Vastu Tips: ഈ ദിവസം തുളസിച്ചെടിക്ക് ജലം അർപ്പിക്കരുത്! എന്തുകൊണ്ട്?

ഹൈന്ദവ സംസ്കാരത്തിൽ വളരെ പ്രാധാന്യമുള്ള ഒരു ചെടിയാണ് തുളസി. ഹിന്ദു കുടുംബങ്ങളിൽ തുളസി ചെടി പവിത്രമായും ആദരവോടെയും പരിപാലിക്കുന്നു. മിക്കവാറും എല്ലാ വീടുകളുടെയും മുറ്റത്തോ ബാൽക്കണിയിലോ ഒരു തുളസി ചെടി ഉണ്ടായിരിക്കും. എല്ലാ ദിവസവും രാവിലെ എഴുന്നേറ്റതിന് ശേഷം കുളിച്ച് ശുദ്ധി വരുത്തി ആളുകൾ തുളസി ചെടിയിൽ ജലം അർപ്പിച്ച് ആരാധിക്കും. ഇങ്ങനെ ചെയ്യുന്നത് വീട്ടിൽ ഐശ്വര്യം കൊണ്ടുവരുമെന്നാണ് വിശ്വാസം. എന്നാൽ, ഞായറാഴ്ചകളിൽ തുളസി ചെടിക്ക് ജലം അർപ്പിക്കരുതെന്ന് മുതിർന്നവർ പറയുന്നത് കേട്ടിട്ടുണ്ടാകാം. ഞായറാഴ്ചകളിൽ തുളസി ചെടിക്ക് ജലം അർപ്പിക്കുന്നത് വേദങ്ങൾ പോലും വിലക്കുന്നുണ്ട്. ഞായറാഴ്ച തുളസിക്ക് ജലം അർപ്പിക്കരുതെന്ന് പറയുന്നത് എന്തുകൊണ്ടാണെന്ന് അറിയാം. ഇതിന് പിന്നിലുള്ള ഐതിഹ്യം പരിശോധിക്കാം. ഞായറാഴ്ച തുളസി പൂർണമായും വിഷ്ണുഭക്തിയിൽ മുഴുകിയിരിക്കുമെന്നാണ് വിശ്വാസം. ഈ ദിവസം ജലപാനം ഇല്ലാതെ ഉപവസിക്കുകയും വിഷ്ണുഭഗവാനെ ധ്യാനിക്കുകയും ചെയ്യുന്നു. അതിനാൽ ഞായറാഴ്ച തുളസി ചെടിക്ക് ജലം അർപ്പിക്കില്ല. തപസിന് ഭംഗം വരാതിരിക്കാനാണ് ഈ ദിവസം ജലം അർപ്പിക്കാതിരിക്കുന്നത്. ഞായറാഴ്ചകളിലെ പോലെ തന്നെ ഏകാദശി ദിനത്തിലും തുളസിക്ക് വെള്ളം അർപ്പിക്കാറില്ല. ഭഗവാൻ വിഷ്ണുവിന് വളരെ പ്രിയപ്പെട്ട ദിവസമാണ് ഏകാദശി. ഈ ദിവസം തുളസി മാതാവ് വിഷ്ണുഭഗവാനായി ഏകാദശി വ്രതം അനുഷ്ഠിക്കുമെന്നാണ് വിശ്വാസം. ഈ ദിവസം ആരെങ്കിലും തുളസി ചെടിയിൽ വെള്ളം ഒഴിച്ചാൽ വ്രതം മുറിയുമെന്നും ഇത് പാപമാണെന്നുമാണ് വിശ്വാസം. അതിനാൽ ഏകാദശി ദിനത്തിൽ തുളസിയിൽ വെള്ളം ഒഴിക്കരുത്. ഞായറാഴ്ചകളിലും ഏകാദശിയിലും തുളസി ചെടിക്ക് ജലം അർപ്പിക്കുന്നത് മാത്രമല്ല, തുളസിയില നുള്ളുന്നതും തെറ്റാണ്. ഇത് കുടുംബത്തിന് ദോഷം ചെയ്യും. ഞായറാഴ്ച പൂജയ്ക്ക് തുളസിയില ആവശ്യം ഉണ്ടെങ്കിൽ തലേദിവസം അതായത് ശനിയാഴ്ച വൈകുന്നേരം തുളസിയില നുള്ളിയെടുക്കുക. തുളസിയില ഒരിക്കലും വേഗത്തിൽ കേടാകാത്തതിനാൽ അവ പിന്നീടും ഉപയോഗിക്കാം. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Vastu Tips: സമ്പത്ത് തേടിയെത്തും, വീട്ടിൽ ഈ വാസ്തു പ്രതിവിധികൾ ശ്രദ്ധിച്ചാൽ

വാസ്തുശാസ്ത്ര പ്രകാരം, വീടുകളിൽ വരുത്തുന്ന ചില ലളിതമായ മാറ്റങ്ങൾ ജീവിതത്തിൽ പോസിറ്റീവ് ഊർജ്ജവും ഐശ്വര്യവും സമ്പത്തും കൊണ്ടുവരും. ജീവിതത്തിൽ സന്തോഷവും സമാധാനവും നിലനിർത്താൻ സഹായിക്കുന്ന വാസ്തുവിദ്യകൾ എന്തെല്ലാമാണെന്ന് അറിയാം. വീടിൻറെ പ്രധാന കവാടം എപ്പോഴും വൃത്തിയായി സൂക്ഷിക്കണം. ഇവിടെ നിന്നാണ് പോസിറ്റീവ് ഊർജ്ജം വീട്ടിലേക്ക് പ്രവേശിക്കുന്നത്. അതിനാൽ പ്രധാന കവാടത്തിൽ ചെരിപ്പുകളോ അഴുക്കുകളോ വേസ്റ്റ് ബിന്നുകളോ കൂട്ടിയിടുന്നത് ഒഴിവാക്കണം. ഇതുപോലെ തന്നെ വീടിൻറെ സ്വീകരണമുറിയും മറ്റ് പ്രധാന ഭാഗങ്ങളും അനാവശ്യ വസ്തുക്കൾ ഒഴിവാക്കി വൃത്തിയായി ഇടേണ്ടതുണ്ട്. മനസ്സിന് ശാന്തി ലഭിക്കാനും ഇത് പ്രധാനമാണ്. രാവിലെ എഴുന്നേറ്റയുടൻ കിടക്ക വിരികൾ മാറ്റി വൃത്തിയാക്കിയിടണം. ഇത് വാസ്തുപ്രകാരം നല്ല മാറ്റങ്ങൾ കൊണ്ടുവരും. സമാധാനപൂർണമായ ഒരു അന്തരീക്ഷം കിടപ്പുമുറിയിൽ ഉണ്ടാകുമ്പോൾ മാത്രമാണ് ജീവിതത്തിൽ സന്തോഷം കൈവരുന്നത്. കിടക്കയുടെ അടിയിലോ മുറിയിലോ അനാവശ്യ സാധനങ്ങൾ കുന്നുകൂട്ടി ഇടരുത്. ഉറക്കത്തെ തടസപ്പെടുത്തുന്ന കാര്യങ്ങൾ ഒഴിവാക്കുക. അതുപോലെ, അടുക്കള എപ്പോഴും വൃത്തിയോടെ സൂക്ഷിക്കണം. കുടുംബത്തിലുള്ളവരുടെ ആരോഗ്യം മികച്ചതായി നിലനിർത്തുന്നതിൽ അടുക്കളയുടെ പങ്ക് വലുതാണ്. ഭക്ഷണം പാകം ചെയ്ത ശേഷം ഉടൻ തന്നെ കൌണ്ടർ ടോപ്പുകൾ വൃത്തിയാക്കണം. അടുക്കളയിലെ ഷെൽഫുകളെല്ലാം കൃത്യമായി അടുക്കി വയ്ക്കാനും വൃത്തിയോടെ സൂക്ഷിക്കാനും ശ്രദ്ധിക്കണം. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Vastu Tips For Tulsi Plant: വീട്ടിൽ തുളസി ചെടി നടുന്നത് ശുഭകരം; എന്നാൽ ഈ തെറ്റുകൾ വരുത്തിയാൽ വിപരീത ഫലം

വീട്ടിൽ ചെടികൾ നടുന്നത് ഭംഗി വർധിപ്പിക്കാൻ മാത്രമല്ല, കുടുംബത്തിൽ സന്തോഷവും സമൃദ്ധിയും നിറയ്ക്കാനും സഹായിക്കുന്നു. വാസ്തുശാസ്ത്ര വിധിപ്രകാരം, ചില സസ്യങ്ങളെ പവിത്രമായാണ് കണക്കാക്കുന്നത്. ആളുകൾ സാധാരാണയായി വീട്ടിൽ തുളസി ചെടി നടാറുണ്ട്. ശിവനെയും ശനി ദേവനെയും പ്രീതിപ്പെടുത്തുന്നതിനായി ആളുകൾ വീടുകളിൽ മറമ്പ് അല്ലെങ്കിൽ വന്നി എന്നറിയപ്പെടുന്ന മരവും നടാറുണ്ട്. എന്നാൽ, പലപ്പോഴും കൃത്യമായ വിവരങ്ങളുടെ അഭാവം മൂലം ആളുകൾ ഈ രണ്ടു ചെടികളും അടുത്തടുത്തായി നടാറുണ്ട്. തുളസിയും വന്നിമരവും അടുത്തടുത്തായി നടുന്നത് ശുഭകരമാണോ അശുഭകരമാണോ എന്നും ഇതിനെ സംബന്ധിച്ച വാസ്തു നിയമങ്ങൾ എന്തെല്ലാമാണെന്നും അറിയാം. ഹിന്ദുമത വിശ്വാസ പ്രകാരം, തുളസി ചെടിയെ പവിത്രമായി കണക്കാക്കുന്നു. തുളസി ചെടി വീട്ടിൽ നടുന്നത് വളരെ ശുഭകരമായാണ് കണക്കാക്കുന്നത്. വാസ്തു ശാസ്ത്രം അനുസരിച്ച് തുളസി ചെടി വീടിൻറെ വടക്കുകിഴക്ക് മൂലയിലാണ് സ്ഥാപിക്കേണ്ടത്. തുളസി ചെടി ശരിയായ ദിശയിൽ വളർത്തിയാൽ ലക്ഷ്മീ ദേവി കടാക്ഷിക്കുമെന്നാണ് വിശ്വാസം. ഇത് വീടിനുള്ളിലാണ് നടുന്നതെങ്കിൽ പൂജാമുറിക്ക് സമീപം വയ്ക്കുന്നതാണ് ഉചിതം. വടക്കുകിഴക്ക് ദിശയിൽ തുളസി നടുന്നത് വീട്ടിൽ നിന്ന് നെഗറ്റീവ് എനർജിയെ പുറംതള്ളുന്നു. മറമ്പ് അഥവാ വന്നി മരം ശനിദേവനും യമദേവനുമായി ബന്ധപ്പെട്ടിരിക്കുന്നുവെന്നാണ് വിശ്വാസം. അതിനാൽ ഈ മരം നടുമ്പോൾ കൃത്യമായ വാസ്തുശാസ്ത്ര പ്രതിവിധികൾ പാലിക്കണമെന്നുള്ളത് പ്രധാനമാണ്. വാസ്തു പ്രകാരം, മറമ്പ് തെക്ക് ദിശയിലാണ് നടേണ്ടത്. ഇത് യമദേവൻറെ ദിശയായാണ് കണക്കാക്കുന്നത്. ഒരിക്കലും മുറികളിലോ പ്രധാന ഹാളിലോ ഇത് നടരുത്. ബാൽക്കണിയിലോ ടെറസിലോ പ്രധാന കവാടത്തിന് പുറത്തോ നടുന്നത് ശുഭകരമാണ്. എല്ലാ ശനിയാഴ്ചയും മറമ്പ് മരത്തിൻറെ ചുവട്ടിൽ കടുക് എണ്ണ വിളക്ക് കത്തിക്കുന്നത് ശനിദോഷം അകറ്റാൻ സഹായിക്കുമെന്നാണ് വിശ്വാസം. എന്നാൽ, വാസ്തുശാസ്ത്ര പ്രകാരം തുളസി, മറമ്പ് എന്നിവ വളരെ അടുത്തായോ ഒരേ സ്ഥലത്തോ നടരുത്. ഇതിന് പ്രധാന കാരണം രണ്ട് സസ്യങ്ങളുടെയും ഊർജ്ജവും ശുഭകാര്യങ്ങളും തകിച്ചും വ്യത്യസ്തമാണെന്നതാണ്. തുളസിക്ക് വിഷ്ണുവിൻറെയും ലക്ഷ്മിയുടെയും ദിശയായ വടക്കുകിഴക്ക് ദിശയും മറമ്പിന് തെക്ക് ദിശയും ആണ് ഉത്തമം. അതിനാൽ തന്നെ ഇവ അടുത്തടുത്തായി നടുന്നതോ ഒരേ ദിശയിൽ നടുന്നതോ ശുഭകരമല്ല. ഇത് വീട്ടിലെ സന്തോഷത്തെയും സമാധാനത്തെയും ഇല്ലാതാക്കും. ഇരുചെടികളും ശരിയായ വിധത്തിൽ വാസ്തു നിയമം പാലിച്ച് നടുകയും സംരക്ഷിക്കുകയും ചെയ്താൽ വീട്ടിൽ പോസിറ്റീവ് ഊർജ്ജം നിറയുകയും സന്തോഷവും സമാധാനവും ഉണ്ടാകുകയും ചെയ്യും. ശനിയാഴ്ചകളിൽ തുളസിയെ ആരാധിക്കുന്നതും വന്നി മരത്തിന് ചുവട്ടിൽ കടുകെണ്ണ വിളക്ക് കത്തിക്കുന്നതും ഗുണം ചെയ്യും. രണ്ട് ചെടികളും അവയുടെ ശരിയായ ദിശയിൽ നടുന്നത് കുടുംബത്തിൽ സമാധാനവും സന്തോഷവും നിറയാൻ സഹായിക്കും. Disclaimer: ഇവിടെ നൽകിയിരിക്കുന്ന വിവരങ്ങൾ വിശ്വാസങ്ങളെയും പൊതുവായ വിവരങ്ങളെയും അടിസ്ഥാനമാക്കിയുള്ളതാണ്. ZEE MALAYALAM NEWS ഇക്കാര്യങ്ങൾ സ്ഥിരീകരിക്കുന്നില്ല. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Vastu Tips For plants: ഈ ചെടികൾ ഭാ​ഗ്യം വർധിപ്പിക്കും; വാസ്തുശാസ്ത്ര പ്രകാരം ഏത് ദിശയിൽ വയ്ക്കണമെന്ന് അറിയാം

വീടിനുള്ളിൽ അലങ്കാരത്തിനായും വായു ശുദ്ധീകരിക്കുന്നതിനായും ചെടികൾ വയ്ക്കുന്നത് സാധാരണയാണ്. വാസ്തു പ്രകാരം, മുറികളിൽ ചെടികൾ വയ്ക്കുന്നത് വീടിന് അഭിവൃദ്ധിയും പോസിറ്റീവ് എനർജിയും വർധിപ്പിക്കും. ചില ചെടികൾ വീടിനുള്ളിൽ വളർത്തുന്നത് ഭാഗ്യം വർധിപ്പിക്കുമെന്നാണ് വിശ്വാസം. അവ ഏതെല്ലാമാണെന്ന് അറിയാം. ലക്കി ബാംബൂ: പേര് സൂചിപ്പിക്കുന്നത് പോലെ തെന്ന ജീവിതത്തിൽ വലിയ ഭാഗ്യവും ഐശ്വര്യവും കൊണ്ടുവരുന്നതാണ് ലക്കി ബാംബൂ. സാധാരണയായി ഒന്ന് മുതൽ 10വരെ ബാംബൂ തണ്ടുകളാണ് നടുന്നത്. എത്ര തണ്ടുകൾ നടുന്നുവെന്നത് അനുസരിച്ച് ഫലവും വ്യത്യാസപ്പെടും. അഞ്ച്, ഒൻപത് എന്നിങ്ങനെയുള്ള എണ്ണങ്ങളിൽ ബാംബൂ തണ്ട് സാധാരണയായി നടാറില്ല. ഇത് വെറുതേ എവിടെയെങ്കിലും വച്ചാലും ഉദ്ദേശിച്ച ഫലം ലഭിക്കില്ല. വീടിന്റെ കിഴക്ക് ദിശയിലായി സ്ഥാപിക്കുന്നത് ഐശ്വര്യവും തെക്ക് ഭാഗത്തായി സ്ഥാപിക്കുന്നത് സമൃദ്ധിയും കൊണ്ടുവരുമെന്നാണ് വിശ്വാസം. മണി പ്ലാന്റ്: ഭാഗ്യവും സമ്പത്തും കൊണ്ടുവരുന്ന ചെടിയാണ് മണിപ്ലാന്റ് എന്നാണ് വിശ്വാസം. മണിപ്ലാന്റ് വീടിന്റെ തെക്കുകിഴക്ക് ഭാഗത്തായി സ്ഥാപിക്കുന്നത് ഏറ്റവും ഉത്തമമാണെന്ന് വിശ്വസിക്കപ്പെടുന്നു. വടക്ക് കിഴക്ക് ഭാഗത്ത് മണിപ്ലാന്റ് നടുന്നത് കുടുംബാംഗങ്ങളുടെ ആരോഗ്യസ്ഥിതിയെ മോശമായി ബാധിക്കുമെന്നാണ് വിശ്വസിക്കുന്നത്. അതിനാൽ ഈ ദിശയിൽ മണിപ്ലാന്റ് നടുന്നത് ഒഴിവാക്കുക. കിഴക്ക്, പടിഞ്ഞാറ് ഭാഗങ്ങളിൽ നടുന്നത് ദമ്പതികൾ തമ്മിൽ കലഹമുണ്ടാകാൻ കാരണമാകുമെന്നാണ് കരുതപ്പെടുന്നത്. കറ്റാർവാഴ: ഇൻഡോർ ആയും ഔട്ട്ഡോർ ആയും വളർത്താവുന്ന ചെടിയാണ് കറ്റാർവാഴ. ഇത് അന്തരീക്ഷ വായുവിനെ ശുദ്ധീകരിക്കാൻ മികച്ചതാതണ്. കറ്റാർവാഴ വീടിനുള്ളിൽ വളർത്തുന്നത് പങ്കാളികൾ തമ്മിലുള്ള സ്നേഹം വർധിപ്പിക്കുമെന്നാണ് വിശ്വാസം. വീടിന്റെ വടക്കോ കിഴക്കോ ഭാഗത്തായി ഈ ചെടി വയ്ക്കുന്നതാണ് ഉത്തമമെന്നാണ് വാസ്തുശാസ്ത്രത്തിൽ പറയുന്നത്. സ്നേക്ക് പ്ലാന്റ്: ഏത് കാലാവസ്ഥയിലും വളരുകയും കുറഞ്ഞ പരിപാലനം മാത്രം വേണ്ടിവരികയും ചെയ്യുന്ന സസ്യമാണ് സ്നേക്ക് പ്ലാന്റ്. ഇത് ജനലിന് അരികിലായി വളർത്തുന്നതാണ് നല്ലത്. ഇത് വളരെ കൂടുതൽ ഓക്സിജൻ പുറപ്പെടുവിക്കുന്ന ഒരു സസ്യം കൂടിയാണ്. വീടിനുള്ളിൽ ഒരു സ്നേക്ക് പ്ലാന്റ് എങ്കിലും വളർത്തുന്നത് നെഗറ്റീവ് എനർജി കുറച്ച് പോസിറ്റീവ് എനർജി വർധിപ്പിക്കും. സ്പൈഡർ പ്ലാന്റ്: ഏത് കാലാവസ്ഥയിലും വളരെ കുറഞ്ഞ പരിപാലനത്തിൽ വളരുന്ന ചെടിയാണ് സ്പൈഡർ പ്ലാന്റ്. ഇവയുടെ ഇലകൾ വിഷാംശം ആഗിരണം ചെയ്യും. കൂടാതെ, കൂടുതൽ ഓക്സിജൻ പുറത്തുവിടാനും ഇവയ്ക്ക് കഴിവുണ്ട്. ഏത് സാഹചര്യത്തിലും ഇവ വളരുമെന്നതാണ് മറ്റൊരു പ്രത്യേകത. ചട്ടിയിൽ വളർത്താനാണെങ്കിലും മണ്ണിൽ നേരിട്ട് വളർത്താനാണെങ്കിലും ഇവ അനുയോജ്യമാണ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.