India vs Brazil: കാനറിപ്പട കൊൽക്കത്തയിലെത്തി; ഇന്ത്യയുമായി മത്സരം നാളെ

ബ്രസീൽ ഫുട്ബോൾ ടീം കൊൽക്കത്തയിലെത്തി. ഇന്ത്യക്കെതിരായ രാജ്യാന്തര സൌഹൃദ പോരാട്ടത്തിനായാണ് അഞ്ച് തവണ ലോക ചാമ്പ്യന്മാരായ ബ്രസീൽ ഫുട്ബോൾ ടീം കൊൽക്കത്തയിലെത്തിയത്. ഇന്ത്യക്കെതിരെ സൌഹൃദ മത്സരം ഒക്ടോബർ മൂന്നിന് സാൾട്ട് ലേക്ക് സ്റ്റേഡിയത്തിൽ നടക്കും. മുതിർന്ന പുരുഷ ഫുട്ബോളിൽ ഇരുരാജ്യങ്ങളും ഏറ്റുമുട്ടുന്ന ആദ്യ അന്താരാഷ്ട്ര മത്സരമാണിത്.

ഹെഡ് കോച്ച് കാർലോ ആഞ്ചലോട്ടിയുടെ പരിശീലനത്തിൽ എത്തിയ ബ്രസീലിൻറെ വൻതാരനിര വ്യാഴാഴ്ചയാണ് കൊൽക്കത്തയിലെത്തിയത്. തുടർന്ന് കനത്ത സുരക്ഷയിൽ ടീമിനെ താമസസ്ഥലത്തേക്ക് മാറ്റി. എയർപോർട്ടിന് സമീപത്തും ടീം സഞ്ചരിച്ച പാതയോരങ്ങളിലും ആരാധകർ തടിച്ചുകൂടുന്നത് പോലീസ് നിയന്ത്രിച്ചിരുന്നു.

ടീം താമസിക്കുന്ന ഹോട്ടലിൽ ആവേശകരമായ സ്വീകരണമാണ് ബ്രസീൽ താരങ്ങൾക്കും പരിശീലകനും ലഭിച്ചത്. വിനീഷ്യസ് ജൂനിയർ, മാർക്വീന്യസ്, എൻഡ്രിക്, ബ്രൂണോ ഗിമാറെസ് തുടങ്ങിയ പ്രമുഖ താരങ്ങളും ഇന്ത്യൻ പര്യടനത്തിനുള്ള ബ്രസീലിയൻ സംഘത്തിലുണ്ട്.

ഇന്ത്യ വേദിയാകുന്ന ഏറ്റവും വലിയ അന്താരാഷ്ട്ര ഫുട്ബോൾ മത്സരങ്ങളിലൊന്നാണ് ഇന്ത്യ-ബ്രസീൽ മത്സരം. വിവേകാനന്ദ യുവ ഭാരതി ക്രീരംഗനിൽ വച്ച് ബ്രസീൽ ഇന്ത്യയെ നേരിടുമെന്ന് ഈ വർഷം ജൂലൈയിലാണ് ഓൾ ഇന്ത്യ ഫുട്ബോൾ ഫെഡറേഷൻ സ്ഥിരീകരിച്ചത്. ബെംഗളൂരുവിൽ നടന്ന മത്സരത്തിൽ പനാമക്കെതിരെ 1-1ന് സമനില വഴങ്ങിയ ശേഷമാണ് ഇന്ത്യ ബ്രസീലിനെ നേരിടാൻ ഇറങ്ങുന്നത്.

ഓസ്ട്രേലിയക്കെതിരായ സൌഹൃദ പരമ്പരയിൽ ആദ്യ മത്സരം 1-1ന് സമനിലയിലാകുകയും രണ്ടാം മത്സരത്തിൽ 4-2ന് വിജയിക്കുകയും ചെയ്ത ശേഷമാണ് ബ്രസീലിയൻ ടീം ഇന്ത്യയിലെത്തിയത്. ഇന്ത്യയുമായുള്ള മത്സരത്തിന് ബ്രസീൽ താരം റാഫിന്യ കളിക്കില്ല. ഓസ്ട്രേലിയക്കെതിരെ നടന്ന സൌഹൃദ പരമ്പരയിലെ രണ്ടാം മത്സരത്തിൽ പരിക്കേറ്റതിനെ തുടർന്ന് താരം ചികിത്സയ്ക്കായി സ്പെയിനിലേക്ക് മടങ്ങിയിരുന്നു.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.

ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.