National

International

Entertainment

Videos

SUGAR PRICE: പഞ്ചസാര സെഞ്ച്വറി അടിക്കുമോ വിലയിൽ വൻ കുതിപ്പ്

@ZeeMalayalam2d ago

#Kerala News

Videos

PASSPORT UPDATE:പാസ്‌പോർട്ട് ചട്ടങ്ങളിൽ അടിമുടി മാറ്റം! നിയമങ്ങൾ അറിഞ്ഞോളൂ..

@ZeeMalayalam7d ago

#India

Short Videos

CANARA BANK:കാനറാ ബാങ്ക് എടിഎം ചാർജുകളിൽ നിയന്ത്രണം..

@ZeeMalayalam15d ago

#India

Sandeep Patil: 'സച്ചിനെയും യുവരാജിനെയും ഒഴിവാക്കിയത് എന്തിനാണെന്ന് അവര്‍ക്കറിയാം' വെളിപ്പെടുത്തലുമായി സന്ദീപ് പാട്ടീൽ

ഇന്ത്യൻ ക്രിക്കറ്റ് ടീമിലെ ഇതിഹാസ താരങ്ങളായ സച്ചിൻ തെണ്ടുൽക്കർ, യുവരാജ് സിംഗ്, ഗൗതം ഗംഭീർ, സഹീർ ഖാൻ എന്നിവരെ ടീമിൽ നിന്ന് ഒഴിവാക്കാനുള്ള കാരണങ്ങൾ അവർക്ക് നന്നായി അറിയാമെന്ന് മുൻ ഇന്ത്യൻ ക്രിക്കറ്റ് താരവും ചീഫ് സെലക്ടറുമായിരുന്ന സന്ദീപ് പാട്ടീൽ. വ്യക്തി ബന്ധങ്ങളേക്കാൾ ഇന്ത്യന്‍ ക്രിക്കറ്റിന്റെ ഭാവിക്കാണ് സെലക്ഷൻ കമ്മിറ്റി മുൻഗണന നൽകിയതെന്നും അദ്ദേഹം കൂട്ടിച്ചേർത്തു. പാനലിന്റെ ചെയർമാൻ മാത്രമായിരുന്നു താനെന്നും അദ്ദേഹം വ്യക്തമാക്കി. 'ഇന്ത്യൻ ക്രിക്കറ്റിന്റെ ഭാവി മുൻനിർത്തി മാത്രമാണ് തീരുമാനങ്ങളെടുക്കുന്നത് ഇന്ന് ഇതേക്കുറിച്ച് സംസാരിക്കുന്നത് വളരെ വിഷമകരമാണ്. സച്ചിൻ തെണ്ടുൽക്കർ, യുവരാജ് സിംഗ്, ഗൗതം ഗംഭീർ, സഹീർ ഖാൻ തുടങ്ങിയ ഇതിഹാസ താരങ്ങൾക്ക് ടീം വിടുകയോ വിരമിക്കുകയോ ചെയ്യേണ്ടി വന്നു പക്ഷെ അതിനുള്ള കാരണങ്ങൾ അവർക്ക് നന്നായി അറിയാം'. 'ദി ഗ്രേറ്റ് ഇന്ത്യൻ ക്രിക്കറ്റ് ഷോ'യിൽ സംസാരിക്കവെയാണ് മുംബൈ സീനിയർ ഏജ് ഗ്രൂപ്പ് പുരുഷ ടീമുകളുടെ മെന്ററായ സന്ദീപ് പാട്ടീൽ ഇക്കാര്യം വ്യക്തമാക്കിയത്. നാഷണൽ ക്രിക്കറ്റ് അക്കാദമിയുടെ (NCA) മുൻ തലവനും, നിലവിലെ ബിസിസിഐ സെന്റർ ഓഫ് എക്സലൻസിന്റെ (CoE) അംഗവുമായ സന്ദീപ് പാട്ടീൽ കളിക്കാരുമായി സെലക്ടർമാർ പാലിക്കേണ്ട തൊഴിൽപരമായ അതിരുകളെക്കുറും സംസാരിച്ചു. ദീ‌ർഘകാല സൗഹൃദങ്ങളെ വരെ ബാധിക്കുന്ന തരത്തിലുണ്ടായ തീരുമാനങ്ങൾ തങ്ങൾക്ക് എടുക്കേണ്ടി വന്നിട്ടുണ്ടെന്ന് അദ്ദേഹം വ്യക്തമാക്കി. 'കളിക്കാരുമായി സെലക്ടർമാർ സൗഹൃദത്തിലാകാം പക്ഷെ അവിടെ അതിർവരമ്പുകളുണ്ടായിരിക്കണം. അവൻ എന്റെ സുഹൃത്തായതുകൊണ്ട് ടീമിലേക്ക് അവനെ തിരഞ്ഞെടുക്കാമെന്ന് ആര്‍ക്കും പറയാൻ കഴിയില്ല. ലഭിക്കുന്ന ഉത്തരവാദിത്തം ഗൗരവത്തോടെ കാണണം.' നിങ്ങൾ ചിന്തിക്കേണ്ടത് ഇന്ത്യയുടെ ക്രിക്കറ്റിനെയും അതിന്റെ ഭാവിയെയുമാണെന്ന് സന്ദീപ് പാട്ടീൽ പറയുന്നു. നിങ്ങൾക്ക് തൃപ്തികരമല്ലാത്ത തീരുമാനങ്ങൾ പോലും എടുക്കേണ്ടി വന്നേക്കാം പക്ഷെ ഇന്ത്യൻ ടീമിന്റെ നന്മയ്ക്കായി നിങ്ങൾക്ക് ചെയ്യേണ്ടിവരുമെന്ന് സന്ദീപ് പാട്ടീൽ വ്യക്തമാക്കുന്നു. 1983-ലെ ഏകദിന ലോകകപ്പ് നേടിയ ഇന്ത്യൻ ടീമിൽ അംഗമായിരുന്നു സന്ദീപ് പാട്ടീൽ. 2012 മുതൽ 2016 വരെയുള്ള ഇന്ത്യൻ ടീമിന്റെ നിർണായക മാറ്റങ്ങളുടെ ഘട്ടത്തിലാണ് അഞ്ചംഗ സീനിയർ പുരുഷ സെലക്ഷൻ കമ്മിറ്റിയുടെ തലവനായി അദ്ദേഹം പ്രവർത്തിച്ചത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Tap to read more

ODI December: ഇന്ത്യ-ശ്രീലങ്ക ഒന്നാം ഏകദിനം ഡൽഹിയിൽ നിന്ന് അഹമ്മദാബാദിലേക്ക്

ഇന്ത്യയും ശ്രീലങ്കയും തമ്മിലുള്ള ആദ്യ ഏകദിനം ഡൽഹിയിൽ നിന്ന് അഹമ്മദാബാദിലേക്ക് മാറ്റിയതായി റിപ്പോർട്ടുകൾ. 2026 ഡിസംബർ 13-ന് അരുൺ ജെയ്റ്റ്ലി സ്റ്റേഡിയത്തിലാണ് മത്സരം ആദ്യം നിശ്ചയിച്ചിരുന്നത്. എന്നാൽ ഇപ്പോൾ മത്സരം നരേന്ദ്രമോദി സ്റ്റേഡിയത്തിലേക്ക് മാറ്റി. നിലവിൽ അരുൺ ജെയ്റ്റ്ലി സ്റ്റേഡിയത്തിൽ നവീകരണ ജോലികൾ പുരോഗമിക്കുകയാണ്. സ്റ്റേഡിയത്തിലെ ഡ്രെയിനേജ് സംവിധാനം മെച്ചപ്പെടുത്താൻ ഡൽഹി ആൻഡ് ഡിസ്ട്രിക്റ്റ് അസോസിയേഷൻ തീരുമാനിച്ചിരിക്കുകയാണ്. ഇതിന്റെ ഭാഗമായി വലിയ ഒരു കാലയളവിലേക്ക് സ്റ്റേഡിയം മത്സരങ്ങൾക്ക് ലഭ്യമാകില്ല. മാർച്ചിൽ, 2026-27 സീസണിലെ ഇന്ത്യയുടെ ഹോം ഷെഡ്യൂൾ പുറത്തിറക്കിയപ്പോൾ ഇന്ത്യൻ ക്രിക്കറ്റ് കൺട്രോൾ ബോർഡ് ഉദ്ഘാടന ഏകദിനത്തിനുള്ള വേദിയായി ഡൽഹിയെ പ്രഖ്യാപിക്കുകയായിരുന്നു. എന്നാൽ പുതിയ മാറ്റങ്ങൾ അനുസരിച്ച് മൂന്ന് മത്സരങ്ങളുള്ള ഏകദിന പരമ്പരയിൽ അഹമ്മദാബാദ് രണ്ട് മത്സരങ്ങൾക്ക് ആതിഥേയത്വം വഹിക്കും. ഡിസംബർ 16-ന് ബെംഗളൂരുവിലാണ് രണ്ടാം ഏകദിനം നടക്കുന്നത്. മൂന്നാമത്തെയും അവസാനത്തെയും മത്സരം ഡിസംബർ 19-ന് അഹമ്മദാബാദിൽ നടത്താനാണ് നിശ്ചയിച്ചിരിക്കുന്നത്. ഉദ്ഘാടന മത്സരത്തിന്റെ വേദി മാറ്റിയത് അഹമ്മദാബാദിലെ ക്രിക്കറ്റ് ആരാധകരർക്ക് ഇന്ത്യൻ ടീമിന്റെ മത്സരം നേരിൽ കാണാൻ മറ്റൊരു അവസരം കൂടി നൽകും. ശ്രീലങ്കയ്ക്കെതിരെയുള്ള ഇന്ത്യയുടെ ഹോം പരമ്പരയിൽ മൂന്ന് ഏകദിനങ്ങളും മൂന്ന് ടി20 മത്സരങ്ങളുമാണ് ഉള്ളത്. ഏകദിന പരമ്പര ഡിസംബർ 13-ന് ആരംഭിക്കും ടി20 പരമ്പര ഡിസംബർ 22-നും നടക്കും. ഡിസംബർ 22, 24, 27 തീയതികളിൽ യഥാക്രമം രാജ്കോട്ട്, കട്ടക്ക്, പൂനെ എന്നിവിടങ്ങളിലാണ് ടി20 മത്സരങ്ങൾ നടക്കുക. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Tap to read more

Videos

FLIGHT TICKET : പ്രവാസികൾക്ക് കുറഞ്ഞ നിരക്കിൽ പറക്കാം..! ടിക്കറ്റെടുക്കുമ്പോൾ ശ്രദ്ധിക്കൂ..

@ZeeMalayalam35d ago

#India

Videos

CBSE : CBSE വിദ്യാർഥികൾക്ക് ആശ്വാസം! മൂന്നാം ഭാഷയ്ക്ക് ബോർഡ് പരീക്ഷ ഒഴിവാക്കി

@ZeeMalayalam36d ago

#India

Videos

PHONEPE : ഫോൺപേയിൽ നിയമനം.. കേരളത്തിലും അവസരം

@ZeeMalayalam37d ago

#India

Videos

national rain: കനത്ത മഴയും ഇടിമിന്നലും; പ്രളയ മുന്നറിയിപ്പ്

@ZeeMalayalam37d ago

#India

Bank Open: ബാങ്കുകൾക്ക് ഇന്ന് പ്രവൃത്തി ദിവസം; അടുത്ത മൂന്ന് ദിവസം പണിമുടക്ക്

ന്യൂഡൽഹി: പണിമുടക്ക് കാരണം ജനങ്ങൾക്കുണ്ടാകുന്ന ബുദ്ധിമുട്ടുകൾ കുറയ്ക്കുന്നതിനായി കേന്ദ്ര ധനമന്ത്രാലയം സെപ്തംബർ 27ന് ഞായറാഴ്ച ബാങ്കുകൾക്ക് പ്രവൃത്തിദിനമായി പ്രഖ്യാപിച്ചു. തിങ്കൾ മുതൽ മൂന്ന് ദിവസം ബാങ്ക് ജീവനക്കാരുടെ സംഘടനകൾ പണിമുടക്കുന്നതിനാലും സാമ്പത്തിക വർഷത്തിൻറെ ആദ്യ പകുതിയിലെ കണക്കുകൾ പൂർത്തിയാക്കേണ്ടതിനാലുമാണ് ഈ തീരുമാനം. പണിമുടക്കിന് ശേഷം ഒക്ടോബർ ഒന്നിന് ബാങ്കുകൾ തുറക്കുമെങ്കിലും രണ്ടിന് ഗാന്ധിജയന്തി പ്രമാണിച്ച് അവധി ആയിരിക്കും. എന്നാൽ, ഒക്ടോബറിലെ ആദ്യ ശനിയാഴ്ചയായ മൂന്നാം തിയതി ബാങ്കുകൾ പ്രവർത്തിക്കും. അതിനാൽ ഈ ആഴ്ച ആകെ മൂന്ന് ദിവസം ആയിരിക്കും ബാങ്കുകളുടെ പ്രവർത്തനം പൂർണമായി നടക്കുക. ബാങ്ക് ശാഖകൾ അടഞ്ഞുകിടന്നാലും ഓൺലൈൻ വഴി നടത്തുന്ന ഡിജിറ്റൽ ഇടപാടുകൾക്കും ഇഎംഐ ഉൾപ്പെടെയുള്ള ഓട്ടോമേറ്റഡ് സേവനങ്ങൾക്കും മുടക്കമുണ്ടാകില്ലെന്ന് അധികൃതർ വ്യക്തമാക്കിയിട്ടുണ്ട്. ഞായറാഴ്ച ബാങ്കുകൾ പ്രവർത്തിക്കുന്നതിനാൽ എടിഎമ്മുകളിൽ ആവശ്യത്തിന് പണം ലഭ്യമാക്കും. പണിമുടക്ക് ദിവസങ്ങളിൽ ഏത് ബാങ്കിൻറെ എടിഎമ്മിൽ നിന്നും പരിധിയില്ലാതെ സൌജന്യമായി പണം പിൻവലിക്കാൻ പൊതുമേഖലാ ബാങ്കുകൾ സൌകര്യം ഒരുക്കിയിട്ടുണ്ട്. അതേസമയം, ബാങ്ക് ജീവനക്കാരിൽ ഭൂരിഭാഗവും പണിമുടക്കിൽ പങ്കെടുക്കുന്നതിനാൽ നേരിട്ടുള്ള ബാങ്കിങ് സേവനങ്ങൾ തടസപ്പെടാൻ സാധ്യതയുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Tap to read more

Videos

SBI ATM : ആശ്വസിക്കാം.. ATM ഇടപാട് നിരക്കുകൾ ഒഴിവാക്കി SBI

@ZeeMalayalam39d ago

#India

S Jaishankar: 'ഭീകരരാജ്യമാണ് എന്നോട് ചോദിക്കുന്നത്'; പാക് മാധ്യമപ്രവർത്തകന് ചുട്ടമറുപടിയുമായി എസ്. ജയശങ്കർ

പാക് മാധ്യമപ്രവർത്തകന് ശക്തമായ മറുപടി നൽകി ഇന്ത്യൻ വിദേശകാര്യമന്ത്രി എസ്. ജയശങ്കർ. ഐക്യരാഷ്ട്രസഭയുടെ 81-ാം സമ്മേളനത്തിന്റെ ഭാഗമായി ന്യൂയോർക്കിൽ മാധ്യമങ്ങളെ കാണുകയായിരുന്നു ജയശങ്കർ. കപ്പലുകളുടെയും നാവികരുടെയും സുരക്ഷയുമായി ബന്ധപ്പെട്ട 'ഗ്രൂപ്പ് ഓഫ് ഫ്രണ്ട്സ്' വിഷയത്തിലായിരുന്നു വാര്‍ത്താസമ്മേളനം. ലൈബീരിയയുടെ വിദേശകാര്യമന്ത്രി സാറ ബെസോവോ നയാന്റിയും ജയശങ്കറിനോടൊപ്പം സമ്മേളനത്തിൽ പങ്കെടുത്തു. ചോദ്യോത്തരങ്ങളില്ല, പ്രസ്താവനകള്‍ മാത്രമായിരിക്കും ഉണ്ടാകുകയെന്ന് യോഗത്തിന്റെ തുടക്കത്തില്‍ തന്നെ വ്യക്തമാക്കിയിരുന്നു. എന്നാല്‍ സമ്മേളനത്തിന്റെ അവസാനം പാക് മാധ്യമപ്രവര്‍ത്തകന്‍ അനുമതിയില്ലാതെ ചോദ്യവുമായി രംഗത്തെുകയായിരുന്നു. പാകിസ്ഥാനില്‍ ഭീകരപ്രവര്‍ത്തനം സ്പോണ്‍സര്‍ ചെയ്യുന്നത് ഇന്ത്യന്‍ സര്‍ക്കാര്‍ എപ്പോഴാണ് നിര്‍ത്തുകയെന്നായിരുന്നു പാക് മാധ്യമപ്രവർത്തകൻറെ ചോദ്യം. ഒരു തീവ്രവാദ രാജ്യമാണ് തന്നോട് ഇത്തരം ചോദ്യം ചോദിക്കുന്നതെന്ന് ജയശങ്കർ തിരിച്ചടിച്ചു. നിങ്ങൾക്കുള്ള മറുപടി വളരെ വ്യക്തമായി ലഭിച്ചുകഴിഞ്ഞല്ലോയെന്ന് ഇന്ത്യയുടെ ഐക്യരാഷ്ട്രസഭയിലെ സ്ഥിരം പ്രതിനിധിയായ ഹരീഷ് പർവതനേനി പാക് മാധ്യമപ്രവര്‍ത്തകനോട് ചോദിച്ചു. എന്നാല്‍ മാധ്യമപ്രവര്‍ത്തകന് നല്‍കാന്‍ മറുപടിയെന്നും ഉണ്ടായിരുന്നില്ല. ഐക്യരാഷ്ട്രസഭ മനുഷ്യാവകാശ കൗൺസിലിൽ പാകിസ്ഥാനെതിരെ ഇന്ത്യ ശക്തമായ വിമര്‍ശനങ്ങളാണ് ഉയര്‍ത്തിയത്. മറ്റുള്ളവരുടെ സ്ഥലങ്ങൾ പിടിച്ചെടുക്കാനും ഭീകരവാദത്തെ സഹായിക്കാനും നിൽക്കാതെ സ്വന്തം രാജ്യത്തെ സാമ്പത്തിക പ്രതിസന്ധിയും വികസനവും പരിഹരിക്കാൻ പാകിസ്ഥാൻ നോക്കണമെന്ന് ഇന്ത്യൻ നയതന്ത്ര ഉദ്യോഗസ്ഥൻ ക്ഷിതിജ് ത്യാഗി വ്യക്തമാക്കി. പാക് അധീന കശ്മീരിൽ ഭക്ഷണവും മരുന്നും കിട്ടാതെ ജനം സമരം ചെയ്തപ്പോൾ സർക്കാർ അത് തടയുകയും സമരത്തിൽ നിരവധി സാധാരണക്കാർ കൊല്ലുകയും ചെയ്ത കാര്യം ഇന്ത്യ തുറന്നുകാട്ടി. സ്വന്തം രാജ്യത്തെ മനുഷ്യാവകാശ ലംഘനങ്ങൾ മറച്ചുവെക്കാൻ പാകിസ്ഥാൻ നടത്തുന്ന നാടകങ്ങൾ ജനം തിരിച്ചറിയുന്നുണ്ടെന്നും കൗൺസിലിന്റെ കർശന പരിശോധനയ്ക്ക് ഏറ്റവും അർഹതയുള്ളത് പാകിസ്ഥാനാണെന്നും ഇന്ത്യ ഓർമ്മിപ്പിച്ചു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Tap to read more

Videos

SBI CREDIT CARD : വരുമാന രേഖയോ സിബിൽ സ്കോറോ വേണ്ട..!! SBI യിൽ വമ്പൻ മാറ്റം..

@ZeeMalayalam40d ago

#India

Videos

FEDERAL ESTEEM:ഫെ‍ഡറൽ ബാങ്ക് അക്കൗണ്ട് കളയല്ലെ! 50 വയസ്സ് കഴിഞ്ഞാൽ ലോട്ടറി..

@ZeeMalayalam40d ago

#India

FD Rule Change: ഒക്ടോബർ 1 മുതൽ ഫിക്സഡ് ഡിപ്പോസിറ്റ് നിയമങ്ങളിൽ മാറ്റം, അറിയേണ്ടതെല്ലാം...

സുരക്ഷിതമായ ഒരു സമ്പാദ്യ മാർഗ്ഗമാണ് സ്ഥിര നിക്ഷേപങ്ങൾ അല്ലെങ്കിൽ ഫിക്സഡ് ഡിപ്പോസിറ്റുകൾ (Fixed Deposit - FD). എന്നാൽ ഒക്ടോബർ 1 മുതൽ ഫിക്സഡ് ഡിപ്പോസിറ്റ് പദ്ധതികളിൽ മാറ്റം വരുകയാണ്. പലിശ നിരക്കുകളിൽ അടക്കം വലിയ മാറ്റങ്ങളാണ് റിസർവ് ബാങ്ക് ഓഫ് ഇന്ത്യ (RBI) കൊണ്ടുവരുന്നത്. മൂന്ന് കോടി രൂപയും അതിൽ കൂടുതലുമുള്ള ഫിക്സഡ് ഡിപ്പോസിറ്റുകൾ ബൾക്ക് ഡിപ്പോസിറ്റുകളായി (Bulk Deposits) തരംതിരിക്കുന്നു. പുതിയ നിയമപ്രകാരം ബാങ്കുകൾ ഇത്തരം ബൾക്ക് ഡിപ്പോസിറ്റുകൾക്ക് ലിക്വിഡിറ്റി കവറേജ് റേഷ്യോ (LCR) ചട്ടക്കൂടിന് കീഴിൽ വ്യത്യസ്ത പലിശ നിരക്കുകളാണ് വാഗ്ദാനം ചെയ്യുന്നത്. ചില പ്രധാന വിശദാംശങ്ങൾ എന്തെല്ലാമാണെന്ന് അറിയാം . പലിശ നിരക്കുകൾ നിശ്ചയിക്കാൻ ബാങ്കുകൾക്ക് ആർബിഐ ഇളവുകൾ നൽകുന്നു. . ഒക്ടോബർ ഒന്ന് മുതൽ ബാങ്കുകൾ അവരുടെ വെബ്‌സൈറ്റുകളിൽ എഫ്‍ഡിയുടെ പലിശ നിരക്കുകൾ പ്രദർശിപ്പിക്കണം. . ബൾക്ക് ഡിപ്പോസിറ്റുകൾക്ക് ബാധകമായ പലിശ നിരക്കുകൾ എല്ലാ പ്രവൃത്തി ദിവസവും രാവിലെ 10 മണിക്കകം ബാങ്കിന്റെ വെബ്‌സൈറ്റിൽ അപ്ഡേറ്റ് ചെയ്യണം. . ഏറ്റവും പുതിയ അപ്ഡേറ്റ് നിരക്കുകൾ രാവിലെ 10:10-ന് മുൻപായി വെബ്‌സൈറ്റിൽ അപ്ഡേറ്റ് ചെയ്യണം. . ഒരേ തീയതിയിൽ ബുക്ക് ചെയ്യുന്ന ഒരേ തുകയ്ക്കുള്ള എഫ്‍ഡികൾക്ക് ഏത് ബ്രാഞ്ചിലും ഒരേ പലിശ നിരക്ക് തന്നെയായിരിക്കണം. ഇതിൽ യാതൊരുവിധ വിവേചനവും പാടില്ലെന്ന് കർശന നിർദ്ദേശമുണ്ട്. . പുതിയ നിയമങ്ങൾ പ്രധാനമായും ബൾക്ക് ഡിപ്പോസിറ്റുകളെ കേന്ദ്രീകരിച്ചുള്ളതായതിനാൽ സാധാരണ നിക്ഷേപകരെ ഇത് വലിയ രീതിയിൽ ബാധിക്കാൻ സാധ്യതയില്ല. . ആർബിഐ നിയമങ്ങൾ ബാങ്കിങ് സംവിധാനത്തിൽ കൂടുതൽ സുതാര്യത കൊണ്ടുവരും. മാത്രമല്ല നിക്ഷേപകർക്ക് ദിവസേനയുള്ള പലിശ നിരക്കിലെ മാറ്റങ്ങൾ കൃത്യമായി അറിയാൻ സാധിക്കും. എത്രത്തോളം സുരക്ഷ? ബാങ്കുകളിലെ സ്ഥിര നിക്ഷേപങ്ങൾക്ക് മറ്റ് പല നിക്ഷേപ മാർഗ്ഗങ്ങളെയും അപേക്ഷിച്ച് കൂടുതൽ സുരക്ഷിതമായിട്ടാണ് കണക്കാക്കപ്പെടുന്നത്. മാത്രമല്ല മറ്റ് നിക്ഷേപങ്ങളിൽ ലഭിക്കാത്ത ഉറപ്പായ റിട്ടേണുകളും ഇവ വാഗ്ദാനം ചെയ്യുന്നു. സാധാരണ നിക്ഷേപങ്ങളെ അപേക്ഷിച്ച് മുതിർന്ന പൗരന്മാർക്ക് ഉയർന്ന പലിശ നിരക്കുകൾ ലഭിക്കുന്നതിനാൽ മുതിർന്ന പൗരന്മാർക്കിടയിലും എഫ്‍ഡി പ്രത്യേകിച്ചും ജനപ്രിയമാണ്. പലിശ നിരക്കുകൾ ബാങ്കിൽ നിന്ന് ബാങ്കിലേക്ക് വ്യത്യസ്തമാണ്. സാധാരണയായി 6 ശതമാനം മുതൽ 7 ശതമാനം വരെ പലിശ നിരക്കുകൾ എഫ്‍ഡി വാഗ്ദാനം ചെയ്യുന്നുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Tap to read more