനന്തപുരം ഓവറോൾ കിരീടം നേടുന്നത്. കായികമേളയുടെ ചരിത്രത്തിൽ തന്നെ ആദ്യമായിട്ടാണ് ഒരു ജില്ല 2,000-ത്തിന് മുകളിൽ പോയിന്റുകൾ നേടി സ്വർണക്കപ്പ് സ്വന്തമാക്കിയത്. അടുത്ത കായികമേളയ്ക്ക് കൊല്ലം ജില്ല വേദിയാകും. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Zee Football League: കേരളത്തിലെ ഫുട്ബോൾ താരങ്ങൾക്ക് ലോകോത്തര പരിശീലനം; ബുണ്ടസ്‌ലിഗ–സീ ഫുട്ബോൾ വീക്കിന് തുടക്കം

കൊച്ചി: കേരളത്തിലെ യുവ ഫുട്ബോൾ താരങ്ങൾക്കും പരിശീലകർക്കും ലോകോത്തര പരിശീലന അവസരങ്ങൾ ഒരുക്കുകയെന്ന ലക്ഷ്യത്തോടെ സംഘടിപ്പിക്കുന്ന ബുണ്ടസ്‌ലിഗ–സീ ഫുട്ബോൾ വീക്കിന് തുടക്കമായി. ഈഗിൾസ് എഫ്‌സി കേരളയുടെ നേതൃത്വത്തിൽ ജർമൻ ഫുട്ബോൾ ക്ലബ്ബായ ബൊറൂസിയ ഡോർട്ട്മുണ്ടിന്റെ സഹകരണത്തോടെ സംഘടിപ്പിക്കുന്ന പരിപാടി സംസ്ഥാന കായിക യുവജനകാര്യ മന്ത്രി ഒ. ജെ. ജനീഷ് ഔദ്യോഗികമായി ഉദ്ഘാടനം ചെയ്തു. ബുണ്ടസ്‌ലിഗ, സീ ടിവി, ബൊറൂസിയ ഡോർട്ട്മുണ്ട്, ഈഗിൾസ് എഫ്‌സി കേരള എന്നിവയുടെ സഹകരണത്തിലൂടെ ജർമനിയിലെ മികച്ച ഫുട്ബോൾ പരിശീലന രീതികൾ കേരളത്തിലേക്ക് എത്തിക്കുന്നത് അഭിനന്ദനാർഹമാണെന്ന് മന്ത്രി പറഞ്ഞു. ഫുട്ബോൾ കേരളത്തിന്റെ വികാരമാണെന്നും ലോകകപ്പ് കാലത്ത് കേരളം ഫുട്ബോൾ ആവേശത്തിന്റെ ആഗോള കേന്ദ്രമായി മാറാറുണ്ടെന്നും മന്ത്രി ചൂണ്ടിക്കാട്ടി. ഇന്ത്യൻ സൂപ്പർ ലീഗിലും സംസ്ഥാനതല ഫുട്ബോൾ മത്സരങ്ങളിലും വലിയ ആരാധകപങ്കാളിത്തമാണ് കേരളത്തിലുള്ളത്. ഈ ആവേശം മികച്ച താരങ്ങളെ വളർത്തിയെടുക്കുന്നതിനുള്ള അവസരമാക്കി മാറ്റണമെന്നും അദ്ദേഹം പറഞ്ഞു. കേരളത്തിലെ യുവ ഫുട്ബോൾ താരങ്ങളെ അന്താരാഷ്ട്ര നിലവാരമുള്ള പ്രൊഫഷണൽ കളിക്കാരാക്കി വളർത്തിയെടുക്കുകയാണ് സംസ്ഥാന സർക്കാരിന്റെ ലക്ഷ്യം. ബുണ്ടസ്‌ലിഗ, ബൊറൂസിയ ഡോർട്ട്മുണ്ട് തുടങ്ങിയ അന്താരാഷ്ട്ര ഫുട്ബോൾ സംഘടനകളുമായുള്ള സഹകരണവും പരിശീലന ക്യാമ്പുകളും യുവതാരങ്ങൾക്ക് ലോകോത്തര പരിശീലന സാങ്കേതികവിദ്യകൾ പരിചയപ്പെടാൻ അവസരമൊരുക്കുമെന്നും മന്ത്രി വ്യക്തമാക്കി. പരിപാടിയുടെ ഭാഗമായി സംഘടിപ്പിക്കുന്ന പ്രത്യേക കോച്ചിങ് ക്ലിനിക്കിനെയും മന്ത്രി അഭിനന്ദിച്ചു. യൂറോപ്യൻ, ജർമൻ ഫുട്ബോൾ പരിശീലന രീതികൾ കേരളത്തിലെ പരിശീലകർക്ക് പരിചയപ്പെടുത്തുന്നതിലൂടെ സംസ്ഥാനത്തെ ഫുട്ബോൾ പരിശീലനത്തിന്റെ നിലവാരം ഉയർത്താൻ സാധിക്കുമെന്ന് അദ്ദേഹം പറഞ്ഞു. ബുണ്ടസ്‌ലിഗയുടെ ഏഷ്യ പസഫിക് മാനേജിങ് ഡയറക്ടർ കെവിൻ സിം, ബൊറൂസിയ ഡോർട്ട്മുണ്ടിന്റെ ഏഷ്യ പസഫിക് മാനേജിങ് ഡയറക്ടർ ഡോ. സുരേഷ് ലെച്ച്മാൻ, ബൊറൂസിയ ഡോർട്ട്മുണ്ട് അക്കാദമി മാനേജിങ് ഡയറക്ടർ ക്രിസ്റ്റ്യൻ ഡെറിക്സ്, മുൻ ജർമൻ താരവും ബൊറൂസിയ ഡോർട്ട്മുണ്ട് മുൻ ക്യാപ്റ്റനുമായ മാർസൽ ഷ്മെൽസർ, ബൊറൂസിയ ഡോർട്ട്മുണ്ട് മുൻ താരം മുസ്തഫ അമിനി, സീ ടിവി പ്രതിനിധി അർണബ് മിത്ര, ഈഗിൾസ് എഫ്‌സി കേരള ചെയർമാൻ ഷാഫി മേത്തർ തുടങ്ങിയവർ ഉദ്ഘാടന ചടങ്ങിൽ പങ്കെടുത്തു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

ISL 2026-27: ചെന്നൈയില്‍ ഇന്ന് തീപാറുന്ന പോരാട്ടം: ഫോം വീണ്ടെടുക്കാന്‍ ചെന്നൈ, മുന്നേറ്റത്തിന് കേരള ബ്ലാസ്റ്റേഴ്സ്

ഇന്ത്യൻ സൂപ്പർ ലീഗ് (ISL) 2026-27 സീസണിലെ സുപ്രധാനമായ സൗതേൺ ഡെർബി മത്സരത്തിൽ കേരള ബ്ലാസ്റ്റേഴ്സ് എഫ്സി ചെന്നൈയിൻ എഫ്സിയെ നേരിടും. ഇന്ന് വൈകിട്ട് 5 മണിക്ക് ചെന്നൈ ജവഹർലാൽ നെഹ്റു സ്റ്റേഡിയത്തിലാണ് മത്സരം. സീസണിൽ മികച്ച തുടക്കം ലഭിക്കാത്ത ചെന്നൈയിൻ ടീമിന് ഇന്നത്തെ മത്സരം നിർണായകമാണ്. ആദ്യ മൂന്ന് മത്സരങ്ങളിൽ നിന്ന് ഒരു പോയിന്റ് മാത്രം നേടിയ ചെന്നൈയിൻ നിലവിൽ പോയിന്റ് പട്ടികയിൽ 12-ാം സ്ഥാനത്താണ്. എഫ്സി ഗോവയുമായുള്ള ആദ്യ മത്സരം 1-1 സമനിലയിലായെങ്കിലും തുടർന്ന് ബംഗളൂരു എഫ്സിയോടും മോഹൻ ബഗാൻ സൂപ്പർ ജയന്റിനോടും ടീം പരാജയപ്പെട്ടു. ക്ലിഫോർഡ് മിറാൻഡയുടെ പരിശീലനത്തിലുള്ള ടീം വിജയം മാത്രമാണ് പ്രതീക്ഷിക്കുന്നത്. മറുഭാഗത്ത് അഷ്ലി വെസ്റ്റ്വുഡിന്റെ കീഴിലുള്ള കേരള ബ്ലാസ്റ്റേഴ്സ് ഈ സീസണിൽ താരതമ്യേന മികച്ച തുടക്കമാണ് സ്വന്തമാക്കിയത്. കളിച്ച മൂന്ന് മത്സരങ്ങളിൽ നിന്ന് നാല് പോയിന്റോടെ പട്ടികയിൽ ആറാം സ്ഥാനത്താണ് കേരള ബ്ലാസ്റ്റേഴ്സ്. ചെന്നൈയിൻ എഫ്സി പോയിന്റ് പട്ടികയിൽ പിന്നിലാണെങ്കിലും മികച്ചൊരു ടീമാണെന്നാണ് ബ്ലാസ്റ്റേഴ്സ് പരിശീലകൻ ആഷ്ലി വെസ്റ്റ്വുഡിന്റെ വിലയിരുത്തൽ. ഹെഡ്-ടൂ-ഹെഡ് റെക്കോര്‍ഡ് ഐഎസ്എൽ ചരിത്രത്തിൽ ഇതുവരെ ഏറ്റുമുട്ടിയ 25 മത്സരങ്ങളിൽ ഇരു ടീമുകളും 8 തവണ വീതം വിജയിച്ചിട്ടുണ്ട്. 9 മത്സരങ്ങൾ സമനിലയിൽ കലാശിച്ചു. ചെന്നൈയിൽ കളിച്ച 12 മത്സരങ്ങളിൽ ഒരിക്കൽ മാത്രമാണ് കേരള ബ്ലാസ്റ്റേഴ്സ് വിജയിച്ചിട്ടുള്ളത്. ഹോം ഗ്രൗണ്ടിന്റെ പിന്തുണയോടെ സീസണ്‍ തിരിച്ചുപിടിക്കാന്‍ ചെന്നൈയിന്‍ ശ്രമിക്കുമ്പോള്‍ അന്താരാഷ്ട്ര ഇടവേളയ്ക്ക് മുന്‍പായി പോയിന്റ് പട്ടികയില്‍ കൂടുതല്‍ മുന്നേറാനാണ് കേരള ബ്ലാസ്റ്റേഴ്സ് ലക്ഷ്യമിടുന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം

World Arm Wrestling Championship: ലോക പഞ്ചഗുസ്തി ചമ്പ്യൻഷിപ്പിൽ വെങ്കല നേട്ടവുമായി കെസി പ്രീത

ന്യൂഡൽഹി: ഡൽഹിൽ നടക്കുന്ന ലോക ഗുസ്തി ചാമ്പ്യൻഷിപ്പിൽ ചെറുവത്തൂർ മയീച്ചയിലെ കെസി പ്രീതയ്ക്ക് വെങ്കലം. വെങ്കല നേട്ടം നൂറു കിലോ മാസ്റ്റേഴ്സ് വിഭാത്തിലാണ്. പ്രായത്തെ ലോക ചമ്പ്യൻഷിപ്പിൽ മത്സരിക്കാൻ ഇടം നേടിയത് ഗുജറാത്തിൽ നടന്ന ദേശീയ മത്സരത്തിൽ ഇടത്, വലത് കൈ പഞ്ചഗുസ്തി വിഭാഗത്തിൽ ഇരട്ട സ്വർണം നേടി കൊണ്ടാണ്. പ്രീത ചെറുവത്തൂരിൽ ബ്യൂട്ടി പാർലർ നടത്തുന്നതിന് പുറമെ വ്യാപാരി വ്യവസായി ഏകോപന സമിതി യൂണിറ്റ് വനിതാ വിഭാഗത്തിന്റെ പ്രസിഡന്റ് കൂടിയാണ്. പ്രീതയുടെ പരീശീലകർ നീലേശ്വരം ഫിറ്റ്നസ് വേൾഡ് ഹെൽത്ത് ക്ലബിലെ പ്രദീപ്, ശ്രീജേഷ് എന്നിവരാണ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Neeraj Yadav Suicide: ഏഷ്യൻ പാരാ ഗെയിംസ് സ്വർണ്ണമെഡൽ ജേതാവ് നീരജ് യാദവ് ജീവനൊടുക്കി; സ്ഥിരീകരിച്ച് കോച്ച് എസ്. സത്യനാരായണ

ന്യൂഡൽഹി: ഏഷ്യൻ പാരാ ഗെയിംസിൽ മൂന്ന് തവണ സ്വർണ്ണമെഡൽ നേടിയ നീരജ് യാദവ് (42) ജീവനൊടുക്കി. ചൊവ്വാഴ്ച രാത്രി വിഷം ഉള്ളിൽ ചെന്ന നിലയിലാണ് നീരജിനെ കണ്ടെത്തുന്നത്. ആത്മഹത്യയാണെന്നാണ് പ്രാഥമിക നിഗമനം. എഫ് 55 വിഭാഗത്തിൽ മത്സരിച്ചിരുന്ന പ്രമുഖ വീൽചെയർ അത്‌ലറ്റാണ് നീരജ് യാദവ്. ആത്മഹത്യയുടെ കാരണം വ്യക്തമായിട്ടില്ലെന്ന് പോലീസ് അറിയിച്ചു. ഇന്ത്യയുടെ മുഖ്യ പാരാ-അത്‌ലറ്റിക്‌സ് കോച്ച് എസ്. സത്യനാരായണ വാർത്ത സ്ഥിരീകരിച്ചിട്ടുണ്ട്. നീരജ് ആത്മഹത്യ ചെയ്തതാണെന്നും ഇന്നലെ രാത്രി തന്റെ ഫ്ലാറ്റിൽ വെച്ച് അദ്ദേഹം വിഷം കഴിക്കുകയായിരുന്നുവെന്നാണ് അറിഞ്ഞതെന്നും അദ്ദേഹം പറഞ്ഞു. ഡോപ്പിംഗ് നിരോധനത്തെ തുടർന്ന് 2026-ൽ ജപ്പാനിൽ നടന്ന ഏഷ്യൻ പാരാ ഗെയിംസിനുള്ള ഇന്ത്യൻ സംഘത്തിൽ യോഗ്യത നേടാൻ നീരജിന് സാധിച്ചിരുന്നില്ല. ഈ ടൂർണമെന്റിൽ പങ്കെടുക്കാൻ കഴിയാതെ പോയതാണ് നീരജിനെ മാനസികമായി ബാധിച്ചതെന്ന സൂചനയാണ് സത്യനാരായണ നൽകുന്നത്. ഏഷ്യൻ പാരാ ഗെയിംസിലെ വിലക്ക് കാരണം മത്സരത്തിൽ നിന്ന് വിട്ടുനിൽക്കേണ്ടി വന്നത് നീരജ് യാദവിനെ മാനസികമായി തകർത്തിരുന്നതായി സത്യനാരായണ പറഞ്ഞു. ഏഷ്യൻ ഗെയിംസിലെ മെഡൽ നേട്ടം വഴി ലഭിക്കുമായിരുന്ന വൻ തുകയുടെ സർക്കാർ പാരിതോഷികങ്ങളും സ്ഥിരജോലിയും നഷ്ടമായത് താരത്തെ ബാധിച്ചിരിക്കാമെന്നും എന്നാൽ ജീവനൊടുക്കുന്നതിലേക്ക് നയിച്ച മാനസികാവസ്ഥയെക്കുറിച്ച് വ്യക്തമായി പറയാനാകില്ലെന്നും കോച്ച് വ്യക്തമാക്കി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗ

Ind vs NZ: അഭിഷേക് ശർമ്മയ്ക്ക് റെക്കോർഡ് സെഞ്ചുറി; ന്യൂസിലൻഡിനെ പരാജയപ്പെടുത്തി പരമ്പര സ്വന്തമാക്കി ഇന്ത്യ

വെല്ലിംഗ്ടൺ: ന്യൂസിലൻഡിനെതിരായ മൂന്നാം ടി20യിൽ 8 വിക്കറ്റിന്റെ തകർപ്പൻ വിജയത്തോടെ പരമ്പര സ്വന്തമാക്കി ഇന്ത്യ. അബിഷേക് ശർമ്മയുടെ സെഞ്ചുറിയാണ് ഇന്ത്യയുടെ വിജയത്തിന് കരുത്തായത്. ഒപ്പം വൈഭവ് സൂര്യവംശിയുടെ വെടിക്കെട്ട് ബാറ്റിംഗും. 6.4 ഓവർ ബാക്കി നിൽക്കെയാണ് ന്യൂസിലൻഡ് ഉയർത്തിയ 199 റൺസ് വിജയലക്ഷ്യം നാല് വിക്കറ്റ് നഷ്ടത്തിൽ ഇന്ത്യ മറികടന്നത്. വെറും 15 പന്തിലാണ് അഭിഷേക് ശർമ്മ അർദ്ധസെഞ്ചുറി തികച്ചത്. 35ാം പന്തിൽ സെഞ്ചുറിയും അടിച്ചെടുത്തു. 11 സിക്സറുകളും 9 ഫോറുകളും അടങ്ങുന്നതായിരുന്നു അഭിഷേകിന്റെ ഇന്നിംഗ്സ്. അഭിഷേകിനൊപ്പം പവര്‍ പ്ലേയില്‍ ഫോമിലായിരുന്നു വൈഭവും. 19 പന്തില്‍ നാല് സിക്സും നാല് ഫോറും അടക്കം 45 റണ്‍സാണ് താരം നേടിയത്. സഞ്ജു സാംസൺ (13 പന്തില്‍ 18), ക്യാപ്റ്റൻ ശ്രേയസ് അയ്യർ (10 പന്തില്‍ 5), നമൻ ധിർ(4*), തിലക് വര്‍മ(1*) എന്നിങ്ങനെയാണ് ബാക്കിയുള്ളവരുടെ സ്കോറുകൾ. ജയത്തോടെ അഞ്ച് മത്സരമുള്ള ടി20 പരമ്പര 3-0ന് ഇന്ത്യ സ്വന്തമാക്കി. പരമ്പരയിലെ നാലാം മത്സരം വെള്ളിയാഴ്ചയാണ് നടക്കുന്നത്. ഓക്‌ലന്‍ഡില്‍ വച്ചാണ് മത്സരം. അഭിഷേക് ശർമ്മയുടെ താണ്ഡവത്തിൽ വെറും 2.2 ഓവറിൽ ഇന്ത്യ 50 റൺസ് തികച്ചു. ടി20 അന്താരാഷ്ട്ര ക്രിക്കറ്റിലെ ഏറ്റവും വേഗമേറിയ ടീം ഫിഫ്റ്റിയെന്ന ലോകറെക്കോർഡാണ് ഇന്ത്യ സ്വന്തമാക്കിയത്. തുടർന്ന്, ടി20 ക്രിക്കറ്റ് ചരിത്രത്തിലെ ഏറ്റവും വേഗമേറിയ ടീം സെഞ്ചുറി എന്ന പുതിയ ലോകറെക്കോർഡും ഇന്ത്യ സ്വന്തം പേരിൽ കുറിച്ചു. ഏറ്റവും വേഗമേറിയ ടീം അർദ്ധസെഞ്ചുറിയെന്ന റെക്കോർഡ് നേരത്തെ 2.4 ഓവറിലായിരുന്നു ഉണ്ടായിരുന്നത്. സ്കോട്ട്‌ലൻഡിനും ഇംഗ്ലണ്ടിനുമെതിരെ ന്യൂസിലൻഡും, വെസ്റ്റ് ഇൻഡീസിനെതിരെ ദക്ഷിണാഫ്രിക്കയുമാണ് ഈ നേട്ടം സ്വന്തമാക്കിയിരുന്നത്. ടോസ് നഷ്ടപ്പെട്ട് ആദ്യം ബാറ്റ് ചെയ്യാൻ ഇറങ്ങിയ ന്യൂസിലൻഡ്, ഡാരിൽ മിസ്സലിന്റെ തകർപ്പൻ ബാറ്റിംഗിന്റെ കരുത്തിൽ നിശ്ചിത 20 ഓവറിൽ 200 റൺസ് വിജയലക്ഷ്യം ഉയർത്തി. 52 പന്തിൽ 89 റൺസെടുത്ത ഡാരിൽ മിസ്സലാണ് കീവിനിരയിലെ ടോപ് സ്കോറർ. അദ്ദേഹത്തിന് പുറമെ ഫിൻ അലൻ (25 പന്തിൽ 40), ബെവോൺ ജേക്കബ്സ് (23 പന്തിൽ 39) എന്നിവരും ഭേദപ്പെട്ട പ്രകടനം കാഴ്ചവച്ചു. ഇന്ത്യക്കുവേണ്ടി അർഷ്ദീപ് സിങ്ങും നിതീഷ് കുമാർ റെഡ്ഡിയും ഓരോ വിക്കറ്റ് വീതം വീഴ്ത്തി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

ബാലൺ ഡി ഓർ പുരസ്കാരങ്ങൾ പ്രഖ്യാപിച്ചു; മികച്ച താരങ്ങളായി ഹാരി കെയ്നും അലക്സിയ പ്യുട്ടയാസും

ലണ്ടൻ: എഴുപതാമത് ബാലൺ ഡി ഓർ പുരസ്കാരം സ്വന്തമാക്കി ഹാരി കെയ്നും അലക്സിയ പുട്ടെയാസും. ലണ്ടനിലെ ചരിത്രപ്രസിദ്ധമായ പല്ലാഡിയം തിയേറ്ററിലാണ് എഴുപതാമത് ബാലൺ ഡി ഓർ പുസ്കാര വിതരണ ചടങ്ങുകൾ നടന്നത്. 1956ലെ പ്രഥമ പുരസ്കാര ജേതാവായ ഇതിഹാസ താരം സർ സ്റ്റാൻലി മാത്യൂസിനോടുള്ള ആദരസൂചകമായാണ് ചടങ്ങ് സംഘടിപ്പിച്ചത്. ക്ലബ്ബിനും രാജ്യത്തിനുമായി നടത്തിയ മിന്നുന്ന പ്രകടനങ്ങളുടെ കരുത്തിലാണ് ഹാരി കെയ്ൻറെ ബാലൺ ഡി ഓർ പുരസ്കാര നേട്ടം. റയൽ മാഡ്രിഡിൻറെ കിലിയൻ എംബാപ്പെയെയും ബാഴ്സലോണയുടെ യുവതാരം ലാമിൻ യമാലിനെയും പിന്നിലാക്കിയാണ് ഹാരി കെയ്ൻ തൻറെ ആദ്യ ബാലൺ ഡി ഓർ പുരസ്കാരം നേടിയത്. ഇതോടെ 25 വർഷങ്ങൾക്ക് ശേഷം ബാലൺ ഡി ഓർ നേടുന്ന ഇംഗ്ലീഷ് താരമായി ഹാരി കെയ്ൻ. 2001ൽ മൈക്കൽ ഒവനായിരുന്നു ഇതിന് മുൻപ് ബാലൺ ഡി ഓർ നേടിയ ഇംഗ്ലണ്ട് താരം. ഈ വിജയത്തോടെ സർ സ്റ്റാൻലി മാത്യൂസ്, സർ ബോബി ചാൾട്ടൺ, കെവിൻ കീഗൻ എന്നിവരടങ്ങുന്ന ഇംഗ്ലീഷ് ഫുട്ബോൾ ഇതിഹാസങ്ങളുടെ നിരയിലേക്ക് കെയ്നും എത്തി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

T20I series: ഇന്ത്യക്കെതിരായ മൂന്നാം ടി20: ടീമില്‍ മാറ്റങ്ങള്‍ പ്രഖ്യാപിച്ച് ന്യൂസിലന്‍ഡ്

ഇന്ത്യക്കെതിരായ മൂന്നാം ടി20 മത്സരത്തിന് മുന്നോടിയായി ടീമിലെ മാറ്റങ്ങള്‍ ന്യൂസിലന്‍ഡ് പ്രഖ്യാപിച്ചു. ഏകദിന പരമ്പര കൂടി വരാനുള്ളതുകൊണ്ട് കളിക്കാരുടെ ജോലിഭാരം കുറയ്ക്കാനാണ് നീക്കം. ലോക്കി ഫെർഗൂസൻ ഓക്ക്‌ലന്‍ഡിലേക്ക് പോകുന്നതിനാല്‍ അദ്ദേഹത്തിന് മൂന്നാം ടി20 മത്സരം നഷ്ടമാകും. എന്നാല്‍ അവസാന രണ്ട് മത്സരങ്ങള്‍ക്കായി അദ്ദേഹം ടീമില്‍ തിരിച്ചെത്തും. മൂന്നാം ടി20 മത്സരത്തില്‍ മാത്രം ഫെര്‍ഗൂസന് പകരക്കാരനായി മാറ്റ് ഫിഷര്‍ വെല്ലിംഗ്ടണിലെ ടീമിനൊപ്പം ചേരും. അതിനുശേഷം അദ്ദേഹം ന്യൂസിലന്‍ഡ് എ ടീമിനിലേക്ക് മടങ്ങും.

68th Kerala State School Sports Meet: കോഴിക്കോട് സ്കൂള്‍ കായികമേളയ്ക്ക് തിരിതെളിഞ്ഞു

കോഴിക്കോട്: 68-ാമത് സംസ്ഥാന സ്കൂൾ കായികമേളയ്ക്ക് കോഴിക്കോട് തുടക്കമായി. മുഖ്യമന്ത്രി വി.‍ ഡി. സതീശനും വിദ്യാഭ്യാസ മന്ത്രി അഡ്വ. എന്‍. ഷംസുദ്ദീനും ചേര്‍ന്ന് കായികമേളയ്ക്ക് തിരിതെളിയിച്ചു. ഇന്ത്യൻ ഒളിംപിക് അസോസിയേഷൻ പ്രസിഡന്റ് ഒളിംപ്യൻ പി. ടി. ഉഷയിൽ നിന്നാണ് മുഖ്യമന്ത്രി വി.‍ ഡി. സതീശൻ ദീപശിഖ ഏറ്റുവാങ്ങിയത്. ഒന്നരപതിറ്റാണ്ടിന് ശേഷമാണ് കോഴിക്കോട് സ്കൂൾ കായികമേള എത്തുന്നത്. ഒക്ടോബർ 25 മുതൽ 31 വരെയാണ് കായികമേള നടക്കുന്നത്. ഒക്ടോബർ 26-ന് ഭിന്നശേഷിയുള്ളവരും പ്രത്യേക പരിഗണന അർഹിക്കുന്നതുമായ കുട്ടികൾക്കായി ഇൻക്ലൂസീവ് കായികമേള നടക്കും. ഈ മേളയിൽ ഏകദേശം 2000-ത്തോളം താരങ്ങളെയാണ് പ്രതീക്ഷിക്കുന്നത്. ക്രിക്കറ്റ്, ബാഡ്മിന്റൻ തുടങ്ങിയ വിഭാഗങ്ങളിൽ പ്രത്യേക മത്സരം ഇതിന്റെ ഭാഗമായി ഉൾപ്പെടുത്തിയിട്ടുണ്ട്. ഒക്ടോബർ 27 മുതൽ 31 വരെയാണ് അത്‌ലറ്റിക് മത്സരങ്ങൾ നടക്കുക. കോഴിക്കോട് ചാത്തമംഗലം എൻഐടിയുടെ പുതിയ സിന്തറ്റിക് ട്രാക്ക് അടക്കം 9 വേദികളിലായിട്ടാണ് മത്സരങ്ങൾ നടക്കുക. ഹരിത പെരുമാറ്റച്ചട്ടം പാലിച്ചാണ് മത്സരങ്ങൾ നടക്കുന്നത്. പ്ലാസ്റ്റിക് പൂർണ്ണമായും ഒഴിവാക്കി കുടിവെള്ളത്തിന് മൺകൂജയും മാലിന്യങ്ങൾ ശേഖരിക്കാൻ തെങ്ങോല കുട്ടയുമാണ് ഉപയോഗിക്കുന്നത്. മത്സരങ്ങളിൽ പങ്കെടുക്കുന്ന മറ്റ് ജില്ലകളിലെ കുട്ടികൾക്ക് 50 സ്കൂളുകളിൽ താമസസൗകര്യം ഒരുക്കിയിട്ടുണ്ട്. യാത്ര സുഗമമാക്കാൻ 'ഒളിംപിക്സ് എക്സ്പ്രസ്' ആപ്പ് ലഭ്യമാണ്. പഴയിടം മോഹനൻ നമ്പൂതിരിക്കാണ് ഭക്ഷണത്തിന്റെ ചുമതല. സമാപന സമ്മേളനം ഒക്ടോബർ 31-ന് ആഭ്യന്തരമന്ത്രി രമേശ് ചെന്നിത്തല ഉദ്ഘാടനം ചെയ്യും. ഒളിംപ്യൻ അഞ്ജു ബോബി ജോർജ് ചടങ്ങിൽ മുഖ്യാതിഥിയാകും. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Ind vs NZ 1st T20i: സഞ്ജുവിന്റെ അർദ്ധ സെഞ്ചറിയും നമൻ ധീറിന്റെ സിക്സറും! ന്യൂസിലൻഡിനെതിരെ ഇന്ത്യയ്ക്ക് 4 വിക്കറ്റ് വിജയം

ക്രൈസ്റ്റ്ചർച്ച്: സഞ്ജു സാംസണിന്റെ അ‍ർധസെഞ്ചുറിയിലൂടെ ന്യൂസീലൻഡിനെതിരായ ട്വന്റി20 പരമ്പരയിൽ ആദ്യംജയം നേടി ഇന്ത്യ. നാല് വിക്കറ്റിന്റെ വിജയമാണ് ഇന്ത്യ സ്വന്തമാക്കിയത്. ആദ്യം ബാറ്റ് ചെയ്ത ന്യൂസിൻഡ് നാല് വിക്കറ്റ് നഷ്ടത്തിൽ 225 റൺസാണ് നേടിയത്. മറുപടി ബാറ്റിങ്ങിനിറങ്ങിയ ഇന്ത്യ സഞ്ജുവിന്റെ ബാറ്റിംഗ് കരുത്തിൽ 19.4 ഓവറിൽ ആറ് വിക്കറ്റ് നഷ്ടത്തിൽ 230 റൺസ് നേടി ആദ്യ ജയം സ്വന്തമാക്കി. 33 പന്തിൽ നിന്ന് 67 റൺസാണ് ഓപ്പണറായ സഞ്ജു നേടിയത്. നാല് സിക്സുകളും എട്ട് ഫോറുകളുമാണ് സഞ്ജുവിന്റെ ഇന്നിംഗ്സ്. നമൻ ധീറിന്റെ പ്രകടനവും ഇന്ത്യയുടെ വിജയത്തില്‍ നിർണായകമായി. 15 പന്തിൽ 42 റൺസ് നേടി താരം പുറത്താകാതെനിന്നു. ശ്രേയസ് അയ്യർ‍ (28 പന്തിൽ 42), അഭിഷേക് ശർമ (12 പന്തിൽ 29) എന്നിവരുടെ പ്രകടനവും ഇന്ത്യയെ വിജയത്തിലേക്ക് നയിച്ചു. ഇന്നിങ്സിലെ മൂന്നാം പന്തിൽ മാറ്റ് ഹെൻറിയുടെ പന്തിനെ ബൗണ്ടറി കടത്തി കൊണ്ടായിരുന്നു സഞ്ജു ആക്രമണം തുടങ്ങിയത്. ഇതേ ഓവറിൽ തന്നെ അഭിഷേക് സിക്സടിച്ചിരുന്നു. മൂന്നാം ഓവറിൽ ലോക്കി ഫെർഗൂസനെ നേരിട്ട സഞ്ജു തുടർച്ചയായി മൂന്ന് ബൗണ്ടറികൾ നേടി. 23 പന്തുകളിൽ നിന്നാണ് സഞ്ജു അർധ സെഞ്ചറി തികച്ചത്. അഭിഷേക് പുറത്തായെങ്കിലും സഞ്ജുവുമായുള്ള കൂട്ടുകെട്ടിൽ പവർപ്ലേയിൽ 94 റൺസ് ഇന്ത്യക്ക് നേടാനായി. ഇന്ത്യയുടെ സ്കോർ 115 ൽ എത്തി നിൽക്കെ മിച്ചൽ സാന്റ്നറുടെ പന്തിൽ ബോൾഡായാണ് സഞ്ജു ക്രീസ് വിടുന്നത്. തുടർന്ന് തിലക് വർമയും (ആറ്), ഇഷാൻ കിഷനും (ഒന്ന്) പുറത്തായത് ഇന്ത്യക്ക് തിരിച്ചടിയായെങ്കിലും ക്യാപ്റ്റൻ ശ്രേയസ് അയ്യറിന്റെ തകർപ്പൻ പ്രകടനത്തിൽ 17.2 ഓവറിൽ ഇന്ത്യ 200 കടന്നു. ആദം മിൽനെയുടെ പന്തിൽ മിച്ചൽ സാന്റ്നർ ക്യാച്ചെടുത്ത് ശ്രേയസിനെ പുറത്താക്കിയതോടെ ഇന്ത്യ വീണ്ടും പ്രഹരത്തിലായി. അവസാന ഓവറിൽ ഇന്ത്യക്ക് ജയിക്കാൻ വേണ്ടിയിരുന്നത് എട്ട് റൺസായിരുന്നു. ലാസ്റ്റ് ഓവറിലെ മാറ്റ് ഹെൻറിയുടെ ആദ്യ പന്ത് നിതീഷ് കുമാർ റെഡ്ഡി ബൗണ്ടറി കടത്തിയതോടെ വിജയലക്ഷ്യം അഞ്ചായി ചുരുങ്ങി. ഇതേ ഓവറിലെ നാലാം പന്തിൽ സിക്സർ തൂക്കികൊണ്ടാണ് നമൻ ധീർ ഇന്ത്യയ്ക്കായി വിജയം നേടിയത്. ന്യൂസീലൻഡിനായി മിച്ചൽ ബ്രേസ്‍വെൽ, മിച്ചൽ സാന്റ്നർ എന്നിവർ രണ്ട് വിക്കറ്റുകൾ വീതവും ആദം മിൽനെയും ലോക്കി ഫെർഗൂസനും ഓരോ വിക്കറ്റുകളും നേടി. പരമ്പരയിലെ രണ്ടാം മത്സരം ശനിയാഴ്ച ക്രൈസ്റ്റ് ചർച്ചിൽ വച്ച് നടക്കും. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Ben Simmons Injury: ബെന്‍ സിമ്മന്‍സിന് ഗുരുതര പരുക്ക്, തിരിച്ചുവരവ് വീണ്ടും പ്രതിസന്ധിയില്‍

ഓസ്ട്രേലിയൻ-അമേരിക്കൻ പ്രൊഫഷണൽ ബാസ്കറ്റ്ബോൾ കളിക്കാരൻ ബെഞ്ചമിൻ സേവിഡ് സിമ്മൺസിന് പരിക്ക്. ഞായറാഴ്ച നടന്ന പരിശീലനത്തിനിടെ ബെന്നിന്റെ വലത് അക്കിലസ് ടെൻഡൻ (Right Achilles Tendon) പൊട്ടിയത്. എംആർഐ (MRI) സ്കാനിംഗിൽ പരുക്ക് ഗുരുതരമാണെന്ന് സ്ഥിരീകരിച്ചു. ബെന്നിന് ശസ്ത്രക്രിയ വേണ്ടിവരുമെന്നാണ് മെഡിക്കൽ സംഘം അറിയിച്ചത്. കഴിഞ്ഞ ഒരു വർഷമായി ബെഞ്ചമിൻ മത്സരങ്ങളിൽ നിന്ന് വിട്ടുനിൽക്കുകയായിരുന്നു. കഠിനാധ്വാനത്തിലൂടെ വീണ്ടും പഴയ ഫോമിലേക്ക് തിരിച്ചെത്താനുള്ള പരിശ്രമത്തിലായിരുന്നു അദ്ദേഹം. പ്രീസീസൺ മത്സരത്തിലെ അവസാന കളിയിൽ 14 പോയിന്റും 8 റീബൗണ്ടുകളും 7 അസിസ്റ്റുകളുമായി തകർപ്പൻ പ്രകടനമാണ് ബെൻ കാഴ്ചവെച്ചത്. ബുധനാഴ്ച കിങ്സിനായി ആദ്യ മത്സരത്തിൽ ഇറങ്ങാനിരിക്കൊണ് ഈ അപ്രതീക്ഷിത അപകടമുണ്ടായത്. പരിക്ക് കാരണം 30 കാരമായ താരത്തിന് ഈ സീസണിലെ മുഴുവൻ മത്സരങ്ങളും നഷ്ടമാകും. ഈ പ്രതിസന്ധിയെ എങ്ങനെ നേരിടണം എന്ന ആശങ്കയിലാണ് സാക്രമെന്റോ കിങ്സ്. കഴിഞ്ഞ മാസം 3.5 മില്യൺ ഡോളറിന് ഒരു വർഷത്തെ കരാറിലാണ് ബെൻ സാക്രമെന്റോ കിങ്സുമായി ഒപ്പുവെച്ചത്. അതേസമയം കരിയറിൽ ഉടനീളം ബെന്നിനെ പരുക്കുകൾ വേട്ടയാടിയിട്ടുണ്ട്. 2016-2017 സമയത്ത് ബെന്നിന്റെ കാലിലെ ഒടിവ് കാരണം ആദ്യ സീസൺ മുഴുവൻ അദ്ദേഹത്തിന് നഷ്ടമായി. 2021-2025 കാലഘട്ടത്തിൽ അദ്ദേഹത്തിന്റെ കാൽമുട്ടിനും കാലുകൾക്കും നിരന്തരമായി പരുക്കുകളുണ്ടായി. ഈ പരുക്ക് തന്റെ യാത്രയുടെ ഒരു അധ്യായം മാത്രമാണ് അല്ലാതെ അവസാനമല്ലെന്ന് ബെൻ പ്രതികരിച്ചു. ബുധനാഴ്ച ലോസ് ഏഞ്ചൽസിൽ ക്ലിപ്പേഴ്സിനെതിരെ നടക്കുന്ന മത്സരത്തിൽ റൂക്കി താരം ഡാരിയസ് അക്കഫ് ജൂനിയറിനൊപ്പം ബെൻ കളത്തിലിറങ്ങാനായിരുന്നു പദ്ധതി. എന്നാൽ ബെൻ പരിക്ക് കാരണം പിൻവാങ്ങിയതോടെ ടീമിന് പഴയ പ്ലാനിലേക്ക് തന്നെ തിരിച്ചുപോകേണ്ടിവന്നിരിക്കുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Sharanya Kheruka: ശ്രദ്ധേയമായ നേട്ടം കൈവരിച്ച് ശരണ്യ ഖേരുക്ക; അംഗീകാര നിറവിൽ പാരാ-അത്‌ലറ്റുകളെക്കുറിച്ചുള്ള പുസ്തകം

മുംബൈ: ചെറുപ്രായത്തിൽ തന്നെ ശ്രദ്ധേയമായ നേട്ടം കൈവരിച്ച് ശരണ്യ ഖേരുക്ക. 'ലിവിങ് ഹിസ്റ്ററീസ്: സ്റ്റോറീസ് ഓഫ് മഹാരാഷ്ട്രാസ് പാരാലിമ്പ്യൻസ് (Living Histories: Stories of Maharashtra’s Paralympians) എന്ന തൻറെ പുസ്തകത്തിലൂടെ ശ്രദ്ധേയയായി 16കാരിയായ ശരണ്യ ഖേരുക്ക. പാരാലിമ്പിക്സ് കമ്മിറ്റി ഓഫ് ഇന്ത്യ (പിസിഐ) പ്രസിഡൻറ് ദേവേന്ദ്ര ജജാരിയ ശരണ്യ ഖേരുക്കയെ അഭിനന്ദിച്ചു. മഹാരാഷ്ട്രയിലെ പാരാ-അത്ലറ്റുകളുടെ പ്രചോദനാത്മകവും എന്നാൽ പലപ്പോഴും പുറംലോകം അറിയാത്തതുമായ കഥകൾ ഈ പുസ്തകം വെളിച്ചത്തുകൊണ്ടുവരുന്നു. പ്രതിസന്ധികൾക്കിടയിലും അവർ ആർജ്ജിച്ച ധൈര്യം, ദൃഢനിശ്ചയം, സ്ഥിരോത്സാഹം എന്നിവയിലൂടെയുള്ള അവരുടെ ജീവിതയാത്രകളെ ഈ പുസ്തകം രേഖപ്പെടുത്തുന്നു. പിസിഐ ഡയറക്ടർ സത്യനാരായണൻ, പുസ്തകത്തിൽ പരാമർശിക്കപ്പെടുന്ന പാരാ-അത്ലറ്റുകളായ സുകാന്ത് കദം, സന്ദീപ് സഞ്ജയ് സർഗാർ എന്നിവരുടെ സാന്നിധ്യത്തിലായിരുന്നു ശരണ്യ ഖേരുക്കയെ ആദരിച്ചത്. ഓരോ മെഡലിന് പിന്നിലും പലരും കാണാതെ പോകുന്ന ജീവിതയാത്രകളുണ്ട്. വേദന നിറഞ്ഞ തിരിച്ചടികൾ, അശ്രാന്തമായ പരിശീലനം, ധൈര്യം എന്നിവ നിറഞ്ഞ യാത്രയാണത്. പാരാ-അത്ലറ്റുകൾ തങ്ങളുടെ വ്യക്തിപരവും ശാരീരികവുമായ വെല്ലുവിളികളെ എങ്ങനെ നേരിട്ടു, തടസങ്ങളെ എങ്ങനെ മറികടുന്നു, ഒടുവിൽ ആഗോള വേദിയിൽ ഇന്ത്യയെ പ്രതിനിധീകരിക്കുന്ന നിലയിലേക്ക് എങ്ങനെ ഉയർന്നു എന്നതിനെക്കുറിച്ചെല്ലാം ലിവിംഗ് ഹിസ്റ്ററീസ് വായനക്കാരിലേക്കെത്തിക്കുന്നു. അന്താരാഷ്ട്ര മെഡലുകളും അസാധാരണമായ നേട്ടങ്ങളും സ്വന്തമാക്കിയിട്ടും ഇവരിൽ പലരും പൊതുസമൂഹത്തിന് പരിചിതരല്ല. ഇനിയും പലരിലേക്കും അവരുടെ പോരാട്ടങ്ങളും വിജയഗാഥകളും എത്തിയിട്ടില്ല. മഹാരാഷ്ട്രയിൽ നിന്നുള്ള പ്രഗത്ഭരായ പാരാ-അത്ലറ്റുകളുടെ പ്രചോദനാത്മകമായ ജീവിതകഥകൾ പലർക്കും അറിയില്ലെന്ന് തിരിച്ചറിഞ്ഞപ്പോൾ ശരണ്യ അത്ഭുതപ്പെട്ടു. ഈ തിരിച്ചറിവാണ് യുവവായനക്കാരിലേക്ക് പാരാ-അത്ലറ്റുകളുടെ ധൈര്യത്തിൻറെയും ദൃഢനിശ്ചയത്തിൻറെയും നേട്ടങ്ങളുടെയും കഥകൾ എത്തിക്കാനും അതുവഴി അവരെ വരുംതലമുറയ്ക്ക് മാതൃകകളാക്കി മാറ്റാനും ശരണ്യയ്ക്ക് പ്രചോദനമായത്. ‘സ്പോർട്സ് എപ്പോഴും എൻറെ ജീവിതത്തിൻറെ ഭാഗമായിരുന്നു. കായികരംഗത്തുണ്ടായ ഒരു പരിക്കാണ് ഞാൻ പ്രതിസന്ധികളെ നോക്കിക്കാണുന്ന രീതിയെ മാറ്റിമറിച്ചത്. അസാധാരണമായ ഈ പാരാലിമ്പിക്സ് താരങ്ങളുമായി സംസാരിക്കുകയും അവരുടെ കഥകൾ കേൾക്കുകയും ചെയ്തപ്പോൾ അവർ നേരിട്ട വെല്ലുവിളികൾക്കിടയിലും തങ്ങളുടെ സ്വപ്നങ്ങളെ പിന്തുടരാൻ കാണിച്ച ധൈര്യവും ദൃഢനിശ്ചയവും എന്നെ വല്ലാതെ സ്പർശിച്ചു’ ശരണ്യ ഖേരുക്ക പറഞ്ഞു. സുകാന്ത് കദം, സന്ദീപ് സഞ്ജയ് സർഗാർ തുടങ്ങിയ കായിക താരങ്ങളുടെ ജീവിതകഥകൾ ഉൾപ്പെടുത്തിയിരിക്കുന്ന ഈ പുസ്തകം അവരുടെ കായിക ജീവിതത്തെ രൂപപ്പെടുത്തിയ വ്യത്യസ്തമായ വഴികളിലൂടെ സഞ്ചരിക്കുന്നു. മെഡലുകൾക്കും വിജയങ്ങൾക്കും അപ്പുറം ആ നേട്ടങ്ങൾക്ക് പിന്നിലുള്ള മനുഷ്യരെ പരിചയപ്പെടുത്താനും ശരണ്യ ഈ പുസ്തകത്തിലൂടെ ശ്രദ്ധ നൽകുന്നു. ഓരോ കഥയും മത്സരങ്ങളിൽ പങ്കെടുക്കാൻ മാത്രമല്ല, മുന്നോട്ടുള്ള വഴി അനിശ്ചിതമായിരിക്കുമ്പോൾ പോലും സ്വയം വിശ്വസിക്കാൻ ആവശ്യമായ ദൃഢനിശ്ചയത്തെക്കുറിച്ചുള്ള ഉൾക്കാഴ്ച നൽകുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

T20 Cricket: ഫൈനല്‍ പോരാട്ടത്തിനൊരുങ്ങി ഇന്ത്യയും വെസ്റ്റ് ഇന്‍ഡീസും, പരമ്പര ആര് സ്വന്തമാക്കും?

വെസ്റ്റ് ഇൻഡീസിനെതിരായ നാളത്തെ അഞ്ചാം ടി20 മത്സരം ഇന്ത്യയെ സംബന്ധിച്ച് നിർണ്ണായകമാണ്. നാലാം മത്സരത്തിൽ 24 റൺസിനാണ് ടീം ഇന്ത്യ പരാജയപ്പെട്ടത്. പരമ്പര നിലവില്‍ 2-2 എന്ന നിലയിലാണ്. അവസാന മത്സരം ഒക്ടോബര്‍ 17 ന് ബെംഗളൂരുവിലെ ചിന്നസ്വാമി സ്റ്റേഡിയത്തില്‍ നടക്കും. മികച്ച പ്രകടനം പുറത്തെടുക്കാനുള്ള വെല്ലുവിളിയാണ് രണ്ട് ടീമുകള്‍ക്കുമുള്ളത്. 248 റണ്‍സ് വിജയലക്ഷ്യം പിന്തുടര്‍ന്ന ഇന്ത്യക്ക് മികച്ച തുടക്കമായിരുന്നു കഴിഞ്ഞ മത്സരത്തില്‍ ലഭിച്ചത്. സഞ്ജു സാംസണ്‍ 20 പന്തില്‍ അര്‍ദ്ധസെഞ്ച്വറി തികച്ചെങ്കിലും കീമോ പോള്‍ 56 റണ്‍സിന് സഞ്ജുവിനെ പുറത്താക്കി. ശ്രേയസ് അയ്യര്‍ 11 പന്തില്‍ 16 റണ്‍സ് നേടിയപ്പോള്‍ അഭിഷേക് ശര്‍മ്മ 29 റണ്‍സ് നേടി ഗുഡേഷ് മോതിയുടെ പന്തില്‍ പുറത്തായി. നിതീഷ് കുമാര്‍ റെഡ്ഡിയും തിലക് വര്‍മ്മയും ചേര്‍ന്ന് ഇന്ത്യയെ വിജയത്തിലേക്ക് നയിച്ചെങ്കിലും ലക്ഷ്യത്തിലെത്താന്‍ കഴിഞ്ഞില്ല. സെഞ്ച്വറി നേടിയ രോഹിത് ശര്‍മ്മ ബെംഗളൂരുവില്‍ ഇന്ത്യ അവസാനമായി കളിച്ച ടി20 അന്താരാഷ്ട്ര മത്സരം 2024 ജനുവരിയില്‍ അഫ്ഗാനിസ്ഥാനെതിരെയായിരുന്നു. അന്ന് രോഹിത് ശര്‍മ്മ 69 പന്തുകളില്‍ പുറത്താകാതെ 121 റണ്‍സ് നേടി. മത്സരം സമനിലയില്‍ അവസാനിച്ചതോടെ രണ്ട് സൂപ്പര്‍ ഓവറുകള്‍ കളിക്കുകയും രണ്ടാം സൂപ്പര്‍ ഓവറില്‍ ഇന്ത്യ വിജയിക്കുകയും ചെയ്തു. സമ്മര്‍ദ്ദത്തിലും മികച്ച തിരിച്ചുവരവ് നടത്താന്‍ കഴിയുമെന്ന് ഇന്ത്യ അന്ന് വീണ്ടും തെളിയിച്ചു. ഇന്ത്യ കരുത്ത് തെളിയിക്കണം നാലാം ടി20യില്‍ 247 റണ്‍സ് നേടിയ വെസ്റ്റ് ഇന്‍ഡീസ് ഇന്ത്യയെ 24 റണ്‍സിന് പരാജയപ്പെടുത്തിയിരുന്നു. കഴിഞ്ഞ മത്സരത്തിലെ തെറ്റുകളില്‍ നിന്ന് പാഠം ഉള്‍ക്കൊണ്ട് അവസാന മത്സരത്തില്‍ വിജയം നേടാനാകും ഇന്ത്യന്‍ ടീമിന്റെ ശ്രമം. അതേസമയം പരമ്പര സ്വന്തമാക്കാന്‍ തന്നെയാണ് വെസ്റ്റ് ഇന്‍ഡീസും ശ്രമിക്കുക. അതിനാല്‍ ബെംഗളൂരുവില്‍ ഇരു ടീമുകളും തമ്മില്‍ ശക്തമായ പോരാട്ടമായിരിക്കും നടക്കുക. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Asian Para Games 2026: ഏഷ്യന്‍ പാരാ ഗെയിംസിനായി ഇന്ത്യന്‍ സംഘം പുറപ്പെട്ടു, യാത്രയയപ്പ് നല്‍കി പാരാലിമ്പിക് കമ്മിറ്റി

അഞ്ചാമത് ഏഷ്യൻ പാരാ ഗെയിംസിനായി ജപ്പാനിലേക്ക് പുറപ്പെടുന്ന ഇന്ത്യൻ സംഘത്തിന് പാരാലിമ്പിക് കമ്മിറ്റി ഓഫ് ഇന്ത്യ (PCI) ഗംഭീര യാത്രയയപ്പ് നടത്തി. ചാണക്യപുരിയിലെ ഐടിസി മൗര്യയിലാണ് അത്ലറ്റുകളുടെ യാത്രയയപ്പ് ചടങ്ങ് നടന്നത്. ചടങ്ങിൽ കേന്ദ്ര കായിക മന്ത്രി മൻസുഖ് മാണ്ഡവ്യ ഇന്ത്യൻ ടീമിന്റെ ഔദ്യോഗിക ജേഴ്സി പ്രകാശനം ചെയ്തു. സാഹചര്യങ്ങളെ വെല്ലുവിളിച്ച് അന്താരാഷ്ട്ര തലത്തിൽ എത്തിയ അത്ലറ്റുകളെ മന്ത്രി മൻസുഖ് മാണ്ഡവ്യ അഭിനന്ദിച്ചു. ജപ്പാനിൽ ഇന്ത്യൻ ടീം മികച്ച പ്രകടനം കാഴ്ചവെക്കുമെന്ന് പിസിഐ (PCI) പ്രസിഡന്റ് ദേവേന്ദ്ര ജാജരിയ പറഞ്ഞു. ഒക്ടോബർ 18 മുതൽ 24 വരെയാണ് ജപ്പാനിലെ ഐച്ചി-നാഗോയയിലാണ് മത്സരങ്ങൾ അരങ്ങേറുക. 116 പുരുഷന്മാരും 60 സ്ത്രീകളും അടങ്ങുന്ന 176 അത്ലറ്റുകളാണ് ജപ്പാനിലേക്ക് പോകുന്നത്. പാരാ അത്ലറ്റിക്സ്, പാരാ ബാഡ്മിന്റൺ, പാരാ ആർച്ചറി, ഷൂട്ടിംഗ് പാരാ സ്പോർട്സ്, പാരാ സ്വിമ്മിംഗ്, പാരാ ടേബിൾ ടെന്നീസ്, പാരാ പവർലിഫ്റ്റിംഗ്, ബ്ലൈൻഡ് ഫുട്ബോൾ, പാരാ സൈക്ലിംഗ്, പാരാ ജൂഡോ, ബോസിയ, വീൽചെയർ ഫെൻസിങ് എന്നീ 12 ഇന മത്സരങ്ങളിലാണ് ഇന്ത്യൻ ടീം പങ്കെടുക്കുക. ചൈനയിലെ ഹങ്ചോയിൽ നടന്ന മുൻ ഏഷ്യൻ പാരാ ഗെയിംസിൽ 29 സ്വർണ്ണവും, 31 വെള്ളിയും, 51 വെങ്കലവുമടക്കം 111 മെഡലുകളാണ് ഇന്ത്യൻ ടീം നേടിയത്. ഇത്തവണയും നൂറ് മെഡലുകൾ ലക്ഷ്യമിട്ടാണ് ഇന്ത്യൻ ടീം മത്സരത്തിനിറങ്ങുക. പാരാലിമ്പിക്സിലെ സ്വർണ്ണ മെഡൽ ജേതാവായ പ്രമോദ് ഭഗതും, പാരാലിമ്പിക്സിൽ വെള്ളി മെഡൽ നേടിയ ഭവിനാ പട്ടേലുമാണ് ഉദ്ഘാടനച്ചടങ്ങിൽ ഇന്ത്യയുടെ പതാകയേന്തുക. കഠിനമായ പരിശീലനത്തിലൂടെ തങ്ങൾ ജപ്പാനിൽ മികച്ച പ്രകടനം കാഴ്ചവെക്കുമെന്ന് പ്രമോദ് ഭഗത് വ്യക്തമാക്കി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.