Career News: ആദായനികുതി വകുപ്പിൽ സ്പോ‍ർട്സ് ക്വാട്ടയിൽ 119 ഒഴിവുകൾ; അപേക്ഷ സമ‍ർപ്പിക്കേണ്ട അവസാന തിയതി, യോ​ഗ്യത- വിശദമായി അറിയാം

കേന്ദ്ര ധനകാര്യ മന്ത്രാലയത്തിന് കീഴിലുള്ള ആദായ നികുതി വകുപ്പിൽ കായിക താരങ്ങൾക്ക് അവസരം. സ്പോർട്സ് ക്വാട്ടയിൽ ആകെ 119 ഒഴിവുകളാണ് റിപ്പോർട്ട് ചെയ്തിരിക്കുന്നത്. ഇന്ത്യയിലെ എല്ലാ സംസ്ഥാനങ്ങളിൽ നിന്നുമുള്ള കായിക താരങ്ങൾക്കും അപേക്ഷ സമർപ്പിക്കാനാകും. ഡൽഹി റീജിയണിൽ ആയിരിക്കും നിയമനം. വനിതകൾക്കും ജോലിക്കായി അപേക്ഷ സമർപ്പിക്കാവുന്നതാണ്. സ്റ്റെനോഗ്രാഫർ, ടാക്സ് അസിസ്റ്റൻറ്, മൾട്ടി ടാക്സികിങ് സ്റ്റാഫ് എന്നീ തസ്തികകളിലേക്കാണ് നിലവിൽ ഒഴിവുകൾ റിപ്പോർട്ട് ചെയ്തിരിക്കുന്നത്. നവംബർ 10 വരെ ഓൺലൈൻ വഴി അപേക്ഷ സമർപ്പിക്കാം. ടാക്സ് അസിസ്റ്റൻറ്- 44, സ്റ്റെനോഗ്രാഫർ ഗ്രേഡ് II- 9, മൾട്ടി ടാസ്കിങ് സ്റ്റാഫ്- 66 എന്നിങ്ങനെയാണ് ഒഴിവുകളുള്ളത്. അപേക്ഷ സമർപ്പിക്കുന്നതിന് www.incometaxdelhi.gov.in എന്ന വെബ്സൈറ്റ് സന്ദർശിച്ച് സ്പോർട്സ് റിക്രൂട്ട്മെൻറ് എന്ന പേജ് വഴി അപേക്ഷ സമർപ്പിക്കാം. പ്രായം 18 വയസിനും 27 വയസിനും ഇടയിലായിരിക്കണം. ഉയർന്ന പ്രായപരിധിയിൽ പിന്നോക്കക്കാർക്ക് അഞ്ച് വയസും പട്ടിക വിഭാഗക്കാർക്ക് പത്ത് വയസും നിയമാനുസൃതമായ ഇളവ് ലഭിക്കും. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Job Vacancy: എൽഐസി ഹൗസിങ് ഫിനാൻസ് ലിമിറ്റഡിൽ ജോലി ഒഴിവുകൾ; അപേക്ഷ സമർപ്പിക്കേണ്ട അവസാന തിയതിയും വിശദ വിവരങ്ങളും അറിയാം

എൽഐസി ഹൌസിങ് ഫിനാൻസ് ലിമിറ്റഡിലേക്ക് അപ്രൻറീസ് തസ്തികകളിലേക്ക് അപേക്ഷകൾ ക്ഷണിക്കുന്നു. ഇന്ത്യയിലെ പ്രമുഖ ഭവന വായ്പാ വിതരണ സ്ഥാപനമാണ് എൽഐസി ഹൌസിങ് ഫിനാൻസ് ലിമിറ്റഡ് (എൽഐസിഎച്ച്എഫ്എൽ). വീട് നിർമാണം, വീട് വാങ്ങൽ, നവീകരണം എന്നിവയ്ക്കുള്ള വായ്പാ സേവനങ്ങൾ നൽകുന്ന ഈ സ്ഥാപനത്തിൽ തൊഴിൽ നേടാൻ ആഗ്രഹിക്കുന്ന ബിരുദധാരികൾക്ക് അപേക്ഷ സമർപ്പിക്കാം. ആകെ 232 ഒഴിവുകളാണ് റിപ്പോർട്ട് ചെയ്തിരിക്കുന്നത്. യോഗ്യരായ ഉദ്യോഗാർഥികൾക്ക് നവംബർ ഒന്ന് വരെ ഓൺലൈനായി അപേക്ഷ സമർപ്പിക്കാവുന്നതാണ്. കേരളത്തിൽ തിരുവനന്തപുരം, ആലപ്പുഴ, തൃശൂർ, പാലക്കാട്, കോട്ടയം, കണ്ണൂർ, കോഴിക്കോട് എന്നീ ജില്ലകളിലാണ് ഒഴിവുകൾ. കേരളത്തിന് പുറത്ത് മംഗളൂരു, ബെംഗളൂരു, മൈസൂരു, കോയമ്പത്തൂർ, നാഗർകോവിൽ, സേലം, പൊള്ളാച്ചി, വെല്ലൂർ തുടങ്ങിയ ഇടങ്ങളിലാണ് ഒഴിവുകൾ റിപ്പോർട്ട് ചെയ്തിരിക്കുന്നത്. അംഗീകൃത സർവകലാശാലയിൽ നിന്നുള്ള ബിരുദം 2026 ഒക്ടോബർ ഒന്നിന് മുൻപായി പൂർത്തിയായിരിക്കണം. 2026 ഒക്ടോബർ ഒന്നിനെ അടിസ്ഥാനമാക്കി 20 വയസിനും 25 വയസിനും ഇടയിൽ പ്രായമുള്ളവർക്കാണ് അപേക്ഷിക്കാനാകുക. ഓൺലൈൻ പരീക്ഷയുടെയും സർട്ടിഫിക്കറ്റ് പരിശോധനയുടെയും അടിസ്ഥാനത്തിലാണ് തിരഞ്ഞെടുപ്പ് നടക്കുക. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

CV Vs Resume: കരിക്കുലം വിറ്റേ ആണോ റെസ്യൂമേ ആണോ തിരഞ്ഞെടുക്കേണ്ടത്? ജോലിക്ക് അപേക്ഷിക്കുമ്പോൾ ശ്രദ്ധിക്കേണ്ടതെന്ത്?

കരിക്കുലം വിറ്റേ അല്ലെങ്കിൽ റെസ്യൂമെ തിരഞ്ഞെടുക്കുന്നത് ജോലിക്ക് അപേക്ഷിക്കുമ്പോൾ പലപ്പോഴും ആശയക്കുഴപ്പം ഉണ്ടാക്കാറുണ്ട്. രണ്ട് രേഖകളും നിങ്ങളുടെ യോഗ്യതകളെ എടുത്തുകാണിക്കുന്നുണ്ടെങ്കിലും അവ വേറെവേറെ ആവശ്യങ്ങൾക്കാണ് ഉപയോഗിക്കുന്നത്. കൂടാതെ, അവയുടെ ഘടനയും വ്യത്യസ്തമാണ്. ഒരു വ്യക്തിയുടെ ഔദ്യോഗിക ജീവിതത്തിൻറെ സമ്പൂർണ വിവരണം അടങ്ങിയ രേഖയാണ് കരിക്കുലം വിറ്റേ അഥവാ സിവി. ഇതിൽ നിങ്ങളുടെ വിദ്യാഭ്യാസ പശ്ചാത്തലം, പ്രവൃത്തിപരിചയം, ഗവേഷണങ്ങൾ, പുരസ്കാരങ്ങൾ, വൻകിട പ്രോജക്ടുകൾ, മറ്റ് നേട്ടങ്ങൾ എന്നിവയുടെ വിശദാംശങ്ങൾ പൂർണമായും ഉൾക്കൊള്ളുന്നു. പേജ് പരിധിയില്ലാത്ത ഈ രേഖ പ്രധാനമായും അക്കാദമിക്, ശാസ്ത്രീയ-ഗവേഷണ മേഖലകളിലെ ജോലികൾക്കാണ് ഉപയോഗിക്കുന്നത്. യൂണിവേഴ്സിറ്റി അധ്യാപക തസ്തികകൾ, ഗവേഷണ ഫെല്ലോഷിപ്പുകൾ, പിഎച്ച്ഡി പ്രോഗ്രാമുകൾ, അല്ലെങ്കിൽ കൂടുതൽ വിഷയവിജ്ഞാനം ആവശ്യമായ ഏത് തസ്തികയിലേക്കും അപേക്ഷിക്കുമ്പോൾ സിവി ആണ് അനുയോജ്യം. നിങ്ങൾ അപേക്ഷിക്കുന്ന നിർദ്ദിഷ്ട ജോലിക്ക് അനുയോജ്യമായ കഴിവുകളും അനുഭവസമ്പത്തും മാത്രം ചുരുക്കി അവതരിപ്പിക്കുന്ന രേഖയാണ് റെസ്യൂമെ. ഇതിൽ സാധാരണയായി ഒരു ചെറിയ ആമുഖം, പ്രധാന കഴിവുകൾ, പ്രവൃത്തി പരിചയം, വിദ്യാഭ്യാസം, ആ ജോലിക്ക് അനുയോജ്യമായ നേട്ടങ്ങൾ എന്നിവ മാത്രമാണ് ഉൾപ്പെടുത്താറുള്ളത്. ഒന്നോ രണ്ടോ പേജിൽ ഒതുങ്ങുന്ന റെസ്യൂമേ പ്രധാനമായും കോർപ്പറേറ്റ്, സ്വകാര്യ മേഖലയിലെ ജോലികൾക്കാണ് ഉപയോഗിക്കുന്നത്. ഐടി, മാർക്കറ്റിങ്, ഫിനാൻസ്, അഡ്മിനിസ്ട്രേഷൻ, ക്രിയേറ്റീവ് മേഖലകൾ, അല്ലെങ്കിൽ മറ്റ് ജനറൽ ഓഫീസ് ജോലികൾ എന്നിവയ്ക്ക് അപേക്ഷിക്കുമ്പോൾ റെസ്യൂമെ ആണ് നൽകേണ്ടത്. നിങ്ങളുടെ പൂർണമായ കരിയർ ചരിത്രത്തേക്കാൾ നിങ്ങളുടെ പ്രധാന കഴിവുകളുടെ വേഗത്തിലുള്ള ഒരു സംഗ്രഹമാണ് ഈ തൊഴിൽദാതാക്കൾ ആഗ്രഹിക്കുന്നത്. ദൈർഘ്യത്തിലും അവ തയ്യാറാക്കുന്നതിൻറെ പ്രധാന ഉദ്ദേശ്യത്തിലുമാണ് സിവിയും റെസ്യൂമയും തമ്മിലുള്ള പ്രധാന വ്യത്യാസം നിലനിൽക്കുന്നത്. നിങ്ങളുടെ ഔദ്യോഗിക ജീവിതത്തിലെ എല്ലാ കാര്യങ്ങളും ഉൾക്കൊള്ളുന്നതിനാൽ സിവിക്ക് എത്ര പേജ് വേണമെങ്കിലും ഉപയോഗിക്കാം. എന്നാൽ റെസ്യൂമെ വളരെ ചുരുങ്ങിയതും ഓരോ ജോലിക്ക് അനുസരിച്ച് മാറ്റങ്ങൾ വരുത്താൻ സാധിക്കുന്നതുമാണ്. ഇവയിൽ ഏത് തിരഞ്ഞെടുക്കണമെന്നത് നിങ്ങൾ അപേക്ഷിക്കുന്ന ജോലിയുടെ സ്വഭാവത്തെ മാത്രം അടിസ്ഥാനമാക്കിയുള്ളതാണ്. അക്കാദമിക്, ശാസ്ത്രീയ അല്ലെങ്കിൽ ഗവേഷണ അധിഷ്ഠിത പദവികളിലേക്കാണ് അപേക്ഷിക്കുന്നതെങ്കിൽ സിവി തന്നെയാണ് നൽകേണ്ടത്. എന്നാൽ, സ്വകാര്യ-കോർപ്പറേറ്റ് മേഖലയിലെ ജോലികൾക്കാണ് ശ്രമിക്കുന്നതെങ്കിൽ റെസ്യൂമെ ആണ് ശരിയായ തിരഞ്ഞെടുപ്പ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Cochin Shipyard Apprentice Vacancy: കൊച്ചിൻ ഷിപ്യാർഡിൽ അപ്രൻറീസ് തസ്തികയിലേക്ക് അപേക്ഷകൾ ക്ഷണിക്കുന്നു; 205 ഒഴിവുകൾ

കൊച്ചിൻ ഷിപ്യാർഡിൽ അപ്രൻറീസ് തസ്തികകളിൽ ഒഴിവുകൾ. 205 ഒഴിവുകളാണ് 16 ട്രേഡുകളിലായി റിപ്പോർട്ട് ചെയ്തിരിക്കുന്നത്. തിരഞ്ഞെടുക്കപ്പെടുന്നവർക്ക് ഒരു വർഷത്തെ പരിശീലന കാലയളവിൽ 11,000 രൂപ സ്റ്റൈപൻഡായി ലഭിക്കും. ഒഴിവുകൾ ഇലക്ട്രിഷ്യൻ- 31 വെൽഡർ- 31 ഫിറ്റർ- 23 ഷീറ്റ് മെറ്റൽ വർക്കർ- 23 പൈപ്പ് ഫിറ്റർ/പ്ലംബർ- 23 മറൈൻ ഫിറ്റർ- 14 ഷിപ്പ് റൈറ്റ് വുഡ് ( കാർപെൻറർ )- 12 ഇലക്ട്രോണിക് മെക്കാനിക്- 9 ഇൻസ്ട്രുമെൻറ് മെക്കാനിക്- 8 മെക്കാനിക് മോട്ടോർ വെഹിക്കിൾ- 7 മെക്കാനിക് ഡീസൽ- 7 മെഷിനിസ്റ്റ്- 5 പെയിൻറർ- 5 ഡ്രാഫ്റ്റ്സ്മാൻ ( മെക്കാനിക്കൽ )- 4 ഡ്രാഫ്റ്റ്സ്മാൻ ( സിവിൽ )- 2 റഫ്രിജറേഷൻ ആൻഡ് എയർ കണ്ടീഷനിങ് മെക്കാനിക്- 1 യോഗ്യതയും പ്രായപരിധിയും പത്താംക്ലാസ് വിജയവും ബന്ധപ്പെട്ട വിഷയത്തിൽ ലഭിച്ച ഐടിഐ (എൻസിടിവിടി) സർട്ടിഫിക്കറ്റുമാണ് അടിസ്ഥാന യോഗ്യത. അപേക്ഷകർക്ക് 2026 ഒക്ടോബർ എട്ടിന് 18 വയസ് പൂർത്തിയായിരിക്കണം. തിരഞ്ഞെടുപ്പ് രീതി യോഗ്യതാ പരീക്ഷയിൽ ( ഐടിഐ ) ലഭിച്ച മാർക്കിൻറെ അടിസ്ഥാനത്തിൽ തയ്യാറാക്കുന്ന ഷോർട്ട് ലിസ്റ്റ് വഴിയാണ് ഉദ്യോഗാർഥികളെ തിരഞ്ഞെടുക്കുന്നത്. എഴുത്തുപരീക്ഷയോ അപേക്ഷാഫീസോ ഇല്ല. അപേക്ഷിക്കേണ്ട വിധം താത്പര്യമുള്ളവർ കൊച്ചിൻ ഷിപ്യാർഡിൻറെ ഔദ്യോഗിക വെബ്സൈറ്റ് വഴി ഒക്ടോബർ എട്ടിന് മുൻപായി ഓൺലൈൻ വഴി അപേക്ഷ സമർപ്പിക്കേണ്ടതാണ്. വെബ്സൈറ്റ്- www.cochinshipyard.in ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

FACT Apprentice Recruitment 2026: എറണാകുളം ഫാക്ടിൽ അപ്രൻറീസ് തസ്തികകളിൽ ഒഴിവുകൾ; യോഗ്യത, ശമ്പളം... വിശദ വിവരങ്ങൾ അറിയാം

എറണാകുളത്ത് പ്രവർത്തിക്കുന്ന പൊതുമേഖലാ സ്ഥാപനമായ ഫെർട്ടിലൈസേഴ്സ് ആൻഡ് കെമിക്കൽസ് ട്രാവൻകൂർ ലിമിറ്റഡിൽ (FACT) വിവിധ അപ്രൻറീസ് തസ്തികകളിലേക്ക് അപേക്ഷകൾ ക്ഷണിച്ചു. ഐടിഐ, ഡിപ്ലോമ, ബിരുദധാരികൾക്കായി ആകെ 182 ഒഴിവുകളാണ് ഉള്ളത്. താത്പര്യമുള്ള യോഗ്യരായ ഉദ്യോഗാർഥികൾക്ക് ഒക്ടോബർ ഒന്ന് വരെ ഓൺലൈനായി അപേക്ഷ നൽകാം. ഒഴിവുകളുടെ വിശദ വിവരങ്ങൾ ഐടിഐ ട്രേഡ് അപ്രൻറീസ് (98 ഒഴിവുകൾ) ഫിറ്റർ- 24, ഇലക്ട്രീഷൻ- 15, ഇൻസ്ട്രുമെൻറ് മെക്കാനിക്ക്- 12, സിഒപിഎ/ ഫ്രണ്ട് ഓഫീസ് അസിസ്റ്റൻറ്- 12, വെൽഡർ- 9, മെഷീനിസ്റ്റ്- 8, മെക്കാനിക്ക് മോട്ടോർ വെഹിക്കിൾ- 6, മെക്കാനിക്ക് ഡീസൽ- 4, പ്ലംബർ- 4, പെയിൻറർ- 2, കാർപെൻറർ- 2. ഡിപ്ലോമ ടെക്നീഷ്യൻ അപ്രൻറീസ് (57 ഒഴിവുകൾ) കെമിക്കൽ- 15, മെക്കാനിക്കൽ- 10, സിവിൽ- 7, ഇലക്ട്രിക്കൽ / ഇലക്ട്രിക്കൽ ആൻഡ് ഇലക്ട്രോണിക്സ്- 7, കമ്പ്യൂട്ടർ- 6, ഇൻസ്ട്രുമെൻറേഷൻ വിഭാഗങ്ങൾ- 6, ഡിസിപി- 6. ഗ്രാജുവേറ്റ് അപ്രൻറീസ് (27 ഒഴിവുകൾ) കെമിക്കൽ- 5, മെക്കാനിക്കൽ- 5, കമ്പ്യൂട്ടർ സയൻസ് / എഞ്ചിനീയറിങ്- 4, ഇലക്ട്രിക്കൽ ആൻഡ് ഇലക്ട്രോണിക്സ്- 4, സേഫ്റ്റി ആൻഡ് ഫയർ- 3, ഇലക്ട്രോണിക്സ് ആൻഡ് ഇൻസ്ട്രുമെൻറേഷൻ വിഭാഗങ്ങൾ- 3. യോഗ്യതയും പ്രായപരിധിയും ഐടിഐ ട്രേഡ് അപ്രൻറീസ്- അറുപത് ശതമാനം മാർക്കോടെ ബന്ധപ്പെട്ട ട്രേഡിൽ ഐടിഐ ജയിച്ചിരിക്കണം. 01- 09- 2026 കണക്കാക്കി പരമാവധി പ്രായം 23 വയസ്. വേതനം- പ്രതിമാസം 10,560. ഡിപ്ലോമ അപ്രൻറീസ്- കുറഞ്ഞത് അറുപത് ശതമാനം മാർക്കോടെ മൂന്ന് വർഷത്തെ ഡിപ്ലോമ. പട്ടികജാതി / പട്ടിക വർഗ വിഭാഗക്കാർക്ക് 10 ശതമാനം മാർക്ക് ഇളവുണ്ട്. പ്രായപരിധി 23 വയസ്. വേതനം- പ്രതിമാസം 10,900. ഗ്രാജ്വേറ്റ് അപ്രൻറീസ്- അറുപത് ശതമാനം മാർക്കോടെ ബന്ധപ്പെട്ട വിഷയത്തിൽ എഞ്ചിനീയറിങ് ബിരുദം. എസ് സി, എസ് ടി വിഭാഗക്കാർക്ക് 50 ശതമാനം മാർക്ക് മതി. ഉയർന്ന പ്രായപരിധി 25 വയസ്. വേതനം- പ്രതിമാസം 12,300. തിരഞ്ഞെടുപ്പ് പ്രക്രിയ ഈ ഒഴിവുകളിലേക്ക് പരീക്ഷയോ ഇൻറർവ്യൂവോ ഉണ്ടായിരിക്കുന്നതല്ല. ഐടിഐ, ഡിപ്ലോമ വിഭാഗം- എസ്എസ്എൽസി, യോഗ്യതാ പരീക്ഷ ( ഐടിഐ / ഡിപ്ലോമ ) എന്നിവയ്ക്ക് ലഭിച്ച മാർക്കുകൾ തുല്യ പ്രാധാന്യത്തോടെ കണക്കാക്കിയാണ് റാങ്ക് ലിസ്റ്റ് തയ്യാറാക്കുന്നത്. ഗ്രാജ്വേറ്റ് വിഭാഗം- പ്ലസ് ടു പരീക്ഷയിലെയും ബിരുദ പരീക്ഷയിലെയും മാർക്കുകൾ അടിസ്ഥാനമാക്കിയായിരിക്കും തിരഞ്ഞെടുപ്പ് നടക്കുക. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Gramin Bank Recruitment 2026: ഗ്രാമീൺ ബാങ്കുകളിൽ കേരളത്തിൽ 435 ഒഴിവുകൾ; അവസാന തിയതി, അപേക്ഷിക്കേണ്ട വിധം- വിശദമായി അറിയാം

കേരള ഗ്രാമീൺ ബാങ്ക് 2026ലെ വിവിധ തസ്തികകളിലേക്ക് നിയമനം നടത്തുന്നതിനായി വിജ്ഞാപനം പുറപ്പെടുവിച്ചു. ഐബിപിഎസ് (IBPS RRB CRP-XV) വഴിയാണ് ഉദ്യോഗാർഥികളെ തിരഞ്ഞെടുക്കുന്നത്. ബാങ്കിങ് മേഖലയിൽ ജോലി ആഗ്രഹിക്കുന്നവർക്ക് ഓഫീസ് അസിസ്റ്റൻറ്, ഓഫീസർ സ്കെയിൽ I, II, III തസ്തികകളിലായി ആകെ 435 ഒഴിവുകളിലേക്കാണ് ഇപ്പോൾ അപേക്ഷകൾ ക്ഷണിച്ചിരിക്കുന്നത്. ഒഴിവുകൾ ഓഫീസ് അസിസ്റ്റൻറ് (മൾട്ടിപർപ്പസ്): 350 ഓഫീസർ സ്കെയിൽ I: 55 ഓഫീസർ സ്കെയിൽ II (ജനറൽ ബാങ്കിങ് ഓഫീസർ): 12 ഓഫീസർ സ്കെയിൽ II (ചാർട്ടേഡ് അക്കൌണ്ടൻറ്): 2 ഓഫീസർ സ്കെയിൽ II (ലോ ഓഫീസർ): 3 ഓഫീസർ സ്കെയിൽ II (ട്രഷറി മാനേജർ): 2 ഓഫീസർ സ്കെയിൽ III: 11 വിദ്യാഭ്യാസ യോഗ്യത അംഗീകൃത സർവ്വകലാശാലയിൽ നിന്ന് കുറഞ്ഞത് 55 ശതമാനം മാർക്കോടെ ബിരുദമോ ബിരുദാനന്തര ബിരുദമോ പൂർത്തിയാക്കിയവർക്ക് അപേക്ഷിക്കാം. എസ് സി/ എസ് ടി/ പിഡബ്ല്യുഡി വിഭാഗത്തിൽപ്പെട്ടവർക്ക് 50 ശതമാനം മാർക്ക്. പ്രായപരിധി ഓഫീസർ അസിസ്റ്റൻറ്: 18-28 വയസ് ഓഫീസർ സ്കെയിൽ I: 18-30 വയസ് ഓഫീസർ സ്കെയിൽ II: 21-32 വയസ് ഓഫീസർ സ്കെയിൽ III: 21-40 വയസ് അർഹരായ ഉദ്യോഗാർഥികൾക്ക് നിയമാനുസൃതമായ വയസിളവ് ലഭിക്കും. അപേക്ഷാഫീസ്: എസ് സി/ എസ് ടി/ പിഡബ്ല്യുഡി വിഭാഗക്കാർക്ക് 175 രൂപയും മറ്റുള്ളവർക്ക് 850 രൂപയുമാണ്. തിരഞ്ഞെടുപ്പ് പ്രക്രിയ ഓഫീസ് അസിസ്റ്റൻറ് പ്രിലിമിനറി, മെയ്ൻസ് പരീക്ഷകളുടെ അടിസ്ഥാനത്തിലാണ് തിരഞ്ഞെടുക്കുക. ഓഫീസർ സ്കെയിൽ I പ്രിലിമിനറി, മെയ്ൻസ് പരീക്ഷകൾക്ക് പുറമേ അഭിമുഖവും ഉണ്ടായിരിക്കും. ഓഫീസർ സ്കെയിൽ II, III എന്നിവയ്ക്ക് സിംഗിൾ ലെവൽ എഴുത്ത് പരീക്ഷയും അഭിമുഖവും ഉണ്ടായിരിക്കും. പ്രധാന തിയതികൾ ഓൺലൈൻ അപേക്ഷ തുടക്കം: 2026 സെപ്തംബർ ഒന്ന് അപേക്ഷ സമർപ്പിക്കേണ്ട അവസാന തിയതി: 2026 സെപ്തംബർ 21 പ്രിലിമിനറി പരീക്ഷ: നവംബർ / ഡിസംബർ മെയ്ൻസ് പരീക്ഷ: 2026 ഡിസംബർ / 2027 ഫെബ്രുവരി അപേക്ഷിക്കേണ്ട വിധം യോഗ്യരായ ഉദ്യോഗാർഥികൾ ഐ.ബി.പി.എസിൻറെ ഔദ്യോഗിക വെബ്സൈറ്റ് (ibps.in) സന്ദർശിച്ച് 2026 സെപ്തംബർ 21ന് മുൻപായി ഓൺലൈനായി അപേക്ഷകൾ സമർപ്പിക്കണം. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

UAE Job Seeker Visa: സ്പോൺസറില്ലാതെ ഇനി ഗൾഫിൽ ജോലി തേടാം...

യുഎഇയിൽ ഒരു ജോലിയാണോ നിങ്ങൾ ആഗ്രഹിക്കുന്നത്? എങ്കിൽ ജോലികാര്യത്തിന് ഇനി ഒരു സ്പോൺസറുടെയോ ഏജൻസിയുടെയോ ആവശ്യം വേണ്ടിവരില്ല. നിങ്ങൾക്ക് നേരിട്ട് തന്നെ യുഎഇയിൽ ജോലി അന്വേഷിക്കാം. യുഎഇ ജോബ് സീക്കർ വിസ വഴി വ്യക്തികൾക്ക് നേരിട്ടെത്തി തൊഴിൽ അവസരങ്ങൾ കണ്ടെത്താൻ സാധിക്കും. അപേക്ഷകർക്ക് ആവശ്യാനുസരണം 60, 90 അല്ലെങ്കിൽ 120 ദിവസത്തെ കാലാവധി തിരഞ്ഞെടുക്കാം. പക്ഷെ അപേക്ഷിക്കുന്നതിന് മുമ്പ് ചില നിബന്ധനകളുണ്ട്. വിസ ആർക്കെല്ലാം ലഭിക്കും? യുഎഇ ജോബ് സീക്കർ വിസ ലഭിക്കാൻ അപേക്ഷകർക്ക് കുറഞ്ഞത് ബാച്ചിലർ ബിരുദമോ അതിന് തുല്യമായ യോഗ്യതയോ ഉണ്ടായിരിക്കണം. യുഎഇ മാനവ വിഭവശേഷി മന്ത്രാലയത്തിന്റെ (MOHRE) പ്രൊഫഷണൽ ക്ലാസിഫിക്കേഷൻ പ്രകാരം ഒന്ന്, രണ്ട് അല്ലെങ്കിൽ മൂന്ന് എന്നീ സ്കിൽ ലെവലുകളിൽ ഉൾപ്പെടുന്നവരായിരിക്കണം. ഈ വിഭാഗത്തിൽ മാനേജർമാർ, സയന്റിറിക്/ടെക്നിക്കൽ രംഗങ്ങളിലെ പ്രൊഫഷണലുകൾ, ടെക്നീഷ്യൻമാർ എന്നിവരാണ്. രണ്ടാം വിഭാഗത്തിൽ യുഎഇ വിദ്യാഭ്യാസ മന്ത്രാലയം അംഗീകരിച്ച ലോകത്തിലെ 500 സർവകലാശാലകളിൽ ഒന്നിൽ നിന്ന് ബിരുദം നേടിയവരായിരിക്കണം. മാത്രമല്ല രണ്ട് വർഷത്തിനുള്ളിൽ ഇവർ പാസ്സായവരായിരിക്കണം. ഏതെല്ലാം രേഖകളാണ് ആവശ്യം യുഎഇയിൽ കഴിയുന്ന കാലയളവിലെ ചെലവുകൾക്കായി നിശ്ചിത സാമ്പത്തിക ഗ്യാരണ്ടിയോ/ബാങ്ക് രേഖകളോ ഹാജരാക്കേണ്ടതുണ്ട്. മാത്രമല്ല അപേക്ഷയ്ക്കായി മൂന്ന് പ്രധാന രേഖകൾ ആവശ്യമാണ്. . കളർ ഫോട്ടോ . അപേക്ഷകന്റെ പാസ്പോർട്ടിന്റെ പകർപ്പ് . അറ്റസ്റ്റ് ചെയ്ത വിദ്യാഭ്യാസ യോഗ്യതാ സർട്ടിഫിക്കറ്റ് എങ്ങനെ അപേക്ഷിക്കാം? ജോബ് സീക്കർ വിസകൾക്കായി ഫെഡറൽ അതോറിറ്റി ഫോർ ഐഡന്റിറ്റി, സിറ്റിസൺഷിപ്പ്, കസ്റ്റംസ് ആൻഡ് പോർട്ട് സെക്യൂരിറ്റിയുടെ (ICP) ഔദ്യോഗിക വെബ്‌സൈറ്റ് വഴിയോ സ്മാർട്ട് ആപ്പ് വഴിയോ അപേക്ഷിക്കാം. എന്നാൽ ദുബായിലേക്ക് പ്രത്യേകം അപേക്ഷിക്കണമെങ്കിൽ ദുബായ് ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്‌സ് അഫയേഴ്‌സിന്റെ (GDRFA) വെബ്‌സൈറ്റ് വഴിയോ അവരുടെ ഔദ്യോഗിക ആപ്പ് വഴിയോ അപേക്ഷ സമർപ്പിക്കാവുന്നതാണ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും.ZEE MALAYALAM App ഡൗൺലോഡ്ചെയ്യൂ.Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻX(Twitter),Facebookലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ്ടെലഗ്രാം ചാനല്‍സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂപിൻന്യൂസ്.

BEL Recruitment 2026: ഭാരത് ഇലക്ട്രോണിക്സ് ലിമിറ്റഡിൽ ഡെപ്യൂട്ടി എഞ്ചിനീയർ തസ്തികകളിലേക്ക് അപേക്ഷ ക്ഷണിച്ചു; നിയമനം കൊച്ചിയിൽ

ഭാരത് ഇലക്ട്രോണിക്സ് ലിമിറ്റഡിൽ കൊച്ചി യൂണിറ്റിലേക്ക് ഡെപ്യൂട്ടി എഞ്ചിനീയർ തസ്തികയിൽ ഒഴിവുകൾ പ്രഖ്യാപിച്ചു. പ്രതിരോധ മന്ത്രാലയത്തിന് കീഴിൽ പ്രവർത്തിക്കുന്ന കേന്ദ്ര പൊതുമേഖലാ സ്ഥാപനമായ ഭാരത് ഇലക്ട്രോണിക്സ് ലിമിറ്റഡിൽ ഡെപ്യൂട്ടി എഞ്ചിനീയർ തസ്തികയിലേക്ക് സെപ്തംബർ 23വരെ അപേക്ഷ സമർപ്പിക്കാം. ഒഴിവുകൾ ഇലക്ട്രോണിക്സ്- 6 ഒഴിവുകൾ മെക്കാനിക്കൽ- 3 ഒഴിവുകൾ കംപ്യൂട്ടർ സയൻസ്- 5 ഒഴിവുകൾ ആകെ 14 ഒഴിവുകളാണ് റിപ്പോർട്ട് ചെയ്തിരിക്കുന്നത്. ജനറൽ- 7, ഒ.ബി.സി- 3, എസ്.സി- 2, എസ്.ടി- 1, ഇ.ഡബ്ല്യു.എസ്- 1 എന്നിങ്ങനെയാണ് സംവരണം ചെയ്തിരിക്കുന്നത്. വിദ്യാഭ്യാസ യോഗ്യത ബന്ധപ്പെട്ട വിഷയങ്ങളിൽ കുറഞ്ഞത് 60 ശതമാനം മാർക്കോടെ ബിടെക് അല്ലെങ്കിൽ തത്തുല്യ ബിരുദം നേടിയിരിക്കണം. പട്ടികജാതി/പട്ടികവർഗ/ഭിന്നശേഷി വിഭാഗക്കാർക്ക് പാസ് മാർക്ക് മതിയാകും. ഇലക്ട്രോണിക്സ്: ഇലക്ട്രോണിക്സ്/ഇലക്ട്രോണിക്സ് ആൻഡ് കമ്മ്യൂണിക്കേഷൻ/ഇലക്ട്രോണിക്സ് ആൻഡ് ടെലി കമ്മ്യൂണിക്കേഷൻ/ടെലി കമ്മ്യൂണിക്കേഷൻ മെക്കാനിക്കൽ: മെക്കാനിക്കൽ എഞ്ചിനീയറിങ്. കംപ്യൂട്ടർ സയൻസ്: കംപ്യൂട്ടർ സയൻസ്/ കംപ്യൂട്ടർ സയൻസ് ആൻഡ് എഞ്ചിനീയറിങ്. ബന്ധപ്പെട്ട മേഖലയിൽ കുറഞ്ഞത് ഒരു വർഷത്തെ പ്രവൃത്തിപരിചയം നിർബന്ധമാണ്. പ്രായപരിധി 2026 സെപ്തംബർ ഒന്നിനെ അടിസ്ഥാനമാക്കി പരമാവധി പ്രായം 28 ആണ്. നിയമാനുസൃത പ്രായ ഇളവുകളും ലഭിക്കും. ഒ.ബി.സി- 3 വർഷം, എസ്.സി/എസ്.ടി- 5 വർഷം, ഭിന്നശേഷിക്കാർ- 10 വർഷം. വിമുക്തഭടന്മാർക്ക് കേന്ദ്രസർക്കാർ ചട്ടപ്രകാരമുള്ള ഇളവുകൾ ലഭിക്കും. തിരഞ്ഞെടുപ്പ് പ്രവൃത്തി പരിചയവും അക്കാദമിക് യോഗ്യതകളും പരിശോധിച്ച് ഉദ്യോഗാർഥികളെ ഷോർട്ട് ലിസ്റ്റ് ചെയ്യും. ഷോർട്ട് ലിസ്റ്റ് ചെയ്യപ്പെടുന്ന ഉദ്യോഗാർഥികൾക്ക് 85 മാർക്കിൻറെ എഴുത്ത് പരീക്ഷ ഉണ്ടായിരിക്കും. ഇതിൽ വിജയിക്കുന്നവർക്ക് അഭിമുഖം ഉണ്ടായിരിക്കും. അഭിമുഖത്തിൽ പങ്കെടുക്കുന്നതിന് 3 ടയർ എസി ട്രെയിൻ യാത്രാബത്ത ലഭിക്കും. ശമ്പളം 40,000-1,40,000. ഡി.എ, എച്ച്ആർഎ ഉൾപ്പെടെ തുടക്കത്തിൽ പ്രതിമാസം ഏകദേശം 70,000 രൂപയോളം വേതനം ലഭിക്കും. കൂടാതെ വാർഷിക ഇൻക്രിമെൻറും അനുവദിക്കും. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ്ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

SSC CHSL Exam 2026: എസ്‌എസ്‌സി (CHSL) വിജ്ഞാപനം: 2,536 ഒഴിവുകളിലേക്ക് ഇപ്പോൾ അപേക്ഷിക്കാം

സ്റ്റാഫ് സെലക്ഷൻ കമ്മീഷൻ കമ്പൈൻഡ് ഹയർ സെക്കൻഡറി (10,+2) ലെവൽ പരീക്ഷ 2026 രജിസ്ട്രേഷൻ ആരംഭിച്ചു. ഡാറ്റാ എൻട്രി ഓപ്പറേറ്റർ (DEO), ലോവർ ഡിവിഷൻ ക്ലാർക്ക് (LDC), ജൂനിയർ സെക്രട്ടറിയറ്റ അസിസ്റ്റന്റ് (JSA) തുടങ്ങിയ തസ്തികകളിലേക്കുള്ള 2,536 ഒഴിവുകളാണ് ഉള്ളത്. സെപ്റ്റംബർ 7-നാണ് വിൻഡോ തുറന്നത്. യോഗ്യരായ ഉദ്യോഗാർത്ഥികൾക്ക് SSC-യുടെ ഔദ്യോഗിക വെബ്സൈറ്റായ ssc.gov.in വഴി അപേക്ഷകൾ ഒക്ടോബർ 7 വരെ സമർപ്പിക്കാം. ഓൺലൈൻ വഴി അപേക്ഷ ഫീസ് അടയ്ക്കാനുള്ള അവസാന തീയതി ഒക്ടോബർ 8 ആണ്. അപേക്ഷയിൽ തിരുത്തൽ വരുത്താനുള്ള വിൻഡോ ഒക്ടോബർ 14ന് തുറന്ന് ഒക്ടോബർ 16ന് അടയ്ക്കും. ടയർ 1, ടയർ 2 കമ്പ്യൂട്ടർ അധിഷ്ഠിത പരീക്ഷകളുടെ ഷെഡ്യൂൾ പിന്നീട് അറിയിക്കും. ഉപഭോക്തൃകാര്യ, ഭക്ഷ്യ, പൊതുവിതരണ മന്ത്രാലയം, സ്റ്റാഫ് സെലക്ഷൻ കമ്മീഷൻ, സാംസ്കാരിക മന്ത്രാലയം എന്നിവിടങ്ങളിലെ ഡാറ്റാ എൻട്രി ഓപ്പറേറ്റർ (DEO)/DEO ഗ്രേഡ് 'A' തസ്തികകൾ: ഉദ്യോഗാർത്ഥികൾ അംഗീകൃത ബോർഡിൽ നിന്നോ തത്തുല്യ യോഗ്യതയിലോ കണക്ക് ഒരു വിഷയമായി പഠിച്ചിരിക്കണം. സയൻസ് സ്ട്രീമിൽ പ്ലസ് ടൂ പാസ്സായിരിക്കണം. എൽഡിസി/ജെഎസ്എ, ഡാറ്റാ എൻട്രി ഓപ്പറേറ്റർ (DEO)/DEO ഗ്രേഡ് 'A' (മുകളിൽ പരാമർശിച്ച വകുപ്പുകളിലെ/മന്ത്രാലയത്തിലെ DEO ഒഴികെ) തസ്തികകൾ: ഉദ്യോഗാർത്ഥികൾ അംഗീകൃത ബോർഡിൽ നിന്നോ സർവകലാശാലയിൽ നിന്നോ പ്ലസ് ടൂ അല്ലെങ്കിൽ തത്തുല്യ പരീക്ഷ പാസ്സായിരിക്കണം. പ്ലസ് ടൂ ബോർഡ് പരീക്ഷയോ തത്തുല്യ പരീക്ഷയോ എഴുതിയവർക്കും അപേക്ഷിക്കാം. പക്ഷെ കട്ട് ഓഫ് തീയതിയായ 7 ഒക്ടോബർ 2026ന് മുൻപ് യോഗ്യത നേടിയിരിക്കണം. എങ്ങനെ അപേക്ഷിക്കണം? . ഗൂഗിൾ പ്ലേ സ്റ്റോറിൽ നിന്ന് ഡൗൺലോഡ് ചെയ്യാവുന്ന MySSC മൊബൈൽ ആപ്ലിക്കേഷൻ വഴിയോ പുതിയ SSC വെബ്‌സൈറ്റ് വഴിയോ അപേക്ഷകൾ ഓൺലൈനായി സമർപ്പിക്കാം. . വൺ-ടൈം രജിസ്ട്രേഷന്റെയും (OTR) ഓൺലൈൻ അപേക്ഷാ ഫോമുകളുടെയും മാതൃകാ പ്രൊഫോർമ ഔദ്യോഗിക വിജ്ഞാപനത്തോടൊപ്പമുണ്ട്. . പഴയ വെബ്‌സൈറ്റിൽ ജനറേറ്റ് ചെയ്ത OTR പുതിയ വെബ്‌സൈറ്റിൽ പ്രവർത്തിക്കില്ല അതിനാൽ പുതിയ വെബ്‌സൈറ്റിൽ OTR ജനറേറ്റ് ചെയ്യാത്ത ഉദ്യോഗാർത്ഥികൾ അത് ചെയ്യേണ്ടതാണ്. OTR പൂർത്തിയാക്കിയ ശേഷം ഉദ്യോഗാർത്ഥികൾക്ക് പരീക്ഷയ്ക്കുള്ള അപേക്ഷാ ഫോം പൂരിപ്പിക്കാം. . പുതിയ OTR ഉപയോഗിച്ച് പുതിയ വെബ്‌സൈറ്റ് വഴി അപേക്ഷിക്കുന്ന എല്ലാ പരീക്ഷകൾക്കും സാധുവായിരിക്കും . OTR പ്രക്രിയ പൂർത്തിയാക്കുമ്പോൾ ആധാർ അടിസ്ഥാനമാക്കിയുള്ള ആധികാരികത ഉറപ്പുവരുത്തണം. ആധാർ വഴി വിവരങ്ങൾ സ്ഥിരീകരിക്കുന്നവരുടെ അപേക്ഷകൾ ഫോട്ടോയോ ഒപ്പോ ശരിയല്ല എന്ന കാരണത്താൽ തള്ളിക്കളയില്ല. കൂടാതെ പരീക്ഷാ ഹാളിൽ പോകുമ്പോൾ ഫോട്ടോയോ ഒറിജിനൽ ഐഡി പ്രൂഫോ കൊണ്ടുപോകേണ്ടതില്ല. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ്ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

BEML Recruitment 2026: ഭാരത് എർത്ത് മൂവേർസ് ലിമിറ്റഡിൽ 1346 അപ്രൻറീസ് ഒഴിവുകൾ; അപേക്ഷിക്കാനുള്ള അവസാന തിയതി സെപ്തംബർ 8

പൊതുമേഖലാ സ്ഥാപനമായ ഭാരത് എർത്ത് മൂവേർസ് ലിമിറ്റഡിലേക്ക് (ബിഇഎംഎൽ) അപ്രൻറീസ് തസ്തികകളിലേക്ക് അപേക്ഷകൾ ക്ഷണിച്ചു. റെയിൽവേ ഉൾപ്പെടെയുള്ള സ്ഥാപനങ്ങൾക്ക് ആവശ്യമായ ഭാരമേറിയ യന്ത്രോപകരണങ്ങൾ നിർമിക്കുന്ന വൻകിട കമ്പനിയാണ് ഭാരത് എർത്ത് മൂവേർസ്. കേരളത്തിൽ പാലക്കാട് ഉൾപ്പെടെ വിവിധ ട്രേഡുകളിലായി 1346 അപ്രൻറീസ് ഒഴിവുകളിലേക്കാണ് അപേക്ഷ ക്ഷണിച്ചിരിക്കുന്നത്. ഇതിനായി സെപ്തംബർ എട്ട് വരെ ഓൺലൈനായി അപേക്ഷ സമർപ്പിക്കാവുന്നതാണ്. ഒഴിവുകൾ ബിഇഎംഎല്ലിൻറെ കോലാർ ഗോൾഡ് ഫീൽഡ് കോംപ്ലക്സിലേക്ക് 608, ബെംഗളൂരു കോംപ്ലക്സിലേക്ക് 400, മൈസൂരു കോംപ്ലക്സിലേക്ക് 227, കേരളത്തിലെ പാലക്കാട്ടേക്ക് 111 എന്നിങ്ങനെയാണ് ഒഴിവുകൾ. യോഗ്യത വ്യത്യസ്ത ട്രേഡുകളിലേക്ക് ബിടെക് / തത്തുല്യം / ബിഎ / ബി എസ് സി / ബികോം / ബിസിഎ / ബിബിഎ / എഞ്ചിനീയറിങ് ഡിപ്ലോമ / ഐടിഐ സർട്ടിഫിക്കറ്റ് യോഗ്യതയുള്ള ഉദ്യോഗാർഥികൾക്ക് അപേക്ഷകൾ സമർപ്പിക്കാം. അപേക്ഷകർക്ക് അതത് ട്രേഡിനോട് ചേർന്ന് നിൽക്കുന്ന കോർ / അനുബന്ധ വിഷയത്തിൽ ആയിരിക്കണം യോഗ്യത ഉണ്ടായിരിക്കേണ്ടത്. റഗുലർ കോഴ്സിലൂടെ മുഴുവൻ സമയ പഠനത്തിലൂടെ അംഗീകൃത സ്ഥാപനത്തിൽ നിന്ന് ലഭിച്ച വിദ്യാഭ്യാസ യോഗ്യതയായിരിക്കണം. 08-09-2026 കണക്കാക്കി പ്രായം 17 വയസിൽ താഴെ ആകരുത്. അപേക്ഷ സമർപ്പിക്കുന്നതിനുള്ള യോഗ്യത നേടിയത് മൂന്ന് വർഷത്തിനുള്ളിൽ ആയിരിക്കണം. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ്ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

IGNOU Admission 2026: ഇ​ഗ്നോയിലേക്ക് അപേക്ഷിക്കാനാകാത്തവർക്ക് സുവർണാവസരം; അപേക്ഷാ തിയതി നീട്ടി

ഇന്ദിരാ ഗാന്ധി നാഷണൽ ഓപ്പൺ യൂണിവേഴ്സിറ്റി (IGNOU) ജൂലൈ അഡ്മിഷൻ സൈക്കിളിലേക്ക് നിശ്ചയിച്ചിരുന്ന അപേക്ഷാ തിയതി നീട്ടി. ബാച്ചിലർ, മാസ്റ്റേഴ്സ്, ഡിപ്ലോമ, സർട്ടിഫിക്കറ്റ് കോഴ്സുകളിലേക്ക് അപേക്ഷിക്കാൻ വിദ്യാർഥികൾക്ക് ഇനി കൂടുതൽ സമയം ഉണ്ടാകും. ഓഗസ്റ്റ് 16 വരെയാണ് അപേക്ഷാ തിയതി നീട്ടിയത്. ആയിരക്കണക്കിന് വിദ്യാർഥികളാണ് ഓരോ വർഷവും ഇഗ്നോയിലേക്ക് വിവിധ കോഴ്സുകളിലേക്കായി അപേക്ഷകൾ സമർപ്പിക്കുന്നത്. ആവശ്യമായ രേഖകൾ ശേഖരിക്കാനും അനുയോജ്യമായ കോഴ്സുകൾ തിരഞ്ഞെടുക്കാനും കൂടുതൽ സമയം വേണമെന്ന ഉദ്യോഗാർഥികളുടെ ആവശ്യം പരിഗണിച്ചാണ് സർവകലാശാല ഈ തീരുമാനം കൈക്കൊണ്ടത്. ജോലിക്കാർ, വീട്ടമ്മമാർ, മറ്റ് ഉപരിപഠനത്തിന് ആഗ്രഹിക്കുന്നവർ എന്നിവരുൾപ്പെടെ വിദൂര വിദ്യാഭ്യാസം ആഗ്രഹിക്കുന്ന വിവിധ മേഖലകളിലുള്ളവർക്ക് ഉന്നതവിദ്യാഭ്യാസം പ്രാപ്യമാക്കുക എന്ന ലക്ഷ്യത്തോടെയാണ് സർവകലാശാല അപേക്ഷാ തിയതി നീട്ടാമെന്ന തീരുമാനത്തിലെത്തിയത്. പ്രധാന വിവരങ്ങൾ അറിയാം 2026 ജൂലൈ സെഷനിലേക്കുള്ള അപേക്ഷാ തിയതി നീട്ടി ഔദ്യോഗിക ഓൺലൈൻ പോർട്ടൽ വഴി അപേക്ഷകൾ സമർപ്പിക്കാം ഡിഗ്രി, പിജി, ഡിപ്ലോമ, സർട്ടിഫിക്കറ്റ് കോഴ്സുകൾക്ക് ബാധകം കോഴ്സിന്റെ യോഗ്യതാ മാനദണ്ഡങ്ങൾ അപേക്ഷ സമർപ്പിക്കുന്നതിന് മുൻപ് പരിശോധിക്കുക അവസാന തിയതിക്ക് മുൻപായി പ്രക്രിയകൾ പൂർത്തിയാക്കുന്നത് ബുദ്ധിമുട്ടുകൾ ഒഴിവാക്കാൻ സഹായിക്കും അപേക്ഷ സമർപ്പിക്കേണ്ടത് എങ്ങനെയെന്ന് അറിയാം ഇഗ്നോയുടെ ഔദ്യോഗിക പോർട്ടൽ സന്ദർശിക്കുക ഇ മെയിൽ വിലാസവും മൊബൈൽ നമ്പറും ഉപയോഗിച്ച് രജിസ്റ്റർ ചെയ്യുക വ്യക്തിഗത വിവരങ്ങൾ പൂരിപ്പിക്കുക ആവശ്യമായ സർട്ടിഫിക്കറ്റുകൾ നിശ്ചയിച്ചിരിക്കുന്ന വലുപ്പത്തിൽ അപ്ലോഡ് ചെയ്യുക അപേക്ഷാ ഫീസ് ഓൺലൈനായി അടയ്ക്കുക ഫോം പരിശോധിച്ചതിന് ശേഷം സബ്മിറ്റ് ചെയ്യുക കൺഫർമേഷൻ പേജ് സേവ് ചെയ്ത് സൂക്ഷിക്കുക അപേക്ഷ സമർപ്പിക്കുന്നതിന് ആവശ്യമായ രേഖകൾ പാസ്പോർട്ട് സൈസ് ഫോട്ടോ ഒപ്പ് സ്കാൻ ചെയ്തത് വിദ്യാഭ്യാസ യോഗ്യത തെളിയിക്കുന്ന സർട്ടിഫിക്കറ്റുകൾ തിരിച്ചറിയൽ രേഖ ജാതി, സംവരണ സർട്ടിഫിക്കറ്റുകൾ (ബാധകമെങ്കിൽ) പ്രവൃത്തിപരിചയം തെളിയിക്കുന്ന സർട്ടിഫിക്കറ്റുകൾ (ആവശ്യമായ കോഴ്സുകൾക്ക് മാത്രം) അപേക്ഷ സമർപ്പിക്കാനുള്ള അവസാന തിയതി നീട്ടിയെങ്കിലും നേരത്തെ തന്നെ അപേക്ഷിക്കുന്നതാണ് ഉത്തമം. വെബ്സൈറ്റിലെ സാങ്കേതിക തടസങ്ങൾ ഒഴിവാക്കാനും അപേക്ഷയിൽ എന്തെങ്കിലും തെറ്റുകൾ വന്നിട്ടുണ്ടെങ്കിൽ തിരുത്താനും സഹായകമാകും. രേഖകളുടെ പരിശോധന വേഗത്തിൽ പൂർത്തിയാക്കി തടസമില്ലാതെ പഠനം ആരംഭിക്കാനും നേരത്തെ അപേക്ഷ നൽകുന്നത് വഴി സാധിക്കും. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.

Career: നോയിഡ മെഡിക്കൽ ഇൻസ്റ്റിറ്റ്യൂട്ടിൽ സ്റ്റാഫ് നഴ്സ് ഒഴിവ്; അപേക്ഷിക്കേണ്ട അവസാന തീയതി സെപ്തംബർ 7

യുപി സർക്കാരിന് കീഴിലെ ഗ്രെയ്റ്റർ നോയിഡ ഗവണ്മെന്റ് ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിൽ സ്റ്റാഫ് നഴ്സ് തസ്തികകളിൽ ഒഴിവ്. 100 ഒഴിവുകളാണ് ആകെ ഉള്ളത്. കേരളം ഉൾപ്പെടെയുള്ള ഏത് സംസ്ഥാനങ്ങളിലെ നഴ്സിങ് കൗൺസിലിൽ രജിസ്റ്റർ ചെയ്തവർക്കും ഈ ഒഴിവുകളിലേക്ക് അപേക്ഷിക്കാമെന്നാണ് റിപ്പോർട്ട്. അപേക്ഷകൾ സമർപ്പിക്കേണ്ട അവസാന തീയതി സെപ്റ്റംബർ 7 ആണ്. വിദ്യാഭ്യാസ യോഗ്യതയും പ്രവൃത്തിപരിചയവും അറിയാം B.Sc Nursing (4 വർഷത്തെ കോഴ്സ്) അല്ലെങ്കിൽ Post Basic B.Sc Nursing പാസായിരിക്കണം. GNM Diploma ഉള്ളവർക്കും അപേക്ഷിക്കാം. ഡിപ്ലോമയ്ക്ക് ശേഷം കുറഞ്ഞത് 50 കിടക്കകളുള്ള (50 bedded) ആശുപത്രിയിൽ 2 വർഷത്തെ പ്രവൃത്തിപരിചയം നിർബന്ധമാണ് ഏതെങ്കിലും സംസ്ഥാന നഴ്സിംഗ് കൗൺസിലിലോ ഇന്ത്യൻ നഴ്സിങ് കൗൺസിലിലോ (INC) രജിസ്ട്രേഷൻ ഉണ്ടായിരിക്കണം പ്രായപരിധി അറിയാം... പ്രായപരിധി 21 വയസ്സ് മുതൽ 40 വയസ്സ് വരെയുള്ളവർക്ക് അപേക്ഷിക്കാം (01 ജൂലൈ 2026 അടിസ്ഥാനമാക്കി). ഉത്തർപ്രദേശ് സ്വദേശികളായ സംവരണ വിഭാഗക്കാർക്ക് നിയമാനുസൃതമായ ഇളവുകൾ ലഭിക്കും. മറ്റ് സംസ്ഥാനങ്ങളിലെ ഉദ്യോഗാർത്ഥികൾക്ക് ഇളവുകൾ ലഭിക്കില്ല. പരീക്ഷാ രീതിയും സിലബസും അറിയാം.. ഉദ്യോഗാർത്ഥികളെ തിരഞ്ഞെടുക്കുന്നത് കമ്പ്യൂട്ടർ അധിഷ്ഠിത പരീക്ഷയിലൂടെയാണ്. ചോദ്യങ്ങൾ 100 മാർക്കിന്റെ മൾട്ടിപ്പിൾ ചോയ്സ് (MCQ) ആണ് ഉണ്ടാകുക. നഴ്സിങ് സിലബസിൽ നിന്നുള്ള 80% തിയറിയും 20% പ്രാക്ടിക്കൽ നോളജും അടിസ്ഥാനമാക്കിയുള്ള ചോദ്യങ്ങളായിരിക്കും പരീക്ഷയ്ക്ക് വരുന്നത്.

NTPC Deputy Manager: എൻടിപിസിയിൽ ഡെപ്യൂട്ടി മാനേജർ അവസരം: 135 ഒഴിവുകളിലേക്ക് അപേക്ഷ ക്ഷണിച്ചു

ന്യൂഡൽഹി: ഇന്ത്യയിലെ ഏറ്റവും വലിയ ഊർജ ഉത്പാദന കമ്പനിയായ നാഷണൽ തെർമൽ പവർ കോർപ്പറേഷൻ ലിമിറ്റഡ് (എൻടിപിസി) വിവിധ എഞ്ചിനീയറിങ് വിഭാഗങ്ങളിലേക്ക് ഡെപ്യൂട്ടി മാനേജർ തസ്തികകളിലേക്ക് അപേക്ഷകൾ ക്ഷണിച്ചു. ഇലക്ട്രിക്കൽ, മെക്കാനിക്കൽ, സി ആൻഡ് ഐ എന്നീ മേഖലകളിലായി ആകെ 135 ഒഴിവുകളാണുള്ളത്. താൽപര്യമുള്ള ഉദ്യോഗാർഥികൾക്ക് ഓഗസ്റ്റ് 26 വരെ അപേക്ഷ സമർപ്പിക്കാൻ സാധിക്കും. ഒഴിവുകളുടെ വിശദ വിവരങ്ങളും യോഗ്യതാ മാനദണ്ഡങ്ങളും 1. ഡെപ്യൂട്ടി മാനേജർ (മെക്കാനിക്കൽ)- 55 ഒഴിവുകൾ ജനറൽ- 21, ഒബിസി- 14, എസ് സി- 8, എസ് ടി- 7, ഇഡബ്ല്യുഎസ്- 5. യോഗ്യത: അംഗീകൃത സർവകലാശാലയിൽ നിന്ന് മെക്കാനിക്കൽ അല്ലെങ്കിൽ പ്രൊഡക്ഷൻ എഞ്ചിനീയറിംഗിൽ കുറഞ്ഞത് 60 ശതമാനം മാർക്കോടെ ബിരുദം നേടിയിരിക്കണം. എസ് സി, എസ് ടി, പി ഡബ്ല്യു ബി ഡി വിഭാഗക്കാർക്ക് പാസ് മാർക്ക് മതിയാകും. പ്രവൃത്തി പരിചയം: ഊർജ മേഖലയിൽ ഓപ്പറേഷൻസ്, മെയിന്റനൻസ്, ഇറെക്ഷൻ, കമ്മീഷനിങ്, എനർജി എഫിഷ്യൻസി, അല്ലെങ്കിൽ പ്രോജക്ട് മാനേജ്മെന്റ് എന്നിവയിൽ കുറഞ്ഞത് 10 വർഷം പ്രവൃത്തി പരിചയം (സംവരണ വിഭാഗക്കാർക്ക് 8 വർഷം). 2. ഡെപ്യൂട്ടി മാനേജർ (ഇലക്ട്രിക്കൽ)- 40 ഒഴിവുകൾ ജനറൽ- 15, ഒബിസി- 10, എസ് സി-7, എസ് ടി- 4, ഇ ഡബ്ല്യു എസ്- 4 യോഗ്യത: ഇലക്ട്രിക്കൽ / ഇലക്ട്രിക്കൽ ആൻഡ് ഇലക്ട്രോണിക്സ് എഞ്ചിനീയറിംഗിൽ 60 ശതമാനം മാർക്കോടെ ബിരുദം. മെക്കാനിക്കൽ തസ്തികയ്ക്ക് തുല്യമായ പ്രവൃത്തി പരിചയം വേണം. 3. ഡെപ്യൂട്ടി മാനേജർ (സി ആൻഡ് ഐ)- 40 ഒഴിവുകൾ ജനറൽ- 15, ഒബിസി- 10, എസ് സി-6, എസ് ടി- 5, ഇ ഡബ്ല്യു എസ്- 4 യോഗ്യത: ഇലക്ട്രോണിക്സ് കൺട്രോൾ ആൻഡ് ഇൻസ്ട്രുമെന്റേഷൻ ഇൻസ്ട്രുമെന്റേഷൻ എന്നിവയിൽ ഒന്നിൽ 60 ശതമാനം മാർക്കോടെ എഞ്ചിനീയറിംഗ് ബിരുദം നേടിയിരിക്കണം. മെക്കാനിക്കൽ ഇലക്ട്രിക്കൽ തസ്തികകൾക്ക് സമാനമായ പ്രവൃത്തി പരിചയം വേണം. പ്രായപരിധി, ഇളവുകൾ 2026 ഓഗസ്റ്റ് 26നെ അടിസ്ഥാനമാക്കി അപേക്ഷകരുടെ പ്രായം 40 വയസ് കവിയരുത്. ഒബിസി- മൂന്ന് വർഷം ഇളവ്, എസ് സി, എസ് ടി- അഞ്ച് വർഷം ഇളവ്, പി ഡബ്ല്യു ബി ഡി- 10 വർഷത്തെ ഇളവ്. വിമുക്ത ഭടന്മാർക്ക് ചട്ടപ്രകാരമുള്ള ഇളവുകൾ ലഭിക്കും. ഉദ്യോഗാർഥികളുടെ അക്കാദമിക് യോഗ്യതയും പ്രവൃത്തി പരിചയവും മുൻനിർത്തി പ്രാഥമിക സ്ക്രീനിങ് ലിസ്റ്റ് തയ്യാറാക്കി ഇതിന്റെ അടിസ്ഥാനത്തിൽ ആയിരിക്കും അടുത്ത ഘട്ടം. അപേക്ഷകരുടെ എണ്ണത്തിന് അനുസരിച്ച് കമ്പ്യൂട്ടർ അധിഷ്ഠിത പരീക്ഷയോ (സിബിടി) നേരിട്ടുള്ള അഭിമുഖമോ നടത്തും. ശമ്പളം ഇ-4 ഗ്രേഡിലാണ് നിയമനം നടക്കുന്നത്. 70,000 രൂപ മുതൽ രണ്ട് ലക്ഷം രൂപ അടിസ്ഥാന ശമ്പള നിരക്കിൽ മറ്റ് കേന്ദ്ര സർക്കാർ അലവൻസുകൾ ഉൾപ്പെടെ പ്രതിമാസം ഏകദേശം 1,60,000 രൂപ ആയിരിക്കും ശമ്പളം. അപേക്ഷിക്കേണ്ടതെങ്ങനെ അപേക്ഷാ ഫീസ്: 500 രൂപ ( എസ്ബിഐ വഴി ഫീസ് അടയ്ക്കാം) ഫീസ് ഇളവ്: എസ് സി, എസ് ടി, ഭിന്നശേഷി വിഭാഗക്കാർക്കും വിമുക്ത ഭടന്മാർക്കും അപേക്ഷാ ഫീസ് ഇല്ല. അപേക്ഷകർ ഇന്ത്യൻ പൗരന്മാരായിരിക്കണം. താൽപര്യമുള്ള ഉദ്യോഗാർഥികൾ ഔദ്യോഗിക വെബ്സൈറ്റായ www.ntpc.co.in സന്ദർശിച്ച് Career പേജ് പരിശോധിച്ച് ആവശ്യമായ രേഖകൾ സംബന്ധിച്ച് വിശദമായി മനസ്സിലാക്കിയ ശേഷം അപേക്ഷകൾ സമർപ്പിക്കുക. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.