&imwidth=640&imheight=360)
വാഷിംഗ്ടൺ: യുഎസ് പ്രതിരോധ സെക്രട്ടറി പീറ്റ് ഹെഗ്സെത്തിനെതിരായ ഇംപീച്ച്മെൻറ് പ്രമേയം ജനപ്രതിനിധിയിൽ പരാജയപ്പെട്ടു. പ്രമേയം പരാജയപ്പെട്ടത് 204 നെതിരെ 211 വോട്ടുകൾക്കാണ്. പ്രമേയം ജുഡീഷ്യറി കമ്മിറ്റിക്ക് വിട്ടു. ഇംപീച്ച്മെന്റ് പ്രമേയത്തോടെ ഇത് ദേശസ്നേഹമല്ല അട്ടിമറിയാണെന്നാണ് യുഎസ് പ്രതിരോധ സെക്രട്ടറി പീറ്റ് ഹെഗ്സേത്ത് പ്രതികരിച്ചു. ഹെഗ്സേത്തിനെതിരായ ഇംപീച്ച്മെന്റ് പ്രമേയം പരാജയപ്പെട്ടത് ട്രംപ് ഭരണകൂടത്തിന് വലിയ ആശ്വാസമാണ്. ട്രംപിന്റെ റിപ്പബ്ലിക്കന് പാര്ട്ടിയിലെ നേതാവും കെന്റക്കിയില് നിന്നുള്ള ജനപ്രതിനിധിയുമായ തോമസ് മാസിയാണ് ജനപ്രതിനിധി സഭയില് ഇംപീച്ച്മെന്റ് പ്രമേയം അവതരിപ്പിച്ചത്. നടപടി ഇറാന് യുദ്ധത്തിന്റെ പശ്ചാത്തലത്തിലായിരുന്നു. പ്രസിഡന്റ് ട്രംപ് ഹെഗ്സെത്തിന് ശക്തമായ പിന്തുണ നല്കിയതിനെത്തുടര്ന്ന് റിപ്പബ്ലിക്കന് പാര്ട്ടി അംഗങ്ങള് പ്രതിരോധ സെക്രട്ടറിക്ക് അനുകൂല നിലപാട് സ്വീകരിച്ചു. ജനുവരിയില് ഡെമോക്രാറ്റുകള് അധികാരമേറ്റെടുക്കുമ്പോള് അടുത്ത സ്പീക്കറാകുമെന്ന് പ്രതീക്ഷിക്കുന്ന ഡെമോക്രാറ്റിക് നേതാവ് ഹക്കീം ജെഫ്രീസ്, ഹെഗ്സേത്ത് അധികാരം ദുരുപയോഗം ചെയ്തു എന്നും അമേരിക്കയുടെ ദേശീയ സുരക്ഷയെ ദുര്ബലപ്പെടുത്തി എന്നും ആരോപിച്ചിട്ടുണ്ട്. പ്രമേയത്തെ സെനറ്റിലെ ഡെമോക്രാറ്റ് നേതാവ് ചക് ഷൂമറും പിന്തുണച്ചിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
ന്യൂയോർക്ക്: അമേരിക്കൻ ഇടക്കാല തെരഞ്ഞെടുപ്പിൽ കനത്ത പരാജയം ഏറ്റുവാങ്ങിയതിന് പിന്നാലെ വൈറ്റ് ഹൗസിൽ ട്രംപിന്റെ അഴിച്ചുപണി. പ്രസിഡന്റ് ഡോണൾഡ് ട്രംപിന്റെ ചീഫ് ഓഫ് സ്റ്റാഫ് സ്ഥാനത്ത് നിന്ന് സൂസി വൈൽസിനെ മാറ്റി. പകരം ട്രംപിന്റെ വിശ്വസ്തരിൽ ഒരാളായ സ്റ്റീഫൻ മില്ലറെ ആ സ്ഥാനത്തേക്ക് നിയമിച്ചു. ട്രംപ് രണ്ടാം തവണ ഭരണത്തിലേറിയ ശേഷമുള്ള ഏറ്റവും നിർണായകമായ അധികാരമാറ്റങ്ങളിലൊന്നാണിത്. തീവ്ര നിലപാടുകാരനായ സ്റ്റീഫൻ മില്ലറാണ് ഇനി ചീഫ് ഓഫ് സ്റ്റാഫ് പദവിയേൽക്കുന്നത്. നവംബർ 9 മുതലാണ് 41കാരനായ മില്ലർ ഔദ്യോഗികമായി സ്ഥാനമേൽക്കുക. വിവാദമായ അതിർത്തി നിയന്ത്രണ പദ്ധതികളുടെയും നാടുകടത്തൽ നയങ്ങളുടെയും പ്രധാന ശില്പിയായ മില്ലർ 2016 മുതൽ ട്രംപിനൊപ്പം സജീവമായി പ്രവർത്തിക്കുന്നു. നിലവിലെ ചീഫ് ഓഫ് സ്റ്റാഫായ സൂസി വൈൽസ് പദവി വിട്ടൊഴിഞ്ഞ് ട്രംപിന്റെ രാഷ്ട്രീയ പ്രചാരണ വിഭാഗത്തിലേക്ക് മാറും. 1985-ൽ കാലിഫോർണിയയിലെ സാന്റാ മോണിക്കയിലുള്ള ഒരു ജൂത കുടുംബത്തിലാണ് സ്റ്റീഫൻ മില്ലർ ജനിച്ചത്. കുടിയേറ്റക്കാർ കൂടുതലുള്ള പ്രദേശത്താണ് വളർന്നതെങ്കിലും സ്കൂൾ കാലഘട്ടം മുതൽക്കേ തീവ്ര യാഥാസ്ഥിതിക നിലപാടുകളാണ് അദ്ദേഹം പുലർത്തിയിരുന്നത്. 16-ാം വയസ്സിൽ സ്കൂൾ പാഠ്യപദ്ധതിയിൽ സ്പാനിഷ് ഭാഷ ഉൾപ്പെടുത്തിയതിനെതിരെ പരസ്യമായി രംഗത്തുവന്നത് ഏറെ ശ്രദ്ധിക്കപ്പെട്ടിരുന്നു. ഡ്യൂക്ക് സർവകലാശാലയിലെ പഠനത്തിന് ശേഷം വാഷിംഗ്ടണിലേക്ക് മാറിയ മില്ലർ, റിപ്പബ്ലിക്കൻ നേതാവ് മൈക്കൽ ബാക്ക്മാന്റെ പ്രസ് സെക്രട്ടറിയായാണ് കരിയർ ആരംഭിച്ചത്. 2016-ൽ ട്രംപ് അധികാരം ഏറയതിന് പിന്നാലെ അദ്ദേഹത്തിന്റെ പ്രധാന ഉപദേശകനായും പ്രസംഗങ്ങൾ തയ്യാറാക്കുന്ന വ്യക്തിയായും മില്ലർ മാറുകയായിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
വാഷിംഗ്ടൺ: ഇറാനുമായുള്ള യുദ്ധമാണ് തിരഞ്ഞെടുപ്പിലെ റിപ്പബ്ലിക്കൻ പാർട്ടിയുടെ തോൽവിക്ക് കാരണമെന്ന് അമേരിക്കൻ വൈസ് പ്രസിഡന്റ് ജെ ഡി വാൻസ്. എക്സിലൂടെയാണ് വൺസ് തന്റെ പ്രതികരണത്തെ രേഖപ്പെടുത്തിയത്.
&imwidth=640&imheight=360)
വാഷിങ്ടൺ: യുഎസിലെ ഇടക്കാല തിരഞ്ഞെടുപ്പിൽ റിപ്പബ്ലിക്കൻ പാർട്ടിക്ക് കനത്ത പരാജയം. ചരിത്രവിജയം സ്വന്തമാക്കിയിരിക്കുകയാണ് ഡെമോക്രാറ്റിക് പാർട്ടി. പരാജയത്തിന് പിന്നാലെ ഇറാനിലെ ജനങ്ങൾക്ക് രാജ്യത്തിന്റെ പരമോന്നത നേതാവ് മുജ്തബ ഖമനേയി ശക്തമായ മുന്നറിയിപ്പ് നൽകി. തിരഞ്ഞെടുപ്പ് ഫലം ഏതെങ്കിലും തരത്തിൽ യുഎസിന് ഇറാനോടുള്ള നിലപാടിൽ മാറ്റം വരുത്തുമെന്ന് വിശ്വസിക്കരുതെന്നായിരുന്നു മുജ്തബ ഖമനേയിയുടെ മുന്നറിയിപ്പ്. എക്സിലൂടെയാണ് ഇക്കാര്യം അറിയിച്ചത്. അമേരിക്കയുടെ ഭാഗത്തുനിന്ന് വീണ്ടും സൈനിക നടപടികളോ ആക്രമണങ്ങളോ ഉണ്ടായാൽ, പശ്ചിമേഷ്യൻ മേഖലയിലെ നിലവിലെ പോരാട്ടം കൂടുതൽ വിപുലീകരിക്കുമെന്ന കടുത്ത മുന്നറിയിപ്പുമായി അയത്തൊള്ള ഖമേനി. അതേസമയം, അമേരിക്കൻ വോട്ടർമാർക്കിടയിൽ ശക്തിപ്പെട്ട യുദ്ധവിരുദ്ധ വികാരത്തെ ഇറാൻ സ്വാഗതം ചെയ്തു. പ്രസ്തുത വർഷത്തെ തിരഞ്ഞെടുപ്പ് പ്രചാരണങ്ങളിൽ യുഎസ്-ഇറാൻ യുദ്ധവും അതിന്റെ പ്രത്യാഘാതങ്ങളും പ്രധാന ചർച്ചാവിഷയമായി ഉയർന്നുവന്നിരുന്നു. ഒറ്റരാത്രികൊണ്ടാണ് വാഷിംഗ്ടണിലെ രാഷ്ട്രീയ അധികാര സന്തുലനം പൂർണ്ണമായി മാറിമറിഞ്ഞത്. യുഎസ് പ്രതിനിധി സഭയുടെയും സെനറ്റിന്റെയും നിയന്ത്രണം ഡെമോക്രാറ്റുകൾ വീണ്ടെടുത്തു. ട്രംപ് ഭരണകൂടം നടപ്പിലാക്കിയ നയങ്ങൾക്കെതിരെയുള്ള ജനങ്ങളുടെ ശക്തമായ ജനവിധിയായാണ് ഈ തിരഞ്ഞെടുപ്പ് ഫലം പൊതുവേ വിലയിരുത്തപ്പെടുന്നത്. എന്നാൽ ഈ രാഷ്ട്രീയ മാറ്റം അമേരിക്കയുടെ ഇറാൻ വിരുദ്ധ നയങ്ങളിൽ പെട്ടെന്ന് അയവുണ്ടാക്കുമെന്ന സൂചനയായി കണക്കാക്കരുതെന്ന് അയത്തൊള്ള ഖമേനി സ്വന്തം ജനങ്ങളോട് അഭ്യർത്ഥിച്ചു. യുഎസ് കോൺഗ്രസിന്റെ ഇരു സഭകളായ ജനപ്രതിനിധി സഭയിലും സെനറ്റിലും റിപ്പബ്ലിക്കന്മാർക്ക് കേവലഭൂരിപക്ഷം നഷ്ടമാകുകയായിരുന്നു. കഴിഞ്ഞ മൂന്ന് പതിറ്റാണ്ടിലെ ഏറ്റവും മികച്ച മുന്നേറ്റമാണ് ഡെമോക്രാറ്റുകൾക്ക് നേടാനായത്. ഡോണൾഡ് ട്രംപിന്റെ വിശ്വസ്തനും പ്രമുഖ ഇന്ത്യൻ വംശജനുമായ വിവേക് രാമസ്വാമി ഉൾപ്പെടെ റിപ്പബ്ലിക്കൻ നിരയിലെ പ്രമുഖ നേതാക്കൾ പോലും പരാജയത്തിന്റെ കയ്പ് അറിഞ്ഞു. ട്രംപ് ഭരണകൂടത്തിന്റെ വിദേശ-ആഭ്യന്തര നയങ്ങൾക്കെതിരെ ഉയർന്ന ശക്തമായ ജനവികാരം വോട്ടെടുപ്പിൽ പ്രതിഫലിച്ചതായാണ് രാഷ്ട്രീയ നിരീക്ഷകർ വിലയിരുത്തുന്നത്. ടെക്സസ്, കാൻസസ്, സൗത്ത് കരോലിന, ഒഹായോ, നോർത്ത് കരോലിന, ഐയോവ തുടങ്ങിയ റിപ്പബ്ലിക്കൻ പാർട്ടിയുടെ പരമ്പരാഗത കോട്ടകളിൽ പോലും ഡെമോക്രാറ്റിക് സ്ഥാനാർത്ഥികൾ വലിയ വിജയമാണ് നേടിയത്. ഭൂരിപക്ഷത്തിന് 218 സീറ്റുകൾ വേണ്ട പ്രതിനിധി സഭയിലും ഡെമോക്രാറ്റുകൾ വ്യക്തമായ ആധിപത്യം ഉറപ്പിച്ചു. കൂടാതെ 36 സംസ്ഥാനങ്ങളിൽ നടന്ന ഗവർണർ തിരഞ്ഞെടുപ്പിലും ഡെമോക്രാറ്റിക് സ്ഥാനാർത്ഥികൾ മുന്നേറി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
വാഷിങ്ടൺ ഡിസി: യുഎസ് ഇടക്കാല തിരഞ്ഞെടുപ്പില് വോട്ടെണ്ണൽ പുരോഗമിക്കുമ്പോൾ ട്രംപിന് തിരിച്ചടി. ഡെമോക്രാറ്റുകള് മുന്നിലെന്നാണ് ആദ്യ ഫല സൂചനകൽ പറയുന്നത്. റിപ്പബ്ലിക്കന് പാര്ട്ടിയുടെ നിയന്ത്രണത്തിലുള്ള പല മണ്ഡലങ്ങളിലും ഡെമോക്രാറ്റുകള് മുന്നിലെന്നാണ് പ്രാഥമിക ഫലങ്ങള്. ഇനി 2 വർഷം മാത്രമാണ് പ്രസിഡന്റ് ഡോണള്ഡ് ട്രംപിന്റെ വൈറ്റ് ഹൗസ് കാലാവധി തീരാന് ശേഷിക്കുന്നത്. ഈ പശ്ചാത്തലത്തില് യുഎസ് കോണ്ഗ്രസിലെ അധികാര സന്തുലിതാവസ്ഥ നിര്ണയിക്കുന്ന തിരഞ്ഞെടുപ്പ് ട്രംപിന് നിര്ണായകമാനിന്നതിൽ സംശയമില്ല. അതുകൊണ്ടുതന്നെ നിർണായക പ്രോട്ടമാണ് നടക്കുന്നതും. യുഎസ് പ്രസി ഡന്റ് ഭരണത്തിന്റെ പകുതിയില് വച്ച് നടത്തുന്ന തിരഞ്ഞെടുപ്പായതുകൊണ്ടാണ് ഇതിനെ ഇടക്കാല തിരഞ്ഞെടുപ്പ് എന്നറിയപ്പെടുന്നത്. ഒഹായോ, ജോര്ജിയ, നോര്ത്ത് കരോലിന തുടങ്ങിയ സംസ്ഥാനങ്ങളിൽ വോട്ടെടുപ്പ് ഏതാണ്ട് കഴിയാറായി. പ്രതിനിധി സഭയിലെ നിയന്ത്രണം റിപ്പബ്ലിക്കന്മാര്ക്ക് നഷ്ടപ്പെട്ടാല് ട്രംപിന്റെ നിയമനിര്മ്മാണ അജണ്ടകളെ തടസ്സപ്പെടുത്താന് ഡെമോക്രാറ്റുകള്ക്ക് സാധിക്കുമെന്നാണ് റിപ്പോർട്ട്. അധികാരം പരിമിതപ്പെടുമെന്നതിനാല് ട്രംപിന് ഈ തിരഞ്ഞെടുപ്പ് നിര്ണായകമാണ്. അതുപോലെ സെനറ്റിലും ട്രംപ് പരാജയപെട്ടാൽ സുപ്രീംകോടതി ജഡ്ജിമാരെയും ഉന്നത ഉദ്യോഗസ്ഥരെയും നിയമിക്കാനുള്ള ട്രംപിന്റെ കഴിവിനെയും ഇത് ബാധിക്കും. ചെലവ് കുതിച്ചുയരുന്നതും ഇറാനെതിരായ യുദ്ധ സാഹചര്യവും കാരണം റിപ്പബ്ലിക്കന് പാര്ട്ടിക്കെതിരെ ജനവികാരം ശക്തമാകുന്ന ഈ ഘട്ടത്തില് ട്രംപിന്റെ ഭരണത്തോടുള്ള രാജ്യവ്യാപകമായ വിലയിരുത്തലായിരിക്കും ഈ തിരഞ്ഞെടുപ്പ് ഫലത്തിൽ കാണാൻ കഴിയുക എന്നതാണ് വിലയിരുത്തൽ. അമേരിക്കൻ പ്രതിനിധി സഭയിലെ 435 സീറ്റുകളിലേക്കും സെനറ്റിലെ 100 ല് 35 സീറ്റുകളിലേക്കും 36 സംസ്ഥാനങ്ങളിലെ ഗവര്ണര് സ്ഥാനങ്ങളുമാണ് ഈ തിരഞ്ഞെടുപ്പില് നിര്ണായകമാകുന്നത്. അധികാരം പിടിച്ചെടുക്കാന് ഡെമോക്രാറ്റുകള്ക്ക് പ്രതിനിധി സഭയില് മൂന്ന് സീറ്റുകളും സെനറ്റില് നാല് സീറ്റുകളും അധികമായി നേടിയാല് മതി. ഏകദേശം 21 കോടി ആളുകളാണ് വോട്ട് ചെയ്തത്. അഭിപ്രായ സർവേകളിൽ ജനപ്രതിനിധിസഭയുടെ നിയന്ത്രണം ഡെമോക്രാറ്റുകള്ക്ക് ലഭിക്കാനാണ് സാധ്യതയെന്ന് സൂചിപ്പിച്ചിരുന്നു. എന്നാല് എത്രത്തോളം സീറ്റുകൾ റിപ്പബ്ലിക്കന് പാര്ട്ടിയുടെ ശക്തികേന്ദ്രങ്ങളില് ഡെമോക്രാറ്റുകള്ക്ക് നേടാനാകുമെന്നത്തിൽ വ്യക്തതയില്ല. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
യുഎസിലെ വരാനിരിക്കുന്ന ഇടക്കാല തിരഞ്ഞെടുപ്പിന്റെ പ്രചാരണത്തിലാണ് ഡോണാള്ഡ് ട്രംപ്. ഫ്ലോറിഡയില് ട്രംപ് നടത്തിയ റാലിയില് പ്രതിഷേധക്കാര് അദ്ദേഹത്തിന്റെ പ്രസംഗം തടസ്സപ്പെടുത്തി. ട്രംപിന്റെ പ്രസംഗത്തിനിടയില് കുറഞ്ഞത് നാല് തവണയെങ്കിലും പ്രതിഷേധക്കാരുടെ ഭാഗത്തുനിന്ന് തടസ്സപ്പെടുത്തലുകള് ഉണ്ടാവുകയും അത് അദ്ദേഹത്തെ ചൊടിപ്പിക്കുകയും ചെയ്തു. നിയന്ത്രണം വിട്ട ട്രംപ് പ്രസംഗം പാതിവഴിയില് നിര്ത്തിവെച്ച് രൂക്ഷമായ ഭാഷയില് തിരിച്ചടിച്ചു. 'മിണ്ടാതിരിക്കൂ മണ്ടാ! ഇയാല് എന്ത് തോല്വിയാണ്? ഇയാളെ പുറത്താക്കൂ.' എന്ന് ട്രംപ് ആക്രോശിച്ചു. തുടര്ച്ചയായുള്ള ഇത്തരം തടസ്സപ്പെടുത്തലുകള് തന്റെ പ്രസംഗത്തിന്റെ ഒഴുക്കിനെയും അവതരണങ്ങളെയും ബാധിക്കുമെന്ന് ട്രംപ് പിന്നീട് വ്യക്തമാക്കി.
&imwidth=640&imheight=360)
തിരഞ്ഞെടുപ്പ് പ്രചാരണ റാലികൾ റദ്ദാക്കിയതിനെക്കുറിച്ച് ചോദിച്ച മാധ്യമപ്രവർത്തകനെതിരെ യുഎസ് പ്രസിഡന്റ് ഡൊണാൾഡ് ട്രംപ് അധിക്ഷേപിച്ചു. അന്താരാഷ്ട്ര വാർത്താ ഏജൻസിയായ റോയിട്ടേഴ്സിന്റെ വൈറ്റ് ഹൗസ് ലേഖകനായ ജേക്കബ് ബോഗേജിനെയാണ് ട്രംപ് അപമാനിച്ചത്. അയോവയിലും കാൻസാസിലും തിരഞ്ഞെടുപ്പ് പ്രചാരണ റാലികൾ റദ്ദാക്കിയതിന്റെ കാരണം ട്രംപിന്റെ ആരോഗ്യ പ്രശ്നങ്ങളാണോയെന്നാണ് മാധ്യമപ്രവർത്തകൻ ചോദിച്ചത്. എന്നാൽ ഈ ചോദ്യത്തോട് ട്രംപ് പൊട്ടിത്തെറിക്കുകയാണ് ചെയ്തത്. മാധ്യമപ്രവർത്തകന്റെ ശരീരപ്രകൃതിയെയും രൂപത്തെയും പരിഹസിച്ചുകൊണ്ടാണ് ട്രംപ് മോശം പരാമർശങ്ങൾ നടത്തിയത്.
&imwidth=640&imheight=360)
വാഷിങ്ടൺ: കാറ്റി സക്കറിയയെ വൈറ്റ് ഹൌസ് പ്രസ് സെക്രട്ടറി സ്ഥാനത്ത് നിന്ന് പുറത്താക്കി. ചുമതലയേറ്റ് ദിവസങ്ങൾക്കുള്ളിലാണ് ഇവരെ പുറത്താക്കിയിരിക്കുന്നത്. പുതിയ വൈറ്റ് ഹൌസ് പ്രസ് സെക്രട്ടറിയായി കഴിഞ്ഞയാഴ്ചയാണ് കാറ്റി സക്കറിയയെ നിയമിച്ചത്. എന്നാൽ, ഇവർക്കെതിരെ ഉയർന്നുവന്ന വിവാദങ്ങൾക്ക് പിന്നാലെയാണ് പുറത്താക്കൽ നടപടി ഉണ്ടായിരിക്കുന്നത്. കാറ്റി സക്കറിയയുടെ നിയമപരമായ യോഗ്യതയെ സംബന്ധിച്ചും ബാർ പരീക്ഷ പാസാകുന്നതുമായി ബന്ധപ്പെട്ട് ഉയർന്നുവന്ന വിവാദങ്ങളുമാണ് പുറത്താക്കലിലേക്ക് നയിച്ചത്. മാധ്യമങ്ങളിൽ നിന്ന് കനത്ത വിമർശനങ്ങൾ തുടർന്നതോടെ പ്രസിഡൻറ് ഡോണൾഡ് ട്രംപ് തന്നെ അവരോട് പിന്മാറാൻ നിർദേശിക്കുകയായിരുന്നു. കാറ്റി വൈറ്റ് ഹൌസ് പ്രസ് സെക്രട്ടറി സ്ഥാനത്ത് ഏതാനും ദിവസങ്ങൾ മാത്രമാണിരുന്നത്. ചരിത്രത്തിലെ തന്നെ ഒരു വൈറ്റ് ഹൌസ് പ്രസ് സെക്രട്ടറിയുടെ ഏറ്റവും കുറഞ്ഞ കാലാവധിയാണ് ഇതെന്നാണ് കണക്കാക്കപ്പെടുന്നത്. കാറ്റിയുടെ അഭിഭാഷക യോഗ്യതയിലെ വൈരുധ്യങ്ങൾ പുറത്തുവന്നതോടെ മാധ്യമങ്ങളിൽ നിന്ന് ഇവർക്ക് വലിയ വിമർശനങ്ങൾ നേരിടേണ്ടി വന്നിരുന്നു. താൻ അഭിഭാഷകയായി പ്രവർത്തിച്ചിട്ടുണ്ടെന്ന് ഇവർ അവകാശപ്പെട്ടിരുന്നെങ്കിലും അമേരിക്കയിലെ ഒരു സംസ്ഥാനത്തും അഭിഭാഷകയായി അവർ രജിസ്റ്റർ ചെയ്തിട്ടില്ലെന്നും ബാർ പരീക്ഷ പാസായിട്ടില്ലെന്നും പിന്നീട് വ്യക്തമായിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
അമേരിക്കയിൽ ജോലി ചെയ്യുന്ന വിദേശ പൗരൻമാർക്ക് അവരുടെ തൊഴിലുടമയുടെ സ്പോൺസർഷിപ്പിലൂടെ സ്ഥിര താമസവകാശം നേടിത്തരുന്ന ഔദ്യോഗിക രേഖയാണ് തൊഴിൽ അധിഷ്ഠിത ഗ്രീൻ കാർഡ്. H-1B പോലുള്ള താൽക്കാലിക വർക്ക് വിസകളിൽ അമേരിക്കയിൽ ജോലി ചെയ്യുന്ന ഇന്ത്യക്കാർ ഉൾപ്പടെ വലിയൊരു വിഭാഗത്തിന് ആശ്വസമായിരുന്നു തൊഴിൽ അധിഷ്ഠിത ഗ്രീൻ കാർഡ്. എന്നാൽ ഇനി കാര്യങ്ങൾ അത്ര എളുപ്പമാകില്ല. 8 പ്രമുഖ കമ്പനികളെ ഗ്രീൻ കാർഡ് പ്രക്രിയയിൽ നിന്ന് അമേരിക്ക ഒഴിവാക്കി. മൈക്രോസോഫ്റ്റ് (Microsoft), അഡോബി (Adobe), കൊഗ്നിസെന്റ് (Cognizant), ഇൻഫോസിസ് (Infosys), ടാറ്റ കൺസൾട്ടൻസി സർവീസസ് (Tata Consultancy Services), വിപ്രോ (Wipro), എച്ച്സിഎല് ടെക്നോളജീസ് (HCL Technologies), ക്യാപ്ജെമിനി (Capgemini) എന്നീ കമ്പനികളുടെ പേരുകളാണ് ഉത്തരവിൽ പരാമർശിച്ചിരിക്കുന്നത്. ഈ സ്ഥാപനങ്ങളുമായി ബന്ധപ്പെട്ട പുതിയ പെർമനന്റ് ലേബർ സർട്ടിഫിക്കേഷൻ (PERM) അപേക്ഷകള് സ്വീകരിക്കുകയോ നിലവിലുള്ളവ പ്രോസസ്സ് ചെയ്യുകയോ ഇല്ലെന്നും യുഎസ് ലേബർ ഡിപ്പാർട്ട്മെന്റ് വ്യക്തമാക്കി. തൊഴിൽ അധിഷ്ഠിത കുടിയേറ്റ പദ്ധതികളുടെ ദുരുപയോഗം തടയാനും അമേരിക്കയിലെ തൊഴിലാളികളെ സംരക്ഷിക്കാനുമാണ് പുതിയ നീക്കവുമായി ഭരണകൂടം രംഗത്തെത്തിയത്. മൈക്രോസോഫ്റ്റ് അമേരിക്കയിലെ തൊഴിലാളികളെ പിരിച്ചുവിടുകയും വിദേശ ജീവനക്കാരെ നിയമിക്കാനായി H-1B അനുമതികൾക്കും ഗ്രീൻ കാർഡിനും വേണ്ടി നടക്കുകയാണെന്നും യുഎസ് വൈസ് പ്രസിഡന്റ് ജെ. ഡി. വാൻസ് ആരോപിച്ചു. വിസ തട്ടിപ്പിനെക്കുറിച്ചുള്ള അന്വേഷണത്തിനിടെ സെപ്റ്റംബറിൽ കൊഗ്നിസെന്റ് നടത്തുന്ന ഗ്രീൻ കാർഡ് അപേക്ഷകൾ ഭരണകൂടം സസ്പെൻഡ് ചെയ്തിരുന്നു. തൊഴിലുടമ സ്പോൺസർ ചെയ്യുന്ന പല ഗ്രീൻ കാർഡുകളും ലഭിക്കുന്നതിനുള്ള ഒരു പ്രധാന ഘടകമാണ് പെർമനന്റ് ലേബർ സർട്ടിഫിക്കേഷൻ (PERM). ഈ അപേക്ഷകൾ തീർച്ചപ്പെടുത്താത്ത ജീവനക്കാർക്ക് വലിയ കാലതാമസം നേരിടാം. ഇതുവരെ അപേക്ഷ നൽകിയിട്ടില്ലാത്തവർക്ക് കമ്പനികൾ വഴി പുതിയ പ്രക്രിയകൾ തുടങ്ങാനും കഴിയില്ല. എന്നാൽ ഇതിനകം പെർം അംഗീകാരം ലഭിച്ചവർക്ക് തൽക്കാലം പ്രശ്നമില്ല. H-1B വിസയിൽ അമേരിക്കയിൽ നിൽക്കാൻ സാധാരണയായി 6 വർഷത്തെ കാലാവധിയാണുള്ളത്. ഗ്രീൻ കാർഡ് പ്രക്രിയയെ ആശ്രയിച്ച് വിസ നീട്ടി കിട്ടാൻ ശ്രമിക്കുന്നവർക്ക് പുതിയ തീരുമാനം തിരിച്ചടിയാണ്. തൊഴിൽ അധിഷ്ഠിത ഗ്രീൻ കാർഡ് സസ്പെൻഷൻ എത്രകാലം നീണ്ടുനിൽക്കുമെന്ന് ഇതുവരെയും വ്യക്തമാക്കിയിട്ടില്ല. സസ്പെൻഷൻ ബാധിക്കപ്പെട്ട കമ്പനികൾക്ക് കോടതിയെ സമീപിക്കാൻ അവസരമുണ്ട്. എന്നിരുന്നാലും വിസ കാലയളവിനെ ആശ്രയിച്ചാണ് ജീവനക്കാരുടെ മുന്നോട്ടുപോക്ക്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
ഐക്യരാഷ്ട്രസഭാ പൊതുസഭയ്ക്ക് ശേഷം രണ്ട് ഇറാനിയൻ നയതന്ത്രജ്ഞരെ അമേരിക്ക പുറത്താക്കിയെന്ന റിപ്പോർട്ടുകൾ തള്ളി ഇറാനിയൻ വിദേശകാര്യമന്ത്രി സയ്യിദ് അബ്ബാസ് അരാഗ്ചി. ടെഹ്റാനിലെ പ്രതിനിധി സംഘത്തിലെ അംഗങ്ങൾ മുൻപ് നിശ്ചയിച്ച പ്രകാരമാണ് രാജ്യം വിട്ടതെന്ന് അദ്ദേഹം വ്യക്തമാക്കി. യുഎൻ പൊതുസഭാ സമ്മേളനം കഴിഞ്ഞിട്ടും ന്യൂയോർക്കിൽ തുടർന്ന ഇറാനിയൻ ഡെലിഗേഷനിലെ രണ്ട് അംഗങ്ങളെ പുറത്താക്കിയതായി യുഎസ് സ്റ്റേറ്റ് ഡിപ്പാർട്ട്മെന്റും ഉദ്യോഗസ്ഥരും അവകാശപ്പെട്ടിരുന്നു. അതേസമയം പ്രചരിക്കുന്നത് മെനഞ്ഞെടുത്ത കഥയാണെന്നാണ് അരാഗ്ചിയുടെ പ്രതികരണം. അമേരിക്കൻ മാധ്യമമായ അക്സിയോസ് (Axios) റിപ്പോർട്ട് എക്സിൽ പങ്കുവെച്ചാണ് ഇറാനിയൻ വിദേശകാര്യമന്ത്രി വിശദീകരണം നൽകിയത്. വ്യാജമായി നിർമ്മിച്ച 'പുറത്താക്കൽ' കഥകളും അതിൽ അഭിമാനം കൊള്ളുന്നത് ഏതൊരു രാജ്യത്തിന്റെയും നയതന്ത്ര വിഭാഗം മേധാവിക്ക് ചേർന്നതല്ലെന്ന് അരാഗ്ചി തുറന്നടിച്ചു. അമേരിക്കയുടെ നിരാശയും പരാജയവുമാണ് ഇതിലൂടെ കാണിക്കുന്നതെന്ന് പറഞ്ഞ അദ്ദേഹം യുഎൻ ആതിഥേയ രാജ്യത്തിന്റെ മര്യാദകൾക്കും ബാധ്യതകൾക്കും നിരക്കാത്തതാണ് ഇത്തരം കാര്യങ്ങളെന്നും ഓർമ്മിപ്പിച്ചു. ഫെബ്രുവരി 28 ലെ യുദ്ധം അവസാനിപ്പിക്കുന്നതിനുള്ള നയതന്ത്ര ചർച്ചകൾ ആവർത്തിച്ച് പരാജയപ്പെട്ട ഇരുരാജ്യങ്ങളും തമ്മിലുള്ള ഏറ്റവും പുതിയ ഉരസലുകളിൽ ഒന്നാണ് അമേരിക്കയുടെ അവകാശവാദവും അതിന് ഇറാൻ നൽകിയ മറുപടിയും. ഹോർമുസ് കടലിടുക്ക് തുറക്കുന്നതിനായി ഇറാൻ മുന്നോട്ടുവെച്ച ഏഴ് ഉപാധികൾ യുഎസ് പ്രസിഡന്റ് ഡൊണാൾഡ് ട്രംപ് അടുത്തിടെ തള്ളിക്കളഞ്ഞിരുന്നു. മിഡിൽ ഈസ്റ്റിലെ പ്രശ്നങ്ങൾക്ക് സൈനികമായ പരിഹാരമില്ലെന്നും വീണ്ടും ആക്രമണമുണ്ടായാൽ ശക്തമായി തിരിച്ചടിക്കുമെന്നും അമേരിക്കയ്ക്ക് അരാഗ്ചി മുന്നറിയിപ്പ് നൽകി. ഉപരോധങ്ങളല്ല മറിച്ച് നീതിയുക്തമായ ചർച്ചകളിലൂടെ മാത്രമേ സമാധാനം സാധ്യമാകൂ എന്നും അദ്ദേഹം കൂട്ടിച്ചേർത്തു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
&imwidth=640&imheight=360)
വാഷിംഗ്ടൺ: ഫ്ളൈ ദുബായ് വിമാനത്തിലെ ആക്രമണത്തിൽ ഇറാന് ബന്ധമുണ്ടെങ്കിൽ ശക്തമായ തിരിച്ചടിക്കുമെന്ന് ട്രംപ്. ഇക്കാര്യം ട്രംപ് മാധ്യമ പ്രവർത്തകരോട് സംസാരിക്കവെയാണ് പറഞ്ഞത്. വിമാനത്തിൽ പൈലറ്റിനെ സഹപൈലറ്റ് ആക്രമിച്ച സംഭവത്തിൽ ഇറാൻ പങ്കുണ്ടോ എന്ന അന്വേഷണം നടക്കുന്നുണ്ട്. അതിനിടയിലാണ് പങ്കുണ്ടെന്ന് കണ്ടെത്തിയാൽ ശക്തമായ തിരിച്ചടിയുണ്ടാകുമെന്ന് ട്രംപ് പറഞ്ഞത്. സഹപൈലറ്റിന്റെ ആക്രമണം ചെറുത്തുനിന്ന വൻദുരന്തം ഒഴിവാക്കിയ ഇന്ത്യൻ പൈലറ്റിനെ ട്രംപ് പ്രശംസിച്ചിരുന്നു. എന്നാൽ സംഭവത്തിൽ ഇറാൻ പങ്കുള്ളതായി ഇതുവരെ സ്ഥിരീകരണം ലഭിച്ചിട്ടില്ല എന്നാണ് റിപ്പോർട്ട്. ആക്രമണം നടത്തിയത് ഒമാൻ സ്വദേശിയായ പൗരൻ ആണെന്ന് ഇന്നലേ ഇസ്രായേൽ പ്രധാനമന്ത്രി അറിയിച്ചിരുന്നു. സംഭവം നടന്നത് ബുധനാഴ്ചയായിരുന്നു. ദുബായിൽ നിന്ന് ഇസ്രയേലിലെ ടെൽ അവീവിലേക്ക് പോവുകയായിരുന്ന ഫ്ളൈ ദുബായ് വിമാനത്തിലെ കോക്പിറ്റിൽ സഹപൈലറ്റ് ക്യാപ്റ്റനായ സ്മിത് മച്ചാറിനെ ക്രൂരമായി ആക്രമിക്കുകയായിരുന്നു. ആക്രമണം ചെറുത്ത സ്മിത് മച്ചാർ ഇതിനിടെ കോക്ക്പിറ്റിന്റെ വാതിൽ തുറക്കുകയും ഇതോടെ വിമാനത്തിലുണ്ടായിരുന്ന മറ്റുയാത്രക്കാർ അക്രമിയെ കീഴ്പ്പെടുത്തുകയുമായിരുന്നു. പിന്നാലെ വിമാനത്തിൽ യാത്രചെയ്യുകയായിരുന്ന അവധിയിലായിരുന്ന രണ്ട് പൈലറ്റുമാർ വിമാനത്തിന്റെ നിയന്ത്രണം ഏറ്റെടുത്ത് വിമാനം സൗദിയിലെ തബൂക്ക് വിമാനത്താവളത്തിൽ ഇറക്കുകയായിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.