US Midterm Election Result: യുഎസ് ഇടക്കാല തിരഞ്ഞെടുപ്പിൽ ട്രംപിന് തിരിച്ചടി; ഇറാന് മുന്നറിയിപ്പുമായി മുജ്തബ ഖമേനി

വാഷിങ്ടൺ: യുഎസിലെ ഇടക്കാല തിരഞ്ഞെടുപ്പിൽ റിപ്പബ്ലിക്കൻ പാർട്ടിക്ക് കനത്ത പരാജയം. ചരിത്രവിജയം സ്വന്തമാക്കിയിരിക്കുകയാണ് ഡെമോക്രാറ്റിക് പാർട്ടി. പരാജയത്തിന് പിന്നാലെ ഇറാനിലെ ജനങ്ങൾക്ക് രാജ്യത്തിന്റെ പരമോന്നത നേതാവ് മുജ്തബ ഖമനേയി ശക്തമായ മുന്നറിയിപ്പ് നൽകി. തിരഞ്ഞെടുപ്പ് ഫലം ഏതെങ്കിലും തരത്തിൽ യുഎസിന് ഇറാനോടുള്ള നിലപാടിൽ മാറ്റം വരുത്തുമെന്ന് വിശ്വസിക്കരുതെന്നായിരുന്നു മുജ്തബ ഖമനേയിയുടെ മുന്നറിയിപ്പ്. എക്സിലൂടെയാണ് ഇക്കാര്യം അറിയിച്ചത്. അമേരിക്കയുടെ ഭാഗത്തുനിന്ന് വീണ്ടും സൈനിക നടപടികളോ ആക്രമണങ്ങളോ ഉണ്ടായാൽ, പശ്ചിമേഷ്യൻ മേഖലയിലെ നിലവിലെ പോരാട്ടം കൂടുതൽ വിപുലീകരിക്കുമെന്ന കടുത്ത മുന്നറിയിപ്പുമായി അയത്തൊള്ള ഖമേനി. അതേസമയം, അമേരിക്കൻ വോട്ടർമാർക്കിടയിൽ ശക്തിപ്പെട്ട യുദ്ധവിരുദ്ധ വികാരത്തെ ഇറാൻ സ്വാഗതം ചെയ്തു. പ്രസ്തുത വർഷത്തെ തിരഞ്ഞെടുപ്പ് പ്രചാരണങ്ങളിൽ യുഎസ്-ഇറാൻ യുദ്ധവും അതിന്റെ പ്രത്യാഘാതങ്ങളും പ്രധാന ചർച്ചാവിഷയമായി ഉയർന്നുവന്നിരുന്നു. ഒറ്റരാത്രികൊണ്ടാണ് വാഷിംഗ്ടണിലെ രാഷ്ട്രീയ അധികാര സന്തുലനം പൂർണ്ണമായി മാറിമറിഞ്ഞത്. യുഎസ് പ്രതിനിധി സഭയുടെയും സെനറ്റിന്റെയും നിയന്ത്രണം ഡെമോക്രാറ്റുകൾ വീണ്ടെടുത്തു. ട്രംപ് ഭരണകൂടം നടപ്പിലാക്കിയ നയങ്ങൾക്കെതിരെയുള്ള ജനങ്ങളുടെ ശക്തമായ ജനവിധിയായാണ് ഈ തിരഞ്ഞെടുപ്പ് ഫലം പൊതുവേ വിലയിരുത്തപ്പെടുന്നത്. എന്നാൽ ഈ രാഷ്ട്രീയ മാറ്റം അമേരിക്കയുടെ ഇറാൻ വിരുദ്ധ നയങ്ങളിൽ പെട്ടെന്ന് അയവുണ്ടാക്കുമെന്ന സൂചനയായി കണക്കാക്കരുതെന്ന് അയത്തൊള്ള ഖമേനി സ്വന്തം ജനങ്ങളോട് അഭ്യർത്ഥിച്ചു. യുഎസ് കോൺഗ്രസിന്റെ ഇരു സഭകളായ ജനപ്രതിനിധി സഭയിലും സെനറ്റിലും റിപ്പബ്ലിക്കന്മാർക്ക് കേവലഭൂരിപക്ഷം നഷ്ടമാകുകയായിരുന്നു. കഴിഞ്ഞ മൂന്ന് പതിറ്റാണ്ടിലെ ഏറ്റവും മികച്ച മുന്നേറ്റമാണ് ഡെമോക്രാറ്റുകൾക്ക് നേടാനായത്. ഡോണൾഡ് ട്രംപിന്റെ വിശ്വസ്തനും പ്രമുഖ ഇന്ത്യൻ വംശജനുമായ വിവേക് രാമസ്വാമി ഉൾപ്പെടെ റിപ്പബ്ലിക്കൻ നിരയിലെ പ്രമുഖ നേതാക്കൾ പോലും പരാജയത്തിന്റെ കയ്പ് അറിഞ്ഞു. ട്രംപ് ഭരണകൂടത്തിന്റെ വിദേശ-ആഭ്യന്തര നയങ്ങൾക്കെതിരെ ഉയർന്ന ശക്തമായ ജനവികാരം വോട്ടെടുപ്പിൽ പ്രതിഫലിച്ചതായാണ് രാഷ്ട്രീയ നിരീക്ഷകർ വിലയിരുത്തുന്നത്. ടെക്സസ്, കാൻസസ്, സൗത്ത് കരോലിന, ഒഹായോ, നോർത്ത് കരോലിന, ഐയോവ തുടങ്ങിയ റിപ്പബ്ലിക്കൻ പാർട്ടിയുടെ പരമ്പരാഗത കോട്ടകളിൽ പോലും ഡെമോക്രാറ്റിക് സ്ഥാനാർത്ഥികൾ വലിയ വിജയമാണ് നേടിയത്. ഭൂരിപക്ഷത്തിന് 218 സീറ്റുകൾ വേണ്ട പ്രതിനിധി സഭയിലും ഡെമോക്രാറ്റുകൾ വ്യക്തമായ ആധിപത്യം ഉറപ്പിച്ചു. കൂടാതെ 36 സംസ്ഥാനങ്ങളിൽ നടന്ന ഗവർണർ തിരഞ്ഞെടുപ്പിലും ഡെമോക്രാറ്റിക് സ്ഥാനാർത്ഥികൾ മുന്നേറി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Israel Election Results: ഇസ്രയേലിൽ നെതന്യാഹു വീണ്ടും അധികാരത്തിലേക്കോ? വോട്ടെണ്ണൽ പുരോഗമിക്കുന്നു

ടെൽഅവീവ്: ഇസ്രയേലിൽ നെതന്യാഹു വീണ്ടും അധികാരത്തിലേക്കെത്തുമെന്ന് റിപ്പോർട്ട്. തിരഞ്ഞെടുപ്പി നെതന്യാഹുവിന് നേരിയ മുൻതൂക്കമെന്നാണ് പുതിയ എക്സിറ്റ് പോളുകൾ റിപ്പോർട്ട് ചെയ്യുന്നത്. വോട്ടെണ്ണൽ പുരോഗമിക്കുകയാണ്. എന്നാൽ രണ്ട് ക്യാമ്പുകള്‍ക്കും 51 സീറ്റുകള്‍ വീതം ലഭിക്കുമെന്നാണ് എക്‌സിറ്റ് പോള്‍ ഫലങ്ങള്‍ സൂചിപ്പിക്കുന്നതെന്നും റിപ്പോർട്ടുണ്ട്. ആദ്യ എക്സിറ്റ് പോളുകളിൽ പ്രതിപക്ഷത്തിനായിരുന്നു മുൻ‌തൂക്കം. നെതന്യാഹുവിന്റെ പ്രധാന എതിരാളി മുൻ സൈനിക മേധാവിയായ ഗഡി ഐസൻകോട്ടാണ്. പുതിയ റിപ്പോർട്ട് അനുസരിച്ചു നെതന്യാഹു സാംഖ്യത്തിന് 52 സീറ്റുകളും ഐസൻകോട്ടിനും മറ്റുളളവർക്കും കൂടി 49 സീറ്റുകളുമാണ് പ്രവചിക്കുന്നത്. ഇത്തവണ റെക്കോർഡ് പോളിങ്ങായിരുന്നു രേഖപ്പെടുത്തിയത്. 7331981 പേർക്ക് വോട്ടവകാശമുള്ളിടത്ത് 77.7% പോളിംഗ് രേഖപ്പെടുത്തിയിരുന്നു. 120 സീറ്റാണ് പാർലമെന്റിൽ ആകെയുള്ളത്. സർക്കാർ രൂപീകരിക്കാൻ 61 സീറ്റുകൾ വേണം. നെസെറ്റ് എന്നറിയപ്പെടുന്ന പാർലമെന്റിലെ 120 അംഗങ്ങളെയാണ് ജനങ്ങൾ തിരഞ്ഞടുക്കുന്നത്. വോട്ടർമാർ പാർലമെന്റംഗങ്ങളെ നേരിട്ട് തിരഞ്ഞെടുക്കയല്ല മറിച്ച് പാർട്ടികൾ നിർദ്ദേശിക്കുന്ന സ്ഥാനാത്ഥികൾക്കാണ് വോട്ട് നൽകുന്നത്. ഓരോ അപർട്ടിക്കും ലഭിക്കുന്ന വോട്ടിന് ആനുപാതികമായി എംപിമാരെ ലഭിക്കും . പ്രാഥമിക ഫലസൂചനകളിൽ നെതന്യാഹുവിന് മുന്നേററം പറഞ്ഞതോടെ അനുയായികൾ ആഘോഷം തുടങ്ങിയിട്ടുണ്ട്. ഇതിനിടയിൽ പ്രാഥമിക ഘട്ടത്തിൽ നെതന്യാഹുവിന് മുൻതൂക്കം ലഭിച്ചെങ്കിലും അദ്ദേഹത്തോട് രാഷ്ട്രീയത്തിൽ നിന്നും വിരമിക്കാൻ ഐസർകോട്ട് ആവശ്യപ്പെട്ടിട്ടുണ്ട്. ഇന്ന് പുലർഎസ് ടെൽ അവീവിലെ തന്റെ യഷാർ പാർട്ടി ആസ്ഥാനത്ത് അനുയായികളെ അഭിസംബോധന ചെയ്ത് സംസാരിക്കവെ ഇസ്രായേൽ ജനങ്ങൾ മാറ്റത്തിന് വേണ്ടിയാണ് വോട്ട് ചെയ്തതെന്നും വിപുലമായ ഒരു ഭരണ മുന്നണി തൻ രൂപീകരിക്കുമെന്നും ഐസർകോട്ട് പ്രഖ്യാപിച്ചിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Us Tariff on Russian Oil Buyers: റഷ്യയില്‍ നിന്ന് എണ്ണ വാങ്ങുന്ന രാജ്യങ്ങള്‍ക്ക് താത്കാലിക ആശ്വാസം

റഷ്യയുമായി ബന്ധപ്പെട്ട് വ്യാപാരം നടത്തുന്ന രാജ്യങ്ങൾക്ക് മുകളിൽ ചുമത്തിയിരുന്ന ഉപരോധങ്ങൾക്കും നിയന്ത്രണങ്ങൾക്കും യുഎസ് പ്രസിഡന്റ് ഡൊണാൾഡ് ട്രംപ് താൽക്കാലിക ഇളവ് നൽകി. റഷ്യയിൽ നിന്ന് എണ്ണയും വാതകവും വാങ്ങുന്ന ഇന്ത്യ, ചൈന തുടങ്ങിയ രാജ്യങ്ങൾക്ക് വലിയ ആശ്വാസം നൽകുന്നതാണ് ട്രംപിന്റെ തീരുമാനം. പ്രധാന താരിഫ് നടപടികൾ നിലവിൽ വരുന്നതിന് തൊട്ടുമുമ്പാണ് ട്രംപ് ഇതുസംബന്ധിച്ച എക്സിക്യൂട്ടീവ് ഉത്തരവിൽ ഒപ്പുവെച്ചത്. അമേരിക്കയുടെ ദേശീയ താൽപ്പര്യങ്ങൾ മുൻനിർത്തിയാണ് പുതിയ തീരുമാനമെന്ന് അദ്ദേഹം വ്യക്തമാക്കി. 'ലിൻഡ്സി ഒ. ഗ്രഹാം സാൻക്ഷണിങ് റഷ്യ ആൻഡ് ഇറാൻ ആക്ട് ഓഫ് 2026' (Lindsey O. Graham Sanctioning Russia and Iran Act of 2026) എന്ന നിയമത്തിൽ ട്രംപ് ഒപ്പുവെച്ച് ഒരു മാസം തികയുന്നതിന് മുമ്പാണ് നടപടി. റഷ്യയുടെ എണ്ണയും വാതകവും വാങ്ങുന്ന രാജ്യങ്ങളുടെ ഉൽപ്പന്നങ്ങൾക്ക് 100 ശതമാനം വരെ താരിഫ് ചുമത്താനുള്ള അധികാരം ഈ നിയമം യുഎസ് പ്രസിഡന്റിന് നൽകിയിരുന്നു. പുതിയ ഉത്തരവിലൂടെ നിയമത്തിലെ ചില കടുത്ത വ്യവസ്ഥകൾ മാത്രമാണ് താൽക്കാലികമായി നിർത്തിവെച്ചിരിക്കുന്നത്. എന്നാൽ റഷ്യക്കെതിരെയുള്ള എല്ലാ ഉപരോധങ്ങളും പൂർണ്ണമായി എടുത്തുകളഞ്ഞിട്ടില്ല. റഷ്യയിൽ നിന്ന് വാതകം വാങ്ങുന്ന രാജ്യങ്ങളെ അമേരിക്ക കർശനമായി നിരീക്ഷിച്ചുകൊണ്ടിരിക്കുകയാണ്. റഷ്യ- ഉക്രെയ്ൻ യുദ്ധത്തോടുള്ള ട്രംപിന്റെ സമീപനത്തില്‍ മാറ്റം വന്നുകൊണ്ടിരിക്കുന്ന സാഹചര്യത്തിലാണ് പുതിയ തീരുമാനം വന്നിരിക്കുന്നത്. റഷ്യൻ പ്രസിഡന്റ് വ്ലാഡിമി‌ർ പുടിനുമായി ട്രംപ് ചർച്ചകൾ നടത്തിവരികയാണ്. മാത്രമല്ല ഉക്രെനിയൻ പ്രസിഡന്റ് വ്ലാഡിമർ സെലെൻസ്കിയെ ട്രംപ് പരസ്യമായി വിമർശിക്കുകയും അദ്ദേഹത്തിന്റ നേതൃത്വത്തെ ചോദ്യം ചെയ്യുകയും ചെയ്തിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

ഒമാനിൽ എണ്ണ ടാങ്കറിന് നേരെ ഡ്രോൺ ആക്രമണം, 2 ഇന്ത്യൻ നാവികരെ കാണാനില്ല, അപലപിച്ച് വിദേശകാര്യ മന്ത്രാലയം

ദുബായ്: ഒമാനിലെ സോഹർ ആങ്കറേജിൽ കപ്പലിന് നേരെ വീണ്ടും ആക്രമണം. ആക്രമണം നടന്നത് 11 ഇന്ത്യൻ ജീവനക്കാരുമായി സഞ്ചരിച്ച നിക്കരാഗ്വ പതാകയേന്തിയ ടാങ്കർ എംടി പെട്രോ ഡോൾഫിൻ എന്ന കപ്പലിലാണ്. ആക്രമണത്തിൽ രണ്ട് ഇന്ത്യൻ നാവികരെ കാണാതായി. 11 പേരിൽ 9 ഇന്ത്യൻ നാവികരെ രക്ഷപ്പെടുത്തിയതായും അവർ സുരക്ഷിതരാണെന്നും കേന്ദ്ര തുറമുഖ, ഷിപ്പിംഗ്, ജലഗതാഗത മന്ത്രി സർബാനന്ദ സോനോവാൾ അറിയിച്ചു. സംഭവത്തിൽ അന്വേഷണം നടത്തുന്നതായി ഒമാനിലെ ഇന്ത്യൻ എംബസി അറിയിച്ചിട്ടുണ്ട്. ഇന്ത്യന്‍ ജീവനക്കാരുമായി സഞ്ചരിച്ച കപ്പലിന് നേരെ സോഹാര്‍ ആങ്കറേജില്‍ വെച്ച് ഡ്രോണ്‍ ആക്രമണമുണ്ടായതായി മന്ത്രി സര്‍ബാനന്ദ സോനോവാള്‍ എക്‌സിലൂടെയാണ് അറിയിച്ചിരിക്കുന്നത്. പ്രാദേശിക കോസ്റ്റ് ഗാര്‍ഡിന്റെ നേതൃത്വത്തില്‍ തിരച്ചിലും രക്ഷാപ്രവര്‍ത്തനവും നടന്നുവരികയാണെന്നും ഇന്ത്യക്കാരെ കണ്ടെത്തുന്നതിനായുള്ള രക്ഷാപ്രവര്‍ത്തനങ്ങളെ പൂര്‍ണമായി പിന്തുണയ്ക്കുന്നതിനും ആവശ്യമായ എല്ലാ നടപടികളും ഉറപ്പാക്കുന്നതിനും ബന്ധപ്പെട്ട എല്ലാ അധികാരികളുമായി നിരന്തരം ഏകോപനം നടത്തിവരികയാണെന്നും മന്ത്രി എക്‌സിലൂടെ അറിയിച്ചിട്ടുണ്ട്. ഒപ്പം കാണാതായവരെ കണ്ടെത്താന്‍ ബന്ധപ്പെട്ട അധികാരികളുമായി നിരന്തരം സമ്പര്‍ക്കം പുലര്‍ത്തുന്നുണ്ടെന്ന് ഒമാൻ എംബസിയും അറിയിച്ചിട്ടുണ്ട്.

Flydubai Cockpit Attack: ഫ്ലൈ ദുബായ് വിമാനം ഹൈജാക്ക്: വെടിവെച്ചിടാൻ തയ്യാറെടുത്ത് ഇസ്രായേൽ, വൻദുരന്തം ഒഴിവായത് തലനാരിഴയ്ക്ക്

ഇസ്രായേലിലേക്ക് പുറപ്പെട്ട ഫ്ലൈ ദുബായ് (flydubai) വിമാനത്തിൽ നിന്ന് ഹൈജാക്ക് സന്ദേശം ലഭിച്ചയുടനെ വിമാനത്തെ വെടിവെച്ചിടാൻ ഇസ്രായേൽ അധികൃതർ തയ്യാറെടുത്തിരുന്നതായി റിപ്പോർട്ട്. ടെൽ അവീവ് വളരെക്കാലമായി 9/11 സമാനമായ ഒരു സാഹചര്യം പ്രതീക്ഷിക്കുന്നുണ്ടായിരുന്നു. ഇത്തരം ഒരു സാഹചര്യത്തെ എങ്ങനെ നേരിടാം എന്നും അവർ പരിശീലിച്ചിരുന്നു. കമാൻഡ് സെന്റർ രൂപീകരിച്ചു ഫ്ലൈ ദുബായ് വിമാനം ഏകദേശം 18,000 അടി താഴേക്ക് പെട്ടെന്ന് കൂപ്പുകുത്തിയപ്പോൾ തന്നെ ഇസ്രായേലി വ്യോമസേന കോക്ക്പിറ്റുമായി ബന്ധപ്പെടാൻ ശ്രമിച്ചെങ്കിലും സാധിച്ചിരുന്നില്ല. ഉടൻ തന്നെ മുൻകൂട്ടി നിശ്ചയിച്ച കമ്മിറ്റി യോഗം ചേർന്ന് ഒരു കമാൻഡ് സെന്റർ സ്ഥാപിച്ചു. വിമാനം വെടിവെച്ചിടാനുള്ള എല്ലാ ക്രമീകരണങ്ങളും സജ്ജമാക്കിയിരുന്നു. ഇസ്രായേലി വ്യോമാതിർത്തി അടയ്ക്കുകയും ഫൈറ്റർ ജെറ്റുകളെ ഉടൻ തന്നെ പറത്തിവിടുകയും ചെയ്തു. എന്നാൽ ഇസ്രായേൽ അതിർത്തിയിലേക്ക് വിമാനം എത്തുന്നതിന് പകരം സൗദി അറേബ്യയിലേക്ക് തിരിയുന്നതായി ഇസ്രായേൽ കണ്ടെത്തി. അപ്പോഴേക്കും സൗദി അറേബ്യയും തങ്ങളുടെ യുദ്ധവിമാനങ്ങൾ അയച്ചിരുന്നു. ഇസ്രായേൽ തുടർച്ചയായി കോക്ക്പിറ്റുമായി ബന്ധപ്പെടാൻ ശ്രമിക്കുന്നുണ്ടായിരുന്നു. ഒടുവിലാണ് വിമാനത്തിലുണ്ടായ യഥാർത്ഥ കാര്യങ്ങളെക്കുറിച്ച് അറിയാൻ സാധിച്ചത്. യാത്രക്കാർ ആക്രമണകാരിയെ കീഴടക്കിയെന്നും ഡ്യൂട്ടിയിലില്ലാത്ത രണ്ട് പൈലറ്റുമാർ വിമാനത്തിന്റെ നിയന്ത്രണം ഏറ്റെടുത്ത് സൗദി അറേബ്യയിലേക്ക് നീങ്ങുകയാണെന്നും സന്ദേശം ലഭിച്ചു. ഇസ്രായേൽ വിമാനം വെടിവെച്ചിടുമോ? ഹൈജാക്കിംഗ് സാഹചര്യമുണ്ടായാൽ അത് നേരിടാനുള്ള കൃത്യമായ പ്രോട്ടോക്കോള്‍ ഇസ്രായേലിനുണ്ട്. ഹൈജാക്ക് ചെയ്യപ്പെട്ടതായി സംശയിക്കുന്ന ഒരു വിമാനം ഇസ്രായേൽ പെട്ടെന്ന് വെടിവെച്ചിടില്ല. ഗ്രൗണ്ട് കമാൻഡിന് കോക്ക്പിറ്റുമായി ബന്ധപ്പെടാൻ സാധിച്ചില്ലെങ്കിൽ, വിമാനം നിശ്ചിത ദൂരത്തേക്ക് അടുക്കുമ്പോൾ വ്യോമസേനയുടെ യുദ്ധവിമാനങ്ങൾ അയച്ച് നേരിട്ട് സാഹചര്യം നിരീക്ഷിക്കും. യുദ്ധവിമാനങ്ങളുടെ പൈലറ്റുമാർ കോക്ക്പിറ്റ് പരിശോധിക്കാൻ കഴിയുന്നത്ര അടുത്തേക്ക് പോയി സ്ഥിതിഗതികൾ വിലയിരുത്തും. അതുപോലെ ക്യാബിനുള്ളിലെ യാത്രക്കാരുടെ അവസ്ഥയും അവർ വിലയിരുത്തും. വിമാനം ഹൈജാക്ക് ചെയ്യപ്പെട്ടതാണെന്നും ഹൈജാക്കാർ റേഡിയോ വഴി ബന്ധപ്പെടുകയോ ആവശ്യങ്ങൾ ഉന്നയിക്കുകയോ ചെയ്യുന്നില്ലെന്ന് ഉറപ്പുവരുത്തിയാൽ മാത്രമേ കമ്മിറ്റി പ്രതിരോധ മന്ത്രിയുമായും പ്രധാനമന്ത്രിയുമായും ചർച്ച ചെയ്ത് അന്തിമ തീരുമാനമെടുക്കൂ. എന്നാൽ നടപടിക്രമങ്ങൾ പുരോഗമിക്കുമ്പോൾ തന്നെ വിമാനം സൗദിയിലേക്ക് പോവുകയും കോക്ക്പിറ്റിൽ നിന്ന് സന്ദേശം ലഭിക്കുകയും ചെയ്തു. ഇസ്രായേലിന്റെ നയം ഇസ്രായേലിന്റെ പ്രോട്ടോക്കോൾ പ്രകാരം ഇസ്രായേലിനടുത്തേക്ക് വരുന്ന സംശയാസ്പദമായതോ നിയന്ത്രണാതീതമായതോ ആയ ഏതൊരു വിമാനവും ആകാശത്തുവെച്ച് വെടിവെച്ചിടും. പക്ഷെ ഇക്കാര്യത്തിൽ അന്തിമ തീരുമാനം എടുക്കേണ്ടത് ഇസ്രായേൽ പ്രധാനമന്ത്രിയാണ്. ഹൈജാക്ക് ചെയ്ത വിമാനം ഇസ്രായേലിന്റെ പ്രധാന കെട്ടിടങ്ങളിലേക്കും വിമാനത്താവളങ്ങളിലേക്കും 9/11 മാതൃകയിൽ ഇടിച്ചിറക്കിയാൽ ആയിരക്കണക്കിന് ആളുകൾക്ക് ജീവൻ നഷ്ടപ്പെടും. അതിനേക്കാൾ ഭേദം, വിമാനത്തിലെ യാത്രക്കാരുടെ ജീവൻ നഷ്ടപ്പെടുമെങ്കിലും ആകാശത്തുവെച്ചുതന്നെ വിമാനം നശിപ്പിച്ച് വലിയൊരു ദുരന്തം ഒഴിവാക്കുന്നതാണെന്നാണ് ഇസ്രായേൽ വിശ്വസിക്കുന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Strait Of Hormuz: ഹോർമുസിൽ ഇന്ധന ടാങ്കറിന് നേരെ മിസൈൽ ആക്രമണം; 11 ഇന്ത്യക്കാർ ഉൾപ്പെടെ 12 നാവികർക്ക് പരിക്ക്

പശ്ചിമേഷ്യയിൽ യുദ്ധസമാന സാഹചര്യം രൂക്ഷമാകുന്നതിനിടെ ഹോർമുസ് കടലിടുക്കിൽ വീണ്ടും വിദേശ ഇന്ധന ടാങ്കറിന് നേരെ മിസൈൽ ആക്രമണം. ഒമാൻ തീരത്തിന് സമീപത്തുവെച്ചുണ്ടായ ആക്രമണത്തിൽ 12 നാവികർക്ക് പരിക്കേറ്റു. ഇതിൽ 11 പേരും ഇന്ത്യൻ പൗരന്മാരാണെന്ന് സ്ഥിരീകരിച്ചിട്ടുണ്ട്. പനാമ പതാക വഹിച്ചുള്ള 'എംടി ഓൺ പീസ്' എന്ന വാണിജ്യ കപ്പലിന് നേരെയാണ് ആക്രമണമുണ്ടായത്. കപ്പലിലെ 19 ജീവനക്കാരിൽ 17 പേരും ഇന്ത്യക്കാരായിരുന്നു. പരിക്കേറ്റ 12 പേരിൽ 11 പേരും ഇന്ത്യൻ പൗരന്മാരാണ്. ഇവരെ ഒമാൻ നാവികസേനയുടെ സഹായത്തോടെ അൽ കസബയിലെത്തിച്ച് പ്രാദേശിക ആശുപത്രിയിൽ അടിയന്തര ചികിത്സ ഉറപ്പാക്കിയതായി മസ്കറ്റിലെ ഇന്ത്യൻ എംബസി അറിയിച്ചു. കപ്പലിന് നേരെ ഉണ്ടായ ആക്രമണത്തെ ഇന്ത്യ ശക്തമായി അപലപിച്ചു. നാവികരെ വേഗത്തിൽ ഒഴിപ്പിക്കാൻ സഹായിച്ച ഒമാൻ അധികൃതർക്ക് വിദേശകാര്യ മന്ത്രാലയം നന്ദി അറിയിച്ചു. അന്താരാഷ്ട്ര സമുദ്രപാതകളിലെ വാണിജ്യ കപ്പലുകൾക്കും നാവികർക്കും നേരെയുണ്ടാകുന്ന ഇത്തരം ആക്രമണങ്ങൾ അതീവ ആശങ്കാജനകമാണെന്ന് വക്താവ് രൺധീർ ജയ്‌സ്വാൾ വ്യക്തമാക്കി. ഇത്തരം നടപടികൾ ഉടനടി അവസാനിപ്പിക്കണമെന്നും സമുദ്ര വാണിജ്യ ഗതാഗതം പുനഃസ്ഥാപിക്കണമെന്നും ഇന്ത്യ ആവശ്യപ്പെട്ടു. അതേസമയം ഹോർമുസ് തീരത്ത് ഇറാൻ സുരക്ഷ കൂട്ടിയിട്ടുണ്ട്. അമേരിക്ക ഇനി ആക്രമണത്തിന് മുതിർന്നാൽ വലിയ തിരിച്ചടി നേരിടേണ്ടി വരുമെന്നും അത് വൻ നാശത്തിന് കാരണമാകുമെന്നും ഇറാൻ നാഷണൽ സെക്യൂരിറ്റി കമ്മിഷൻ ചെയർമാൻ ഇബ്രാഹിം അസീസി പറഞ്ഞു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Russia-Ukraine Conflict: യുക്രെയ്നിലെ ഇന്ത്യൻ മരുന്ന് കമ്പനിക്ക് നേരെ റഷ്യൻ ആക്രമണം; ഒരാൾ കൊല്ലപ്പെട്ടു, വൻ നാശഷ്ടം

കീവ്: യുക്രെയ്നിലെ ഇന്ത്യൻ ഫാർമസ്യൂട്ടിക്കൽ പ്ലാന്റിന് നേരെ റഷ്യൻ ഡ്രോൺ ആക്രമണം. മലയാളി വ്യവസായിയുടെ ഉടമസ്ഥതയിലുള്ള പ്രമുഖ മരുന്ന് കമ്പനിക്ക് നേരെയുണ്ടായ ആക്രമണത്തിൽ ഒരാൾ കൊല്ലപ്പെട്ടു. നിരവധി പേർക്ക് പരിക്കേൽക്കുകയും ചെയ്തു. സുമിയിൽ പ്രവർത്തിക്കുന്ന കുസും ഗ്രൂപ്പിന്റെ മരുന്ന് നിർമാണ കമ്പനിക്ക് നേരെയാണ് ആക്രമണമുണ്ടായത്. ഡ്രോൺ ആക്രമണത്തിൽ പ്ലാന്റ് പൂർണമായും തകർന്നു. 400 കോടി രൂപയിലധികം സാമ്പത്തിക നഷ്ടം സംഭവിച്ചതായാണ് പ്രാഥമിക വിവരം. മരണസംഖ്യ ഇനിയും ഉയരാൻ സാധ്യതയുണ്ടെന്ന് അധികൃതർ വ്യക്തമാക്കി. ഇന്ത്യയിൽ നിന്നുള്ള മരുന്നുകൾ യുക്രെയ്നിലേക്ക് കയറ്റി അയക്കുന്ന പ്രമുഖ ഫാർമസ്യൂട്ടിക്കൽ കമ്പനിയായ കുസും ഗ്രൂപ്പ് 1994-ലാണ് പ്രവർത്തനം ആരംഭിച്ചത്. ഇന്ത്യൻ വ്യവസായിയായ രാജീവ് ഗുപ്തയാണ് കമ്പനിയുടെ തലവൻ. മറ്റ് കമ്പനികളുടെ മരുന്നുകൾ വിതരണം ചെയ്തുകൊണ്ട് തുടക്കമിട്ട സ്ഥാപനം, 2002 മുതൽ സ്വന്തമായി മരുന്ന് നിർമാണ രംഗത്തേക്ക് കടക്കുകയായിരുന്നു. 2007-ൽ ഇന്ത്യയിലും 2009-ൽ യുക്രെയ്നിലും കമ്പനി നിർമാണ പ്ലാന്റുകൾ സ്ഥാപിച്ചു. നിലവിൽ ഇന്ത്യയിൽ മൂന്ന് പ്ലാന്റുകളാണ് കുസും ഗ്രൂപ്പിനുള്ളത്. 50-ലധികം ജനറിക് മരുന്നുകൾ നിർമിച്ച് ഒൻപത് രാജ്യങ്ങളിലേക്ക് കയറ്റുമതി ചെയ്യുന്നുണ്ട്. ഇതിൽ യുക്രെയ്ൻ, ഉസ്ബെക്കിസ്ഥാൻ, കസാക്കിസ്ഥാൻ, ഫിലിപ്പീൻസ് എന്നിവയാണ് കമ്പനിയുടെ പ്രധാന വിപണികൾ. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

അസാധാരണ ധീരത; ഇന്ത്യക്കാരനായ പൈലറ്റിനെ അഭിനന്ദിച്ച് ഇസ്രയേൽ പ്രധാനമന്ത്രി

ടെൽ അവീവ്: ഫ്ലൈദുബായ് യാത്രാവിമാനം സഹപൈലറ്റ് തകർക്കാൻ ശ്രമിച്ചപ്പോഴും ധൈര്യം വെടിയാതെ വിമാനം സുരക്ഷിതമാക്കിയ ഇന്ത്യക്കാരനായ പൈലറ്റ് സ്മിത്ത് മച്ഛാറിനെ അഭിനന്ദിച്ചു കൊണ്ട് ഇസ്രായേൽ പ്രധാനമന്ത്രി രംഗത്ത്. വിമാനത്തിനുള്ളിലെ അക്രമണത്തിൽ ഗുരുതരമായി പരിക്കേറ്റിട്ടും 180 ലേറെ യാത്രക്കാരുടെ ജീവൻ രക്ഷിച്ച പൈലറ്റ് സ്മിത്ത് മച്ഛാറിന്റെ ഇടപെടലിനെ അസാമാന്യ ധൈര്യം എന്നാണ് ഇസ്രയേൽ പ്രധാനമന്ത്രി വിശേഷിപ്പിച്ചത്. അദ്ദേഹത്തിൻറെ അസാമാന്യ ധൈര്യവും സമയോചിതമായ ഇടപെടലുമാണ് വൻ ദുരന്തം ഒഴിവാക്കിയതെന്നാണ്‌ നെതന്യാഹു പറഞ്ഞത്. പൈലറ്റിന്റെ ധൈര്യത്തെ അഭിവാദ്യം ചെയ്തുകൊണ്ടും സ്സ്മിത് മച്ഛാറിനെ പേരെടുത്തു പറഞ്ഞുമാണ് നെതന്യാഹു അഭിനന്ദിച്ചത്. അസാമാന്യ ധൈര്യം കാണിച്ച ഇന്ത്യന്‍ പൈലറ്റ് ക്യാപ്റ്റന്‍ സ്മിത് മച്ഛാറിന് എന്റെ സല്യൂട്ട്. കുത്തേറ്റ് ഗുരുതര പരിക്കേറ്റിട്ടും അദ്ദേഹം പ്രതിരോധിക്കുകയും കോക്ക്പിറ്റ് വാതില്‍ തുറന്ന് നല്‍കുകയും ചെയ്തു. ഇതോടെ യാത്രക്കാര്‍ക്കും ജീവനക്കാര്‍ക്കും അക്രമിയെ കീഴടക്കാന്‍ സാധിച്ചു. വലിയ വ്യോമ ദുരന്തമാണ് ഇതിലൂടെ ഒഴിവായത് എന്നായിരുന്നു നെതന്യാഹു എക്‌സില്‍ കുറിച്ചത്. ക്യാപ്റ്റന്‍ സ്മിത് മച്ഛാര്‍ യഥാര്‍ത്ഥ നായകനാണെന്ന് വിശേഷിപ്പിച്ച നെതന്യാഹു അദ്ദേഹം എത്രയും വേഗം സുഖം പ്രാപിക്കട്ടെയെന്നും ആശംസിക്കുകയും ചെയ്തു. ദുബൈയില്‍ നിന്ന് ടെല്‍ അവീവിലേക്ക് പറന്ന ഫ്‌ളൈദുബായ് വിമാനത്തിൽ ഇന്നലെയായിരുന്നു സംഭവം നടന്നത്. സഹപൈലറ്റിന്റെ കുത്തേറ്റ് ഗുരുതര പരിക്കേറ്റ ശേഷവും ക്യാപ്റ്റന്‍ സ്മിത് മച്ഛാര്‍ പ്രതിരോധിക്കുകയും കോക്ക്പിറ്റിന്റെ വാതില്‍ തുറന്നുകൊടുക്കുകയും ചെയ്തത് യാത്രക്കാര്‍ക്കും ജീവനക്കാര്‍ക്കും ഉള്ളിലേക്ക് കടന്ന് അക്രമിയെ കീഴ്‌പ്പെടുത്താന്‍ സാധിച്ചു. വാണിജ്യ വിമാനങ്ങള്‍ പറത്തുന്നതില്‍ 13 വര്‍ഷത്തിലേറെ പരിചയസമ്പത്തുള്ള ആളാണ് സ്മിത് മച്ഛാർ. സ്‌പൈസ് ജെറ്റില്‍ 10 വര്‍ഷത്തോളം സീനിയര്‍ കമാന്‍ഡറായും ലൈന്‍ ട്രെയിനിങ് ക്യാപ്റ്റനായും സേവനമനുഷ്ഠിച്ച അദ്ദേഹം 2022 ജൂണിലാണ് ഫ്‌ളൈദുബായില്‍ എത്തിയത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

വിമാനത്തിൽ സഹ പൈലറ്റ് ക്യാപ്റ്റനെ കുത്തിയ സംഭവം; ഭീകരാക്രമണ ശ്രമമെന്ന് ഇസ്രയേൽ

ജറുസലേം: 174 യാത്രാക്കാരുമായി ഇന്നലെ ദുബായിൽ നിന്നും ടെൽ അവീവിലേക്ക് പറന്നുയർന്ന ഫ്ലൈദുബായ് വിമാനത്തിൽ സംഭവിച്ചത് ഭീകരാക്രമണ ശ്രമമെന്ന് ഇസ്രായേൽ. ഇന്ത്യക്കാരനായ ക്യാപ്റ്റനും ഒമാൻ പൗരനായ സഹപൈലറ്റും തമ്മിലുള്ള സംഘർഷം കത്തികുത്തിലാണ് അവസാനിച്ചത്. ഇന്ത്യൻ ക്യാപ്റ്റൻ സ്മിത്ത് മച്ഛാറിനെ ഒമാനി പൈലറ്റ് കുത്തിപ്പരുക്കേൽപിച്ചതിനെ തുടർന്ന് വിമാനം സൗദിയിൽ അടിയന്തരലാൻഡിങ് നടത്തി. സംഭവത്തിൽ യാത്രക്കാരെല്ലാം സുരക്ഷിതരാണ്. ഇസ്രയേലിനു സമീപമെത്തിയപ്പോൾ പൈലറ്റുമാരിലൊരാൾ സഹ പൈലറ്റിനെ കുത്തിയെന്നും വിമാനം തകർന്ന് യാത്രക്കാരെയെല്ലാം കൊലപ്പെടുത്താൻ ശ്രമം നടത്തിയെന്നുമാണ് വീഡിയോ സന്ദേശത്തിൽ ഇസ്രായേൽ പ്രധാനമന്ത്രി നെതന്യാഹു ആരോപിച്ചത്. സംഭവത്തെ തുടർന്ന് പൈലറ്റിനെ ആക്രമിച്ച സഹപൈലറ്റായ ഒമാൻ സ്വദേശിയെ അറസ്റ്റ് ചെയ്തെന്നും സൗദി അധികൃതർ ചോദ്യം ചെയ്യുകയാണെന്നുമാണ് റിപ്പോർട്ട്. വൻ ദുരന്തം ഒഴിവായത് വിമാനത്തിന്റെ പിൻസീറ്റിലുണ്ടായിരുന്ന മറ്റു 2 പൈലറ്റുമാരുടെയും യാത്രക്കാരുടെയും അവസരോചിതമായ ഇടപെടലിലൂടെയാണ്. സംഭവത്തെ തുടർന്ന് അപായ സിഗ്നൽ നൽകി സൗദിയിലെ തബൂക്കിലുള്ള പ്രിൻസ് സുൽത്താൻ ബിൻ അബ്ദുൽഅസീസ് വിമാനത്താവളത്തിൽ അടിയന്തര ലാൻഡിങ് നടത്തുകയായിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Pakistan Crisis: 'കടകളും മാളുകളും രാത്രി 9 മണിക്ക് അടയ്ക്കണം, വിവാഹങ്ങളിൽ ഒരു വിഭവം മാത്രം' - കടുത്ത പ്രതിസന്ധിയില്‍ പാകിസ്ഥാന്‍

പശ്ചിമേഷ്യൻ സംഘർഷങ്ങളെ തുടർന്നുണ്ടായ പാകിസ്ഥാനിലെ ഊർജ്ജക്ഷാമത്തെയും ഇന്ധന പ്രതിന്ധിയെയും നേരിടാൻ സർക്കാർ കടുത്ത സാമ്പത്തിക ചുരുക്കൽ നടപടികളിലേക്ക് കടന്നു. ഇതിന്റെ ഭാഗമായി കടകളും മാളുകളും രാത്രി 9 മണിക്ക് അടയ്ക്കണമെന്നും വിവാഹങ്ങളിൽ ഒരു വിഭവം മാത്രമേ വിളമ്പാവൂ എന്നും ഉത്തരവിട്ടു. പാകിസ്ഥാനിൽ പെട്രോളിന് ലിറ്ററിന് 4.10 രൂപ വർദ്ധിച്ച് 384.34 (132.74 ഇന്ത്യൻ രൂപ) പാകിസ്ഥാൻ രൂപയിലെത്തി നിൽക്കുകയാണ്. ഹൈ-സ്പീഡ് ഡീസൽ ലിറ്ററിന് 6.41 രൂപ വർദ്ധിച്ച് 415.83 (143.62 ഇന്ത്യൻ രൂപ) പാകിസ്ഥാൻ രൂപയായി. എൽഎൻജി (LNG) വിതരണത്തിലുണ്ടായ കുറവും ആഗോളതലത്തിൽ ഇന്ധന വില വർദ്ധിച്ചതും പാകിസ്ഥാനിൽ പെട്രോൾ, ഡീസൽ നിരക്കുകൾ കുത്തനെ ഉയർത്താൻ കാരണമായത്. മാർച്ചിൽ യുഎസ്-ഇറാൻ സംഘർഷത്തിന്റെ പശ്ചാത്തലത്തിൽ സമാനമായ രീതിയിൽ സ്കൂളുകൾക്ക് അവധി നൽകിയും, സർക്കാർ ജീവനക്കാരുടെ ഇന്ധന ഉപയോഗം വെട്ടിക്കുറച്ചും പാകിസ്ഥാൻ പ്രതിസന്ധിയെ പ്രതിരോധിച്ചിരുന്നു. നിലവിലെ വിജ്ഞാപനപ്രകാരം ഫെഡറൽ ജീവനക്കാരുടെ വിദേശ യാത്രകൾക്ക് മൂന്ന് മാസത്തെ വിലക്കും, അത്യാവശ്യ ഘട്ടങ്ങളിൽ മന്ത്രിമാർക്കും ഉദ്യോഗസ്ഥർക്കും ഇക്കോണമി ക്ലാസ് യാത്രാ അനുമതിയും ഉൾപ്പെടെയുള്ള കർശന നിർദ്ദേശങ്ങളാണ് നടപ്പിലാക്കിയിരിക്കുന്നത്. വിവാഹ ഹാളുകളും ആഘോഷ സ്ഥലങ്ങളും രാത്രി 10 മണിക്ക് ശേഷവും, റെസ്റ്റോറന്റുകളും കഫേകളും രാത്രി 11 മണിക്ക് ശേഷവും പ്രവർത്തിക്കാൻ പാടില്ല. സർക്കാർ വകുപ്പുകൾ പുതിയ വാഹനങ്ങൾ വാങ്ങുന്നത് പൂർണ്ണമായി നിരോധിച്ചു. ഔദ്യോഗിക ആവശ്യങ്ങൾക്കുള്ള സർക്കാർ വാഹനങ്ങളുടെ ഇന്ധന ഉപയോഗം 50% ആയി കുറച്ചു. സായുധ സേന, അർദ്ധസൈനിക വിഭാഗങ്ങൾ, നിയമപാലകർ, അവശ്യ സേവനങ്ങൾ, ഫെഡറൽ ബോർഡ് ഓഫ് റെവന്യൂ (FBR) എന്നിവയുടെ വാഹനങ്ങളെ ഇന്ധന നിയന്ത്രണത്തിൽ നിന്ന് ഒഴിവാക്കിയിട്ടുണ്ട്. എന്നാൽ ഈ സംഘടനകളുടെ ഭരണപരവും പ്രവർത്തനരഹിതവുമായ വിഭാഗങ്ങൾക്ക് ഇന്ധന വെട്ടിക്കുറയ്ക്കൽ ബാധകമായിരിക്കും. അതേസമയം, ഫാർമസികൾ, ആശുപത്രികൾ, പെട്രോൾ-സിഎൻജി പമ്പുകൾ, ഐടി കമ്പനികൾ, കോൾ സെന്ററുകൾ, ജിമ്മുകൾ തുടങ്ങിയ അവശ്യ സേവനങ്ങളെ ഈ സമയപരിധി നിയന്ത്രണങ്ങളിൽ നിന്ന് ഒഴിവാക്കിയിട്ടുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Harry and Meghan Return: 'ഹാരിയും മേഗനും രാജകുടുംബാംഗങ്ങളല്ല', സ്വകാര്യ വ്യക്തികളാണെന്ന് കിങ് ചാൾസ്

ബ്രിട്ടണിലെ രാജകീയ കുടുംബത്തിലെ അസ്വാരസ്യങ്ങൾ വീണ്ടും മറ നീക്കി പുറത്തുവരുന്നു. പ്രിന്‍സ് ഹാരിയും ഭാര്യ മേഗനും രാജകുടുംബത്തിലെ അംഗങ്ങളല്ലെന്ന് കിങ് ചാള്‍സ്. ഇരുവരും സ്വകാര്യ വ്യക്തികളാണെന്ന് കാണിച്ച് കിങ് ചാള്‍സ് ഹാരിക്കും മേഗനും കത്ത് അയച്ചു. രാജകുടുംബവുമായുള്ള അകൽച്ചയ്ക്ക് പിന്നാലെ ഔദ്യോഗിക ചുമതലകളിൽ നിന്ന് പിൻമാറി കഴിഞ്ഞ ആറ് വർഷമായി ഹാരിയും മേഗനും യുഎസിലാണ് താമസം. എന്നാൽ കഴിഞ്ഞ മാസമാണ് ഇരുവരും തങ്ങളുടെ രണ്ട് കുട്ടികൾക്കൊപ്പം ബ്രിട്ടനിലേക്ക് തിരിച്ചെത്തിയത്. ഹാരിയുടെയും മേഗന്റെയും തിരിച്ചുവരവ് കൊട്ടരത്തിലുള്ളവർക്കും കിങ് ചാൾസിനും വലിയ ഞെട്ടലായിരുന്നു. ഇതിന് പിന്നാലെയാണ് ഇവർ കൊട്ടാരത്തിലെ സജീവ അംഗങ്ങളല്ലെന്ന് വ്യക്തമാക്കി ചാൾസ് കത്ത് കൈമാറിയത്. കത്തില്‍ പറയുന്നത് പ്രകാരം 2020 ൽ എലിസബത്ത് രാജ്ഞിയുമായി ഒപ്പുവെച്ച കരാറിൽ സാമ്പത്തിക സ്വാതന്ത്യത്തിനും സ്വകാര്യതയ്ക്കും ദമ്പതികൾക്ക് അവകാശമുണ്ട്. ഡ്യൂക്ക് ഓഫ് സസെക്സ്, ഡച്ചസ് ഓഫ് സസെക്സ് എന്ന നിലവിലെ പദവിയില്‍ യാതൊരു മാറ്റവുമില്ല. ജീവകാരുണ്യ പ്രവര്‍ത്തനങ്ങള്‍ വ്യക്തിപരമാണെന്നും കത്തില്‍ ഓര്‍മപ്പെടുത്തുന്നുണ്ട്. കൊട്ടാരത്തില്‍ നിന്ന് മാറിനിന്നിട്ടും ദമ്പതികള്‍ വാര്‍ത്തകളിലെ നിറസാന്നിധ്യമാണ്. രാജകുടുംബം തങ്ങളെ അവഗണിച്ചെന്നും, ടാബ്ലോയ്ഡ് മാധ്യമങ്ങള്‍ തന്റെ ജീവിതം തകര്‍ത്തെന്നും, നാട്ടിലേക്ക് മടങ്ങാന്‍ ആവശ്യമായ പോലീസ് സുരക്ഷ സര്‍ക്കാര്‍ നല്‍കിയില്ലെന്നും ഹാരി ആരോപിച്ചിരുന്നു. ഹാരിയുടെയും മേഗന്റെയും മക്കളായ പ്രിൻസ് ആർച്ചി, പ്രിൻസസ് ലിലിബറ്റ് എന്നിവരുടെ വിദ്യാഭ്യാസവും തന്റെ മക്കൾ കുടുംബവുമായി കൂടുതൽ അടുക്ക ബന്ധം സ്ഥാപിക്കണമെന്നും ഹാരി ആഗ്രഹിക്കുന്നുണ്ട്. മാത്രമല്ല കാൻസർ ബാധിതനായ തന്റെ പിതാവ് കിംഗ് ചാൾസിനൊപ്പം കൂടുതൽ സമയം ചെലവഴിക്കാൻ ഹാരി ആഗ്രഹിക്കുന്നുണ്ട്. കൂടാതെ യുകെ കേന്ദ്രീകരിച്ചുള്ള ജീവകാരുണ്യ പ്രവർത്തനങ്ങളുമാണ് ഹാരിയുടെ ലക്ഷ്യം. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Nepal Flood: ചൈന-നേപ്പാൾ അതിർത്തിയിൽ മിന്നൽ പ്രളയം, ഭീകരത വ്യക്തമാക്കുന്ന സിസിടിവി ദൃശ്യങ്ങൾ പുറത്ത്

ചൈന-നേപ്പാൾ അതിർത്തി മേഖലയിലുണ്ടായ മിന്നൽ പ്രളയത്തിന്റെ ഭീകരത വ്യക്തമാക്കുന്ന സിസിടിവി ദൃശ്യങ്ങൾ പുറത്തുവന്നു. തിബറ്റിലെ ഗ്യോറോങ് തുറമുഖത്തുനിന്നുള്ള ദൃശ്യങ്ങളാണ് പുറത്തുവന്നത്. ചെളിയും പാറകളുടെ അവശിഷ്ടങ്ങളും കുത്തിയൊഴുകി നേപ്പാളിന്റെ റാസുവ ജില്ലയിലേക്ക് ഇരച്ചുകയറുന്നതാണ് ദൃശ്യങ്ങളിലുള്ളത്. ഭോടെ കോശി നദിയിലൂടെ നേപ്പാളിലേക്ക് ഇരച്ചുകയറിയ പ്രളയം നദീതീരത്തുള്ള പല പ്രദേശങ്ങളെയും ബാധിച്ചു. ടിബറ്റ് അതിർത്തിയിലെ റാസുവ, ധാഡിങ് ജില്ലകളിലും, കാഠ്മണ്ഡുവിന് തെക്കുപടിഞ്ഞാറുള്ള നുവകോട്ടിലുമാണ് പ്രളയം കാര്യമായി ബാധിച്ചത്. സിസിടിവിയിലെ നേർക്കാഴ്ച ഗ്യോറോങ് തുറമുഖത്ത് ചെളിയും പാറകളും മറ്റ് അവശിഷ്ടങ്ങളുമായി വെള്ളം കുത്തിയൊഴുകിയെത്തുന്നത് ദൃശ്യങ്ങളിൽ കാണാം. പാർക്കിംഗ് സ്ഥലത്തേക്ക് ഇരച്ചുകയറിയ വെള്ളം വാഹനങ്ങളെ ഒഴുക്കിലാക്കി. ആളുകൾ ഓടിരക്ഷപ്പെടാൻ ശ്രമിക്കുന്നതിനിടെ നിമിഷങ്ങൾക്കകം പ്രളയം സ്ഥലത്തെ വിഴുങ്ങി. ആളുകൾക്ക് ചിന്തിക്കാൻ പോലും സമയം ലഭിക്കുന്നതിന് മുൻപേ പ്രളയം എത്തിയതിനാൽ പലർക്കും രക്ഷപ്പെടാൻ സമയം ലഭിച്ചില്ല. ടിബറ്റ് ഭാഗത്തുനിന്നെത്തിയ പ്രളയം രാവിലെ 9 മണിയോടെ ഭോടെ കോശി നദിയിലൂടെ നേപ്പാളിലേക്ക് പ്രവേശിച്ചെന്ന് ഉദ്യോഗസ്ഥർ അറിയിച്ചു. പ്രളയം ബാധിച്ച പ്രദേശത്തെ നാശനഷ്ടങ്ങളുടെ പൂർണ്ണമായ കണക്കുകൾ ഇനിയും തിട്ടപ്പെടുത്തിയിട്ടില്ല. നദീതീരത്തിനടുത്ത് താമസിക്കുന്ന ആളുകളോട് മാറിത്താമസിക്കാൻ പോലീസ് നിർദേശം നൽകി. യാത്രക്കാരെ കാണാനില്ല ദുരന്ത പ്രദേശത്തെ നിരവധി യാത്രക്കാരെ കാണാതായിട്ടുണ്ട്. നേപാൾ ടൂറിസം ബോർഡിന്റെ കണക്കുപ്രകാരം, പ്രളയം ബാധിച്ച പ്രദേശങ്ങളിൽ നിന്ന് 384 യാത്രക്കാരെ കാണാതായിട്ടുണ്ട്. ഈ സംഘത്തിൽ 291 വിദേശ പൗരന്മാരും 93 നേപാളി പൗരന്മാരും ഉൾപ്പെടുന്നു. കാണാതായ വിദേശ യാത്രക്കാരിൽ 105 ഇന്ത്യൻ വിനോദസഞ്ചാരികളും 37 പ്രവാസി ഇന്ത്യക്കാരും ഉൾപ്പെടുന്നു. അമേരിക്ക, മലേഷ്യ, യുകെ, ദക്ഷിണാഫ്രിക്ക, ഓസ്‌ട്രേലിയ, നെതർലാൻഡ്‌സ് എന്നീ രാജ്യങ്ങളിൽ നിന്നുള്ളവരും കാണാതായവരിൽ ഉൾപ്പെടുന്നു. കാണാതായ ഇന്ത്യൻ ടൂറിസ്റ്റുകളിൽ കുറഞ്ഞത് 59 പേർ കൈലാഷ് മാനസരോവർ യാത്രയുടെ ഭാഗമായി സഞ്ചരിച്ചവരാണ്. ഇന്ത്യയിലും മറ്റ് നിരവധി രാജ്യങ്ങളിലും നിന്നുള്ള സന്ദർശകരെ ആകർഷിക്കുന്ന ഒന്നാണ് കൈലാഷ് മാനസരോവർ തീർത്ഥാടന പാത. ടിബറ്റ് ഭാഗത്തേക്ക് യാത്ര ചെയ്യുന്നവർ ഉപയോഗിക്കുന്ന പ്രദേശത്താണ് പ്രളയമുണ്ടായത്. രക്ഷാപ്രവർത്തനം ശക്തമാക്കി പ്രളയബാധിത പ്രദേശങ്ങളിലേക്ക് നേപാൾ സൈന്യവും രക്ഷാപ്രവർത്തകരും ഹെലികോപ്റ്ററുകൾ ഉൾപ്പെടെയുള്ള സൗകര്യങ്ങളുമായി എത്തിയിട്ടുണ്ടെങ്കിലും റോഡുകൾ തകർന്നത് രക്ഷാപ്രവർത്തനം ദുസ്സഹമാക്കുന്നു. പുറത്തുവന്ന ദൃശ്യങ്ങൾ പ്രദേശത്തെ ഭീകരത വെളിപ്പെടുത്തുന്നതാണ്. ഭോടെ കോശി നദിക്കരയിലെ ജനവാസ മേഖലകളെയും അടിസ്ഥാന സൗകര്യങ്ങളെയും പ്രളയം ബാധിച്ചു. റാസുവ, ധാഡിങ്, നുവകോട്ട എന്നിവിടങ്ങളിലെ നാശനഷ്ടങ്ങൾ ഉദ്യോഗസ്ഥർ വിലയിരുത്തിവരികയാണ്. റോഡ് മാർഗ്ഗം എത്തിച്ചേരാൻ ബുദ്ധിമുട്ടുള്ള പ്രദേശങ്ങളിൽ കാണാതായവരെ കണ്ടെത്താനും നാശനഷ്ടങ്ങൾ തിട്ടപ്പെടുത്താനും ശ്രമിക്കുന്ന പ്രാദേശിക അധികാരികൾക്ക് ദുരന്തത്തിന്റെ വ്യാപ്തി വലിയ വെല്ലുവിളിയാണ് ഉയർത്തുന്നത്. തുടർച്ചയായ പ്രളയ ഭീഷണി സാധാരണയായി ജൂൺ മുതൽ സെപ്റ്റംബർ വരെ നീണ്ടുനിൽക്കുന്ന മൺസൂൺ കാലത്ത് നേപാളിലും ദക്ഷിണേഷ്യയുടെ മറ്റ് ഭാഗങ്ങളിലും പതിവായി വെള്ളപ്പൊക്കവും ഉരുൾപൊട്ടലുകളും ഉണ്ടാകാറുണ്ട്. പർവ്വത ജില്ലകളിൽ കൂടുതൽ അപകടങ്ങൾ ഉണ്ടാക്കുന്നത് നദിയിലെ ജലനിരപ്പ് പെട്ടെന്ന് ഉയരുന്നതും, മണ്ണിടിച്ചില്‍, ഹിമാലയത്തിന്റെ ഉയർന്ന പ്രദേശങ്ങളിൽ നിന്നുള്ള വെള്ളപ്പൊക്കവുമാണ്. കഴിഞ്ഞ വർഷവും ഇതേ അതിർത്തിയിൽ വലിയ ഉരുൾപൊട്ടൽ ഉണ്ടായിട്ടുണ്ട്. അന്ന് 17 പേരെ കാണാതായി. ചൈന-നേപ്പാൾ അതിർത്തിയുടെ ഇരുവശങ്ങളിലുമുള്ള ആളുകളെയും യാത്രക്കാരെയുമാണ് പുതിയ പ്രളയം ബാധിച്ചിരിക്കുന്നത്. ദുരന്തബാധിതരെ കണ്ടെത്താനും രക്ഷാപ്രവർത്തനം ഊർജിതമാക്കാനും അധികാരികൾ തീവ്രശ്രമം തുടരുകയാണ്.

9/11 Terror Attacks: 9/11 വിചാരണ വീണ്ടും വൈകി, 2028-ലേക്ക് നീട്ടി

9/11 ആക്രമണത്തിന്റെ സൂത്രധാരനെന്ന് ആരോപിക്കപ്പെടുന്ന ഖാലിദ് ഷെയ്ഖ് മുഹമ്മദ് ഉൾപ്പെടെ നാല് പ്രതികളുടെ വിചാരണ 2028 ജൂൺ 5ന് നടത്തും. കേസിൽ 2027 ജനുവരിയിൽ വിചാരണ തുടങ്ങാനാണ് പ്രോസിക്യൂട്ടർമാർ ആവശ്യപ്പെട്ടിരുന്നത് എന്നാൽ കോടതിയിൽ നൽകേണ്ട തെളിവുകളെക്കുറിച്ചുള്ള തർക്കങ്ങൾ പരിഹരിക്കാൻ കൂടുതൽ സമയം വേണമെന്നതിനാണ് വിചാരണ 18 മാസം കൂടി നീട്ടിയത്. യുഎസ് മിലിട്ടറി ജഡ്ജിയാണ് തീയതി നീട്ടിവെച്ച് ഉത്തരവ് ഇറക്കിയത്. കേസിൽ മുഖ്യസൂത്രധാരനെന്ന് ആരോപിക്കപ്പെടുന്ന ഖാലിദ് ഷെയ്ഖ് മുഹമ്മദ്, കൂട്ടുപ്രതികളായ വാലിദ് ബിൻ അത്താഷ്, അലി അബ്ദുൽ അസിസ് അസി, മുസ്തഫ അൽ-ഹൗസാവി എന്നിവർക്കൊപ്പമാണ് വിചാരണ നേരിടുന്നത്. 2028-ൽ നിശ്ചയിച്ചിരിക്കുന്ന വിചാരണയിലും വിവിധ തടസ്സങ്ങൾ കാരണം വീണ്ടും വൈകാൻ സാധ്യതയുണ്ട്. ഇതിനു മുൻപ് 2021-ൽ നിശ്ചയിച്ചിരുന്ന വിചാരണ പിന്നീട് റദ്ദാക്കിയിരുന്നു. 2001 സെപ്റ്റംബർ 11നാണ് അമേരിക്കൻ ഐക്യനാടുകൾക്കെതിരെ അൽ ഖ്വെയ്ദ (AL-Qaeda) ചാവേർ ആക്രമണം നടത്തിയത്. ഹൈജാക്ക് ചെയ്ത നാല് വാണിജ്യ വിമാനങ്ങൾ ഉപയോഗിച്ചാണ് ഭീകരവാദികൾ ആക്രമണം നടത്തിയത്. ആദ്യത്തെ രണ്ട് വിമാനങ്ങൾ ന്യൂയോർക്കിലെ വേൾഡ് ട്രേഡ് സെന്ററിന്റെ ഇരട്ട ഗോപുരങ്ങളിൽ ഇടിച്ചിറക്കി രണ്ട് കെട്ടിടങ്ങളും തകർത്തു. മൂന്നാമത്തെ വിമാനം അമേരിക്കൻ പ്രതിരോധ വകുപ്പിന്റെ ആസ്ഥാനമായ പെന്റഗണിലേക്ക് ഇടിച്ചുകയറ്റി. നാലാമത്തെ വിമാനം യൂണൈറ്റഡ് എയർലൈൻസ് ഫ്ലൈറ്റ് 93 വൈറ്റ് ഹൗസോ, യു.എസ്. കാപ്പിറ്റലോ ലക്ഷ്യമിട്ടാണ് വന്നതെങ്കിലും യാത്രക്കാരുടെ ചെറുത്തുനിൽപ്പിനെ തുടർന്ന് പെൻസിൽവാനിയയിലെ ഒരു വയലിൽ തകർന്നു വീഴുകയായിരുന്നു. ഹൈജക്കർമാരായ 19 പേർ ഒഴികെ 2,977 ആളുകളാണ് ഈ ആക്രമണത്തിൽ കൊല്ലപ്പെട്ടത്. നിലവിൽ ക്യൂബയിലെ ഗ്വാണ്ടനാമോ ബേ യു.എസ്. മിലിട്ടറി ബേയിൽ തടവിലാണ് പ്രതികൾ. പ്രതികൾ കുറ്റം സമ്മതിച്ച് വധശിക്ഷ ഒഴിവാക്കി ജീവപര്യന്തം തടവ് സ്വീകരിക്കാൻ തയാറായ പ്ലീ ബാർഗെയ്ൻ (Plea agreement) കരാറുകൾ പലതവണ ഉണ്ടാകുകയും പിന്നീട് ഭരണകൂടങ്ങളും കോടതികളും അത് തള്ളിക്കളയുകയും ചെയ്തത് വിചാരണ നടപടികളെ പിന്നോട്ട് വലിച്ചു. മാത്രമല്ല ദേശീയ സുരക്ഷയുമായി ബന്ധപ്പെട്ട രേഖകളും ക്ലാസിഫൈഡ് തെളിവുകളും കോടതിയിൽ എങ്ങനെ അവതരിപ്പിക്കണം എന്നതിനെച്ചൊല്ലി പ്രോസിക്യൂഷനും പ്രതിഭാഗവും തമ്മിൽ നിരന്തരമായ നിയമപോരാട്ടങ്ങൾ നിലനിൽക്കുന്നുണ്ട്. കൂടാതെ പ്രതികളെ പിടികൂടിയതിന് ശേഷം സി.ഐ.എ. (CIA) രഹസ്യ കേന്ദ്രങ്ങളിൽ വെച്ച് നടത്തിയ കടുത്ത ചോദ്യം ചെയ്യൽ രീതികളിലൂടെ എടുത്ത കുറ്റസമ്മത മൊഴികൾ കോടതിയിൽ നിയമപരമായി സ്വീകാര്യമാണോ എന്ന കാര്യത്തിൽ വർഷങ്ങളായി നിയമപരമായ തർക്കങ്ങൾ നടക്കുന്നതിനാലാണ് വിചാരണ നടപടികൾ വൈകുന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ്ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Hardship Camps: ലക്ഷങ്ങൾ മുടക്കി മക്കളെ 'കഷ്ടപ്പാട്' പഠിപ്പിക്കുന്ന രക്ഷിതാക്കൾ, ചൈനയിൽ ശ്രദ്ധനേടി 'ഹാർഡ്ഷിപ്പ് ക്യാമ്പ്'

വേനൽ അവധിക്കാലം കുട്ടികളെ സംബന്ധിച്ചിടത്തോളം കളിക്കാനുള്ള സമയമാണ്. പക്ഷേ ചൈനയിലെ ചില പ്രദേശങ്ങളിൽ വേനൽ അവധിയെ മാതാപിതാക്കൾ സമീപിക്കുന്നത് മറ്റൊരു രീതിയിലാണ്. അതിൽ കുട്ടികൾക്ക് കൃഷിപ്പണി, കൂലിപ്പണി, കർ‌ശനമായ ദിനചര്യകൾ എന്നിവ ഉൾപ്പെടുന്നു. ഓൺലൈനിൽ പ്രചരിക്കുന്ന പല വീഡിയോകളിലും പരിചയമില്ലാത്ത ഇത്തരം ജോലി ചെയ്യുന്ന കുട്ടികൾ കരയുന്നതും, വീട്ടിലേക്ക് പോകാൻ നിർബന്ധം പിടിക്കുന്നതും കാണാം. കുട്ടികൾക്ക് സ്വന്തം കുടുംബത്തിന്റെയും നല്ല ജീവിതത്തിന്റെയും വില മനസ്സിലാക്കാൻ വേണ്ടിയാണ് ഈ പരീക്ഷണം. മാതാപിതാക്കൾ ആയിരക്കണക്കിന് യുവാൻ ചെലവഴിച്ച് തങ്ങളുടെ മക്കളെ ഗ്രാമങ്ങളിലെ 'ഹാർഡ്ഷിപ്പ് ക്യാമ്പുകളിലേക്ക്' (Hardship Camps) അയക്കുന്നതാണ് രീതി. ഹാർഡ്ഷിപ്പ് ക്യാമ്പുകൾ ട്രെൻഡ് ഈ വേനൽ അവധിക്കാലത്താണ് ചൈനയിൽ ഹാർഡ്ഷിപ്പ് ക്യാമ്പുകൾക്ക് വലിയ പ്രചാരം ലഭിക്കുന്നത്. പ്രത്യേകിച്ച് സിചുവാൻ, ഗുയിഷോ, യുനാൻ എന്നിവയുൾപ്പെടെയുള്ള തെക്കുപടിഞ്ഞാറൻ പ്രവിശ്യകളിൽ. ഗ്രാമീണരുടെ ദൈനംദിന ജോലികളോട് സാമ്യമുള്ള ജോലികളാണ് കുട്ടികൾക്ക് ക്യാമ്പുകളിൽ നൽകുന്നത്. ഉരുളക്കിഴങ്ങ് വിളവെടുപ്പ് മുതൽ അവ വിൽപ്പന നടത്തുന്നത് അടക്കമുള്ള ടാസ്കുകൾ ഇതിൽ ഉൾപ്പെടുന്നു. പന്നികൾക്ക് ഇവിടെ തീറ്റ കൊടുക്കേണ്ടതും കുട്ടികളാണ്. ‌‌ പണം നൽകി പഠിക്കുക കുട്ടികളെ ഉപയോഗിച്ച് പണമുണ്ടാക്കാൻ വേണ്ടിയല്ല മാതാപിതാക്കൾ അവരെ ഗ്രാമങ്ങളിലേക്ക് അയക്കുന്നത്. കുട്ടികൾക്ക് ഇത്തരം ജോലികൾ ലഭിക്കാൻ മാതാപിതാക്കളാണ് ഇവിടെ പണം മുടക്കുന്നത്. 10 ദിവസത്തെ ക്യാമ്പിന് 4,000 യുവാൻ (അരലക്ഷം) അല്ലെങ്കിൽ അതിൽ കൂടുതൽ പണം നൽകണം. വളരെ കർശനമായ നിയമങ്ങളാണ് ക്യാമ്പുകളിൽ. ഫോൺ കുട്ടികൾക്ക് ക്യാമ്പിൽ നൽകാറില്ല. പണി എടുക്കുന്നതിനനുസരിച്ചേ ഭക്ഷണം നൽകൂ. ജോലി കൃത്യമായി തീർത്തില്ലെങ്കിൽ ഉരുളക്കിഴങ്ങ് പോലുള്ളവ മാത്രമേ കഴിക്കാൻ നൽകൂ. കുട്ടികളെ വെറുതെ കഷ്ടപ്പെ‌ടുത്താനല്ല ഹാർഡ്ഷിപ്പ് ക്യാമ്പുകൾ പ്രവർത്തിക്കുന്നത്. എല്ലാ സുഖസൗകര്യങ്ങളിലും വളരുന്ന കുട്ടികൾക്ക് കുടുംബം മുന്നോട്ട് കൊണ്ടുപോകാനും പണമുണ്ടാക്കാനും എത്രത്തോളം കഷ്ടപ്പെടണമെന്ന് മനസ്സിലാക്കിക്കൊ‌ടുക്കാനാണ് ഇത്തരം ക്യാമ്പുകൾ. മാതാപിതാക്കൾ എന്തിന് ഇങ്ങനെ ചെയ്യുന്നു? ഒരു കഷ്ടപ്പാ‌ടും അറിയാതെ വളരുന്ന മക്കൾക്ക് ഉള്ളതിന്റെ വില എങ്ങനെ പഠിപ്പിക്കും? ഇതിന് വേണ്ടി കുറച്ചു ദിവസത്തെ ബുദ്ധിമുട്ടുകൾ കുട്ടികളെ അനുഭവിപ്പിക്കുകയാണ് വഴിയെന്ന് ചില ചൈനീസ് മാതാപിതാക്കൾ കരുതുന്നു. പക്ഷെ എല്ലാവർക്കും ഈ ആശയത്തോ‌ട് യോജിക്കാൻ കഴിഞ്ഞിട്ടില്ല അവർ അവരുടെ ആശങ്കകൾ പങ്കുവെക്കുന്നുണ്ട്. അമിതമായ കഠിനാധ്വാനം കുട്ടികളിൽ അമിത സമ്മർദമുണ്ടാക്കുമെന്ന് വിമർശകർ പറയുന്നു. കുട്ടികളെ സഹനശക്തി പഠിപ്പിക്കുന്നതും വെറുതെ കഷ്ടപ്പെടുത്തുന്നതും തമ്മിൽ വലിയ വ്യത്യാസമുണ്ടെന്ന് ഇവർ പറയുന്നു. മക്കളെ പേടിപ്പിച്ചോ തളർത്തിയോ അല്ല നല്ല രീതിയിൽ വളർത്തേണ്ടത്. പ്രായത്തിനനുസരിച്ചുള്ള ചെറിയ ജോലികൾ നൽകിയും പ്രകൃതിയെ അടുത്തറിഞ്ഞും അവരിൽ ഉത്തരവാദിത്തവും സ്നേഹവും വളർത്തിയെടുക്കുകയാണ് വേണ്ടതെന്ന് ഇക്കൂട്ടർ പറയുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Conor Kennedy on wanted list:ഉക്രൈനുവേണ്ടി യുദ്ധം ചെയ്തു, റഷ്യയുടെ പിടികിട്ടാപ്പുള്ളികളുടെ പട്ടികയിൽ കോണർ കെന്നഡി

റോബര്‍ട്ട് എഫ്. കെന്നഡിയുടെ പേരക്കുട്ടിയും യു.എസ് ഹെല്‍ത്ത് സെക്രട്ടറി റോബര്‍ട്ട് എഫ്. കെന്നഡി ജൂനിയറുടെ മകനുമായ കോണര്‍ കെന്നഡിയെ റഷ്യയുടെ അന്താരാഷ്ട്ര പിടികിട്ടാപ്പുള്ളികളുടെ പട്ടികയിൽ ഉള്‍പ്പെടുത്തി. 32 കാരനായ കോണർ ഉക്രൈനിയന്‍ സൈന്യത്തില്‍ കൂലിപ്പട്ടാളക്കാരനായി ചേര്‍ന്ന് റഷ്യക്കെതിരെ പ്രവര്‍ത്തിച്ചതിനാണ് നടപടി. ഇക്കാര്യം റഷ്യന്‍ വാര്‍ത്താ ഏജന്‍സിയാണ് റിപ്പോര്‍ട്ട് ചെയ്തത്. റഷ്യൻ ക്രിമിനിൽ കോഡ് ആർട്ടിക്കിൾ 353 പാർട്ട് 3 പ്രകാരമുള്ള കുറ്റമാണ് കോണറുടെ പേരിലുള്ളത്. രാജ്യത്തിനെതിരായ സൈനിക നടപടിയിലോ സംഘട്ടനത്തിലോ കൂലിപ്പട്ടാളക്കാരനായി പങ്കെടുത്തതായി തെളിഞ്ഞാൽ യുഎസ് പൗരനായ കോണറിന് 7 മുതൽ 10 വർഷം വരെ തടവ് ലഭിച്ചേക്കാം. ഇന്റര്‍നാഷണല്‍ ലീജിയന്റെ ഭാഗമായി കാര്‍ഖീവ് മേഖലയില്‍ പോരാടിയ ശേഷം 2022 ഒക്ടോബറില്‍ താന്‍ ഉക്രൈയ്നില്‍ നിന്ന് മടങ്ങിയതായി കോണര്‍ തന്റെ സമൂഹമാധ്യമങ്ങില്‍ പങ്കുവെച്ചിരുന്നു. തന്റെ വ്യക്തി വിവരങ്ങള്‍ പുറത്തുവിടാതെയാണ് ഉക്രേനിയന്‍ സൈന്യത്തോടൊപ്പം സൈനിക നീക്കങ്ങളില്‍ പങ്കെടുത്തതെന്നും അദ്ദേഹം പറഞ്ഞിരുന്നു. ഇന്‍സ്റ്റാഗ്രം കുറിപ്പില്‍ കോണര്‍ കെന്നഡി, താന്‍ എന്തിനാണ് യുദ്ധത്തിന് പോയതെന്ന് വ്യക്തമാക്കുന്നുണ്ട്: 'കഴിഞ്ഞ ഒരു വര്‍ഷമായി ഉക്രൈയ്നില്‍ സംഭവിക്കുന്ന കാര്യങ്ങള്‍ എന്നെയും ഒരുപാട് സ്വാധീനിച്ചു. എനിക്ക് അവരെ സഹായിക്കണമായിരുന്നു. vയ്നിന്റെ ഇന്റര്‍നാഷണല്‍ ലീജിനെക്കുറിച്ച് കേട്ടറിഞ്ഞപ്പോള്‍ ഞാന്‍ പോകുമെന്ന് ഉറപ്പിച്ചു. അടുത്ത ദിവസം തന്നെ എംബസിയിലെത്തി പേര് രജിസ്റ്റര്‍ ചെയ്തു. ഞാന്‍ എവിടെയാണെന്ന് ഇവിടെയുള്ള ഒരാളോട് മാത്രമാണ് പറഞ്ഞത്. എന്റെ യഥാര്‍ത്ഥ പേര് പോലും അവിടെയുള്ള ഒരാളോട് മാത്രമാണ് പറഞ്ഞത്. എന്റെ കുടുംബവും സുഹൃത്തുക്കളും ആശങ്കപ്പെടരുതെന്ന് ഞാന്‍ ആഗ്രഹിച്ചു. അത് മാത്രമല്ല അവിടെ എനിക്ക് പ്രത്യേക പരിഗണന ഉണ്ടാകരുതെന്നും ഞാന്‍ ആഗ്രഹിച്ചു.' കോണര്‍ കെന്നഡി ഒരു അഭിഭാഷകനാണ്. 2012ല്‍ പ്രശസ്ത അമേരിക്കന്‍ ഗായിക ടെയ്ലര്‍ സ്വിഫ്റ്റുമായി കോണര്‍ പ്രണയത്തിലായിരുന്നു. വലിയ രീതിയിലായിരുന്നു അന്ന് അദ്ദേഹത്തിന് മാധ്യമ ശ്രദ്ധ ലഭിച്ചിരുന്നത്. മാസങ്ങള്‍ക്ക് ശേഷം ഈ ബന്ധം വേര്‍പിരിഞ്ഞു. അതെസമയം കോണര്‍ കെന്നഡിയുടെ അമ്മ മേരി റിച്ചാര്‍ഡ്സണ്‍ കെന്നഡി 2012 ല്‍ ആത്മഹത്യ ചെയ്തിരുന്നു. പ്രശസ്തയായ ഒരു ആര്‍ക്കിടെക്റ്റും ഇന്റ്റീരിയര്‍ ഡിസൈനറുമായിരുന്നു അവര്‍. പരിസ്ഥിതി സൗഹൃദ ഡിസൈനുക വലിയ രീതിയിലാണ് മേരി പ്രചരിപ്പിച്ചത്. എന്നാല്‍ റോബര്‍ട്ട് എഫ്. കെന്നഡി ജൂനിയറുമായുള്ള ദാമ്പത്യ ബന്ധത്തിലെ അസ്വാരസ്യങ്ങളും നിയമപരമായ വേര്‍പിരിയല്‍ നടപടികള്‍ നടക്കുന്നതിനിടയിലാണ് അവര്‍ ആത്മഹത്യ ചെയ്തത്. കോണര്‍ കെന്നഡിക്ക് മൂന്ന് സഹോദരങ്ങളാണ് ഉള്ളത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Iran US War Updates: സാമ്പത്തിക നടപടികൾ കടുപ്പിച്ച് യുഎസ്; അമേരിക്ക തോൽക്കും, കടബാധ്യതയിൽ നിന്ന് ശ്രദ്ധ തിരിക്കാനുള്ള നീക്കമെന്ന് ഇറാൻ

ഇറാനെതിരെ കടുത്ത സാമ്പത്തിക നടപടികൾ പ്രഖ്യാപിച്ച് യുഎസ് പ്രസിഡന്റ് ഡൊണാൾഡ് ട്രംപ്. ഒരു രാജ്യത്തിനെതിരെയും ഇതുവരെ സ്വീകരിച്ചിട്ടില്ലാത്ത അത്രയും കടുത്ത സാമ്പത്തിക നടപടികളാണ് ഡൊണാൾഡ് ട്രംപ് പ്രഖ്യാപിച്ചത്. യുഎസുമായി തുടരുന്ന യുദ്ധത്തിന്റെ പശ്ചാത്തലത്തിൽ ഇറാൻ കടുത്ത സാമ്പത്തിക പ്രതിസന്ധിയാണ് നേരിടുന്നത്. ഇതിനിടെയാണ് കൂടുതൽ കടുത്ത സാമ്പത്തിക നടപടികൾ ട്രംപ് പ്രഖ്യാപിച്ചത്. എന്നാൽ അമേരിക്കയുടെ പുതിയ സാമ്പത്തിക യുദ്ധവും പരാജയപ്പെടുമെന്ന് ഇറാൻ വ്യക്തമാക്കി. യുഎസിന്റെ കുതിച്ചുയർന്ന കടബാധ്യതയിൽ നിന്നും പലിശനിരക്കിൽ നിന്നും ശ്രദ്ധ തിരിക്കാനുള്ള നീക്കമാണ് ഡൊണാൾഡ് ട്രംപിന്റെ ഭാഗത്തുനിന്നുണ്ടാകുന്നതെന്ന് ഇറാൻ വിദേശകാര്യ മന്ത്രി അബ്ബാസ് അരഗ്ചി വ്യക്തമാക്കി. ആഗോള സമ്പദ് വ്യവസ്ഥയ്ക്കും രാജ്യങ്ങളുടെ പരമാധികാരത്തിനും യുഎസിന്റെ സാമ്പത്തിക ഭീകരവാദം ഭീഷണിയാണെന്നും അരഗ്ചി എക്സിൽ പങ്കുവച്ച കുറിപ്പിൽ വ്യക്തമാക്കി. ഇറാനെ പിന്തുണയ്ക്കുന്ന രാജ്യങ്ങൾക്ക് എതിരെ കടുത്ത സാമ്പത്തിക നടപടികൾ സ്വീകരിക്കുമെന്നും ട്രംപ് മുന്നറിയിപ്പ് നൽകി. യുദ്ധം അവസാനിപ്പിക്കുന്നതിനായി അമേരിക്കയുമായി കരാറിലെത്തുന്നതിൽ ഇറാൻ പരാജയപ്പെട്ടതിനെ തുടർന്നാണ് സാമ്പത്തിക ഉപരോധം ശക്തമാക്കുന്നതെന്ന് ട്രംപ് വ്യക്തമാക്കി. അതിനാൽ തന്നെ ഒരു രാജ്യത്തിനെതിരെയും ഇതുവരെ നടപ്പാക്കിയിട്ടില്ലാത്ത വിധത്തിൽ വളരെ കഠിനമായിരിക്കും ഇറാനെതിരെയുള്ള സാമ്പത്തിക ഉപരോധമെന്ന് ട്രംപ് വ്യക്തമാക്കി. ഇറാന് ഏതെങ്കിലും തരത്തിൽ സഹായങ്ങൾ നൽകുന്ന രാജ്യങ്ങൾക്കെതിരെയും കടുത്ത സാമ്പത്തിക നടപടികൾ സ്വീകരിക്കുമെന്ന് ട്രംപ് മുന്നറിയിപ്പ് നൽകി. സാമ്പത്തികം, ബിസിനസുകൾ, വിമാനത്താവളങ്ങൾ, സർക്കാർ സംവിധാനങ്ങൾ എന്നിവ വഴി ഇറാനെ സഹായിക്കുന്ന ഏത് രാജ്യത്തിനും നടപടികൾ ബാധകമായിരിക്കുമെന്ന് ട്രംപ് പറഞ്ഞു. അതേസമയം, യൂറോപ്പിലെ യുഎസ് കേന്ദ്രങ്ങൾക്ക് നേരെ ആക്രമണത്തിന് ഇറാൻ പദ്ധതിയിടുന്നതായി റിപ്പോർട്ടുകൾ പുറത്തുവന്നിരുന്നു. ഇതിന്റെ പശ്ചാത്തലത്തിൽ ഏത് ഭീഷണിയും നേരിടാൻ സജ്ജമാണെന്ന് നാറ്റോ സഖ്യം വ്യക്തമാക്കി. തങ്ങളുടെ അംഗ രാജ്യങ്ങളെ സംരക്ഷിക്കുന്നതിന് ആവശ്യമായ എല്ലാ നടപടികളും സ്വീകരിക്കുമെന്ന് നാറ്റോ വക്താവ് അറിയിച്ചു. യുദ്ധം കൂടുതൽ വ്യാപിക്കുന്ന തരത്തിൽ യുഎസ് പ്രസിഡന്റ് ഡൊണാൾഡ് ട്രംപിന്റെ ഭാഗത്ത് നിന്ന് നടപടികൾ ഉണ്ടാകുകയാണെങ്കിൽ യൂറോപ്പിലെ സൈനിക കേന്ദ്രങ്ങൾ ആക്രമിക്കുന്നതിനെക്കുറിച്ച് ഇറാൻ പദ്ധതിയിടുന്നതായാണ് പുറത്തുവരുന്ന റിപ്പോർട്ടുകൾ. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Jayme Leagh zapper: ട്രംപിന് 'ഇലക്ട്രിക് ഷോക്ക്' നൽകിയോ? സത്യം വെളിപ്പെടുത്തി യുവതി

യുഎസ് പ്രസിഡന്റ് ഡൊണാൾഡ് ട്രംപിനൊപ്പം കുട്ടികളുടെ വാക്സിനേഷൻ ശുപാർശ സംബന്ധിച്ച് നിർണായക ഉത്തരവിൽ ഒപ്പിടുന്ന വേളയിൽ ഒപ്പം നിന്ന ജെയ്മി ലീഗ് ഫ്രാങ്ലിൻ എന്ന യുവതിയെക്കുറിച്ചുള്ള ചർച്ചകളായിരുന്നു ഓൺലൈനിൽ നടന്നത്. ചടങ്ങിൽ ഉറങ്ങിപ്പോകുന്ന ട്രംപിനെ ഉണർത്താൻ ജെയ്മി ഇലക്ട്രിക് ഷോക്ക് നൽകിയെന്ന തരത്തിലുള്ള വിചിത്രമായ സിദ്ധാന്തങ്ങളാണ് സമൂഹമാധ്യമങ്ങളിലടക്കം പ്രചരിക്കുന്നത്. ട്രംപ് ഉറങ്ങിപ്പോകുമ്പോൾ ജെയ്മി വയറ്റിൽ അമർത്തി ഷോക്ക് നൽകി അദ്ദേഹത്തെ ഉണർത്തിയെന്നാണ് ഇൻർനെറ്റ് കണ്ടെത്തിയത്! കൺസർവേറ്റീവ് മീഡിയ ആൻഡ് ലൈഫ്സ്റ്റൈൽ ബ്രാൻഡായ 'ദി കൺസർവേറ്റീവ്' (The Conservateur) സ്ഥാപകയും സിഇഒയുമായ ജെയ്മി ലീഗ് ഫ്രാങ്ലിനാണ് ഈ യുവതി. ട്രംപിനും ആരോഗ്യ-മാനുഷിക സേവന വകുപ്പ് സെക്രട്ടറി റോബർട്ട് എഫ്. കെന്നഡി ജൂനിയറിനും ഇടയിൽ നിൽക്കുന്ന ജെയ്മി തുടർച്ചയായി തലയാട്ടുന്നതും വയറ്റിൽ കൈ വെച്ചിരിക്കുന്നതും വീഡിയോയിൽ കാണാം. കുട്ടികളുടെ വാക്സിനേഷൻ ഷെഡ്യൂൾ പരിഷ്കരിക്കണമെന്നും, വാക്സിനുകൾ ഒന്നിച്ച് നൽകാതെ പല ഘട്ടങ്ങളിലായി നൽകണമെന്ന കാര്യം നടപ്പിലാക്കുന്നതിനുള്ള എക്സിക്യൂട്ടീവ് ഉത്തരവിൽ ട്രംപ് ഒപ്പിട്ടപ്പോഴാണ് ഈ വീഡിയോ ചിത്രീകരിച്ചിരിക്കുന്നത്. എന്നാൽ പ്രചരിക്കുന്ന കിംവദന്തികളിൽ ജെയ്മി സമൂഹമാധ്യമങ്ങളിലൂടെ മറുപടി നൽകി. താൻ ഗർഭിണിയാണെന്നും അതുകൊണ്ടാണ് വയറ്റിൽ കൈവെച്ചതെന്നും ജെയ്മി പറഞ്ഞു. കരോലിനയിൽ നിന്നുള്ള ജെയ്മി ഒരു മുൻ ട്രംപ് ഭരണകൂട ഉദ്യോഗസ്ഥയാണ്. ബെർക്കിലെയിലെ കാലിഫോർണിയ സ‌ർവകലാശാലയിൽ നിന്നാണ് ജെയ്മി ബിരുദം നേടിയത്. 2019-ൽ യുഎസ് സെനറ്റിൽ ലെജിസ്ലേറ്റീവ് ഇൻറേണായിരുന്നു അവർ. 2020-ലെ ട്രംപിന്റെ പ്രസിഡൻഷ്യൽ പ്രചാരണത്തിൽ കോയലിഷൻസ് കോർഡിനേറ്ററായും പിന്നീട് ആദ്യ ട്രംപ് വൈറ്റ് ഹൗസിൽ ഡയറക്ടർ ഓഫ് കറസ്പോണ്ടൻസായും സേവനമനുഷ്ഠിച്ചിട്ടുണ്ട്. രാഷ്ട്രീയം, സംസ്കാരം, വിശ്വാസം, ഫാഷൻ, സൗന്ദര്യം, സ്ത്രീത്വം എന്നിവയുമായി ബന്ധപ്പെട്ട് പ്രവർത്തിക്കുന്ന ഒരു മീഡിയ ആൻഡ് ലൈഫ്സ്റ്റൈൽ ബ്രാൻഡാണ് ജെയ്മിയുടെ സംഘടനയായ 'ദി കൺസർവേറ്റീവ്' (The Conservateur). യുവ യാഥാസ്ഥിതിക ക്രിസ്ത്യൻ സ്ത്രീകളെ ലക്ഷ്യമിട്ടുള്ള ഒറിജിനൽ റിപ്പോർട്ടുകളും അഭിപ്രായങ്ങളുമാണ് ഈ സ്ഥാപനം പുറത്തിറക്കുന്നത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.