CJP Protest: ഗ്യാനേഷ് കുമാറിൻറെ രാജി ആവശ്യപ്പെട്ട് ഇന്നും പ്രതിഷേധം തുടരും; ഡൽഹി കലുഷിതമാകും

ന്യൂഡൽഹി: ഡൽഹിയിൽ മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറിൻറെ രാജി ആവശ്യപ്പെട്ട് പ്രതിഷേധം തുടരുന്നു. കോക്രോച്ച് ജനതാ പാർട്ടിയും ഇടതുപക്ഷ യുവജന വിദ്യാർഥി പ്രസ്ഥാനങ്ങളും ജന്തർ മന്തറിലെ സമരം തുടരാൻ ആഹ്വാനം ചെയ്തതോടെ രാജ്യതലസ്ഥാനത്ത് ഇന്നും സംഘർഷാവസ്ഥ നിലനിൽക്കുകയാണ്. അതിനിടെ പോലീസ് കസ്റ്റഡിയിലെടുത്ത സിജെപി നേതാവ് അഭിജീത് ദിപ്കെ അടക്കമുള്ള മൂന്ന് പേരുടെ നിലവിലെ വിവരങ്ങൾ ഡൽഹി പോലീസ് ഇതുവരെ പുറത്തുവിട്ടിട്ടില്ല. ഇന്ത്യ മുന്നണിയിലെ ജനപ്രതിനിധികൾ നാളെയും പ്രതിഷേധ പരിപാടികളുമായി മുന്നോട്ടുപോകും. യൂത്ത് കോൺഗ്രസും ഇന്ന് പ്രതിഷേധവുമായെത്തും. കഴിഞ്ഞ ദിവസം ഏഴായിരത്തോളം പ്രതിഷേധക്കാരെ പോലീസ് കസ്റ്റഡിയിൽ എടുത്തിരുന്നു. സുരക്ഷ ശക്തമാക്കിയതിൻറെ ഭാഗമായി ജന്തർ മന്തറിൽ ഇൻറർനെറ്റ് സേവനങ്ങളും ഡൽഹിയിൽ മെട്രോ ഗതാഗതവും പുനസ്ഥാപിച്ചിട്ടില്ല. അതേസമയം, പ്രതിഷേധക്കാർക്ക് നേരെയുണ്ടായ പോലീസ് നടപടികളെ ചോദ്യം ചെയ്യുന്ന ഹർജികൾ സുപ്രീംകോടതിയുടെ പ്രത്യേക ബെഞ്ച് ഇന്ന് പരിഗണിക്കും. ജസ്റ്റിസ് ജോയ് മല്യ ബാഗ്ചി, ജസ്റ്റിസ് വി മോഹനൻ എന്നിവരടങ്ങുന്ന ബെഞ്ചാണ് കേസ് പരിഗണിക്കുന്നത്. കോടതി ഉത്തരവ് ലംഘിച്ചെന്ന് ചൂണ്ടിക്കാട്ടി കേന്ദ്ര ആഭ്യന്തര സെക്രട്ടറിക്ക് എതിരെ കോടതിയലക്ഷ്യ ഹർജിയും ഫയൽ ചെയ്തിട്ടുണ്ട്. വിഷയത്തിൻറെ പ്രാധാന്യം കണക്കിലെടുത്താണ് അവധി ദിനത്തിലും പ്രത്യേക സിറ്റിങ് നടത്താൻ സുപ്രീംകോടതി തീരുമാനിച്ചത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

CJP: പ്രതിഷേധത്തെ അടിച്ചമർത്തുന്നു; നേതാക്കൾ ഇല്ലെങ്കിലും സമരം തുടരുമെന്ന് സിജെപി

ന്യൂഡൽഹി: മുഖ്യതെരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ടുള്ള പ്രതിഷേധങ്ങൾ ഡൽഹിയിൽ ശക്തമായിക്കൊണ്ടിരിക്കുകയാണ്. ജന്തർമന്തറിലേക്ക് സി.ജെ.പി പ്രഖ്യാപിച്ച മാർച്ച് സർവസന്നാഹങ്ങളോടെ പോലീസ് തടയുകയും മാർച്ചിൽ പങ്കെടുക്കാനെത്തിയ സി.ജെ.പി നേതാക്കളായ അഭിജീത് ദിപ്കെ, അശുതോഷ് രംഗ, സൗരവ് ദാസ് എന്നിവരെ വിമാനത്തിനുള്ളിൽ നിന്ന് നാടകീയമായി കസ്റ്റഡിയിലെടുക്കുകയുമായിരുന്നു. എന്നാൽ നേതാക്കൾ ഉണ്ടെങ്കിലും ഇല്ലെങ്കിലും രാജ്യവ്യാപകമായി പ്രതിഷേധവുമായി മുന്നോട്ട് പോകുമെന്നാണ് സി.ജെ.പി വ്യക്തമാക്കിയിരിക്കുന്നത്. നേതാക്കൾ ഇല്ലാതെയും പ്രതിഷേധം മുന്നോട്ട് കൊണ്ടുപോകുമെന്ന് സിജെപി വക്താവ് വ്യക്തമാക്കി. ജനാധിപത്യത്തിലെ വിയോജിപ്പുകൾ അടിച്ചമർത്താനാണ് സർക്കാർ ശ്രമിക്കുന്നത്. ആളുകൾ തടവിലാവുമ്പോൾ ജനാധിപത്യത്തെ രക്ഷിക്കുന്നകിനായി പൊതുജനങ്ങൾ മുന്നോട്ട് വരണമെന്ന് സിജെപി അഭ്യർത്ഥിച്ചു. രാവിലെ 10.20-ഓടെ മുംബൈ-ഡൽഹി എയർ ഇന്ത്യ വിമാനത്തിലേക്ക് ഇരച്ചുകയറിയ പോലീസ്, 15 മിനിറ്റിനുള്ളിൽ അഭിജീത് ദിപ്കെ, അശുതോഷ് രംഗ, സൗരവ് ദാസ് എന്നീ നേതാക്കളെ കസ്റ്റഡിയിലെടുത്തിരുന്നു. 11 മണിയോടെ മാധ്യമങ്ങളുടെ കണ്ണുവെട്ടിച്ച് പ്രത്യേക വാഹനത്തിൽ രഹസ്യ കേന്ദ്രത്തിലേക്ക് മാറ്റിയ ഇവരെക്കൂടാതെ, പ്രതിഷേധത്തിന് പിന്തുണയുമായി എത്തിയ പ്രമുഖ യൂട്യൂബർ ധ്രുവ് റാത്തിയെ ഗുരുഗ്രാമിലെ വീട്ടിൽ നിന്നും കുടുംബത്തോടൊപ്പം മാർച്ചിന് തയ്യാറെടുത്ത അരവിന്ദ് കെജ്‌രിവാളിനെ ലോധി എസ്റ്റേറ്റിലെ വസതിയിൽ നിന്നും പോലീസ് കസ്റ്റഡിയിലെടുത്തു. ജന്തർമന്തറിലേക്ക് തിരിച്ച പ്രതിഷേധക്കാരെ ഡൽഹിയുടെ വിവിധ ഭാഗങ്ങളിൽ അറസ്റ്റ് ചെയ്യുന്നത് തുടരുകയാണ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Prashant Bhushan: മോദി-ഷാ ഭരണം വഴിവെക്കുന്നത് വിപ്ലവത്തിലേക്ക്! ജുഡീഷ്യറിക്കെതിരെയും കടുത്ത വിമർശനമുന്നയിച്ച് പ്രശാന്ത് ഭൂഷൺ

ന്യൂഡൽഹി: രാജ്യത്ത് ഒരു വിപ്ലവത്തിന് വഴിവെക്കുന്ന സാഹചര്യം സൃഷ്ടിക്കുകയാണ് മോദി-ഷാ സർക്കാർ എന്ന രൂക്ഷവിമർശനവുമായി പ്രശാന്ത് ഭൂഷൺ. ജനാധിപത്യം പുനഃസ്ഥാപിക്കുന്നതിനും ഭരണപരമായ സുഗമമായ മാറ്റങ്ങൾ ഉറപ്പുവരുത്തുന്നതിനും നിർണായക പങ്കുവഹിക്കാൻ ജുഡീഷ്യറിക്ക് സാധിക്കും. നിർഭാഗ്യവശാൽ, ആ ഉത്തരവാദിത്തം നിർവഹിക്കാൻ ഇതുവരെ ജുഡീഷ്യറി കഴിഞ്ഞിട്ടില്ലെന്ന് പ്രശാന്ത് ഭൂഷൺ എക്സിൽ കുറിച്ചു. അതേസമയം മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ട് രാജ്യതലസ്ഥാനത്ത് സിജെപി പ്രഖ്യാപിച്ച പ്രതിഷേധ മാർച്ചിൽ പങ്കെടുക്കാനെത്തിയ നേതാക്കളെയും പ്രവർത്തകരെയും ഡൽഹി പോലീസ് കസ്റ്റഡിയിലെടുത്തിരിക്കുകയാണ്. ജന്തർ മന്തറിലേക്കാണ് പ്രതിഷേധ മാർച്ച് നടത്താനിരുന്നത്. ഇതിൽ പങ്കെടുക്കാനെത്തിയ സിജെപി, സിപിഎം, ആംആദ്മി പാർട്ടി നേതാക്കളെയും ആക്ടിവിസ്റ്റുകളെയുമടക്കം പോലീസ് കസ്റ്റഡിയിലെടുത്തിട്ടുണ്ട്. സിജെപി സ്ഥാപകൻ അഭിജീത് ദീപ്കെയെ വിമാനത്തിൽ നിന്നാണ് പോലീസ് കസ്റ്റഡിയിലെടുത്തത്. സിജെപി കോ-കൺവീനർ അശുതോഷ് റാങ്കെ, വക്താവ് സൗരവ് ദാസ്, സിപിഎം നേതാക്കളായ പിണറായി വിജയൻ, എം എ ബേബി, എം വി ഗോവിന്ദന്‍, പി കെ ശ്രീമതി, കെ കെ ശൈലജ, എഎപി അധ്യക്ഷൻ അരവിന്ദ് കെജ്‌രിവാൾ, ആക്ടിവിസ്റ്റും യൂട്യൂബറുമായ ധ്രുവ് റാഠി അടക്കം നിലവിൽ കസ്റ്റഡിയിലാണുള്ളത്. സമരത്തിന് മുന്നോടിയായി ഡൽഹിയിൽ വിവിധ ഭാഗങ്ങളിൽ നിന്നായി 500-ലധികം പ്രതിഷേധക്കാരെ ഡൽഹി പോലീസ് കസ്റ്റഡിയിലെടുത്തു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

CJP Protest: പിണറായി വിജയനടക്കമുള്ള സിപിഎം നേതാക്കള്‍ പോലീസ് കസ്റ്റഡിയില്‍

ഡല്‍ഹി: സിജെപി സമരത്തിന് പിന്തുണയുമായി എത്തിയ സിപിഎം നേതാക്കളെ ഡല്‍ഹി പോലീസ് കസ്റ്റഡിയിലെടുത്തു. മുഖ്യതിരഞ്ഞെടുപ്പ് കമ്മീഷണര്‍ ഗ്യാനേഷ് കുമാറിന്റെ രാജിയാവശ്യപ്പെട്ട് കേരള ഹൗസില്‍ നിന്ന് മാര്‍ച്ചിന് ഒരുങ്ങുന്നതിനിടെയാണ് സിപിഎം ജനറല്‍ സെക്രട്ടറി എം. എ. ബേബി, സിപിഎം സംസ്ഥാന സെക്രട്ടറി എം. വി. ഗോവിന്ദന്‍, പി. കെ. ശ്രീമതി, കെ. കെ. ശൈലജ എന്നിവര്‍ കസ്റ്റഡിയിലായത്. പ്രതിപക്ഷനേതാവ് പിണറായി വിജയന്‍, ജോണ്‍ ബ്രിട്ടാസ് എം.പി, കെ. എന്‍. ബാലഗോപാല്‍ എന്നിവര്‍ക്ക് മാത്രം മാര്‍ച്ച് നടത്താന്‍ പോലീസ് അനുമതി ലഭിച്ചു. എന്നാല്‍ ജന്തര്‍മന്തറിലേക്ക് മാര്‍ച്ച് നടത്താല്‍ തീരുമാനിച്ചതിനെ തുടര്‍ന്ന് പിണറായി വിജയനെയും, ജോണ്‍ ബ്രിട്ടാസിനെയും, കെ. എന്‍. ബാലഗോപാലിനെയും പോലീസ് കസ്റ്റഡിയിലെടുത്തു. ഡല്‍ഹിയില്‍ നടക്കുന്നത് ജനാധിപത്യ ധ്വംസനമെന്ന് പിണറായി വിജയന്‍ പ്രതികരിച്ചു. സിജെപി സമരത്തിന് പിന്തുണ കൊടുക്കേണ്ടത് ജനാധിപത്യത്തിന് അനിവാര്യമെന്ന് പ്രതിപക്ഷനേതാവ് തുറന്നടിച്ചു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

CJP Protest: നിലംതൊടാന്‍ അനുവദിച്ചില്ല, അഭിജിത് ദീപ്കെയെ വിമാനത്തില്‍ നിന്ന് കസ്റ്റഡിയിലെടുത്തു, ധ്രുവ് റാഠിയും കസ്റ്റഡിയില്‍

ഡല്‍ഹി: സിജെപി സ്ഥാപകന്‍ അഭിജിത് ദീപ്കെയെ നാടകീയമായി പോലീസ് കസ്റ്റഡിയിലെടുത്തു. ഡല്‍ഹിയിലെ സിജെപി സമരത്തില്‍ പങ്കെടുക്കാന്‍ മുംബൈയില്‍ നിന്നെത്തിയ അഭിജിത്തിനെ വിമാനത്തിനുള്ളില്‍ നിന്നാണ് പോലീസ് കസ്റ്റഡിയിലെടുത്തത്. നാടകീയ രംഗങ്ങളാണ് വിമാത്തിനുള്ളിലുണ്ടായത്. സൗരവ് ദാസ്, അശുതോഷ് റാങ്ക എന്നിവരെയും വനിതാ ഉദ്യോഗസ്ഥര്‍ വിമാനത്തിനുള്ളില്‍ നിന്ന് കസ്റ്റഡിയിലെടുത്തു. തനിക്ക് ഭയമില്ലെന്ന് പോലീസിനോട് അഭിജിത് ദീപ്കെ പറഞ്ഞു. അതേസമയം സിജെപി പ്രതിഷേധത്തിന് മുന്നോടിയായി യൂട്രൂബര്‍ ധ്രുവ് റാഠിയെയും പോലീസ് കസ്റ്റഡിയിലെടുത്തു. രാവിലെ 7.10-ന് ഗുരുഗ്രാമിലെ വീട്ടില്‍ നിന്നാണ് ധ്രുവ് റാഠിയെ പോലീസ് കസ്റ്റഡിയിലെടുത്തത്. ധ്രുവ് റാഠി കസ്റ്റഡിയിലാണെന്ന് സിജെപിയും സ്ഥിരീകരിച്ചു. ബംഗലുരുവിലെ സിജെപി സമരത്തില്‍ പങ്കെടുത്ത ധ്രുവ് ഇന്ന് ഡല്‍ഹിയിലെ സമരത്തില്‍ പങ്കെടുക്കുമെന്ന് നേരത്തെ തന്നെ അറിയിച്ചിരുന്നു. അതെസമയം ഡല്‍ഹിയിലെ പല ഭാഗങ്ങളില്‍ നിന്നും സിജെപി പ്രവര്‍ത്തകരെ പോലീസ് കസ്റ്റഡിയിലെടുക്കുകയാണ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

CJP Protest: വൻ പ്രതിഷേധത്തിനൊരുങ്ങി സിജെപി; ഡൽഹിയിലേക്കുള്ള നിരവധി ട്രെയിനുകൾ റദ്ദാക്കി റെയിൽവേ

ന്യൂഡൽഹി: കോക്രോച്ച് ജനതാ പാർട്ടി (സിജെപി) മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറിൻറെ രാജി ആവശ്യപ്പെട്ട് നടത്തുന്ന പ്രതിഷേധത്തിന് മുന്നോടിയായി ഡൽഹിയിൽ കടുത്ത നിയന്ത്രണങ്ങൾ ഏർപ്പെടുത്തി. ഒക്ടോബർ 10ന് ശനിയാഴ്ചയാണ് സിജെപി പ്രതിഷേധത്തിന് ആഹ്വാനം ചെയ്തിരിക്കുന്നത്. പ്രകടനത്തിന് പോലീസ് അനുമതി നിഷേധിച്ചു. സുരക്ഷ ശക്തമാക്കിയതിന് പുറമേ മെട്രോ സ്റ്റേഷനുകൾക്ക് നിയന്ത്രണം ഏർപ്പെടുത്തുകയും നിരവധി ട്രെയിനുകൾ റദ്ദാക്കുകയും ചെയ്തിട്ടുണ്ട്. 23,000ൽ അധികം സുരക്ഷാ ഉദ്യോഗസ്ഥരെയാണ് നഗരത്തിൽ വിന്യസിച്ചിരിക്കുന്നത്. പ്രതിഷേധത്തിന് അനുമതി തേടി 10 ദിവസം മുൻപ് നൽകേണ്ട നിർബന്ധിത മുൻകൂർ അറിയിപ്പ് ലഭിക്കാത്തതിനാലാണ് അനുമതി നിഷേധിച്ചതെന്നാണ് ഡൽഹി പോലീസ് വ്യക്തമാക്കുന്നത്. മുൻപ് നടന്ന പ്രതിഷേധത്തിനിടെ മാർഗനിർദേശങ്ങൾ ലംഘിക്കപ്പെട്ടതും പൊതുജനങ്ങളുടെ സുരക്ഷയും കണക്കിലെടുത്താണ് ഈ തീരുമാനമെന്ന് അധികൃതർ അറിയിച്ചു. സെൻട്രൽ ഡൽഹിയുടെ വിവിധ ഭാഗങ്ങളിൽ നിരോധനാജ്ഞ ഏർപ്പെടുത്തിയിട്ടുണ്ട്. നിയന്ത്രണങ്ങൾ ലംഘിക്കുന്നവർക്കെതിരെ ശക്തമായ നിയമനടപടികൾ സ്വീകരിക്കുമെന്ന് പോലീസ് മുന്നറിയിപ്പ് നൽകി. ജന്തർ മന്തർ, സെൻട്രൽ ഡൽഹി തുടങ്ങി അതീവ സുരക്ഷാ മേഖലകളിലേക്ക് പ്രതിഷേധക്കാർ നീങ്ങാനുള്ള സാധ്യത മുന്നിൽക്കണ്ടാണ് മുൻകരുതലുകൾ സ്വീകരിച്ചിരിക്കുന്നത്. ഒക്ടോബർ 10ന് പ്രതിഷേധത്തിൻറെ പശ്ചാത്തലത്തിൽ ആളുകൾ തടിച്ചുകൂടുന്നതും സുരക്ഷാ പ്രശ്നങ്ങളും കണക്കിലെടുത്ത് 57 മെട്രോ സ്റ്റേഷനുകളിൽ നിയന്ത്രണങ്ങൾ ഏർപ്പെടുത്തിയിട്ടുണ്ട്. വെള്ളിയാഴ്ച രാത്രി ഒൻപത് മണി മുതൽ ഈ സ്റ്റേഷനുകളുടെ എൻട്രി, എക്സിറ്റ് ഗേറ്റഉകൾ അടയ്ക്കും. ഈ വഴി കടന്നുപോകുന്ന മെട്രോ ട്രെയിനുകളുടെ സർവീസ് ക്രമീകരണങ്ങളിലും കുറവുണ്ടായേക്കാം. രാജീവ് ചൌക്ക്, സെൻട്രൽ സെക്രട്ടറിയേറ്റ്, ന്യൂഡൽഹി, പട്ടേൽ ചൌക്ക്, ജൻപഥ്, മണ്ഡി ഹൌസ്, ബാരാഖംബ റോഡ്, ഐടിഒ, ഡൽഹി ഗേറ്റ്, ഖാൻ മാർക്കറ്റ്, ലോക് കല്യാൺ മാർഗ്, ഉദ്യോഗ് ഭവൻ, കശ്മീരി ഗേറ്റ്, ഹൌസ് ഖാസ്, ഐഎൻഎ, ലജ്പത് നഗർ എന്നീ പ്രധാന സ്റ്റേഷനുകളെയാണ് നിയന്ത്രണം ബാധിക്കുക. പ്രധാന ഇൻറർ ചേഞ്ച് സ്റ്റേഷനുകളെയും യാത്രാമാർഗങ്ങളെയും ഇത് ബാധിക്കുമെന്നതിനാൽ നഗരത്തിലെ ദിനംപ്രതിയുള്ള യാത്ര തടസപ്പെടാൻ സാധ്യതയുണ്ട്. യാത്ര തിരിക്കുന്നതിന് മുൻപ് സർവീസ് വിവരങ്ങൾ പരിശോധിക്കണമെന്ന് യാത്രക്കാരോട് നിർദേശിച്ചിട്ടുണ്ട്. പ്രതിഷേധത്തിൻറെ പശ്ചാത്തലത്തിൽ മെട്രോ സ്റ്റേഷനുകൾക്ക് പുറമേ റെയിൽവേ ട്രെയിൻ സർവീസുകൾക്കും നിയന്ത്രണം ഏർപ്പെടുത്തിയിട്ടുണ്ട്. ന്യൂഡൽഹി, ഹസ്രത്ത് നിസാമുദ്ദീൻ റെയിൽവേ സ്റ്റേഷനുകളിലേക്കുള്ള നിരവധി ട്രെയിനുകൾ റെയിൽവേ റദ്ദാക്കി. അതിനാൽ റെയിൽവേ സ്റ്റേഷനുകളിലേക്ക് പുറപ്പെടുന്നതിന് മുൻപ് ട്രെയിനുകളുടെ സമയവിവരങ്ങളും നിലവിലെ അവസ്ഥയും ഉറപ്പുവരുത്തണമെന്ന് അധികൃതർ അറിയിച്ചു. മൊത്തം 23,000 സെൻട്രൽ ആംഡ് പോലീസ് ഫോഴ്സ് ഉദ്യോഗസ്ഥരെയാണ് തലസ്ഥാനത്ത് വിന്യസിച്ചിരിക്കുന്നത്. ഒക്ടോബർ എട്ട് മുതൽ 12 വരെയുള്ള ദിവസങ്ങളിലേക്ക് 221 സിഎപിഎഫ് കമ്പനികളുടെ വിന്യാസത്തിന് കേന്ദ്ര ആഭ്യന്തര മന്ത്രാലയം അനുമതി നൽകി. പ്രതിഷേധ സമയത്ത് അയൽ സംസ്ഥാനങ്ങളായ ഉത്തർപ്രദേശ്, ഹരിയാന എന്നിവിടങ്ങളിലും ജാഗ്രത പുലർത്തണമെന്ന് നിർദേശമുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

CBSE Exam 2027: സിബിഎസ്ഇ പരീക്ഷ; 10,12 ക്ലാസ് ടൈംടേബില്‍ ഉടന്‍ പ്രസിദ്ധീകരിക്കും

സിബിഎസ്ഇ പരീക്ഷാ ചൂടിലേക്ക് കടക്കുന്നു. സെൻട്രൽ ബോർഡ് ഓഫ് സെക്കൻഡറി എജ്യുക്കേഷൻ 10, 12 ക്ലാസുകളിലെ ബോർഡ് പരീക്ഷാ ടൈംടേബിൾ ഉടൻ പുറത്തിറക്കും. ഈ ആഴ്ചയോടെ ടൈംടേബിൾ പ്രസിദ്ധീകരിക്കുമെന്നാണ് പ്രതീക്ഷിക്കുന്നത്. കഴിഞ്ഞ കുറച്ച് വർഷങ്ങളായി ഫെബ്രുവരി പകുതിയോടെ ആരംഭിച്ച് പരീക്ഷകൾ മാർച്ച്/ഏപ്രിൽ മാസങ്ങളോടെയാണ് പൂർത്തിയാകുന്നത്. പല പ്രാക്ടിക്കൽ പരീക്ഷകളും ജനുവരിയിൽ തന്നെ ആരംഭിക്കാറുണ്ട്. പരീക്ഷാ ടൈംടേബിളുകൾ ബോർഡിന്റെ ഔദ്യോഗിക വെബ്സൈറ്റായ cbse.gov.in-ൽ ലഭ്യമാകും. വിദ്യാർത്ഥികൾക്ക് വിഷയാടിസ്ഥാനത്തിലുള്ള സിബിഎസ്ഇ പരീക്ഷാ ടൈംടേബിൾ പിഡിഎഫായി ഡൗൺലോഡ് ചെയ്യാം. 2026-27 അക്കാദമിക് വർഷത്തെ പരീക്ഷകളുമായി ബന്ധപ്പെട്ട നടപടികൾ ഇതിനോടകം ആരംഭിച്ചതിനാൽ ടൈംടേബിൾ ഉടൻ തന്നെ പ്രഖ്യാപിക്കും. 10, 12 ക്ലാസുകളിലെ പരീക്ഷകൾക്ക് വേണ്ടിയുള്ള ലിസ്റ്റ് ഓഫ് കാൻഡിഡേറ്റ്സ് (LOC) പ്രക്രിയ സിബിഎസ്ഇ ആരംഭിച്ചിട്ടുണ്ട്. പരീക്ഷാ രജിസ്ട്രേഷനൊപ്പം എൽ.ഒ.സിക്ക് വേണ്ടിയുള്ള വെബിനാറും ബോർഡ് നടത്തിയിട്ടുണ്ട്. നിലവിൽ 10, 12 ക്ലാസുകളിലെ പരീക്ഷകളുടെ മാതൃക ചോദ്യപേപ്പർ സിബിഎസ്ഇ പങ്കുവെച്ചിട്ടുണ്ട്. ഔദ്യോഗിക വെബ്സൈറ്റ് (cbseacademic.nic.in) വഴി മാതൃക ചോദ്യപേപ്പർ ഡൗൺലോഡ് ചെയ്യാം. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Journalist Sexual Harassment: ജന്തർമന്തറിൽ വനിതാ മാധ്യമപ്രവർത്തകർക്ക് നേരെ പൊലീസ് അപമര്യാദയായി പെരുമാറിയെന്ന് പരാതി

ഡല്‍ഹി: ശനിയാഴ്ച ജന്ത‌ര്‍മന്തറില്‍ നടന്ന പ്രതിഷേധങ്ങള്‍ക്കിടെ പോലീസ് ഉദ്യോഗസ്ഥര്‍ ലൈംഗികാതിക്രമം നടത്തിയതായി മൂന്ന് വനിതാ മാധ്യമപ്രവര്‍ത്തകര്‍ ആരോപിച്ചു. പരാതികള്‍ അന്വേഷിക്കാന്‍ ക്രൈംബ്രാഞ്ചിന് കൈമാറിയതായി ഡല്‍ഹി പോലീസ് അറിയിച്ചു. മുഖ്യതിരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ട് നടന്ന പ്രതിഷേധത്തിനിടയിൽ അസിസ്റ്റന്റ് കമ്മീഷണർ ഓഫ് പോലീസ് (ACP) തന്നെ ലൈംഗികമായി ഉപദ്രവിച്ചതായി മാധ്യമപ്രവർത്തകരിൽ ഒരാൾ ആരോപിച്ചു. പോലീസിന്റെ നടപടികൾ വീഡിയോയിൽ പകർത്തുന്നതിനിടയിൽ ഓഫീസർ തന്നെ മോശമായി സ്പർശിക്കുകയും തള്ളിമാറ്റുകയും ചെയ്തതായി അവർ പറഞ്ഞു. തുടർന്ന് കേസ് ഫയൽ ചെയ്യാൻ താനും മറ്റ് മാധ്യമപ്രവർത്തകരും പൊലീസ്‌ സ്റ്റേഷനിൽ പോയെങ്കിലും പരാതി ഉടൻ രജിസ്റ്റർ ചെയ്യാൻ പോലീസ് തയ്യാറായില്ലെന്നും അവർ ആരോപിച്ചു. മാധ്യമപ്രവർത്തകരോടുള്ള പൊലീസിന്റെ പെരുമാറ്റത്തിൽ പ്രസ് കൗൺസിൽ ഓഫ് ഇന്ത്യ ആശങ്ക രേഖപ്പെടുത്തി. ജനാധിപത്യത്തിൽ മാധ്യമപ്രവർത്തകർക്ക് ഭയമില്ലാതെ ജോലി ചെയ്യാനുള്ള സ്വാതന്ത്ര്യം ഉണ്ടാകണമെന്ന് പ്രസ് കൗൺസിൽ ഓഫ് ഇന്ത്യ പ്രസ്താവനയിൽ വ്യക്തമാക്കി. ഡൽഹി പൊലീസ് ആഭ്യന്തര മന്ത്രാലയത്തിന് കീഴിലായതിനാൽ സംഭവത്തിൽ കേന്ദ്ര ആഭ്യന്തര മന്ത്രി അമിത് ഷാ മറുപടി നൽകണമെന്ന് കോൺഗ്രസ് നേതാവ് രാഹുൽ ഗാന്ധി ആവശ്യപ്പെട്ടു. പൊലീസിന്റെ മോശം പെരുമാറ്റത്തിനെതിരെ പ്രതിഷേധിക്കുന്ന മാധ്യമപ്രവർത്തകരുടെയും സ്ത്രീകളുടെയും പരാതി പോലും രജിസ്റ്റർ ചെയ്യാൻ തയ്യാറാകാത്ത സർക്കാരിനെ അദ്ദേഹം വിമർശിച്ചു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

ഗ്യാനേഷ് കുമാറിന്റെ രാജി: ജന്തർ മനതാരിൽ പ്രഷിഷേധം ശക്തം; സിപിഎം നേതാൽക്കൾ അറസ്റ്റിൽ

ന്യൂഡൽഹി: മുഖ്യതിരഞ്ഞെടുപ്പ് കമ്മിഷണർ ഗ്യാനേഷ് കുമാറിന്റെ രാജി ആവശ്യപ്പെട്ടുള്ള രാജ്യവ്യാപകമായ പ്രതിഷേധം ശക്തമാകുന്നു. ജന്തർ മന്തറിൽ നടക്കുന്ന ഡിവൈഎഫ്ഐ, എസ്എഫ്ഐ പ്രതിഷേധത്തിൽ സംഘർഷം ഉണ്ടായിരിക്കുകയാണ്. ജന്തർ മന്തറിലേക്ക് മാർച്ചായി നിരവധി പ്രവർത്തകരാണ് എത്തിയത്. സംഘത്തിൽ വിവിധ സംസ്ഥാനങ്ങളിൽ നിന്നുള്ള നേതാക്കളും ഉണ്ടായിരുന്നു. വലിയ പൊലീസ് സന്നാഹം ഒരുക്കിയിരുന്നെങ്കിലും അവർ പ്രതീക്ഷിച്ചതിനേക്കാൾ വലിയ ജനപങ്കാളിത്തമായിരുന്നു പ്രതിഷേധത്തിനെത്തിയത്. പ്രതിഷേധം കടുത്തതോടെ നേതാക്കളെ പോലീസ് അറസ്റ്റ് ചെയ്ത് നീക്കുകയാണ്. സിപിഎം ജനറൽ സെക്രട്ടറി എം.എ.ബേബി, മുതിർന്ന നേതാവ് വൃന്ദ കാരാട്ട് തുടങ്ങിയവരെ പോലീസ് അറസ്റ്റ് ചെയ്തു നീക്കിയിട്ടുണ്ട്. കൂടാതെ എ.എ.റഹീം, ജെയ്ക് സി.തോമസ് എന്നിവരേയും അറസ്റ്റ് ചെയ്തു നീക്കി. ഒരു സംഘത്തെ പോലീസ് അറസ്റ്റ് ചെയ്ത് നീക്കുമ്പോൾ മറ്റുള്ളവര്‍ വീണ്ടും പ്രതിഷേധത്തിനെത്തുന്നുണ്ട്. പ്രതിഷേധത്തിനായി എത്തുന്നവരെ പോലീസ് കസ്റ്റഡിയിലെടുക്കുന്നുണ്ട്. ജന്തർ മന്തറിലെ രണ്ടു കിലോമീറ്റർ ചുറ്റളവിൽ റോഡുകൾ അടച്ചിരിക്കുകയാണ്. മറ്റു പ്രതിപക്ഷ സംഘടനകളു‍ടെ നേതൃത്വത്തിലും ജന്തർ മന്തറിൽ പ്രതിഷേധം നടക്കുന്നുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Sharjeel Imam: ഡൽഹി കലാപ ഗൂഢാലോചന കേസ്: ഷർജീൽ ഇമാമിന് ഇടക്കാല ജാമ്യം അനുവദിച്ചു

ന്യൂഡൽഹി: 2020-ലെ ഡൽഹി കലാപ ഗൂഢാലോചന കേസിൽ അറസ്റ്റിലായ ഷർജീൽ ഇമാമിന് ഇടക്കാല ജാമ്യം അനുവദിച്ചു. ബന്ധുവിന്റെ വിവാഹത്തിൽ പങ്കെടുക്കുന്നതിനായി ഡൽഹി കോടതിയാണ് ഒരാഴ്ചത്തെ ജാമ്യം നൽകിയത്. ഒക്ടോബർ 4 മുതൽ 10 വരെയാണ് ജാമ്യകാലയളവ്. സെപ്റ്റംബർ 30-ന് ഷർജീൽ ഇമാമിന്റെ ജാമ്യഹർജിയിൽ ഡൽഹി ഹൈക്കോടതി വാദം കേൾക്കാനിരിക്കെയാണ് ഇടക്കാല ആശ്വാസം. ഡൽഹിയിലും ബിഹാറിലുമായി സംഘടിപ്പിക്കുന്ന രണ്ട് വിവാഹച്ചടങ്ങുകളിൽ പങ്കെടുക്കുന്നതിനാണ് ഇടക്കാല ജാമ്യം അനുവദിച്ചതെന്ന് അദ്ദേഹത്തിന്റെ അഭിഭാഷകൻ അഹമ്മദ് ഇബ്രാഹിം വിശദീകരിച്ചു. ഏതെങ്കിലും പ്രത്യേക ഉപാധികളോടെയാണോ ജാമ്യം അനുവദിച്ചതെന്ന കാര്യത്തിൽ നിലവിൽ വ്യക്തതയില്ലെന്നും കോടതി ഉത്തരവിന്റെ പകർപ്പ് ഇതുവരെ ലഭിച്ചിട്ടില്ലെന്നും അദ്ദേഹം കൂട്ടിച്ചേർത്തു. എങ്കിലും, സാധാരണയായി ഇത്തരം കേസുകളിൽ മുന്നോട്ടുവെക്കാറുള്ള ജാമ്യവ്യവസ്ഥകൾ ഇത്തവണയും ഉണ്ടായേക്കുമെന്നാണ് പ്രതീക്ഷിക്കുന്നതെന്നും അഭിഭാഷകൻ വ്യക്തമാക്കി. 2020 ജനുവരിയിലാണ് സി.എ.എ വിരുദ്ധ സമരത്തോടനുബന്ധിച്ച് ഷർജീൽ ഇമാം അറസ്റ്റിലാകുന്നത്. 2025 സെപ്റ്റംബർ രണ്ടിന് ഡൽഹി ഹൈക്കോടതി അദ്ദേഹത്തിന്റെ പതിവ് ജാമ്യാപേക്ഷ തള്ളുകയും, 2026 ജനുവരി അഞ്ചിന് സുപ്രീം കോടതി ഈ തീരുമാനം ശരിവെക്കുകയുമായിരുന്നു. 2020-ലെ വടക്കുകിഴക്കൻ ഡൽഹി കലാപത്തിന് പിന്നിലെ ഗൂഢാലോചനയുമായി ബന്ധപ്പെട്ട് ചുമത്തിയ യു.എ.പി.എ കേസിലാണ് ഷർജീൽ ഇമാം നിലവിൽ ജയിലിൽ കഴിയുന്നത്. സംഭവത്തിൽ ഷർജീൽ ഇമാമിനും ഉമർ ഖാലിദിനും പുറമെ എട്ട് വിദ്യാർത്ഥി സംഘടനാ പ്രവർത്തകർക്കെതിരെ ഡൽഹി പൊലീസ് കേസെടുത്തിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

BRICS Summit 2026: ബ്രിക്സ് ഉച്ചകോടിക്ക് ഇന്ന് സമാപനം, ആഗോള സുരക്ഷയ്ക്ക് പ്രാധാന്യം നൽകി രാജ്യങ്ങള്‍

രണ്ട് ദിവസമായി ഡല്‍ഹിയില്‍ നടക്കുന്ന ബ്രിക്സ് ഉച്ചകോടി ഇന്ന് സമാപിക്കും. 18-ാമത് ബ്രിക്സ് ഉച്ചകോടിയില്‍ ചൈന, റഷ്യ, ഇറാന്‍, ദക്ഷിണാഫ്രിക്ക, ഇന്തോനേഷ്യ, ഈജിപ്റ്റ്, എത്യോപ്യ, മലേഷ്യ, ബ്രസീല്‍, യുഎഇ എന്നീ രാജ്യങ്ങളിലെ പ്രധാനമന്ത്രിമാരും ചില രാജ്യങ്ങളിലെ വിദേശകാര്യമന്ത്രിമാരും, സൗദി അറേബ്യ, ബെലാറസ്, കസാഖ്സ്ഥാൻ തുടങ്ങിയ വിവിധ ബ്രിക്സ് പങ്കാളിത്ത രാജ്യങ്ങളുടെ പ്രതിനിധികളും, യു.എൻ സെക്രട്ടറി ജനറൽ അന്റോണിയോ ഗുട്ടെറസ് ഉൾപ്പെടെയുള്ള അന്താരാഷ്ട്ര സംഘടനകളുടെ തലവന്മാരും ഉച്ചകോടിയിൽ പങ്കെടുക്കുന്നുണ്ട്. ഇന്ന് ബ്രിക്സ് രാജ്യങ്ങള്‍ക്കൊപ്പം പങ്കാളിത്ത രാജ്യങ്ങളും ഔട്ട്റീച്ച് ക്ഷണിക്കപ്പെട്ടവരും പങ്കെടുക്കുന്ന ഓപ്പണ്‍ സെഷന്‍ രാവിലെ 10 മണിക്ക് ആരംഭിക്കും. വിവിധ ആഗോള വിഷയങ്ങളിൽ രാഷ്ട്രത്തലവന്മാർ നിലപാട് വ്യക്തമാക്കുകയും ഉച്ചകോടിയുടെ ഔദ്യോഗിക പ്രഖ്യാപനമായ 'ന്യൂഡൽഹി പ്രഖ്യാപനം' (New Delhi Declaration) പുറത്തിറക്കുന്നതോടെ 18-ാമത് ബ്രിക്സ് ഉച്ചകോടി ഔദ്യോഗികമായി സമാപിക്കും. അന്താരാഷ്ട്ര ആണവനിലയങ്ങൾക്കും സാധാരണക്കാര്‍ക്കും നേരെയുള്ള ആക്രമണങ്ങളിൽ ബ്രിക്സ് ഉച്ചകോടി ആശങ്ക രേഖപ്പെടുത്തി. യുദ്ധവേളകളിൽ പോലും ആണവസുരക്ഷ ഉറപ്പാക്കണമെന്ന് 'ന്യൂഡൽഹി പ്രഖ്യാപനം' ആവശ്യപ്പെടുന്നു. നിരായുധീകരണവും ആണവായുധ വ്യാപന തടയലുമാണ് പ്രഖ്യാപനത്തിലെ മറ്റ് പ്രധാന നിർദ്ദേശങ്ങൾ. പശ്ചിമേഷ്യൻ പ്രശ്നങ്ങളെച്ചൊല്ലി യു.എ.ഇയും ഇറാനും തമ്മിലുണ്ടായ ഭിന്നതകൾ പരിഹരിച്ചാണ് ബ്രിക്സ് രാജ്യങ്ങൾ സംയുക്ത പ്രഖ്യാപനത്തിൽ എത്തിയത്. എന്നാൽ അമേരിക്കയുടെയോ ഇറാന്റെയോ പേരെടുത്ത് പ്രഖ്യാപനത്തിൽ പറഞ്ഞിട്ടില്ല. ആദ്യദിന ചർച്ചകൾക്കൊടുവിലാണ് പ്രധാനമന്ത്രി നരേന്ദ്രമോദി ന്യൂഡൽഹി പ്രഖ്യാപനത്തിൻറെ വിവരങ്ങൾ പുറത്തുവിട്ടത്. പ്രഖ്യാപനം ഐക്യകണ്ഠേന അംഗീകരിച്ചത് ഇന്ത്യയുടെ നയതന്ത്ര വിജയമായാണ് വിലയിരുത്തപ്പെടുന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

BRICS Summit 2026: ബ്രിക്സ് ഉച്ചകോടി: ഡൽഹിയിൽ കനത്ത സുരക്ഷയും ഗതാഗത നിയന്ത്രണങ്ങളും

ബ്രിക്സ് ഉച്ചകോടിയുടെ (BRICS Summit) ഭാഗമായി ഡൽഹി കനത്ത സുരക്ഷയിലാണ്. നഗരത്തിലുടനീളം ഗതാഗത നിയന്ത്രണങ്ങളും വിപുലമായ സുരക്ഷാ ക്രമീകരണങ്ങളും ഭാരത് മണ്ഡപത്തിൽ നടക്കുന്ന 18-ാം ബ്രിക്സ് ഉച്ചകോടിയുടെ ഭാഗമായി ഏർപ്പെടുത്തിയിരിക്കുന്നത്. രാഷ്ട്രത്തലവന്മാരുടെയും മറ്റ് പ്രമുഖ പ്രതിനിധികളുടെയും യാത്രകളെ തുടർന്ന് സെപ്റ്റംബർ 11-ന് ഉച്ചകഴിഞ്ഞ് 2 മണി മുതൽ രാത്രി 8:30 വരെ പ്രധാന റോഡുകളിൽ ഡൽഹി ട്രാഫിക് പോലീസ് ഗതാഗത നിയന്ത്രണങ്ങൾ ഏർപ്പെടുത്തി. അതതുസമയത്തെ സുരക്ഷാ സാഹചര്യങ്ങൾ വിലയിരുത്തി വിഐപി വാഹനങ്ങളുടെ യാത്രയ്ക്ക് വേണ്ടി പ്രധാന പാതകളിൽ ഗതാഗതം താൽക്കാലികമായി തടയുകയോ വഴിതിരിച്ചുവിടുകയോ മാത്രമേ ചെയ്യൂവെന്ന് അധികൃതർ വ്യക്തമാക്കി. അതിനാൽ യാത്രക്കാർ നേരത്തെ യാത്ര തിരിക്കാനും മെട്രോ പോലുള്ള പൊതുഗതാഗത സംവിധാനങ്ങൾ ഉപയോപ്പെടുത്താനും അധികൃതർ നിർദ്ദേശിച്ചു. 35 റോഡുകളില്‍ നിയന്ത്രണം ബ്രിക്സ് ഉച്ചകോടിയുടെ ഭാഗമായി ഏകദേശം 35 റോഡുകളിലെ ഗതാഗതത്തെ ബാധിക്കാൻ സാധ്യതയുണ്ട്. ഇതുമായി ബന്ധപ്പെട്ട നിർദ്ദേശങ്ങൾ ഡൽഹി പോലീസ് സോഷ്യൽ മീഡിയയിൽ പങ്കുവെച്ചിട്ടുണ്ട്.

Modi-Putin Meeting: പ്രതിരോധ സഹകരണത്തില്‍ നിര്‍ണായക ചര്‍ച്ച, മോദി-പുടിന്‍ കൂടിക്കാഴ്ച നാളെ

ഡല്‍ഹി: ബ്രിക്സ് ഉച്ചകോടിക്ക് മുന്നോടിയായി പ്രധാനമന്ത്രി നരേന്ദ്രമോദി റഷ്യൻ പ്രസിഡന്റ് വ്ളാഡിമിർ പുടിനുമായി ഡൽഹിയിൽ ഉഭയകക്ഷി ചർച്ചകൾക്ക് ഒരുങ്ങുന്നു. ചർച്ചയിലെ പ്രധാന അജണ്ട പ്രതിരോധ സഹകരണമാകും. സെപ്റ്റംബർ 11 ന് നടക്കാൻ പോകുന്ന കൂടിക്കാഴ്ചയിൽ ദീർഘകാലമായി തുടരുന്ന പ്രതിരോധ പങ്കാളിത്തം ഇരു രാജ്യങ്ങളും ശക്തിപ്പെടുത്തും മാത്രമല്ല സംയുക്ത വികസനത്തിനും ഉൽപ്പാദനത്തിനും പ്രാധാന്യം നൽകും. കൂടാതെ ശേഷിക്കുന്ന എസ്-400 (S-400) വ്യോമ പ്രതിരോധ സംവിധാനത്തിന്റെ വിതരണം, റഷ്യയുടെ അഞ്ചാം തലമുറ സു-57 (Su-57) യുദ്ധവിമാനം, ബ്രഹ്മോസ് മിസൈൽ പദ്ധതിയുടെ അടുത്ത ഘട്ടം എന്നിവയെല്ലാം ഇരു രാജ്യങ്ങളും ചർച്ച ചെയ്യുമെന്നാണ് പ്രതീക്ഷിക്കുന്നത്. എസ്-400 (S-400) വിതരണം പ്രതിരോധ കാര്യങ്ങളിൽ ഏറ്റവും വലിയ ചർച്ച നടക്കുക ഇന്ത്യയുടെ എസ് 400 വിതരണവുമായി ബന്ധപ്പെട്ടായിരിക്കും. അഞ്ച് എസ് 400 ട്രയംഫ് വ്യോമ പ്രതിരോധ സംവിധാനങ്ങൾക്കായി 2018 ൽ ഇന്ത്യ ഏകദേശം 5.43 ബില്യൺ യുഎസ് ഡോളറിന്റെ കരാറിൽ ഒപ്പുവെച്ചിരുന്നു. ഇതിനകം 4 യൂണിറ്റുകൾ കൈമാറിയിട്ടുണ്ട് അഞ്ചാമത്തെ സിസ്റ്റത്തിന്റെ കൈമാറ്റം റഷ്യ-യുക്രൈയിൻ യുദ്ധവുമായി ബന്ധപ്പെട്ടാണ് കാലതാമസം ഉണ്ടാകുന്നത്. കരാറിൽ പറഞ്ഞ കാര്യങ്ങൾ നിറവേറ്റാൻ റഷ്യ പ്രതിജ്ഞാബദ്ധമാണെന്ന് മോസ്കോ സൂചിപ്പിച്ചിട്ടുണ്ട്. ദൂരങ്ങളിൽ നിന്നുള്ള വിമാനങ്ങളുടെയും മിസൈലുകളുടെയും ഭീഷണി കണ്ടെത്താനും പ്രതിരോധിക്കാനും രൂപകൽപ്പന ചെയ്തതാണ് എസ്-400. എസ്-400 ഇന്ത്യൻ വ്യോമ പ്രതിരോധ ശൃംഖലയുടെ ഒരു പ്രധാന ഭാഗമാണ്. സു-57 (Su-57) സാങ്കേതിക വിദ്യ മോദി-പുടിൻ കൂടിക്കാഴ്ചയിലെ മറ്റൊരു പ്രധാന വിഷയം റഷ്യയുടെ അ‍ഞ്ചാം തലമുറ സ്റ്റെൽത്ത് യുദ്ധവിമാനമായ സു-57 കുറിച്ചാകും. ഇന്ത്യയിലേക്ക് ഈ വിമാനത്തെ അവതരിപ്പിക്കാൻ മോസ്കോ ശ്രമിക്കുന്നുണ്ട്. ഇന്ത്യയ്ക്ക് ഉൽപ്പാദന സാങ്കേതികവിദ്യ പങ്കുവെക്കാനുള്ള സാധ്യതയെക്കുറിച്ചാകും ചർച്ചകൾ നടക്കുക. ഇറക്കുമതിയെ ആശ്രയിക്കാതെ സ്വന്തം രാജ്യത്ത് ഇവ നിർമ്മിക്കാനാണ് ഇന്ത്യയ്ക്ക് താൽപ്പര്യം. ബ്രഹ്മോസ് മിസൈൽ പദ്ധതി ഇന്ത്യയും റഷ്യയും ചേർന്ന് വികസിപ്പിച്ച ബ്രഹ്മോസ് മിസൈലിന്റെ ശേഷി വർദ്ധിപ്പിക്കുന്നതും നവീകരിക്കുന്നതും ചർച്ചയിലുണ്ട്. തേജസ് അടക്കമുള്ള യുദ്ധവിമാനങ്ങളിൽ ഘടിപ്പിക്കാൻ കഴിയുന്ന ഭാരം കുറഞ്ഞ ബ്രഹ്മോസ്-എൻജി (BrahMos-NG) നിർമ്മിക്കാനുള്ള കാര്യങ്ങളും ചർച്ചചെയ്യും. മാത്രമല്ല ഉൽപ്പാദനം, വികസനം, കയറ്റുമതി തുടങ്ങിയ മേഖലകളിലും സഹകരണം ശക്തമാക്കാനും ലക്ഷ്യമുണ്ട്. സംയുക്ത നിർമ്മാണത്തിലേക്ക് ഇറക്കുമതിയെ ആശ്രയിക്കുന്നത് ഒഴിവാക്കി രാജ്യത്ത് തന്നെ പ്രതിരോധ ഉപകരണങ്ങൾ നിർമ്മിക്കാനാണ് ഇന്ത്യയുടെ ശ്രമം. അതേസമയം സാങ്കേതികവിദ്യ പങ്കുവെക്കുക, സംയുക്ത ഗവേഷണം, സംയുക്ത നിർമ്മാണം, മൂന്നാം രാജ്യങ്ങളിലേക്കുള്ള കയറ്റുമതി എന്നിവയാണ് റഷ്യ താൽപ്പര്യപ്പെടുന്നത്. ഇതിനുള്ള മികച്ചൊരു ഉദാഹരണമാണ് ഫിലിപ്പീൻസിലേക്ക് ഉൾപ്പെടെ കയറ്റുമതി ചെയ്യുന്ന ബ്രഹ്മോസ് മിസൈൽ. ഇന്ത്യയും റഷ്യയും സംയുക്തമായി ആരംഭിച്ചതാണ് ബ്രഹ്മോസ് മിസൈൽ പദ്ധതി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

BRICS Summit 2026: ഡല്‍ഹി ബ്രിക്സ് ഉച്ചകോടി: അമേരിക്കയുടെ ആശങ്കയും ഇന്ത്യയുടെ വെല്ലുവിളിയും!

സെപ്റ്റംബര്‍ 12,13 തീയതികളില്‍ ഡല്‍ഹിയില്‍ നടക്കുന്ന ബ്രിക്സ് ഉച്ചകോടി (BRICS Summit) ലോകം മുഴുവന്‍ ഉറ്റുനോക്കുകയാണ്. അമേരിക്കൻ പ്രസിഡന്റ് ട്രംപിന്റെ തീരുവ ഭീഷണി, ഇറാന്‍ സംഘര്‍ഷം, ചൈനയുടെ ഭീഷണികളെ പ്രതിരോധിച്ച് സ്വയംഭരണം സംരക്ഷിക്കാന്‍ ശ്രമിക്കുന്ന ഇന്ത്യയെയാണ് ഈ ഉച്ചകോടി ഏറ്റവും സൂക്ഷ്മമായി നിരീക്ഷിക്കുന്നത്. ബ്രിക്സ് കൂട്ടായ്മ വളരുന്നതും, ഡോളറിന് പകരം മറ്റ് വഴികള്‍ തേടുന്നതും, ഇന്ത്യയുടെ ആതിഥേയത്വത്തിൽ റഷ്യ, ചൈന, ഇറാൻ തുടങ്ങിയ രാജ്യങ്ങളുടെ ഏകീകരണം എന്നിവ യു.എസ് പ്രസിഡന്റ് ഡൊണാൾഡ് ട്രംപിനെ ആശങ്കപ്പെടുത്തുന്നതാണ്. ഇന്ത്യയുടെ വെല്ലുവിളി ഡല്‍ഹിയില്‍ ഇറാന്‍ പ്രസിഡന്റ് മസൂദ് പെഷേഷ്കിയന്റെ സാന്നിധ്യം നിര്‍ണായകമാണ്. ഇറാന്‍ ഇപ്പോള്‍ ബ്രിക്സ് അംഗമാണ്. അതിനാല്‍ തന്നെ അമേരിക്ക വളരെ സൂക്ഷ്മമായിട്ടാണ് ഈ ബ്രിക്സ് ഉച്ചകോടിയെ നിരീക്ഷുന്നത്. അമേരിക്കയുമായുള്ള നിര്‍ണായകമായ തന്ത്രപരവും സാമ്പത്തികവുമായ ബന്ധം നിലനിര്‍ത്തിക്കൊണ്ട് ബ്രിക്സില്‍ ഇറാൻ, റഷ്യ, ചൈന തുടങ്ങിയ രാജ്യങ്ങളുമായി സഹകരിച്ചു പ്രവർത്തിക്കുക എന്നത് ഇന്ത്യയ്ക്ക് മുന്നിലെ വെല്ലുവിളിയാണ് അമേരിക്കയുടെ ആശങ്ക ബ്രിക്സില്‍ ഇപ്പോള്‍ ബ്രസീൽ, റഷ്യ, ഇന്ത്യ, ചൈന, ദക്ഷിണാഫ്രിക്ക എന്നീ രാജ്യങ്ങള്‍ മാത്രമല്ല. ഇറാൻ ഉൾപ്പെടെ നിരവധി പുതിയ രാജ്യങ്ങൾ ബ്രിക്സില്‍ ചേർന്നിട്ടുണ്ട്. അന്താരാഷ്ട്ര വ്യാപാരത്തിൽ അമേരിക്കൻ ഡോളറിനുള്ള ആധിപത്യം കുറയ്ക്കാനും, സ്വന്തം കറൻസികളിൽ വ്യാപാരം നടത്താനും ബ്രിക്സ് രാജ്യങ്ങൾ ശ്രമിക്കുന്നത് അമേരിക്കയെ ആശങ്കപ്പെടുത്തുന്നു. ബ്രിക്സ് ഒരിക്കലും അമേരിക്കയ്ക്കെതിരെയുള്ള കൂട്ടായ്മയാകില്ലെന്നും മറിച്ച് വികസ്വര രാജ്യങ്ങളുടെ ശബ്ദമാകാനാണ് ശ്രമിക്കുന്നതെന്നും ഇന്ത്യ വ്യക്തമാക്കി. നയതന്ത്ര ബാലൻസാണ് ഉച്ചകോടിക്ക് ലോകശ്രദ്ധ നേടാന്‍ കാരണമാക്കിയത്. ഇറാന്റെ സാന്നിദ്ധ്യം എന്തുകൊണ്ടാണ് ബ്രിക്സ് രാജ്യങ്ങള്‍ ഡോളറിന്റെ ആധിപത്യം ഒരു വെല്ലുവിളിയായി കാണുന്നത്. ഇന്നും ആഗോള വ്യാപാരത്തിലും വിദേശനാണ്യ കരുതല്‍ ശേഖരത്തിലും ഡോളര്‍ തന്നെയാണ് ഏറ്റവും ശക്തമായ കറന്‍സി. ഉപരോധങ്ങളുടെയും നയതന്ത്ര സമ്മർദ്ദങ്ങളുടെയും പശ്ചാത്തലത്തിൽ ബ്രിക്സിലെ പല അംഗങ്ങളും ഡോളറിലുള്ള ആശ്രയം കുറയ്ക്കാൻ ആഗ്രഹിക്കുന്നുണ്ട്. അതിനാൽ സ്വന്തം നാണയങ്ങളിലെ വ്യാപാരം, ബദൽ പേയ്‌മെന്റ് സംവിധാനങ്ങൾ, ഡിജിറ്റൽ സാമ്പത്തിക ബന്ധങ്ങൾ തുടങ്ങിയ വിഷയങ്ങൾ ബ്രിക്സ് അജണ്ടയിലുണ്ട്. എന്നാൽ ഇവിടെയും ഇന്ത്യയുടെ സമീപനം വളരെ കരുതലോടെയാണ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Delhi Murder: അപ്പാർട്മെൻറിന് മുന്നിലിരുന്ന് മദ്യപിക്കുന്നതും ബഹളം വയ്ക്കുന്നതും ചോദ്യം ചെയ്തു; ഡൽഹിയിൽ മണിപ്പൂരി സംഗീതജ്ഞനെ തല്ലിക്കൊന്നു

ഡൽഹി: അപാർട്മെൻറിന് മുന്നിലിരുന്ന് മദ്യപിക്കുകയും ബഹളമുണ്ടാക്കുകയും ചെയ്തത് ചോദ്യം ചെയ്ത മണിപ്പൂരി സംഗീതജ്ഞനെ മർദ്ദിച്ചുകൊലപ്പെടുത്തി. മണിപ്പൂരിലെ മെയ്തേയ് സമുദായക്കാരനായ സി വിക്രം സിങ് (54) ആണ് കൊല്ലപ്പെട്ടത്. തെക്കുകിഴക്കൻ ഡൽഹിയിലെ കിലോകരി ഗ്രാമത്തിൽ തിങ്കളാഴ്ച പുലർച്ചെയാണ് സംഭവം. സംഭവവുമായി ബന്ധപ്പെട്ട് ഏഴ് പേരെ ഡൽഹി പോലീസ് അറസ്റ്റ് ചെയ്യുകയും ഒരു പ്രായപൂർത്തിയാകാത്ത ആളെ കസ്റ്റഡിയിലെടുക്കുകയും ചെയ്തു. ഡെലിവറി ഏജൻറുമാരും സമീപത്തെ ധാബയിലെ ജീവനക്കാരുമാണ് ആക്രമണത്തിന് പിന്നിലെന്ന് പോലീസ് വ്യക്തമാക്കി. അക്രമം ചോദ്യം ചെയ്തതിന് പിന്നാലെ ക്രൂരമർദ്ദനം വർഷങ്ങളായി കിലോകരി മേഖലയിൽ കുടുംബത്തോടൊപ്പം താമസിച്ചുവരികയായിരുന്നു വിക്രം സിങ്. പുലർച്ചെ വീടിന് പുറത്ത് സംഘടിച്ചെത്തിയ പ്രതികൾ മദ്യപിക്കുകയും വലിയ രീതിയിൽ ബഹളമുണ്ടാക്കുകയും ചെയ്തു. ഇത് ചോദ്യം ചെയ്തതിനെ തുടർന്ന് പ്രകോപിതരായ പ്രതികൾ വിക്രം സിങ്ങിനെ അതിക്രൂരമായി മർദ്ദിക്കുകയായിരുന്നു. വിവരമറിഞ്ഞ് പോലീസ് സ്ഥലത്തെത്തുമ്പോഴേക്കും ഗുരുതരമായി പരിക്കേറ്റ വിക്രം സിങ്ങിനെ മകൻ അടുത്തുള്ള സ്വകാര്യ ആശുപത്രിയിൽ പ്രവേശിപ്പിച്ചിരുന്നുവെങ്കിലും ജീവൻ രക്ഷിക്കാനായില്ല. അക്രമത്തിന് ശേഷം പ്രതികൾ പടിയിറങ്ങി ഓടിപ്പോകുന്നതിൻറെ സിസിടിവി ദൃശ്യങ്ങൾ പോലീസിന് ലഭിച്ചിട്ടുണ്ട്. സംഭവത്തിൽ വിശദമായ അന്വേഷണം നടന്നു വരികയാണെന്ന് പോലീസ് അറിയിച്ചു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ്ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

CJP Split: കോക്രോച്ച് ജനതാ പാർട്ടിയിൽ പൊട്ടിത്തെറി, 'CJP-ഡെമോക്രാറ്റിക്' രൂപീകരിച്ച് വിമത വിഭാഗം

ആഭ്യന്തര കലഹം രൂക്ഷമായതിനെ തുടര്‍ന്ന് കോക്രോച്ച് ജനതാ പാര്‍ട്ടി (CJP) രണ്ടായി പിളര്‍ന്നു. സിജെപി മുന്‍ വോളണ്ടിയറായ മനീഷ് ബ്രഹ്ഭട്ട് കോക്രോച്ച് ജനതാ പാര്‍ട്ടി-ഡെമോക്രാറ്റിക് (CJP-D) എന്ന പേരില്‍ വിമത വിഭാഗം പ്രഖ്യാപിച്ചു. മാത്രമല്ല സിജെപി സ്ഥാപകൻ അഭിജിത് ദീപകെയ്‌ക്കെതിരെ മനീഷ് ബ്രഹ്ഭട്ട് പരസ്യമായി ആരോപണം ഉന്നയിച്ചു. ജന്തര്‍ മന്തറിലെ പ്രതിഷേധങ്ങള്‍ക്ക് മുന്നിലുണ്ടായിരുന്ന പ്രവർത്തകരെ തഴഞ്ഞ് ചുരുക്കം ചിലരെ മാത്രം അഭിജിത് നേതൃത്വത്തിലേക്ക് കൊണ്ടുവന്നു എന്നാണ് മനീഷിന്റെ ആരോപണം. പിണക്കങ്ങള്‍ക്ക് കാരണം ഛത്രപതി സംഭാജിനഗറില്‍ നടന്ന രഹസ്യ യോഗമാണ് സിജെപി നേതാക്കളും വോളണ്ടിയര്‍മാരും തമ്മിലുള്ള തര്‍ക്കങ്ങള്‍ക്ക് കാരണം. ഇവിടെയുണ്ടായ പല തീരുമാനങ്ങളും അഭിപ്രായവ്യത്യാസത്തിന് കാരണമായി. പ്രതിഷേധം: അഭിജിത് ദീപ്കെയുടെ അപ്പാര്‍ട്ട്മെന്റിന് പുറത്ത് മനീഷ് ബ്രഹ്ഭട്ടും വോളണ്ടിയറായ രാഹുല്‍ പാണ്ഡ്യയും പ്രതിഷേധം നടത്തി. തളര്‍ന്നുപോയ ഇരുവരെയും പിന്നീട് ആശുപത്രിയിലേക്ക് മാറ്റി. പുറത്താക്കല്‍: നിലവില്‍ യഥാർത്ഥ പ്രസ്ഥാനം കൈയടക്കിയിരിക്കുന്നത് ആം ആദ്മി പാർട്ടിയുമായി (എഎപി) ബന്ധമുള്ള വ്യക്തികളാണെന്ന് വിമതര്‍ ആരോപിക്കുന്നു. സിജെപിയുടെ ആദ്യകാലം മുതലുള്ള വോളണ്ടിയര്‍മാരെ ഒഴിവാക്കിയെന്നും ഇവര്‍ കൂട്ടിച്ചേര്‍ത്തു. തര്‍ക്കം: പുതിയ എക്സിക്യൂട്ടീവ് കമ്മിറ്റിയിൽ രാജ്യവ്യാപകമായ പ്രാതിനിധ്യമില്ലെന്നും വിശ്വസ്തരായ അംഗങ്ങളെ ഒഴിവാക്കിയെന്നും മനീഷ് ബ്രഹ്ഭട്ട് ആരോപിക്കുന്നു. രാഷ്ട്രീയ ചാഴ്വ് ‌ മാറിയ കാഴ്ചപ്പാട്: വിദ്യാർത്ഥികളുടെയും സാധാരണക്കാരുടെയും പ്രശ്നങ്ങൾ പരിഹരിക്കുന്നതിന് പകരം ചില രാഷ്ട്രീയ നേതാക്കളെ മാത്രം എതിർക്കുന്ന രീതിയിലേക്ക് സിജെപിയുടെ ശ്രദ്ധ മാറിയെന്ന് CJP-D കുറ്റപ്പെടുത്തി. ആശയങ്ങളെ അവഗണിക്കുന്നു: ജന്തർമന്തർ സമരത്തിൽ കോൺഗ്രസ്, സമാജ്‌വാദി പാർട്ടി, ശിവസേന തുടങ്ങിയ വിവിധ രാഷ്ട്രീയ പാര്‍ട്ടിയില്‍ ഉണ്ടായിരുന്നവര്‍ പങ്കെടുത്തിരുന്നു. എന്നാല്‍ സംഘടനയുടെ ഇപ്പോഴത്തെ ഘടന വൈവിധ്യത്തെ പൂർണ്ണമായും അവഗണിക്കുകയാണ്. പ്രതികരണം: തനിക്ക് മുൻപ് എ.എ.പിയുമായി (AAP) ബന്ധമുണ്ടായിരുന്ന കാര്യം സ്ഥാപകൻ അഭിജിത് ദീപ്കെ സമ്മതിച്ചിരുന്നു. എന്നാല്‍ ഇപ്പോഴത്തെ സംഘടനാ പ്രവർത്തനങ്ങൾ പൂർണ്ണമായും സ്വതന്ത്രമാണെന്നാണ് അദ്ദേഹത്തിന്റെ വാദം. സിജെപി-ഡിയുടെ ഭാവി അടിത്തട്ടിലുള്ള സാധാരണക്കാരെയും പ്രവർത്തകരെയും ലക്ഷ്യമിട്ടാണ് കോക്രോച്ച് ജനതാ പാര്‍ട്ടി-ഡെമോക്രാറ്റിക് (CJP-D) ഔദ്യോഗികമായി ന്യൂഡൽഹിയിൽ ആരംഭിച്ചത്. സിജെപിയുടെ പുതിയ നിയമനങ്ങളിൽ തഴയപ്പെട്ടുവെന്ന് തോന്നുന്ന വോളണ്ടിയർമാരെയും പ്രവർത്തകരെയും സംഘടനയിലേക്ക് ഒന്നിപ്പിക്കാനാണ് CJP-D ലക്ഷ്യമിടുന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ്ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.