Jithu Madhavan: ആ സിനിമയ്ക്ക് സംഭവിച്ചത് ഇതാണ്! മോഹൻലാൽ ചിത്രം ഉപേക്ഷിച്ചതിന്റെ കാരണം വെളിപ്പെടുത്തി ജിത്തു മാധവൻ

മോഹൻലാലിനെ കേന്ദ്ര കഥാപാത്രമാക്കി ചെയ്യാനിരുന്ന ചിത്രം നടക്കാതെ പോയതിന്റെ കാരണം വെളിപ്പെടുത്തി സംവിധായകൻ ജിത്തു മാധവൻ. മോഹൻലാലുമായുള്ള ആ പ്രോജക്ട് ഉപേക്ഷിച്ച അവസ്ഥയിലാണുള്ളതെന്ന് ജിത്തു പറഞ്ഞു. ലാൽ സാറിനെ മനസിൽ കണ്ടെഴുതിയതാണ് ആ കഥ. അതുകൊണ്ട് തന്നെ ആ കഥാപാത്രത്തിലേക്ക് മറ്റൊരാളെ കാണുക എന്നത് അത്ര എളുപ്പമുള്ള കാര്യമല്ലെന്നും അദ്ദേഹം വ്യക്തമാക്കി. ഗലാട്ട പ്ലസിനു നൽകിയ അഭിമുഖത്തിലാണ് ജിത്തു ഇക്കാര്യം പറ‍ഞ്ഞത്. മറ്റൊരാളെ നായകനാക്കി ആ സിനിമ ചെയ്യാന്‍ ആഗ്രഹമില്ലെന്നും ജിത്തു പറയുന്നു. സാധാ സാധാരണ മലയാള സിനിമകളെക്കാൾ കൂടുതൽ ദിവസങ്ങൾ ഷൂട്ടിങ്ങിനായി ആവശ്യമായിരുന്നു ഈ ചിത്രത്തിന്. ഒരു സാധാരണ സിനിമയ്ക്ക് വേണ്ടി വരുന്ന ദിവസങ്ങൾ പോലെ ഇതിന്റെ ഷെഡ്യൂളും കുറയ്ക്കാന്‍ നോക്കിയെങ്കിലും അത് ശരിയായില്ലെന്ന് സംവിധായകൻ പറ‍ഞ്ഞു. കാരണം ആ സിനിമയ്ക്ക് അത്രയും ദിവസങ്ങൾ തന്നെ വേണമായിരുന്നുവെന്നും ഒരുപാട് ആക്‌ഷൻ സീക്വൻസുകൾ അതിലുണ്ടായിരുന്നുവെന്നും ജിത്തു കൂട്ടിച്ചേർത്തു. മോഹൻലാൽ സർ ആ സമയം തുടർച്ചയായി സിനിമകൾ ചെയ്തിരുന്നു. അതിനാൽ അത്രയും ദിവസങ്ങൾ ഷൂട്ടിംഗിനായി മാറ്റിവയ്ക്കാൻ അദ്ദേഹത്തിന് സാധ്യമായിരുന്നില്ല. ഇതാണ് ആ സിനിമയ്ക്ക് സംഭവിച്ചതെന്നാണ് തനിക്ക് തോന്നുന്നതെന്നും ഒരു അഭിമുഖത്തിൽ ഇത് പറയുന്നത് ശരിയാണോ എന്നുപോലും തനിക്കറിയില്ലെന്നും ജിത്തു മാധവൻ പറഞ്ഞു. സൂര്യ, നസ്രിയ, നസ്ലെൻ എന്നിവർ കേന്ദ്ര കഥാപാത്രങ്ങളാകുന്ന ഏറ്റവും പുതിയ തമിഴ് ചിത്രമാണ് ’സീൻ’. ജീത്തു മാധവൻ സംവിധാനം ചെയ്യുന്ന ഈ ചിത്രം നവംബർ 6ന് തിയേറ്ററുകളിലേത്തും. സൂര്യ നായകനും നസ്രിയ നായികയുമാകുമ്പോൾ നസ്ലെൻ എത്തുന്നത് വില്ലൻ വേഷത്തിലാണ്. മലയാള സംഗീത സംവിധായകൻ സുഷിൻ ശ്യാം ആണ് ഈ ചിത്രത്തിനായി സംഗീതമൊരുക്കുന്നത്. സുഷിന്‍റെ ആദ്യ തമിഴ് ചിത്രവുമാണ് സീന്‍. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

യഥാർത്ഥ ലക്‌ഷ്യം സൽമാൻഖാൻ; കനത്ത സുരക്ഷ കണ്ട് പിന്മാറി; നിർണായക വിവരം പുറത്ത്

കഴിഞ്ഞ ഞായറാഴ്ച ടൈഗർ ഷ്‌റോഫിന് നേരെയുണ്ടായ ആക്രമണവുമായി ബന്ധപ്പെട്ട അന്വേഷണത്തിൽ രാജസ്ഥാനിലെ കോട്ടയിൽ വച്ച് മൂന്നു പ്രതികളെ പോലീസ് പിടികൂടിയിരുന്നു. ഇവരെ ചോദ്യം ചെയ്തതിൽ നിന്നും ഞെട്ടിക്കുന്ന വിവരങ്ങളാണ് അന്വേഷണ സംഘത്തിന് ലഭിച്ചിരിക്കുന്നത്. അക്രമികളുടെ യഥാർത്ഥ ലക്‌ഷ്യം ടൈഗർ ഷ്‌റോഫ് അല്ല സൽമാൻ ഖാൻ ആയിരുന്നുവെന്നാണ് പ്രതികൾ വെളിപ്പെടുത്തിയിരിക്കുന്നത്. ഹിന്ദുസ്ഥാൻ ടൈംസിന്റെ റിപ്പോർട്ടുകളുടെ അടിസ്ഥാനത്തിൽ ജൂഹു വെടിവയ്പ്പിൽ ലോറൻസ് സംഘത്തിന്റെ ശരിക്കുള്ള ലക്‌ഷ്യം ബോളിവുഡ് താരം സൽമാൻ ഖാൻ ആണെന്നാണ്. ഇവരുടെ രണ്ടാമത്തെ ഓപ്ഷൻ മാത്രമായിരുന്നു ടൈഗർ ഷ്‌റോഫ്. റിപ്പോർട്ട് അനുസരിച്ചു ഇവർ ടൈഗർ ഷ്‌റോഫിന്റെ കാറിനു നേരെ വെടിയുതിർക്കുന്നതിന് മുൻപ് ബാന്ദ്രയിലെ സൽമാൻ ഖാന്റെ വീടിനു മുന്നിൽ പോയിരുന്നു എന്നാണ് മൊഴിയിൽ പറയുന്നത്. എന്നാൽ അവിടെ കണ്ട കനത്ത സുരക്ഷ അവരുടെ പ്ലാനിനെ ബാധിക്കുമെന്ന വിലയിരുത്തലിനെ തുടർന്നാണ് അക്രമികൾ ടൈഗർ ഷ്‌റോഫിനുനേരെ വെടിയുതിർത്തത്. സൽമാന്റെ അപ്പാർട്ട്മെന്റിന് മുന്നിൽ കനത്ത പോലീസ് സുരക്ഷയാണ് ഏർപ്പെടുത്തിയിരിക്കുന്നത്. നിലവിലെ ഈ വെളിപ്പെടുത്തലിനെ തുടർന്ന് ഗാലക്സി അപ്പാർട്ട്മെന്റിന് മുന്നിലും റോഡിന്റെ ഇരുവശങ്ങളിലുമായി കൂടുതൽ പോലീസ് സുരക്ഷ കർശനമാക്കി. അക്രമികൾക്ക് ടൈഗർ ഷ്‌റോഫിനെ കുറിച്ചുള്ള വിവരങ്ങൾ സോഷ്യൽ മീഡിയയിലൂടെയാണ് ലഭിച്ചതെന്നാണ് വെളിപ്പെടുത്തിയിരിക്കുന്നത്. താരത്തിൻറെ ആരാധകരുടെ സോഷ്യൽ മീഡിയ പോസ്റ്റുകളിൽ നിന്നാണ് ടൈഗർ ഷ്‌റോഫ് എല്ലാ ഞായറാഴ്ചയും ഫുട്ബോൾ കളിയ്ക്കാൻ പോകാറുണ്ടെന്ന അക്രമികൾ മനസിലാക്കിയത്. തുടർന്ന് യാതൊരു സുരക്ഷാ ക്രമീകരണങ്ങളുമില്ലാത്ത ടൈഗർ ഷ്‌റോഫിനെ ആക്രമിക്കാൻ എളുപ്പമാണെന്ന് മനസിലാക്കാക്കിയ അക്രമികൾ താരത്തെ ലക്ഷ്യമിടുകയായിരുന്നു. തുടർന്ന് നടനെ നിരീക്ഷിക്കുകയിരുന്ന അക്രമിസംഘം നടന്റെ കാർ ഗേറ്റിൽ നിന്നും പുറത്തിറങ്ങിയ ഉടനെ വെടിയുതിർത്തതായും മൊഴി നൽകിയിട്ടുണ്ട്. പ്രതികളുടെ ലക്‌ഷ്യം വ്യക്തമല്ല വെടിവയ്പ്പിൽ നിന്നും ടൈഗർ ഷ്‌റോഫ് രക്ഷപെട്ടത് നാലനാരിഴയ്‌ക്കാണ് എന്നാണ് പോലീസ് പറയുന്നത്. രക്ഷപ്പെടാനായി കാത്തുനിന്ന ഒരാൾ ഉൾപ്പെടെ മൂന്നുപേരാണ് നടനെതിരെ വെടിവയ്ക്കാൻ പദ്ധതിയിട്ടിരുന്നത് എന്നാണ് സൂചന. മാത്രമല്ല ഇവർ സൽമാൻഖാന്റെ വീടിന് സമീപവും നിരീക്ഷണം നടത്തിയിരുന്നു. അതുകൊണ്ടുതന്നെ അക്രമികളുടെ യഥാർത്ഥ ലക്‌ഷ്യം വ്യക്തമല്ലെന്നാണ് റിപ്പോർട്ട്. ഇവരുടെ ഫോണുകൾ അന്വേഷണ ഉദ്യോഗസ്ഥർ പരിശോധിക്കുമെന്നും റിപ്പോർട്ടുണ്ട്. അക്രമികൾ ആരാണ്? ടൈഗർ ഷ്‌റോഫിന് നേരെ വെടിയുതിർത്ത കേസിൽ രാജസ്ഥാനിലെ കോട്ടയിൽ നിന്നും മൂന്നുപേരെ പോലീസ് അറസ്റ്റ് ചെയ്തു. അറസ്റ്റിലായതിൽ രണ്ടുപേർ ഹരിയാന സ്വദേശികളും ഒരാൾ ബീഹാറിയുമാണ്. ഇവരെ മുംബൈ പൊലീസിന് കൈമാറിയിട്ടുണ്ട്. സംഭവത്തിൽ സോഷ്യൽ മീഡിയയിൽ ഒരു പോസ്റ്റ് വൈറലായതോടെയാണ് ബിഷ്ണോയ് സംഘത്തിന്റെ പേര് വരുന്നത്. അനിൽ പണ്ഡിറ്റ് എന്നയാളുടെ പേരിൽ പ്രചരിച്ച ഒരു പോസ്റ്റിൽ ബിഷ്‌ണോയ് സംഘത്തിലെ മറ്റൊരു അംഗമായ ഹർമൻ സിന്ധുവിനൊപ്പം ചേർന്ന് സംഭവത്തിന്റെ ഉത്തരവാദിത്തം ഏറ്റെടുക്കുന്നതായി അവകാശപ്പെട്ടിരുന്നു. പോസ്റ്റിൽ പറഞ്ഞത് ടൈഗർ ഷ്‌റോഫിനു സംഭവിച്ചതിന്റെ ഉത്തരവാദിത്തം അനിൽ പണ്ഡിറ്റും ഹർമൻ സിന്ധുവും ഏറ്റെടുക്കുന്നുവെന്നും കാര്യങ്ങൾ ഫോണിലൂടെ പറഞ്ഞു മനസിലാക്കാൻ ഞങ്ങൾ ശ്രമിച്ചുവെങ്കിലും അവർ ചെവിക്കൊണ്ടില്ലെന്നും അതുകൊണ്ടാണ് ഇങ്ങനെ ചെയ്യേണ്ടി വന്നതെന്നും മുംബൈ സിനിമ വ്യവസായത്തിൽ തങ്ങളുടെ വാക്കുകൾ അനുസരിക്കാത്തവർക്കും സൽമാൻഖാനൊപ്പം പ്രവർത്തിക്കുന്നവരുമായിരിക്കും അടുത്ത ഊഴമെന്നുമാണ് പറഞ്ഞത്. സൽമാൻഖാനും ബിഷ്ണോയ് സംഘവുമായുള്ള തർക്കം ഏറെക്കാലമായി സൽമാൻഖാൻ ബിഷ്ണോയ് സംഘത്തിന്റെ നോട്ടപുള്ളിയാണ്. നടനും സംഘവുമായുള്ള പ്രധാന പ്രശ്നം 1998 ൽ ജോദ്പൂരിൽ ഒരു സിനിമയുടെ ചിത്രീകരണത്തിനിടെ സൽമാൻ ഖാൻ കൃഷ്ണ മൃഗത്തെ വേട്ടയാടിയെന്ന ആരോപണമാണ്. രാജസ്ഥാനിലെ ബിഷ്‌ണോയ് സംഘം കൃഷ്ണമൃഗത്തെ വളരെ പവിത്രമായിട്ടാണ് കണക്കാക്കുന്നത്. അതുകൊണ്ടുതന്നെ അവർക്ക് സൽമാൻഖാന്റെ ഈ രീതി തങ്ങളുടെ വിശ്വാസങ്ങളോടുള്ള കടുത്ത അവഹേളനമായിട്ടാണ് കണക്കാക്കുന്നതും. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Nana Patekar's Demise: നാനാ പടേക്കറുടെ മരണം: അസ്വാഭാവിക മരണത്തിന് കേസെടുത്ത് പനാജി പോലീസ്

പനാജി: മുതിർന്ന നടൻ നാനാ പടേക്കറുടെ മരണത്തിൽ പനാജി പോലീസ് അസ്വാഭാവിക മരണത്തിന് കേസെടുത്തു. അദ്ദേഹത്തിൻറെ മരണകരണവും അതിനുള്ള സാഹചര്യങ്ങൾ എന്തൊക്കെയായിരുന്നുവെന്നും കണ്ടെത്താനുള്ള പോലീസ് അന്വേഷണം പുരോഗമിക്കുകയാണ്. അന്വേഷണത്തിന്റെ ചുമതല ലഭിച്ചിരിക്കുന്നത് സബ് ഇൻസ്‌പെക്‌ടർ നിതിൻ നായിക്കിനാണ്. നടനെ വസതിയിൽ നിന്നും മണിപ്പാൽ ആശുപതിയിലെ തീവ്രപരിചരണ വിഭാഗത്തിൽ എത്തിച്ചപ്പോഴേക്കും അദ്ദേഹം മരിച്ചിരുന്നു എന്നാണ് റിപ്പോർട്ട്. ഇതിനെ തുടർന്ന് ആശുപത്രിയിലെ മെഡിക്കൽ ഓഫീസറുമായി പോലീസ് സംഘം കൂടിക്കാഴ്‌ച നടത്തുകയും വിവരങ്ങൾ ശേഖരിക്കുകയും ഉണ്ടായി. കേസിന്റെ പ്രാഥമിക അന്വേഷണത്തിൽ എന്തെങ്കിലും സംശയകരമായ സാഹചര്യങ്ങളോ അപാകതയോ കണ്ടെത്തിയതിൽ കൂടുതൽ നിയമനടപടികളിലേക്ക് കടക്കുമെന്നും എന്നാൽ അന്വേഷണത്തിൽ സ്വാഭാവിക മരണമാണ് എന്നാണ് വരുന്നതെങ്കിൽ കേസ് ഫയൽ ക്ലോസ് ചെയ്യുമെന്നും അന്വേഷണ ഉദ്യോഗസ്ഥൻ പറഞ്ഞിട്ടുണ്ട്. ആശുപത്രിയിലെ ഓങ്കോളജി വിഭാഗം മേധാവി ഡോ ശേഖർ പറയുന്നത് അനുസരിച്ചു ആശുപത്രിയിൽ എത്തിക്കും മുൻപ് തന്നെ നടൻ മരിച്ചിരുന്നു എന്നാണ്. തുടർന്ന് നിയമപരമായ നടപടിയുടെ ഭാഗമായി വിവരം പോലീസിൽ അറിയിച്ചതാണ്. അദ്ദേഹത്തിന് സംഭവിച്ചത് ഹൃദയാഘാതമാണെങ്കിലും അതിലേക്ക് നയിച്ച സാഹചര്യം വ്യക്തമല്ലെന്നും അദ്ദേഹം പറഞ്ഞു. നടൻ ഹൃദ്രോഗബാധിതനായിരുന്നുവെന്നും മരുന്ന് കഴുച്ചിരുന്നുവെന്നും അറിയാൻ കഴിഞ്ഞിട്ടുണ്ടെന്നും അദ്ദേഹം പറഞ്ഞു. നടന് ഹൃദയാഘാതം ഉണ്ടായത് ഇന്നലെ പുലർച്ചെ ഗോവയിലെ വസതിയിൽ വെച്ചായിരുന്നു. മണിപ്പാൽ ആശുപത്രിയിലെ ഡോക്ടമാർ അദ്ദേഹത്തെ രക്ഷിക്കാൻ ശ്രമിച്ചെങ്കിലും നടന്നില്ല. ശേഷം പോസ്റ്റുമോർട്ടത്തിന് ശേഷം അദ്ദേഹത്തിൻറെ മൃതദേഹം ഇന്നലെത്തന്നെ ബന്ധുക്കൾക്ക് നൽകുകയും രാത്രി വൈകി പൂനെയിലെ ഫാംഹൗസിൽ വച്ച് പൂർണ്ണ ഔദ്യോഗിക ബഹുമതികളോടെ അദ്ദേഹത്തിന്റെ സംസ്കാര ചടങ്ങുകൾ നടത്തുകയുമായിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Lekha Amujakshan Passed Away: ചലച്ചിത്രപ്രവർത്തകയും ഇൻഫ്ളുവൻസറുമായ ലേഖ അംബുജാക്ഷൻ അന്തരിച്ചു

കണ്ണൂർ: ചലച്ചിത്രപ്രവർത്തകയും ഇൻഫ്ളുവൻസറുമായ ലേഖ അംബുജാക്ഷൻ അന്തരിച്ചു. 44 വയസായിരുന്നു. അർബുദത്തെ തുടർന്ന് ചികിത്സയിലിരിക്കെ ആയിരുന്നു മരണം സംഭവിച്ചത്. രണ്ടുവർഷം മുൻപാണ് ലേഖയ്ക്ക് ക്യാൻസർ രോഗം സ്ഥിരീകരിച്ചത്. ലേഖയുടെ കാൻസർ വിരുദ്ധ പോരാട്ടം സോഷ്യൽ മീഡിയയിൽ കയ്യടി നേടിയിരുന്നു. 2019 ൽ കുട്ടികളുടെ സംരക്ഷണവും പ്രകൃതിയും പ്രമേയമാക്കി നിർമ്മിച്ച 'മുട്ടായിക്കള്ളനും മമ്മാലിയും' എന്ന സിനിമയുടെ തിരക്കഥ, ഗാനരചന, സംഭാഷണം, സംഗീത സംവിധാനം എന്നിവ നിർവഹിച്ചത് ലേഖയാണ്. ഒപ്പം സിനിമയിൽ ശ്രദ്ധേയമായ വേഷവും ചെയ്തിരുന്നു. ചിത്രത്തിൻറെ സംവിധാനം ലേഖയുടെ ഭർത്താവ് അംബുജാക്ഷൻ നയർ ആയിരുന്നു നിർവഹിച്ചത്. ലേഖയ്ക്ക് സാമൂഹിക സംകാരിക കലാ രംഗത്തെ നൂറുകണക്കിന് പേര് പെരുങ്ങോത്തെത്തി അന്ത്യോപചാരം അർപ്പിച്ചിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

V. Sasi Passed Away: പ്രശസ്ത നാടക രചയിതാവും സംവിധായകനുമായ വി ശശി അന്തരിച്ചു

കാസർഗോഡ്: പ്രശസ്ത നാടക രചയിതാവും സംവിധായകനുമായ വി ശശി അന്തരിച്ചു. 75 വയസായിരുന്നു. അദ്ദേഹം നിരവധി പ്രൊഫഷണൽ അമച്വർ നാടകങ്ങളുടെ രചയിതാവും സംവിധായകനുമായിരുന്നു. അദ്ദേഹം 2023 ൽ കേരളം സംഗീത നാടക അക്കാദമി അവാർഡും എ ശാന്തകുമാർ നാടക പുരസ്കാരവും നേടിയിട്ടുണ്ട്. കൂടാതെ ആക്റ്റ് നീലേശ്വരത്തിന്റെ സമഗ്ര സംഭാവനയ്ക്കുള്ള അവാർഡിനും അര്ഹനായിട്ടുണ്ട്. അദ്ദേഹം സംവിധാനം ചെയ്ത നാടകങ്ങളിൽ കണികൾക്കിടയിൽ ഏറെ ശ്രദ്ധ നേടിയ മരമീടൻ, മാറ്റിവെച്ച തലകൾ എന്നിവ ഉൾപ്പെടുന്നു. കാസർഗോഡിന്റെ തനത് സാംസ്‌കാരിക പരിസരത്തിലാണ് അദ്ദേഹം നാടകപ്രവർത്തനം നടത്തിയത്. സാമൂഹിക പ്രശ്‌നങ്ങളും സാധാരണക്കാരുടെ ജീവിതങ്ങളും സ്‌നേഹബന്ധങ്ങളിലെ സങ്കീർണ്ണതകളും അദ്ദേഹത്തിന്റെ നാടകങ്ങളിൽ ഉൾപ്പെടുത്തിയിട്ടുണ്ട്. പ്രാദേശിക നാടക കൂട്ടായ്മകൾ ഉണ്ടാക്കുന്നതിലും പുതുതലമുറയിലെ നാടക പ്രവർത്തകർക്കായി നാടക ശിൽപ്പശാലകൾ സംഘടിപ്പിക്കുന്നതിലും അദ്ദേഹം സജീവ പങ്കുവഹിച്ചിട്ടുമുണ്ട്. അദ്ദേഹം സംവിധായകനായി അരങ്ങേറ്റം കുറിച്ച നാടകം ഏകലവ്യനാണ്. അദ്ദേഹത്തിൻറെ പ്രധാന നാടകങ്ങൾ പാക്കനാർ സൂക്തം, ബൊളിവിയ, ശ്വാസം, പെൺവിളക്ക്, മാനസാന്തരത്തിന്റെ ബാക്കിപത്രം, കൂകി പായും തീവണ്ടി, ഹൃദയത്തിലേക്കൊരു ചക്രം തുടങ്ങിയവയാണ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Actress Savithri Sreedharan passed Away: നാടക-ചലച്ചിത്ര നടി സാവിത്രി ശ്രീധരന്‍ അന്തരിച്ചു

കോഴിക്കോട്: നാടക-ചലച്ചിത്ര നടി സാവിത്രി ശ്രീധരന്‍ അന്തരിച്ചു. 83 വയസായിരുന്നു. വാർധക്യ സഹജമായ അസുഖത്തെ തുടർന്ന് ചികിത്സയിലിരിക്കെ കോഴിക്കോട് മാങ്കാവിലെ വീട്ടിൽ വച്ചായിരുന്നു അന്ത്യം സംഭവിച്ചത്. സാവിത്രി പ്രശസ്തയായത് 2018 ലെ സുഡാനി ഫ്രം നൈജീരിയ എന്ന ചിത്രത്തിലൂടെയാണ്. ഈ സിനിമയിലെ അഭിനയത്തിന് അറുപത്തിയാറാമത്തെ ദേശീയ ചലച്ചത്ര അവാർഡിൽ പ്രത്യേക പരാമർശം ലഭിച്ചിരുന്നു. നടിയുടെ മറ്റ് ചിത്രങ്ങൾ വലിയങ്ങാടി, ഡാകിനി, മേരാ നാം ഷാജി, ഇട്ടിമാണി: മെയ്ഡ് ഇൻ ചൈന, വൈറസ്, പപ്പൻ, പട എന്നിവയാണ്. സിനിമയ്ക്കും മുൻപേ നിരവധി നാടകങ്ങളിൽ അഭിനയിച്ചിട്ടുണ്ട്. വിഖ്യാത നാടകകൃത്ത് കെടി മുഹമ്മദിന്റെ നിരവധി നാടകങ്ങളിൽ അഭിനയിച്ചിട്ടുണ്ട്. ചിരന്തന തിയറ്റേഴ്സ്, കലിംഗ, കോഴിക്കോട് സ്റ്റേജ് തുടങ്ങിയ നാടക ട്രൂപ്പുകളുടെ ഭാഗമായി ആയിരക്കണക്കിന് നാദങ്ങളിലാണ് സാവിത്രി ശക്തമായ കഥാപാത്രങ്ങളെ അവതരിപ്പിച്ചത്. ദേശീയ സംസ്ഥാന പുരസ്‌കാരങ്ങൾ താരം നേടിയിട്ടുണ്ട്. 1977 ലും ശേഷം 93 ലും മികച്ച നടിക്കുള്ള സംസ്ഥാന അവാർഡ് നേടിയിട്ടുണ്ട്. എംടി യേശുദേവൻനായരുടെ കടവ് എന്ന ചിത്രത്തിലൂടെയാണ് സാവിത്രി വെള്ളിത്തിരയിലേക്ക് ചുവടുവച്ചത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Jailer 2: ജയിലർ 2-ലെ വില്ലൻ വേഷത്തിൽ സുരാജ് വെഞ്ഞാറമൂട്? ക്യാരക്ടർ പ്രോമോ പുറത്ത്

സൂപ്പർ താരം രജനീകാന്തിനെ നായകനാക്കി നെൽസൺ ദിലീപ്കുമാർ സംവിധാനം ചെയ്യുന്ന 'ജയിലർ 2' എന്ന ചിത്രത്തിലെ സുരാജ് വെഞ്ഞാറമൂടിന്റെ ക്യാരക്ടർ പ്രോമോ പുറത്തിറങ്ങി. ദിലീപ് എന്ന കഥാപാത്രത്തെയാണ് സുരാജ് ചിത്രത്തിൽ അവതരിപ്പിക്കുന്നത്. നിഗൂഢത നിറഞ്ഞിരിക്കുന്ന കഥാപാത്രമായാണ് സുരാജിനെ പ്രോമോയിൽ അവതരിപ്പിച്ചിരിക്കുന്നത്. രജനികാന്തിന്റെ മുത്തുവേൽ പാണ്ഡ്യനുമായി സുരാജിന്റെ കഥാപാത്രത്തിനുള്ള ബന്ധവും സംഘർഷങ്ങളും എന്തെല്ലാമാണെന്ന കൗതുകത്തിലാണ് ആരാധകർ. 2023-ൽ പുറത്തിറങ്ങി വൻ വിജയമായി മാറിയ ജയിലറിന്റെ രണ്ടാം ഭാഗമാണ് ജയിലർ 2. സൺ പിക്ചേഴ്സ് നിർമ്മിച്ച ചിത്രത്തിൽ രജനികാന്തിന് പുറമെ മോഹൻലാൽ, ശിവരാജ് കുമാർ, രമ്യ കൃഷ്ണൻ, യോഗി ബാബു, എസ്. ജെ. സൂര്യ, വിദ്യാ ബാലൻ തുടങ്ങിയ പ്രമുഖ താരങ്ങളും അണിനിരക്കുന്നുണ്ട്. ചിത്രത്തിന് സംഗീതം ഒരുക്കുന്നത് അനിരുദ്ധ് രവിചന്ദർ ആണ്. ഏകദേശം 225 കോടി രൂപയ്ക്കടുത്താണ് 'ജയിലർ 2'-ന്റെ ചിലവ്. രജനികാന്തിന്റെ പ്രതിഫലം മാത്രം ഏകദേശം 125 കോടി മുതൽ 200 കോടി വരുമെന്നാണ് റിപ്പോർട്ടുകൾ. 2026 ഒക്ടേബർ 15-നാണ് ലോകമെമ്പാടുമുള്ള തിയേറ്ററുകളിൽ ജയിലർ-2 റിലീസ് ചെയ്യുന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Suriya and Jyothika wedding Vows: മക്കള്‍ സാക്ഷി, വീണ്ടും വിവാഹിതരായി സൂര്യയും ജ്യോതികയും

ദക്ഷിണേന്ത്യയിലെ തന്നെ ഏറ്റവും ആരാധകരുള്ള താര-ദമ്പതികളാണ് സൂര്യയും ജ്യോതികയും. വെള്ളിത്തിരയിലെ മികച്ച ജോഡി ജീവിതത്തിലും അങ്ങനെ തന്നെയാണ്. പരസ്പരം സ്നേഹിച്ചും ബഹുമാനിച്ചും പരിഗണിച്ചും മുന്നേറുന്ന സൂര്യയും ജ്യോതികയും പലരുടെയും മാതൃകാ ദമ്പതികളാണ്. ഇക്കഴിഞ്ഞ സെപ്റ്റംബര്‍ 11 നായിരുന്ന താരദമ്പതികളുടെ ദാമ്പത്യ ജീവിതം 20 വർഷം പൂർത്തിയാക്കിയത്. മനോഹരമായ അവരുടെ ജീവിതത്തിലെ വിവാഹ ദിവസം 20-ാം വര്‍ഷത്തില്‍ എത്തിനില്‍ക്കുമ്പോള്‍ അതിമനോഹരമായിട്ടാണ് താരദമ്പതികള്‍ ആഘോഷിച്ചത്. കഴിഞ്ഞ ദിവസമാണ് ജ്യോതിക വിവാഹവാർഷികം ആഘോഷിച്ച വീഡിയോ പങ്കുവെച്ചത്. സൂര്യയും ജ്യോതികയും തങ്ങളുടെ വിവാഹവാർഷികം ആഘോഷിച്ചത് വിദേശത്തുവെച്ചാണ്. ക്രിസ്ത്യന്‍ രീതിയില്‍ വെളുത്ത ഗൗണ്‍ ധരിച്ച് ജ്യോതിക മകന്‍ ദേവിന്റെ കൈപിടിച്ചാണ് പള്ളിയിലെത്തിയത്. സൂര്യ വെളുത്ത ടക്സീഡോയില്‍ മകള്‍ ദിയയുടെ കൈപിടിച്ചാണ് എത്തിയത്. പാശ്ചാത്യ ശൈലിയില്‍ ഇരുവരും വീണ്ടും വിവാഹപ്രതിജ്ഞ ചൊല്ലി. സൂര്യയുടെ അനിയന്‍ കാര്‍ത്തിയും ചടങ്ങില്‍ പങ്കെടുത്തിരുന്നു. 'ദ് സീക്വൽ - 20 വർഷത്തെ സ്നേഹവും പോരാട്ടവും ആഘോഷമാക്കി മാറ്റി വീണ്ടും ഒരു പ്രതിജ്ഞ' എന്ന അടിക്കുറിപ്പോടെയാണ് മനോഹരമായ വീഡിയോ ജ്യോതിക ആരാധകരുമായി പങ്കുവെച്ചത്. കേവലം സന്തോഷങ്ങളുടെ മാത്രം ആഘോഷമല്ല, മറിച്ച് വിട്ടുവീഴ്ചകളുടെയും ത്യാഗങ്ങളുടെയും പരസ്പര മനസ്സിലാക്കലുകളുടെയും ആഘോഷമാണെന്നാണ് ജ്യോതിക വിവാഹ വാര്‍ഷികത്തെക്കുറിച്ച് പറയുന്നത്. ജീവിതത്തിന്റെ നല്ല വശം മാത്രം കാണുമെന്നും, ഒരിക്കലും പരാതിപ്പെടില്ലെന്നും, എപ്പോഴും സന്തോഷത്തോടെയും നന്ദിയോടെയും ആരോഗ്യത്തോടെയും ജീവിക്കുമെന്നും ജ്യോതിക വാഗ്ദാനം ചെയ്യുന്നു. തന്നെ തന്നേക്കാൾ ഉപരിയായി ബഹുമാനിക്കുന്ന സൂര്യയെ തന്റെ ഏറ്റവും അടുത്ത സുഹൃത്തായും മക്കളുടെ മികച്ച അച്ഛനായും ജ്യോതിക വിശേഷിപ്പിച്ചു. എപ്പോഴും താന്‍ അപൂർണയായ ഭാര്യയായി തന്നെ തുടരുമെന്നും പിണങ്ങിയും ഇണങ്ങിയും പരസ്പരം ചേർന്ന് ഇരുപത് വർഷങ്ങളിലേക്ക് കടക്കുകയാണെന്ന് കുറിച്ചുകൊണ്ടാണ് ജ്യോതിക മനോഹരമായ വീഡിയോയും കുറിപ്പും ആരാധകരുമായി പങ്കുവെച്ചത്. 1999 ല്‍ 'പൂവെല്ലാം കേട്ടുപാര്‍' എന്ന സിനിമയുടെ ഷൂട്ടിംഗിനിടെയിലാണ് ഇരുവരും ആദ്യമായി കണ്ടുമുട്ടിയതും പിന്നീട് സൗഹൃദം പ്രണയത്തിലായതും. 2006 സെപ്റ്റംബർ 11 നാണ് സൂര്യയും ജ്യോതികയും ചെന്നൈയിലെ പാര്‍ക്ക് ഷെറാട്ടണ്‍ ഹോട്ടലില്‍ വെച്ച് വിവാഹിതരായത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Sree Padmanabhaswamy Temple: ശ്രീപദ്മനാഭ സ്വാമി ക്ഷേത്രത്തിൽ ദർശനം നടത്തി ഋഷഭ് ഷെട്ടിയും ഭാര്യയും

തിരുവനന്തപുരം: ശ്രീപദ്മനാഭ സ്വാമി ക്ഷേത്രത്തില്‍ ദര്‍ശനം നടത്തി കന്നഡ നടനും സംവിധായകനുമായ ഋഷഭ് ഷെട്ടിയും ഭാര്യ പ്രഗതി ഷെട്ടിയും. ഇന്നലെ വൈകുന്നേരം അഞ്ചുമണിയോടെയാണ് ഇരുവരും ദര്‍ശനത്തിനായി ക്ഷേത്രത്തിൽ എത്തിയത്. ദീപാരാധന തൊഴുത ഋഷഭ് ഭഗവാന് വിവിധ വഴിപാടുകള്‍ നടത്തുകയും ക്ഷേത്രത്തിന് മുന്‍പില്‍നിന്നുള്ള ചിത്രം പ്രഗതി സാമൂഹിക മാധ്യമങ്ങളില്‍ പങ്കുവെച്ചു. ചിത്രം ഋഷഭും ഷെയര്‍ ചെയ്തു. ക്ഷേത്ര ദര്‍ശനത്തിന് ശേഷം ഇരുവരും സാംസ്‌കാരിക മന്ത്രി പിസി വിഷ്ണുനാഥിനെ സന്ദര്‍ശിച്ചു. ഇതിന്റെ ചിത്രങ്ങള്‍ മന്ത്രി ഫെയ്സ്ബുക്കില്‍ പങ്കുവെച്ചിട്ടുണ്ട്. കാന്താരയിലൂടെ പ്രേക്ഷകരെ വിസ്മയിപ്പിച്ച ഋഷഭ് ഷെട്ടിയെയും ഭാര്യ പ്രഗതിയെയും ശ്രീപത്മനാഭ സ്വാമി ക്ഷേത്രത്തില്‍ കാണാന്‍ കഴിഞ്ഞത് ഏറെ സന്തോഷമുളവാക്കിയ അനുഭവമായി എന്ന് മന്ത്രി ഫേസ്ബുക്കിൽ കുറിച്ചിട്ടുണ്ട്‌. നേരത്തെ ഋഷഭ് ഷെട്ടി ജയസൂര്യക്കൊപ്പം മൂകാംബിക ക്ഷേത്രത്തില്‍ ദര്‍ശനം നടത്തിയിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

BKU Box Office: അതിവേ​ഗം 300 കോടി! ലോകയെയും വീഴ്ത്തി കുതിപ്പ്; ‘ബെത്​ലഹേം കുടുംബ യൂണിറ്റ്’ ചരിത്ര നേട്ടത്തിൽ

റെക്കോർഡുകൾ എല്ലാം ഭേദിച്ച മുന്നേറുകയാണ് നിവിൻ പോളി ചിത്രം ‘ബെത്ലഹേം കുടുംബ യൂണിറ്റ്’. മലയാളത്തിലെ ഏറ്റവും വലിയ പണം വാരുന്ന ചിത്രമായി മാറിയിരിക്കുകയാണ് ‘ബികെയു‘. ഇപ്പോൾ ചിത്രം 100 കോടിയും 200 കോടിയും കടന്ന് 300 കോടി ക്ലബിലേക്ക് പ്രവേശിച്ചിരിക്കുകയാണ്. കൂടാതെ വമ്പൻ ഹിറ്റായ ‘ലോക‘യെയും ചിത്രം കടത്തിവെട്ടി. ലോകയുടെ ആഗോള കളക്ഷനായ 302.65 കോടിയാണ് ബികെയു മറികടന്നിരിക്കുന്നത്. ‘ബെത്ലഹേം കുടുംബ യൂണിറ്റ്’ 305 കോടി നേടിക്കൊണ്ടാണ് കുതിപ്പ് തുടരുന്നത്. ഇതോടെ 300 കോടി ക്ലബ്ബിലെത്തുന്ന രണ്ടാമത്തെ മലയാള ചിത്രം എന്ന നേട്ടം സ്വന്തമാക്കിയിരിക്കുകയാണ് ‘ബെത്ലഹേം കുടുംബ യൂണിറ്റ്’. ഒപ്പം അതിവേഗം മുന്നൂറ് കോടി നേടുന്ന മലയാളത്തിലെ ആദ്യത്തെ സിനിമ എന്ന നേട്ടവും ഇനി ഈ നിവിൻ പോളി ചിത്രത്തിന് സ്വന്തം. 45 ദിവസം കൊണ്ടാണ് ലോക 300 കോടി ക്ലബിലെത്തിയത്. എന്നാൽ ‘ബെത്ലഹേം കുടുംബ യൂണിറ്റ്’ ഈ നേട്ടത്തിലേക്ക് കടന്നത് വെറും 24 ദിവസം കൊണ്ടാണ്. നിവിൻ പോളി – മമിത ബൈജു എന്നിവരാണ് ചിത്രത്തിൽ കേന്ദ്ര കഥാപാത്രങ്ങളെ അവതരിപ്പിച്ചത്. ഈ കോംബോയിൽ ഗിരീഷ് എ.ഡി സംവിധാനം ചെയ്ത ‘ബെത്ലഹേം കുടുംബ യൂണിറ്റ്’ ഇതോടെ മലയാള സിനിമയിൽ പുതുചരിത്രം തന്നെയാണ് രചിച്ചിരിക്കുന്നത്. ചിത്രത്തിന്റെ തമിഴ്, തെലുങ്ക് പതിപ്പുകളും റിലീസിെനത്തിയിട്ടുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Lady Gaga Welcomes First Child: ആദ്യ കുഞ്ഞിനെ വരവേറ്റ് ലേഡി ഗാഗയും പങ്കാളിയും

അമേരിക്കൻ പോപ് ഗായികയും നടിയുമായ ലേഡി ഗാഗയ്ക്കും സംരംഭകനും നിക്ഷേപകനുമായ മൈക്കൽ പോളാൻസ്കിയും തങ്ങളുടെ ആദ്യ കുഞ്ഞിനെ വരവേറ്റു. പ്രശസ്തമായ അമേരിക്കൻ വിനോദ വാർത്താ വെബ്സൈറ്റുകളിൽ ഒന്നായ 'പേജ് സിക്സ്' ആണ് ഇരുവരും കുഞ്ഞിനെ വരവേറ്റതായി അറിയിച്ചത്. കുട്ടിയുടെ ലിംഗം, പേര്, ജനനത്തീയതി സംബന്ധിച്ച വിവരങ്ങൾ ഒന്നും തന്നെ പുറത്ത് വന്നിട്ടില്ല. 40 വയസുകാരിയായ ലേഡി ഗാഗയും 42 വയസുകാരനായ മൈക്കൽ പോളാൻസ്കിയും കഴിഞ്ഞ കുറെ മാസങ്ങളായി പൊതുവേദിയിൽ നിന്ന് വിട്ടുനിൽക്കുകയായിരുന്നു. താൻ അമ്മയാകാൻ ആഗ്രഹിക്കുന്നതായി ലേഡി ഗാഗ പല അഭിമുഖങ്ങളിലും തുറന്നുപറഞ്ഞിട്ടുണ്ട്. എന്നിരുന്നാലും താൻ ഗർഭിണിയാണെന്നോ കുഞ്ഞിനെ സ്വീകരിച്ചെന്നോ ഗാഗയോ പങ്കാളിയോ സ്ഥിരീകരിച്ചിട്ടില്ല. സ്റ്റെഫാനി ജോവാൻ ആഞ്ചലീന ജർമനോട്ട എന്നാണ് ലേഡി ഗാഗയുടെ യഥാർത്ഥ പേര്. 2008-ൽ പുറത്തിറങ്ങിയ 'ദി ഫെയിം' (The Fame) എന്ന ആൽബത്തിലൂടെയും അതിലെ 'ജസ്റ്റ് ഡാൻസ്' (Just Dance) , 'പോക്കർ ഫേസ്' (Poker Face) തുടങ്ങിയ സൂപ്പർഹിറ്റ് ഗാനങ്ങളിലൂടെയുമാണ് അവർ അന്താരാഷ്ട്ര ശ്രദ്ധ നേടുന്നത്. നിരവധി ഗ്രാമി പുരസ്കാരങ്ങളും ഒരു ഓസ്കർ പുരസ്കാരവും നേടിയിട്ടുള്ള കലാകാരിയാണ് ഗാഗ. സംഗീതത്തിന് പുറമേ മികച്ച ഒരു നടിയുമാണ് ഗാഗ. 'അമേരിക്കൻ ഹൊറർ സ്റ്റോറി' (American Horror Story) എന്ന പരമ്പരയിലൂടെ ഗോൾഡൻ ഗ്ലോബ് പുരസ്കാരം നേടി. 'ഹൗസ് ഓഫ് ഗുച്ചി' (House of Gucci), 'ജോക്കർ: ഫോളീ അ ഡ്യൂക്' (Joker: Folie à Deux) തുടങ്ങിയ ചിത്രങ്ങളിലും അവർ പ്രധാന വേഷങ്ങൾ കൈകാര്യം ചെയ്തിട്ടുണ്ട്. ലേഡി ഗാഗയുടെ അമ്മ സിൻതിയ ജർമനോട്ടയുടെ ജീവകാരുണ്യ സംഘടനയായ 'ബോൺ ദിസ് വേ ഫൗണ്ടേഷന്റെ' (Born This Way Foundation) ഒരു പരിപാടിയിൽ വെച്ചാണ് ഇരുവരും ആദ്യമായി പരിചയപ്പെടുന്നത്. 2024 ഏപ്രിലിലാണ് അവരുടെ വിവാഹനിശ്ചയം കഴിഞ്ഞത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link.ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Bigg Boss Malayalam Season 8: മോഹൻലാൽ മുതൽ സൽമാൻ ഖാൻ വരെ, ബിഗ് ബോസ് അവതാരകര്‍ക്ക് കോടികളുടെ പ്രതിഫലം!

ബിഗ്ബോസ് മലയാളം എട്ടാം സീസൺ ട്വിസ്റ്റുകളുടെ ഒരു സീസണായി മാറിയിരിക്കുകയാണ്. ബിഗ്ബോസ് മലയാളത്തിന്റെ ചരിത്രത്തിൽ ആദ്യമായി മത്സരം ആരംഭിച്ച് രണ്ടാം ദിവസം ഒരു മത്സരാർത്ഥിയെ ഗെയിമിൽ നിന്ന് പുറത്താക്കി. ഗായത്രി സുരേഷ് ഹൗസിൽ നിന്ന് പോയതിന് പിന്നാലെ ഒരുപാട് നാടകീയ രംഗങ്ങളാണ് ബിഗ്ബോസ് ഹൗസിൽ അരങ്ങേറുന്നത്. മത്സരം ചൂട് പിടിക്കുമ്പോള്‍ ഷോയുടെ അവതാരകന്‍ മോഹന്‍ലാലിന്റെ പ്രതിഫലത്തെ കുറിച്ചും ചര്‍ച്ചകള്‍ നടക്കുന്നുണ്ട്. 2018-ല്‍ ബിഗ് ബോസിന്റെ ആദ്യ സീസണ്‍ മുതല്‍ പുതിയ 8-ാം സീസണ്‍ വരെ എത്തിനില്‍ക്കുമ്പോഴും നടന്‍ മോഹന്‍ലാല്‍ തന്നെയാണ് ഷോയുടെ അവതാരകന്‍. ബിഗ് ബോസ് മലയാളത്തിന്റെ മുഖം തന്നെ ഇന്ന് മോഹന്‍ലാലാണ്. ആദ്യ സീസണില്‍ താരത്തിന്റെ പ്രതിഫലം 12 കോടി രൂപയായിരുന്നു പിന്നീട് രണ്ടാം സീസണില്‍ എത്തിയപ്പോള്‍ തുക 18 കോടിയായി. ഷോയുടെ ജനപ്രീതി പ്രതിഫലത്തിലും മാറ്റങ്ങള്‍ വരുത്തി. ബിഗ് ബോസ് സീസണ്‍ 7 ല്‍ എത്തിയപ്പോള്‍ മോഹന്‍ലാലിന്റെ പ്രതിഫലം ഏകദേശം 24 കോടിയായി. ഇന്ന് 8-ാം സീസണില്‍ ഷോ എത്തിനില്‍ക്കുമ്പോള്‍ 30 കോടിയാണ് താരത്തിന്റെ പ്രതിഫലം. മലയാളത്തില്‍ മാത്രമല്ല മറ്റ് ഭാഷകളിലെ ബിഗ്ബോസ് അവതാരകര്‍ക്കും കോടികളാണ് പ്രതിഫലം. തമിഴിലെ പത്താം സീസണ്‍ അവതാരകനായ വിജയ് സേതുപതിയുടെ പ്രതിഫലം 70-80 കോടി രൂപയാണ്. വിജയ് സേതുമതി തമിഴ് ബിഗ് ബോസിന്റെ അവതാരകനാകുന്നതിന് മുന്‍പ് കമലഹാസനായിരുന്നു ബിഗ് ബോസ് തമിഴ് അവതരിപ്പിച്ചത്. കമൽഹാസൻ ബിഗ് ബോസ് തമിഴ് സീസൺ 7-നായി ഏകദേശം 130 കോടി രൂപ ആവശ്യപ്പെട്ടതായി റിപ്പോര്‍ട്ടുകളുണ്ടായിരുന്നു. തെലുങ്കിലേക്ക് വരുമ്പോള്‍ നാഗാര്‍ജുനയും കന്നഡ ബിഗ്ബോസില്‍ നിന്ന് കിച്ച സുദീപിനും കോടികളാണ് പ്രതിഫലം നേടുന്നത്. ഹിന്ദി ബിഗ് ബോസിന്റെ അവതാരകന്‍ സല്‍ബാന്‍ ഖാനാണ് ഇന്ത്യന്‍ ടെലിവിഷന്‍ ചരിത്രത്തിലെ ഏറ്റവും ഉയര്‍ന്ന പ്രതിഫലം വാങ്ങുന്നത്. റിപ്പോര്‍ട്ടുകള്‍ പ്രകാരം 120 കോടി രൂപയാണ് അദ്ദേഹത്തിന്റെ പ്രതിഫലം. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും.ZEE MALAYALAM App ഡൗൺലോഡ്ചെയ്യൂ.Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻX(Twitter),Facebookലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ്ടെലഗ്രാം ചാനല്‍സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂപിൻന്യൂസ്.

Deepika Padukone Maternity Wear: 48,000 രൂപയുടെ സ്റ്റൈലിഷ് വസ്ത്രവുമായി ദീപിക, മകൾ ദുവയ്ക്കൊപ്പമുള്ള ചിത്രവുമായി താരങ്ങള്‍

കഴിഞ്ഞ ദിവസമാണ് ദീപിക പദുക്കോണും രണ്‍വീര്‍ സിങ്ങും മകള്‍ ദുവയ്ക്കൊപ്പമുള്ള മെന്റേണിറ്റി ചിത്രം പങ്കുവെച്ചത്. ബ്ലാക്ക് ആന്റ് വൈറ്റ് ചിത്രത്തില്‍ ആരാധകരില്‍ നിന്ന് ലഭിക്കുന്ന സ്നേഹത്തിനും അനുഗ്രഹത്തിനും താരങ്ങള്‍ നന്ദി കുറിച്ചു. ആരാധകര്‍ക്കൊപ്പം തന്നെ സെലിബ്രിറ്റികളും ചിത്രം ഏറ്റെടുത്തു. 2 വയസുകാരി ദുവയും ചെറുപ്പത്തിലെ രണ്‍വീറും തമ്മില്‍ സാമ്യം ഏറെയാണെന്ന് ആരാധകര്‍ പറയുന്നു. താരദമ്പതിമാര്‍ പങ്കുവെച്ച ചിത്രം ബ്ലാങ്ക് ആന്റ് വൈറ്റ് ആണെങ്കിലും ദീപികയുടെ വസ്ത്രത്തെക്കുറിച്ച് ചര്‍ച്ചകള്‍ നടക്കുന്നുണ്ട്. വെള്ള നിറത്തില്‍ ലേസ് കട്ട് വര്‍ക്കുള്ള ടോപ്പും ഫ്ലോറല്‍ ലേസ് പാന്റുമാണ് ദീപികയുടെ വേഷം. ഡെമെ ബൈ ഗബ്രിയേലയുടെ (Deme by Gabriella) കിയാന സെറ്റ് (Kianna Set) ആണ് ദീപിക തിരഞ്ഞെടുത്തിരിക്കുന്നത്. ഔദ്യോഗിക വെബ്സൈറ്റ് പ്രകാരം ഈ സെറ്റിന് ഏകദേശം 48,643 രൂപയാണ് വില!

Mammootty's Mela: അർധരാത്രിയിലെ സർപ്രൈസ് 'മേള'! നിതീഷ് സഹദേവ് ചിത്രവുമായി മമ്മൂട്ടി

മെഗാസ്റ്റാർ മമ്മൂട്ടിയുടെ 75-ാം പിറന്നാൽ ആരാധകര്‍ ആഘോഷിക്കുകയാണ്. ഈ പിറന്നാൾ മമ്മൂട്ടി കുടുംബത്തോടൊപ്പം ചെന്നൈയിലെ വീട്ടിലാണ് ആഘോഷിക്കുന്നത്. കഴിഞ്ഞ ദിവസം കൊച്ചിയിൽ നിന്ന് ചെന്നൈയിലെ വീട്ടിലേക്ക് ഭാര്യ സുൽഫത്തിനൊപ്പം മമ്മൂട്ടി യാത്രതിരിച്ചതായി റിപ്പോർട്ടുകളുണ്ടായിരുന്നു. മമ്മൂട്ടി ആരാധകർക്ക് വലിയ സമ്മാനമാണ് ഈ പിറന്നാൾ ദിവസം ലഭിച്ചിരിക്കുന്നത്. 'ഫാലിമി' സംവിധാനം ചെയ്ത നിതീഷ് സഹദേവനൊപ്പം മമ്മൂട്ടി അഭിനയിക്കുന്ന ഏറ്റവും പുതിയ ചിത്രത്തിന്റെ പേരും ഫസ്റ്റ് ലുക്ക് പോസ്റ്ററും അർധരാത്രി തന്നെ പുറത്തിറക്ക്. 'മേള' എന്നാണ് പുതിയ മമ്മൂട്ടി ചിത്രത്തിന്റെ പേര്. അർധരാത്രിയിലെ 'മേള' മേളയുടെ പോസ്റ്റർ മമ്മൂട്ടിയും പങ്കുവെച്ചിട്ടുണ്ട്. പരുക്കനായ ഭാവത്തിലുള്ള മമ്മൂട്ടിയാണ് പോസ്റ്ററിലെ ആകർഷണം. കറുത്ത ഷർട്ടും മുണ്ടുമാണ് വേഷം. 'ബ്ലാക്ക്' എന്ന ചിത്രത്തിലെ ഷൺമുഖനാണോ ഇതെന്നാണ് ആരാധകരുടെ സംശയം. മമ്മൂട്ടിയുടെ ഉടമസ്ഥതയിലുള്ള നിർമ്മാണ കമ്പനിയായ മമ്മൂട്ടി കമ്പനിയുടെ ഒമ്പതാമത്തെ ചിത്രമാണ് 'മേള'. നിതീഷ് സഹദേവും അനുരാജ് ഒ.ബിയും ചേർന്നാണ് ചിത്രത്തിന്റെ രചന. ജീൻ പോൾ ലാൽ, സിദ്ധാർത്ഥ് ഭരതൻ തുടങ്ങിയവരും മേളയിൽ പ്രധാന വേഷങ്ങളെ അവതരിപ്പിക്കുന്നുണ്ട്. ജിംഷി ഖാലിദ് ആണ് ചിത്രത്തിന്റെ ക്യാമറ കൈകാര്യം ചെയ്യുന്നത്. സംഗീതം വിഷ്ണു വിജയ്. 2027ൽ തീയേറ്ററുകളിൽ എത്തുന്ന ചിത്രം വലിയ ബജറ്റിലും ഗ്രാൻഡ് സ്കെയിലിലുമാണ് ഒരുക്കുന്നത്. സർക്കസ് പശ്ചാത്തലത്തിലുള്ള ഗ്യാങ്സ്റ്റർ കഥയാണ് 'മേള' പറയുന്നതെന്നാണ് സൂചനകൾ. 1980-ൽ മമ്മൂട്ടി പ്രധാന വേഷത്തിൽ അഭിനയിച്ച കെ. ജി. ജോർജ്ജ് ചിത്രം 'മേള'യുടെ അതേ ടൈറ്റിൽ വീണ്ടും മമ്മൂട്ടി ചിത്രത്തിന് വരുമ്പോൾ ആരാധകർ വലിയ പ്രതീക്ഷയിലാണ്. മറ്റ് മമ്മൂട്ടി പ്രോജക്റ്റുകൾ 'ഉണ്ട'യ്ക്ക് ശേഷം മമ്മൂട്ടിയും ഖാലിദ് റഹ്മാനും വീണ്ടും ഒന്നിക്കുന്ന ഗ്യാങ്സ്റ്റർ ആക്ഷൻ-കോമഡി ചിത്രം 'മട്ടാഞ്ചേരി മാഫിയ'യുടെ ഷൂട്ടിംഗ് ഈ വർഷം തന്നെ ആരംഭിക്കുമെന്നാണ് റിപ്പോർട്ടുകൾ. മമ്മൂട്ടിക്കൊപ്പം ആസിഫ് അലി, നസ്‌ലിൻ എന്നിവരും പ്രധാന വേഷങ്ങളിൽ എത്തുന്ന ഈ ചിത്രം ഏറെ പ്രതീക്ഷയോടെയാണ് ആരാധകർ കാത്തിരിക്കുന്ന മറ്റൊരു മമ്മൂട്ടി ചിത്രമാണ്. സംവിധായകൻ അടൂർ ഗോപാലകൃഷ്ണനൊപ്പം 33 വർഷത്തെ ഇടവേളയ്ക്ക് ശേഷം 'പദയാത്ര' എന്ന ചിത്രത്തിലും മമ്മൂട്ടി എത്തുന്നുണ്ട്. ചിത്രത്തിന്റെ ഷൂട്ടിംഗ് ഇതിനോടകം പൂർത്തിയായി. അടൂർ ഗോപാലകൃഷ്ണൻ വീണ്ടും സംവിധാനത്തിലേക്ക് തിരിച്ചെത്തുന്ന ചിത്രം കൂടിയാണ് 'പദയാത്ര'. തമിഴിൽ ധനുഷിനൊപ്പം രാജ്കുമാർ പെരിയസാമി സംവിധാനം ചെയ്യുന്ന 'ഓം-ചാപ്റ്റർ 1' ൽ മമ്മൂട്ടി എത്തുന്നുണ്ട്. സായി പല്ലവി, ശ്രീലീല, നസറുദ്ദീൻ ഷാ തുടങ്ങിയവരും ഈ ബിഗ് ബജറ്റ് ചിത്രത്തിൽ അണിനിരക്കുന്നുണ്ട്. ചിത്രം 2026 ഒക്ടോബർ 16-ന് തിയേറ്ററുകളിൽ റിലീസ് ചെയ്യും. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും.ZEE MALAYALAM App ഡൗൺലോഡ്ചെയ്യൂ.Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻX(Twitter),Facebookലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ്ടെലഗ്രാം ചാനല്‍സബ്‌സ്‌ക്രൈബ്ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂപിൻന്യൂസ്.

Dulquer Im Game: 'ഐ ആം ഗെയിം' ഒരു ഫാന്റസി ചിത്രം, ട്രെയിലർ മറച്ചുവെച്ച രഹസ്യത്തെക്കുറിച്ച് ദുൽഖർ

ദുൽഖർ സൽമാന്റെ ഏറ്റവും പുതിയ ചിത്രം ഐ ആം ഗെയിം (I'm Game) സെപ്റ്റംബർ 3 നാണ് തീയേറ്ററുകളിൽ എത്തുന്നത്. ‌‌ചിത്രത്തിന്റെ ട്രെയിലറിൽ നിന്ന് കഥയുടെ പ്രധാന ആശയം മറച്ചുവെച്ചതായി ദുൽഖർ വെളിപ്പെടുത്തി. ഐ ആം ഗെയ്മിൽ ഫാന്റസിക്ക് വലിയൊരു പങ്കുണ്ടെന്നാണ് നടൻ പറഞ്ഞത്. ചിത്രത്തിന്റെ റിലീസിന് മുന്നോടിയായി ഹൈദരാബാദിലെ കോളേജിലെ വിദ്യാർത്ഥികളോട് ചിത്രത്തെക്കുറിച്ച് സംസാരിക്കവെയാണ് ട്രെയിലറിൽ പ്ലോട്ട് വെളിപ്പെടുത്താത്തതിന്റെ കാരണത്തെക്കുറിച്ച് നടൻ തുറന്നുപറഞ്ഞത്. 'ഐ ആം ഗെയിം' സിനിമയിലെ പ്രധാന സർപ്രൈസ് തിയേറ്ററിൽ തന്നെ കാണിക്കാൻ വേണ്ടിയാണ് ട്രെയിലറിൽ പ്ലോട്ട് വെളിപ്പെടുത്താത്തതെന്ന് ദുൽഖർ സൽമാൻ വ്യക്തമാക്കി. ചിത്രത്തെക്കുറിച്ചുള്ള ആദ്യ റിപ്പോർട്ടുകളിൽ കൈ മാറ്റിവെക്കൽ ശസ്ത്രക്രിയയെക്കുറിച്ചുള്ള കഥയാണെന്നാണ് പറഞ്ഞത് പക്ഷെ ട്രെയിലർ അതിൽ നിന്നും വ്യത്യസ്തമാണ്. വാതുവെപ്പിൽ ഭാഗ്യത്തിന് പകരം അൽഗോരിതം ഉപയോഗിക്കുന്ന ഡാൻ ജോൺ എന്ന കഥാപാത്രത്തെയാണ് ദുൽഖർ ചിത്രത്തിൽ അവതരിപ്പിക്കുന്നത്. എന്നാൽ ആ അൽഗോരിതം അയാൾക്ക് എതിരായി പ്രവർത്തിക്കാൻ തുടങ്ങുന്നതോടെ കാര്യങ്ങൾ മാറിമറിയുന്നു. കൃത്യമായി പ്ലാൻ ചെയ്തു മുന്നേറിയ അയാളുടെ ജീവിതം തകർച്ചയിലേക്ക് പോകുന്നതും, യഥാർത്ഥത്തിൽ എന്താണ് സംഭവിക്കുന്നത് എന്നറിയാനുള്ള ആകാംക്ഷയും ചിത്രം സമ്മാനിക്കുന്നു. എന്നാൽ ട്രെയിലർ ചിത്രത്തിന്റെ ഒരു ഭാഗം മാത്രമാണ് കാണിച്ചിട്ടുള്ളതെന്നാണ് ദുൽഖർ പറയുന്നത്. തിയേറ്ററുകളിൽ റിലീസ് ചെയ്യുന്നതിന് മുൻപ് കൂടുതൽ കാര്യങ്ങൾ വെളിപ്പെടുത്താതിരിക്കാൻ അണിയറപ്രവർത്തകരെ പ്രേരിപ്പിച്ചത് ഈ ഫാന്റസി ആംഗിൾ ആണെന്നും അദ്ദേഹം വ്യക്തമാക്കി. ഡാൻ ജോൺ എന്ന കഥാപാത്രം പ്രേക്ഷകർക്ക് ഒരു സർപ്രൈസ് ആയിരിക്കുമെന്ന് ദുൽഖർ പറഞ്ഞു. അൽപ്പം വികൃതി നിറഞ്ഞ ഒരു കഥാപാത്രത്തെ ചെയ്തിട്ട് കുറെ കാലമായെന്നും അദ്ദേഹം ചൂണ്ടിക്കാട്ടി. നഹാസ് ഹിദായത്ത് സംവിധാനം ചെയ്യുന്ന 'ഐ ആം ഗെയിം' എന്ന ചിത്രത്തിൽ ദുൽഖറിനൊപ്പം ആന്റണി വർഗീസ് പെപ്പെ, കയാഡു ലോഹർ, കതിർ, മിസ്കിൻ, സംയുക്ത, വിനയ് ഫോർട്ട്, ജയസുധ, ശ്യാമപ്രസാദ് എന്നിവരും വേഷമിടുന്നുണ്ട്. ഓണത്തോടനുബന്ധിച്ച് ഓഗസ്റ്റ് 21-ന് റിലീസ് ചെയ്യാൻ നിശ്ചയിച്ചിരുന്ന ചിത്രം പിന്നീട് സെപ്റ്റംബർ 3-ലേക്ക് മാറ്റുകയായിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ്ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Akshay Kumar Marriage: 'മേള' പൊട്ടി, കല്യാണം നടന്നു! അക്ഷയ് കുമാറിന്റെയും ട്വിങ്കിലിന്റെയും സിനിമാറ്റിക് വിവാഹം

അക്ഷയ് കുമാറും ഭാര്യ ട്വിങ്കിൾ ഖന്നയും തമ്മിൽ വിവാഹത്തിന് മുൻപ് ഒരു കരാറിൽ ഏർപ്പെട്ടിരുന്നു. ആമിർ ഖാൻ പ്രധാന വേഷത്തിലെത്തിയ ട്വിങ്കിളിന്റെ 'മേള' എന്ന ചിത്രം ബോക്സ് ഓഫീസിൽ പരാജയപ്പെട്ടാൽ, അക്ഷയും താനും തമ്മിലുള്ള വിവാഹം നീട്ടിവെക്കാതെ ഉ‌ടൻ വിവാഹം കഴിക്കുമെന്നായിരുന്നു കരാർ. എന്നാൽ 'മേള' ബോക്സ്ഓഫീസിൽ പ്രതീക്ഷിച്ച വിജയം കണ്ടില്ല. ഒടുവിൽ ട്വിങ്കിളും അക്ഷയും വിവാഹിതരാകാൻ തീരുമാനിച്ചു. എന്തിന് പറയുന്നു വിവാഹദിവസം പോലും ഒരു സിനിമയിലെ രംഗം പോലെയായിരുന്നു. ‌‌ അവിടെ ഷൂട്ടിംഗ് ഇവിടെ താലികെട്ട് !‌ വധൂവരന്മാർ സാധാരണ തങ്ങളുടെ ജീവിതത്തിലെ ഏറ്റവും പ്രധാനപ്പെട്ട ദിവസത്തിനായി തയ്യാറെടുക്കുന്ന തിരക്കിലായിരിക്കും പക്ഷെ ഇവിടെ വരൻ അക്ഷയ് കുമാറിന് പോകേണ്ടിയിരുന്നത് ഒരു സിനിമയുടെ ഷൂട്ടിംഗ് സെറ്റിലേക്കായിരുന്നു. നടരാജ് സ്റ്റുഡിയോയിൽ അമിതാഭ് ബച്ചൻ, രാഖി ഗുൽസാർ എന്നിവർക്കും മറ്റ് അണിയറപ്രവർത്തകർക്കുമൊപ്പം 'ഏക് റിഷ്താ: ദി ബോണ്ട് ഓഫ് ലവ്' (Ek Rishta: The Bond of Love) എന്ന ചിത്രത്തിന്റെ ഷൂട്ടിംഗിലായിരുന്നു താരം. ചലച്ചിത്ര നിർമാതാവ് സുനിൽ ദർശൻ അടുത്തിടെ ഒരു അഭിമുഖത്തിൽ അക്ഷയുടെ വിവാഹദിവസത്തെക്കുറിച്ച് പറഞ്ഞു. അന്ന് വൈകുന്നേരം തന്റെ വിവാഹമാണെന്ന് അക്ഷയ് വളരെ സാധാരണ മട്ടിൽ വെളിപ്പെടുത്തുകയും കുടുംബത്തോടൊപ്പം ചടങ്ങിൽ പങ്കെടുക്കാൻ സുനിലിനെ ക്ഷണിക്കുകയും ചെയ്തു. ബൈക്കിൽ വിവാഹവേദിയിലേക്ക് രാത്രി 7:30 ഓടെയാണ് ഷൂട്ടിംഗ് അവസാനിച്ചത്. അക്ഷയ് സമയം ഒട്ടും പാഴാക്കാതെ തന്റെ മേക്കപ്പ് ആർട്ടിസ്റ്റിന്റെ ബൈക്ക് കടം വാങ്ങി, ഹെൽമെറ്റും ധരിച്ച് സ്റ്റുഡിയോയിൽ നിന്ന് ആരുമറിയാതെ സ്ഥലം വിടുകയായിരുന്നു. അക്ഷയ് ധൃതിയിൽ കല്ല്യാണം കഴിക്കാൻ പോയപ്പോൾ, സുനിൽ വസ്ത്രം മാറാനായി വീട്ടിലേക്ക് പോകുകയും അതിനുശേഷമാണ് വിവാഹച്ചടങ്ങിൽ പങ്കെടുക്കാൻ എത്തിയത്. അക്ഷയും ട്വിങ്കിളും തങ്ങളുടെ വിവാഹച്ചടങ്ങ് ലളിതമായിട്ടാണ് നടത്തിയത്. മാധ്യമശ്രദ്ധയിൽ നിന്ന് അവർ മാറിനിന്നു.‌‌ മേളയും ട്വിങ്കിളും 'മേള' എന്ന ചിത്രത്തിൽ ട്വിങ്കിൾ ഖന്നയെ കാസ്റ്റ് ചെയ്തത് തെറ്റായ തീരുമാനമായിരുന്നുവെന്നും ആ കഥാപാത്രത്തിന് അവർ യോജിച്ചവളായിരുന്നില്ലെന്നും സുനിൽ ദർശൻ പറഞ്ഞു. മാത്രമല്ല മേളയു‌ടെ സംവിധായകനെക്കുറിച്ച് ട്വിങ്കിൾ മോശമായി സംസാരിച്ചതിൽ സുനിൽ അമർഷം പ്രകടിപ്പിച്ചു. ലഭിച്ച അവസരത്തെ ട്വിങ്കിൾ നന്ദിയോടെ കാണണമായിരുന്നുവെന്ന് അദ്ദേഹം കൂട്ടിച്ചേർത്തു. 'മേള' ഒരു വൻ പരാജയമായിരുന്നുവെന്നും, അതിൽ തന്റെ അഭിനയം വളരെ ദാരുണമായിരുന്നുവെന്നും ട്വിങ്കിൾ പലപ്പോഴും പരിഹസിച്ചിട്ടുണ്ട്. ചിത്രത്തിന്റെ സംവിധായകൻ ധർമ്മേഷ് ദർശൻ 'മരിച്ചുപോയ മുത്തശ്ശനെക്കുറിച്ച് ഓർത്ത് കരയൂ' എന്ന് തന്നോട് പറഞ്ഞതായി ട്വിങ്കിൾ തമാശയായി വെളിപ്പെടുത്തിയിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Mutiny Leak: തിയേറ്റർ റിലീസിന് മുൻപ് ആമസോണിൽ എത്തി, ജേസൺ സ്റ്റേതമിന്റെ 'മ്യൂട്ടിനി' വൻ നഷ്ടത്തില്‍!

ഹോളിവുഡ് നടൻ ജോസൺ സ്റ്റേതമിന്റെ വരാനിരിക്കുന്ന ത്രില്ലർ ചിത്രം 'മ്യൂട്ടിനി' (Mutiny) ഒടിടി പ്ലാറ്റ്ഫോം വഴി ചോർന്നു. തീയേറ്ററുകളിൽ ഇറങ്ങുന്നതിന് മുൻപാണ് ചിത്രം ആമസോൺ പ്രൈം വീഡിയോയിൽ എത്തിയത്. ആമസോൺ പ്രൈം വീഡിയോയുടെ യുഎസ് പതിപ്പിലാണ് ചിത്രം എത്തിയത്. ഒരു മണിക്കൂറും 35 മിനിറ്റും ദൈർഘ്യമുണ്ടിയിരുന്ന ചിത്രം വിവിധ മാദ്ധ്യമ റിപ്പോർട്ട് പ്രകാരം ഒരു മണിക്കൂറോളം ഒടിടി പ്ലാറ്റ്ഫോമിൽ ലഭ്യമായിരുന്നു. ആളുകളുടെ ശ്രദ്ധയിൽ ചിത്രം എത്തിയതോടെ സിനിമ പ്ലാറ്റ്ഫോമിൽ നിന്ന് നീക്കം ചെയ്യുകയായിരുന്നു. പക്ഷെ ഒരുപാട് ആളുകൾ ആമസോണിൽ ചിത്രം കണ്ടതിനെക്കുറിച്ച് സമൂഹമാധ്യമങ്ങളിൽ പങ്കുവെച്ചു. എങ്ങനെ ചോർന്നു? ചിത്രം എങ്ങനെയാണ് റീലിസിന് മുൻപ് ആമസോൺ പ്രൈം വീഡിയോയിൽ എത്തിയതെന്ന കാര്യത്തിൽ വ്യക്തതയില്ല. സാങ്കേതിക തകരാറിനെക്കുറിച്ച് ഒരു വിഭാഗം പറയുമ്പോൾ മറ്റുള്ളവർ പറയുന്നത് ഇത് പ്രൊമോഷന്റെ ഭാഗമായി മനപ്പൂർവം ചെയ്തതാണെന്നാണ്. നിലവിൽ സംഭവത്തെക്കുറിച്ച് ആമസോണോ ചിത്രത്തിന്റെ നിർമാതാക്കളോ വിതണക്കാരോ പ്രതികരിച്ചിട്ടില്ല. അതെസമയം ചിത്രം പ്രൈം വീഡിയോയിൽ ലഭ്യമായ മണിക്കൂറിനുള്ളിൽ തന്നെ ചിലർ ഡൗൺലോഡ് ചെയ്യുകയും പൈറസി സൈറ്റുകളിൽ അപ്‍ലോഡ് ചെയ്യുകയും ചെയ്തു. ഇത് വലിയെ രീതിയിലാണ് ചിത്രത്തിന്റെ അന്താരാഷ്ട്ര വിപണിയെ ബാധിച്ചിരിക്കുന്നത്. ഇത് കോടികളുടെ നഷ്ടമുണ്ടാക്കുന്ന പ്രശ്നമാണെന്നും ആമസോണിൽ നിന്ന് ഇതിനുള്ള പരിഹാരം പ്രതീക്ഷിക്കുന്നതായും സിനിമാ വ്യവസായ രംഗത്തെ പ്രമുഖർ പ്രതികരിക്കുന്നത്. ആക്ഷൻ ത്രില്ലർ 'മ്യൂട്ടിനി' ജീൻ-ഫ്രോങ്കോയിസ് റിഷെ സംവിധാനം ചെയ്ത ആക്ഷൻ ത്രില്ലർ ചിത്രം മ്യൂട്ടിനിയുടെ രചന നിർവഹിച്ചിരിക്കുന്നത് ലിൻഡ്സെ മിഷേൽ, ജെ.പി. ഡേവിസ് എന്നിവർ ചേർന്നാണ്. താൻ ജോലി ചെയ്യുന്ന കോടീശ്വരനായ ബോസിന്റെ കൊലപാതകത്തിന് സാക്ഷിയാവുകയും ആ കുറ്റകൃത്യത്തിൽ പെടുകയും ചെയ്യുന്ന കോൾ റീഡ് എന്ന കഥാപാത്രത്തെയാണ് ജേസൺ സ്റ്റേതം ഈ ചിത്രത്തിൽ അവതരിപ്പിക്കുന്നത്. സമ്മിശ്ര പ്രതികരണം ചിത്രം ഒടുവിൽ തീയേറ്ററുകളിൽ എത്തിയപ്പോൾ സമ്മിശ്ര പ്രതികരണമാണ് ലഭിക്കുന്നത്. ജേസൺ ചിത്രങ്ങളിൽ സാധാരണ കാണുന്ന ആക്ഷൻ രംഗങ്ങൾ മ്യൂട്ടിനിയിലുമുണ്ട്. പക്ഷെ അദ്ദേഹത്തിന്റെ മുൻകാല ചിത്രങ്ങളെ അപേക്ഷിച്ച് ആക്ഷൻ രംഗങ്ങളിൽ പുതുമയില്ലെന്നാണ് നിരൂപകർ പറയുന്നത്. കൂടാതെ തിരക്കഥ പ്രവചിക്കാൻ കഴിയുന്നതാണെന്നും, കഥാപാത്രങ്ങൾ ആഴമുള്ളതല്ലെന്നും പലരും റിവ്യൂകളിൽ പറയുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.