Videos
ACCIDENT NEW SCHEME: ഒന്നര ലക്ഷത്തിന്റെ സൗജന്യ ചികിത്സ
@ZeeMalayalam3d ago
Kerala
National
International
Entertainment
Short Videos
Kochi
Kozhikode
Thiruvananthapuram
Sports
Career
Utility
Religion
Photo
Video&imwidth=640&imheight=360)
Operation Kala Pani: 'ഓപ്പറേഷൻ കാലാ പാനി': മാരക രോഗങ്ങൾക്കും മരണങ്ങൾക്കും കാരണം ഫാക്ടറി മലിനീകരണം, അമരോഹ നിവാസികളുടെ ആരോപണം
ഉത്തർപ്രദേശിലെ അമരോഹ ജില്ലയിലെ ഗജ്‌റൗളയിലുള്ള പ്രമുഖ രാസവസ്തു നിർമ്മാണ സ്ഥാപനമാണ് 'ജുബിലന്റ് ഇങ്റേവിയയുടെ'. ഈ സ്ഥാപനത്തിനെതിരെ ഗുരുതര ആരോപണങ്ങളുയരുന്നതായി സീ മീഡിയയുടെ പ്രത്യേക അന്വേഷണ സംഘം റിപ്പോർട്ട്. ഓപ്പറേഷൻ കാലാ പാനി എന്ന പേരിലാണ് സീ മീഡിയ അന്വേഷണം നടത്തിയത്. ഫാക്ടറിയിൽ നിന്നുള്ള മലിനീകരണവും വിഷപ്പുകയും കാരണം സമീപ പ്രദേശങ്ങളിലെ ജനജീവിതം വളരെ ബുദ്ധിമുട്ടിലാണെന്നും ക്യാൻസർ പോലുള്ള മാരക രോഗങ്ങളാണ് ഇവിടെ പടർന്നുപിടിക്കുന്നതെന്നുമാണ് നാട്ടുകാരുടെ ആരോപണം. പ്രദേശത്തെ വായുവും ഭൂഗർഭ ജലവും പൂർണ്ണമായി മലിനമാക്കപ്പെട്ടുവെന്നാണ് പ്രധാന കണ്ടെത്തൽ. നൈപൂര, സവാജ്പൂർ ഡോർ, സാദേലാപൂർ, ബസേലി, തിഗരിയ തുടങ്ങിയ 20ഓളം ഗ്രാമങ്ങളെയാണ് ഇത് രൂക്ഷമായി ബാധിച്ചിരിക്കുന്നത്. 7 വർഷത്തിനിടെ 7 മരണങ്ങൾ ഫാക്ടറി നിന്നുള്ള മലിനീകരണം മൂലം 7 വർഷത്തിനിടെ 7 മരണങ്ങളാണ് ഉണ്ടായതെന്നാണ് ഗജ്‌റൗളയിലെ ഒരു കുടുംബം ആരോപിക്കുന്നത്. ഫാക്ടറിയിൽ നിന്ന് ഏകദേശം 100 മീറ്റർ മാത്രം അകലെയുള്ള വീട്ടിലാണ് ദുരന്തമുണ്ടായത്. ഫാക്ടറിയാണ് ഈ ഓരോ മരണത്തിനും കാരണമെന്ന് ഇവർ ആരോപിക്കുന്നു. പ്രദേശത്തെ വെള്ളം പൂർണ്ണമായും നശിപ്പിച്ചുവെന്ന് പ്രദേശവാസികൾ പറഞ്ഞു. ഈ ജലമലിനീകരണം മൂലമാണ് കാൻസറും ക്ഷയരോഗവും ഉൾപ്പെടെയുള്ള മാരക രോഗങ്ങളും മരണങ്ങളും സംഭവിച്ചിരിക്കുന്നതെന്നും ഇവർ ആരോപിക്കുന്നു. മലിനജലം കുടിച്ചത് കൊണ്ടാണ് കുടുംബാംഗങ്ങൾക്ക് കാൻസർ ബാധിച്ചത്. വീട്ടിലെ എല്ലാവരും ഇപ്പോൾ രോഗബാധിതരാണെന്നും മറ്റൊരു പ്രദേശവാസിയും ആരോപിച്ചു. അയൽപക്കത്തെ മറ്റ് നിരവധി കുടുംബങ്ങളും സമാന പരാതികൾ ഉന്നയിച്ചു. ഇവർക്കും തങ്ങളുടെ പ്രിയപ്പെട്ടവരെ നഷ്ടമായിരുന്നു. അതീവ ഗൗരവകരമായ ഈ ആരോപണങ്ങളിൽ ശാസ്ത്രീയമായ അന്വേഷണം അനിവാര്യമാണ്. ഭൂഗർഭ ജലം കുടിക്കാൻ യോഗ്യമല്ല 20ൽ അധികം ഗ്രാമങ്ങളാണ് ഈ ഫാക്ടറിക്ക് ചുറ്റുമായുള്ളത്. ഇതിൽ മലിനീകരണം ഏറ്റവും രൂക്ഷമായി ബാധിച്ചിരിക്കുന്നത് നൈപൂര, സവാജ്പൂർ ഡോർ, സാദേലാപൂർ, ബസേലി, തിഗരിയ എന്നീ ഗ്രാമങ്ങളെയാണെന്ന് പ്രദേശവാസികൾ പറയുന്നു. ഈ പ്രദേശങ്ങളിലെ ഭൂഗർഭ ജലം കുടിക്കാൻ യോഗ്യമല്ലെന്ന് ഗ്രാമവാസികൾ പരാതിപ്പെടുന്നു. ഹാൻഡ് പമ്പുകളിൽ നിന്ന് വരുന്നത് കറുത്ത നിറത്തിലുള്ള മലിനജലമാണ്. ഇത് കുടിച്ചവർ രോഗബാധിതരായെന്നും ഇവർ ആരോപിക്കുന്നു. കടുത്ത മഞ്ഞ നിറമാണ് വെള്ളത്തിനെന്നും കുടിക്കുമ്പോൾ വലിയ ശാരീരിക അസ്വസ്ഥതകൾ ഉണ്ടാകാറുണ്ടെന്നുമാണ് ഒരു വയോധിക പറഞ്ഞത്. മറ്റു മാർഗ്ഗങ്ങളില്ലാത്തതിനാൽ ഇത് കുടിക്കാൻ തങ്ങൾ നിർബന്ധിതരാകുകയാണെന്ന് അവർ പറയുന്നു. ഫാക്ടറിയിലെ രാസവസ്തുക്കളാണ് വെള്ളത്തെ ഇത്രയും മലിനമാക്കുന്നതെന്നും അവർ ആരോപിച്ചു. ഈ വെള്ളം കുടിക്കുന്നവർക്ക് കാൻസർ, കിഡ്നി സ്റ്റോൺ, കടുത്ത വയറുവേദന എന്നിവ പിടിപെടുന്നതായും ചിലർക്ക് കാഴ്ചശക്തി നഷ്ടപ്പെടുന്നതായും ആരോപണമുണ്ട്. തങ്ങളുടെ കുടിവെള്ള സ്രോതസ്സുകളിൽ ഈ ഫാക്ടറിയിൽ നിന്നുള്ള മലിനജലം കലരുന്നുണ്ടെന്നാണ് ഗ്രാമവാസികൾ വിശ്വസിക്കുന്നത്. ഉത്തർപ്രദേശിലെ ഗജ്‌റൗളയിൽ 'ജുബിലന്റ് ഇങ്റേവിയ'യുടെ വലിയൊരു ഇന്റഗ്രേറ്റഡ് മാനുഫാക്ചറിങ് കോംപ്ലക്സ് പ്രവർത്തിക്കുന്നുണ്ട്. സ്പെഷ്യാലിറ്റി കെമിക്കലുകളും കെമിക്കൽ ഇന്റർമീഡിയറ്റുകളുടെയും ഉത്പാദനമാണ് ഇവിടെ പ്രധാനമായി നടക്കുന്നത്. വ്യാവസായിക രാസവസ്തുക്കളാണ് ഇവിടെ നിർമ്മിക്കുന്നത്. അതുകൊണ്ട് തന്നെ കർശനമായ സുരക്ഷാ മാനദണ്ഡങ്ങൾ പാലിച്ചുകൊണ്ട് മാത്രമെ അവയുടെ കൈകാര്യവും മാലിന്യ സംസ്കരണവും ചെയ്യാൻ പാടൂ. അതേസമയം വെള്ളം മലിനമാണോ എന്ന് പരിശോധിക്കുന്നതിനായി സീ മീഡിയയുടെ റിപ്പോർട്ടർ ഈ ഗ്രാമങ്ങളിൽ നിന്ന് കുപ്പികളിൽ വെള്ളം ശേഖരിച്ചിട്ടുണ്ട്. ഗ്രാമത്തിൽ നിന്നുള്ള വിവിധ സാമ്പിളുകൾ വിദഗ്ധ പരിശോധനയ്ക്കായി ഐ.ടി.എസ്. ലബോറട്ടറിയിലേക്ക് അയച്ചിട്ടുണ്ട്. ഫലം വന്നിട്ടില്ല. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Z: ഓഹരികൾ തിരികെ വാങ്ങാൻ 'സീ'; ലക്ഷ്യം ദീർഘകാല മൂല്യവർദ്ധനവ്, ഓഹരി ഉടമകൾക്ക് മികച്ച നേട്ടം
ഓഹരി ഉടമകൾക്കുള്ള നേട്ടം കൂട്ടുന്നതിന്റെ ഭാഗമായി 600 കോടി രൂപയുടെ ഓഹരികൾ തിരികെ വാങ്ങാൻ (Buy-back) സീ എന്റർടൈൻമെന്റ് എന്റർപ്രൈസസ്. ഡയറക്ടർ ബോർഡ് ചേർന്നാണ് തീരുമാനമെടുത്തത്. കമ്പനിയുടെ 6,59,34,065 ഓഹരികൾ തിരികെ വാങ്ങാനാണ് തീരുമാനമായിരിക്കുന്നത്. 1 രൂപ മുഖവിലയുള്ള ഓഹരികൾ ഒന്നിന് 91 രൂപ നിരക്കിലാകും തിരികെ വാങ്ങുക. ടെൻഡർ ഓഫർ വഴിയാണ് ഈ നടപടി പൂർത്തിയാക്കുക. ഇതിനായി ആകെ 600 കോടി രൂപയാണ് കമ്പനി ചെലവഴിക്കുക. കമ്പനിയുടെ സാമ്പത്തിക കരുത്ത്, പണമൊഴുക്ക്, ഭാവി ബിസിനസ് സാധ്യതകൾ തുടങ്ങിയവയെല്ലാം പരിഗണിച്ചുകൊണ്ടാണ് ഡയറക്ടർ ബോർഡിന്റെ തീരുമാനം. ഇതിലൂടെ ഓഹരി ഉടമകൾക്കെല്ലാം മികച്ച മൂല്യവർദ്ധനവ് ഉറപ്പാക്കുകയെന്നതാണ് ലക്ഷ്യം വയ്ക്കുന്നത്. ഇത് സംബന്ധിച്ച് നിക്ഷേപകരിൽ നിന്നും ഓഹരി ഉടമകളിൽ കമ്പനി അഭിപ്രായങ്ങൾ തേടിയിരുന്നു. കമ്പനിയുടെ ആകെ ഓഹരി മൂലധനത്തിന്റെ 6.86 ശതമാനമാണ് ഈ ബൈബാക്കിലൂടെ തിരികെ വാങ്ങുന്നത്. ഇതിൽ പ്രൊമോട്ടർമാർ പങ്കെടുക്കില്ലെന്ന് ബോർഡ് വ്യക്തമാക്കി. നിലവിലെ വിപണി മൂല്യത്തിൽ കമ്പനിയുടെ യഥാർത്ഥ മൂല്യം പ്രതിഫലിക്കുന്നില്ലെന്നാണ് ബോർഡിന്റെ വിലയിരുത്തൽ. കമ്പനിയുടെ ഭാവി വളർച്ചയിലുള്ള ആത്മവിശ്വാസമാണ് ബൈബാക്ക് എന്ന തീരുമാനത്തിന് പിന്നിലെന്നും ചെയർമാൻ ആർ. ഗോപാലൻ വ്യക്തമാക്കി. വരുമാനവും ലാഭവും കൂട്ടാനുള്ള ദീർഘകാല പദ്ധതികൾ ബോർഡിന് മുന്നിൽ മാനേജ്മെന്റ് അവതരിപ്പിച്ചിട്ടുണ്ട്. കണ്ടന്റ്, ഡിജിറ്റൽ മേഖല, പുതിയ വളർച്ചാ അവസരങ്ങൾ എന്നിവയിൽ കൂടുതൽ ശ്രദ്ധ കേന്ദ്രീകരിച്ചുകൊണ്ട് കമ്പനിയുടെ വളർച്ചയ്ക്കായി നിർണ്ണായക ചുവടുവയ്പ്പുകൾ നടത്തിക്കൊണ്ടിരിക്കുകയാണ് സീ എന്റർടൈൻമെന്റ് എന്ന് സി.ഇ.ഒ പുനീത് ഗോയങ്ക പറഞ്ഞു. മുന്നിലുള്ള അവസരങ്ങളെ പ്രയോജനപ്പെടുത്താനുള്ള കമ്പനിയുടെ സാധ്യതയകളെയും കരുത്തിനെയുമാണ് ഈ തീരുമാനം കൊണ്ട് സൂചിപ്പിക്കുന്നത്. സുസ്ഥിര വളർച്ചയിലൂടെ ഓഹരി ഉടമകൾക്ക് ദീർഘകാല നേട്ടമുണ്ടാക്കാൻ എപ്പോഴും കമ്പനി പ്രതിജ്ഞാബദ്ധമാണെന്നും പുനീത് ഗോയങ്ക വ്യക്തമാക്കി. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
CA Mukesh Jain: കൃത്യമായ വിവരങ്ങൾ, മറ്റ് എഐ ടൂളുകൾ പോലെയല്ല; 'ക്വാല ഇന്റൽ' അനുഭവം പങ്കുവെച്ച് സിഎ മുകേഷ് ജെയിൻ
"5 ലക്ഷം രൂപ അഞ്ച് വർഷത്തേക്ക് എങ്ങനെ നിക്ഷേപിക്കാം?" എന്ന ചോദ്യവുമായി ക്വാല ഇന്റലിനെ സമീപിച്ച സിഎ മുകേഷ് ജെയിന് ലഭിച്ച മറുപടി അറിയണോ? മാർക്കറ്റ് റിസർച്ചിൽ എഐ അധിഷ്ഠിത സാങ്കേതികവിദ്യയുടെ സാധ്യതകളെക്കുറിച്ചുള്ള അദ്ദേഹത്തിന്റെ മുൻധാരണകളെ എല്ലാം പൂർണമായി മാറ്റിയെഴുതുന്ന തരത്തിലുള്ളതായിരുന്നു ആ ഉത്തരം. ചോദിച്ച ചോദ്യത്തിന് ക്വാല ഇന്റൽ നൽകിയ വിശദമായ വിവരങ്ങൾ തന്നെയാണ് അതിന്റെ ഏറ്റവും വലിയ പ്രത്യേകത എന്നാണ് മുകേഷ് ജെയിന്റെ അഭിപ്രായം. കേവലം പൊതുവായ വിപണി വിലയിരുത്തലുകൾ മാത്രമല്ല എഐ നൽകിയത്. പകരം സമാന മേഖലയിലെ കമ്പനികളുടെ താരതമ്യ പഠനങ്ങളും സാമ്പത്തിക വിവരങ്ങളും മൂല്യനിർണ്ണയത്തിന് പിന്നിലെ കൃത്യമായ കാരണങ്ങൾ ഒക്കെ ഈ എഐ ടൂൾ നൽകി. ഒന്നും നോക്കാതെ കണ്ണും അടച്ച് നിക്ഷേപം നടത്താൻ ആവശ്യപ്പെടാതെ നിക്ഷേപകർക്ക് മുൻപിലേക്ക് ചാർട്ടുകളും കണക്കുകളും കൃത്യമായ പശ്ചാത്തലവും എല്ലാം ഇവ നൽകുന്നു. അതുവഴി നിക്ഷേപകർക്ക് സ്വന്തം തീരുമാനങ്ങൾ വിലയിരുത്താനുള്ള അവസരമാണ് ഈ ടൂൾ നൽകുന്നതെന്ന് മുകേഷ് ജെയിന് ചൂണ്ടിക്കാട്ടുന്നു. 5 ലക്ഷം രൂപ അഞ്ച് വർഷത്തേക്ക് എങ്ങനെ കാര്യക്ഷമമായി പങ്കുവെച്ച് നിക്ഷേപിക്കാം?" എന്ന സങ്കീർണ്ണമായ ചോദ്യത്തിന് വളരെ കൃത്യവും സമഗ്രവുമായ ഉത്തരമാണ് ക്വാല നൽകിയത്. 50% തുക ഇൻഡക്സ് ഫണ്ടുകളിൽ നിക്ഷേപിക്കാൻ ക്വാല ഇന്റൽ നിർദ്ദേശിച്ചു. ബാക്കി തുക തെരഞ്ഞെടുത്ത മികച്ച വളർച്ചാ സാധ്യതയുള്ള ഓഹരികളിൽ മാറ്റാനാണ് ഈ എഐ ടൂൾ നിർദ്ദേശിക്കുന്നത്. 5,000 രൂപ പണമായി തന്നെ കൈവശം വയ്ക്കാനും നിർദ്ദേശം. പെട്ടെന്നുണ്ടാകുന്ന നല്ല അവസരങ്ങൾ പ്രയോജനപ്പെടുത്തുന്നതിനോ അടിയന്തിര ആവശ്യങ്ങൾക്കോ ആയിട്ടാണ് ഇങ്ങനെ ചെയ്യാൻ ക്വാല ഇന്റൽ നിർദ്ദേശിക്കുന്നത്. സാങ്കേതികവിദ്യ നന്നായി കൈകാര്യം ചെയ്യുന്ന ആളാണ് സിഎ മുകേഷ് ജെയിൻ. വേറെയും നിരവധി എഐ ടൂളുകൾ അദ്ദേഹം ഉപയോഗിച്ചിട്ടുണ്ട്. വിപണി സംബന്ധമായ ചോദ്യങ്ങൾക്ക് മറുപടി നൽകുന്ന മറ്റ് സാധാരണ എഐ ടൂളുകളെപ്പോലെ ഒന്ന് മാത്രമായിരിക്കും ക്വാല ഇന്റലും എന്ന അദ്ദേഹത്തിന്റെ വിചാരങ്ങൾ പാടേ മാറ്റുന്നതായിരുന്നു അത് ഉപയോഗിച്ച് കഴിഞ്ഞപ്പോഴുള്ള അനുഭവം. ക്വാല ഇന്റൽ എന്തുകൊണ്ട് വ്യത്യസ്തമാകുന്നു? വെറും വാക്കുകൾക്ക് പകരം കമ്പനിയുടെ സാമ്പത്തിക കണക്കുകളും താരതമ്യ പഠനങ്ങളും ഇത് നൽകുന്നു. ഡാറ്റാധിഷ്ഠിത വിശകലനമാണ് ക്വാല ഇന്റൽ നടത്തുന്നത്. നിക്ഷേപകർക്ക് സ്വയം തീരുമാനമെടുക്കാനുള്ള സ്വാതന്ത്ര്യം നൽകുന്നതാണ് ക്വാല ഇന്റലിന്റെ ഉത്തരങ്ങൾ. ചാർട്ടുകളും വസ്തുതകളും നൽകി കൊണ്ടാണ് ക്വാല ഇന്റൽ ഇതിന് നിക്ഷേപകനെ സഹായിക്കുന്നത്. സാമ്പത്തിക ആവശ്യങ്ങൾക്കായി മാത്രം രൂപകൽപ്പന ചെയ്തയാണ് ക്വാല ഇന്റൽ. ഓഹരി വിപണി വിശകലനത്തിന് മാത്രമായുള്ള ഈ എഐ ടൂൾ പൊതുവായ എഐ ടൂളുകൾക്കും ഏറെ മുന്നിലാണ്. സിഎമാർ മുതൽ തുടക്കക്കാരായ നിക്ഷേപകർക്ക് വരെ അനുയോജ്യമായതാണ് ക്വാല ഇന്റൽ എഐ. സാധാരണക്കാർക്ക് പോലും വളരെ ലളിതമായ ഭാഷയിൽ ഈ പ്ലാറ്റ്ഫോമിൽ നിന്ന് അവർക്കുള്ള ഉത്തരങ്ങൾ ലഭിക്കുന്നു. ക്വാല ഇന്റൽ പ്ലാനുകളും വിവരങ്ങളും പ്രതിമാസ പ്ലാൻ: മാസം 1,000 രൂപ വാർഷിക പ്ലാൻ: വർഷം 10,000 രൂപ ഉപയോക്താക്കൾക്ക് തങ്ങൾക്ക് ഇഷ്ടമുള്ള ഭാഷയിൽ ടെക്സ്റ്റ് സന്ദേശത്തിലൂടെയോ വോയ്സ് സന്ദേശത്തിലൂടെയോ സംശയങ്ങൾ ചോദിക്കാം. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Kulgam Terror Attack: കുൽഗാമിൽ സിആർപിഎഫ് ക്യാമ്പിന് നേരെ ഭീകരാക്രമണം; ജവാന്മാർക്ക് പരിക്ക്, ഭീകരർക്കായി തെരച്ചിൽ
ശ്രീനഗർ: ജമ്മു കശ്മീരിലെ കുൽഗാമിൽ സിആർപിഎഫ് ക്യാമ്പിന് നേരെ ഭീകരാക്രമണം. ആക്രമണത്തിൽ മൂന്ന് ജവാന്മാർക്ക് പരിക്കേറ്റു. മിർ ബസാറിന് സമീപം അഖ്റാനിലെ സിആർപിഎഫ് ക്യാംപിനുനേരെയായിരുന്നു ഭീകരാക്രമണം നടന്നത്. ബൈക്കിലാണ് അക്രമികൾ എത്തിയതെന്നാണ് വിവരം. ഉച്ചയ്ക്ക് 2.15ഓടെ ബൈക്കിൽ എത്തിയവർ സൈനികർക്ക് നേരെ വെടിയുതിർക്കുകയായിരുന്നു. പരിക്കേറ്റവരെ ആശുപത്രിയിലേക്ക് മാറ്റി. പ്രദേശത്ത് ഭീകരർക്കായി തിരച്ചിൽ തുടങ്ങി. ഭീകരാക്രമണത്തിൽ പരിക്കേറ്റ മൂന്ന് സുരക്ഷാ ഉദ്യോഗസ്ഥരെ തിരിച്ചറിഞ്ഞു. സിആർപിഎഫ് ജവാന്മാരായ രാകേഷ് ദാസ്, സന്തോഷ് ചന്ദ്രു, സോംവീർ സിങ് എന്നിവർക്കാണ് പരിക്കേറ്റത്. രാകേഷ് ദാസിന്റെ ഇടതുകാലിനാണ് പരിക്കേറ്റത്. സന്തോഷ് ചന്ദ്രുവിന് വയറ്റിലും നട്ടെല്ലിലും മുറിവേറ്റു. സോംവീർ സിങ്ങിന് ഇടതുകൈയ്ക്കാണ് പരിക്കുള്ളത്. ആശുപത്രിയിൽ ചികിത്സയിലുള്ള മൂന്ന് പേരും നിലവിൽ അപകടനില തരണം ചെയ്തതായി അധികൃതർ അറിയിച്ചു. ആക്രമണം നടന്ന സമയത്ത് ജമ്മു കശ്മീർ ലെഫ്റ്റനന്റ് ഗവർണർ മനോജ് സിൻഹ കുൽഗാം ജില്ലയിലുണ്ടായിരുന്നു. കുൽഗാം ഗവൺമെന്റ് ഡിഗ്രി കോളേജിൽ സംഘടിപ്പിച്ച മൂന്ന് ദിവസം നീണ്ടുനിൽക്കുന്ന 'വൈഷോ ഫെസ്റ്റിവലിൽ' മുഖ്യാതിഥിയായി പങ്കെടുക്കാനെത്തിയതായിരുന്നു അദ്ദേഹം. ആക്രമണത്തിന് തൊട്ടുപിന്നാലെ പ്രദേശത്ത് കൂടുതൽ ബാരിക്കേഡുകൾ വച്ചു. കൂടുതൽ സുരക്ഷാ സേനയെ വിന്യസിക്കുകയും ചെയ്തു. പ്രദേശവാസികളോട് വീടുകളിൽ തന്നെ തുടരാൻ നിർദ്ദേശം നൽകിയിട്ടുണ്ട്. ഭീകരർക്കായി പ്രദേശം പൂർണ്ണമായി വളഞ്ഞ് കനത്ത തെരച്ചിൽ പുരോഗമിക്കുകയാണ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Crime News: ട്രെയിൻ യാത്രയ്ക്കിടെ വയോധികയുടെ സ്വർണം കവർന്നു; ഇൻസ്റ്റാഗ്രാം ഇൻഫ്ലുവൻസർ പിടിയിൽ
പാലക്കാട്: ട്രെയിനിൽ വെച്ച് വയോധികയുടെ സ്വർണം കവർന്ന കേസിൽ ഇൻസ്റ്റഗ്രാം ഇൻഫ്ലുവൻസർ പിടിയിലായി. ദിണ്ടിഗൽ സ്വദേശിയായ ഇൻസ്റ്റഗ്രാം ഇൻഫ്ലുവൻസർ ബാലമുരുകൻ ആണ് പിടിയിലായത്. ചെന്നൈയിൽ നിന്ന് ചെങ്ങന്നൂരിലേക്ക് ട്രെയിനിൽ യാത്ര ചെയ്യുന്നതിനിടെയാണ് കുമാരി എന്ന സ്ത്രീയിൽ നിന്ന് 50 പവൻ സ്വർണാഭരണങ്ങൾ കവർന്നത്. പോലീസും ആർ.പി.എഫും ചേർന്നാണ് അറസ്റ്റ് ചെയ്തത്. ചെന്നൈയിലെ മകന്റെ വീട്ടിൽ നിന്ന് വിവാഹാവശ്യത്തിനായി കൊണ്ടു പോയ സ്വർണമാണ് കവർന്നത്. സേലത്തുനിാണ് പ്രതി ട്രെയിനിൽ കയറിയത്. തുടർന്ന് പാലക്കാടിനും തൃശൂരിനും ഇടയിൽവെച്ച് മോഷണം നടത്തുകയായിരുന്നു. ഇയാളുടെ ഇൻസ്റ്റഗ്രാം റീലുകളും 600-ലധികം സി.സി.ടി.വി ദൃശ്യങ്ങളും കേന്ദ്രീകരിച്ചായിരുന്നു പോലീസ് അന്വേഷണം നടത്തിയത്. ഒടുവിൽ കോയമ്പത്തൂരിൽ നിന്ന് പോലീസ് അറസ്റ്റ് ചെയ്യുകയായിരുന്നു. സ്വർണം വിൽക്കാൻ ശ്രമിക്കുന്നതിനിടയിലാണ് പിടിയിലായത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
അസമിൽ ട്രെയിൻ അപകടം: കൊൽക്കത്ത-സായിരംഗ് എക്സ്പ്രസിന്റെ 6 കോച്ചുകൾ പാളം തെറ്റി
ഗുവാഹത്തി: അസമിൽ കൊല്‍ക്കത്ത-സായിരംഗ് എക്സ്പ്രസിന്റെ ആറ് കോച്ചുകൾ പാളം തെറ്റി. കാംരൂപ് ജില്ലയിലെ ദിഗാരു റെയില്‍വേ സ്റ്റേഷന് സമീപം രാവിലെ 6.54 ഓടെയായിരുന്നു അപകടം നടന്നത്.
Tap to read more
&imwidth=640&imheight=360)
Three Workers Died: തമിഴ്നാട്ടിലെ ടാറ്റ ഇലക്ട്രോണിക്സ് പ്ലാൻറിൽ വിഷവാതകം ശ്വസിച്ച് മൂന്ന് തൊഴിലാളികൾ മരിച്ചു
ചെന്നൈ: തമിഴ്നാട്ടിൽ വിഷവാതകം ശ്വസിച്ച് ടാറ്റ ഇലക്ട്രോണിക്സ് പ്ലാൻറിലെ മൂന്ന് തൊഴിലാളികൾ മരിച്ചു. കൃഷ്ണഗിരി ജില്ലയിലെ ഹൊസൂരിന് സമീപമുള്ള ടാറ്റ ഇലക്ട്രോണിക്സ് പ്ലാൻറിലാണ് വിഷവാതക ദുരന്തമുണ്ടായത്. മൂന്ന് കരാർ തൊഴിലാളികളാണ് മരിച്ചത്. പ്ലാൻറിലെ മലിനജല സംഭരണ ടാങ്ക് തിങ്കളാഴ്ച വൃത്തിയാക്കുന്നതിനിടെയാണ് അപകടമുണ്ടായത്. നെൽകോ എന്ന കരാർ കമ്പനിക്ക് കീഴിൽ ജോലി ചെയ്തിരുന്ന ധർമപുരി ജില്ലയിൽ നിന്നുള്ള കരാർ തൊഴിലാളികളാണ് മരിച്ചത്. സാരഥി കുമാർ (25), കാവേരി (31), അക്മൽ ബാബു ഭായ് (28) എന്നിവരാണ് മരിച്ചത്. ആദ്യം അക്മൽ ആണ് ടാങ്ക് പരിശോധിക്കുന്നതിനായി മുകളിലേക്ക് പോയത്. ടാങ്കിൻറെ മൂടി തുറന്നപ്പോൾ വിഷവാതകം ശ്വസിച്ച് ഇയാൾ ടാങ്കിനുള്ളിലേക്ക് വീണു. ഇതുകണ്ട സാരഥി അക്മലിനെ രക്ഷിക്കാൻ ശ്രമിക്കുന്നതിനിടെ വിഷവാതകം ശ്വസിച്ച് ടാങ്കിലേക്ക് വീണു. കാവേരി ഫാക്ടറിയിലെ സുരക്ഷാ വിഭാഗത്തെ വിവരം അറിയിച്ചതിന് ശേഷം ടാങ്കിൽ വീണ രണ്ട് പേരെയും രക്ഷിക്കാൻ ശ്രമിച്ചു. എന്നാൽ, വിഷവാതകം ശ്വസിച്ച് കാവേരിയും ടാങ്കിലേക്ക് വീഴുകയായിരുന്നു. കമ്പനിയുടെ ഉള്ളുറുക്കൈ ഗ്രാമത്തിന് സമീപമുള്ള മേരി ഗോൾഡ് ഫാക്ടറിയിലാണ് അപകടമുണ്ടായത്. ഫാക്ടറി സ്ഥിതി ചെയ്യുന്നത് റായക്കോട്ടൈ പോലീസ് സ്റ്റേഷൻ പരിധിയിലാണ്. ഫാക്ടറിയിലെ ബിഎംബി-3 വിഭാഗത്തിൽ നിന്ന് പുറത്ത് വരുന്ന മലിനജലം ശേഖരിക്കുന്ന നാനോ ഫിൽട്ടർ ടാങ്ക് വൃത്തിയാക്കുന്നതിനിടെയാണ് തൊഴിലാളികൾ വിഷവാതകം ശ്വസിച്ച് മരിച്ചത്. മൂന്ന് പേരെയും ഫാക്ടറിയിലെ സുരക്ഷാ വിഭാഗത്തിൽ നിന്നുള്ളവർ എത്തി ടാങ്കിൽ നിന്ന് പുറത്തെടുത്ത് ആദ്യം ഫാക്ടറി വളപ്പിലുള്ള പ്രാഥമികാരോഗ്യ കേന്ദ്രത്തിലും പിന്നീട് ഹൊസൂരിലുള്ള സ്വകാര്യ ആശുപത്രിയിലേക്കും മാറ്റി. എന്നാൽ മൂന്ന് പേരും ആശുപത്രിയിൽ എത്തുന്നതിന് മുൻപ് തന്നെ മരിച്ചിരുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Drown Death: തിരുവണ്ണാമലൈയിൽ തടാകത്തിൽ കുളിക്കാനിറങ്ങിയ 5 പേർക്ക് ദാരുണാന്ത്യം; മരിച്ചത് 4 വിദ്യാർഥിനികളും വാർഡനും
ചെന്നൈ: തിരുവണ്ണാമലൈയിൽ തടാകത്തിൽ കുളിക്കാനിറങ്ങിയ 5 പേർ മുങ്ങിമരിച്ചു. നാല് വിദ്യാർഥിനികളും ഒരു വനിതാ വാർഡനുമാണ് അപകടത്തിൽ മരിച്ചത്. വിജയലക്ഷ്മി, അല്ലി, ഭൂമിക, വള്ളിയമ്മാൾ, തേന്മൊഴി എന്നിവരാണ് മരിച്ചത്. തിരുവണ്ണാമലൈക്ക് സമീപമുള്ള പെൺകുട്ടികളുടെ സർക്കാർ സംരക്ഷണ കേന്ദ്രത്തിൽ താമസിച്ച് പഠിക്കുകയായിരുന്ന വിദ്യാർഥിനികളാണ് അപകടത്തിൽപ്പെട്ടത്. ദീപാവലിയുടെ അവധിയായതിനാൽ സംരക്ഷണ കേന്ദ്രത്തിൽ നിന്ന് കുളിക്കാനിറങ്ങിയതാണ് വിദ്യാർഥിനികൾ. സംരക്ഷണ കേന്ദ്രത്തിലെ വനിതാ വാർഡനായ തേന്മൊഴിയോടൊപ്പമാണ് കുട്ടികൾ സമുത്തിരം തടാകത്തിൽ കുളിക്കാനായി പോയത്. എന്നാൽ കുളിക്കുന്നതിനിടെ വിദ്യാർഥിനികൾ അബദ്ധത്തിൽ തടാകത്തിന്റെ ആഴമുള്ള ഭാഗത്തേക്ക് മുങ്ങിപ്പോവുകയായിരുന്നു. കുട്ടികളെ രക്ഷിക്കാൻ ശ്രമിക്കുന്നതിനിടെയാണ് തേന്മൊഴിയും അപകടത്തിൽപ്പെട്ടത്. അഞ്ച് പേരുടെയും മൃതദേഹങ്ങൾ തടാകത്തിൽ നിന്ന് കണ്ടെടുത്തിട്ടുണ്ട്. പാക് വാർത്താ അവതാരക റാബിയ അഹ്സാൻ വെടിയേറ്റു മരിച്ചു; ഭർത്താവ് പിടിയിൽ പാകിസ്ഥാന്‍ വാർത്താ അവതാരകയായ റാബിയ അഹ്സാനെ (41) മരിച്ച നിലയിൽ. റാവൽപിണ്ടിയിലെ വസതിയിലാണ് മരിച്ച നിലയിൽ കണ്ടെത്തിയത്. സംഭവത്തിൽ ഭർത്താവ് അഹ്സാൻ താഹിറിനെ പോലീസ് കസ്റ്റഡിയിലെടുത്തു. വീട്ടിൽനിന്ന് പോലീസ് തോക്ക് കണ്ടെത്തിയിട്ടുണ്ട്. ഞായറാഴ്ച ഉച്ചയ്ക്ക് 3 മണിയോടെയാണ് ഇവർ വെടിയേറ്റ് മരിക്കുന്നത്. സംഭവ സമയത്ത് റാബിയയുടെ അമ്മയും സഹോദരിയും വീടിന്റെ മുറ്റത്തായിരുന്നു. വെടിയൊച്ച കേട്ട് ഇവർ മുറിയിലേക്ക് ഓടിയെത്തിയപ്പോൾ രക്തത്തിൽ കുളിച്ചുകിടക്കുന്ന റാബിയയെയും കയ്യിൽ തോക്കുമായി നിൽക്കുന്ന ഭർത്താവിനെയുമാണ് കണ്ടതെന്നാണ് സഹോദരി അൽവിനയുടെ മൊഴി. കഴുത്തിന് താഴെയും മുതുകിന്റെ വലതുഭാഗത്തുമായാണ് റാബിയയ്ക്ക് വെടിയേറ്റ മുറിവുകളുള്ളത്. അതേസമയം, അബദ്ധത്തിൽ വെടിപൊട്ടിയതാണെന്നാണ് ഭർത്താവ് താഹിർ പോലീസിനോട് പറഞ്ഞത്. തോക്കിന്റെ ലൈസൻസ് ഹാജരാക്കാൻ ഇയാൾക്ക് സാധിച്ചിട്ടില്ല. ‘92 ന്യൂസ്’ ചാനലിലാണ് റാബിയ അഹ്സാൻ ജോലി ചെയ്തിരുന്നത്. ഭർത്താവ് ഓവർസീസ് പാകിസ്ഥാനീസ് ഫൗണ്ടേഷനിൽ ഡെപ്യൂട്ടി ഡയറക്ടറാണ്. രണ്ട് മക്കളുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
World Punjabi Conference 2026: പഞ്ചാബ് മുഖ്യമന്ത്രിയുടെ പാകിസ്ഥാന്‍ സന്ദര്‍ശനം: വിസ നല്‍കാമെന്ന് പാകിസ്ഥാന്‍, കേന്ദ്രം അനുമതി നല്‍കുമോ?
ലാഹോറിൽ നടക്കുന്ന 'വേൾഡ് പഞ്ചാബി കോൺഫറൻസിൽ' പങ്കെടുക്കുന്നതിനായി പഞ്ചാബ് മുഖ്യമന്ത്രി ഭഗവന്ത് മന്നിന് വിസ നൽകുന്ന കാര്യം പരിഗണിക്കുമെന്ന് പാകിസ്ഥാൻ. ഇന്നലെ ഇസ്ലാമാബാദിൽ നടന്ന മാധ്യമസമ്മേളനത്തിലാണ് പാകിസ്ഥാൻ വിദേശകാര്യ വക്താവ് സജ്ജാദ് ഹൈദ ഖാൻ ഇക്കാര്യം വ്യക്തമാക്കിയത്. നവംബർ 27-ന് ലാഹോറിൽ വെച്ചാണ് വിശ്വ പഞ്ചാബി സമ്മേളനം നടക്കുന്നത്. തനിക്ക് ഈ സമ്മേളനത്തിലേക്ക് ക്ഷണം ലഭിച്ചിട്ടുണ്ടെന്നും എന്നാൽ പാകിസ്ഥാനിൽ പോകാൻ കേന്ദ്ര സർക്കാർ അനുമതി നൽകുമോ എന്ന കാര്യം സംശയമാണെന്നും ഭഗവന്ത് മൻ നേരത്തെ വ്യക്തമാക്കിയിരുന്നു. പഞ്ചാബ് മുഖ്യമന്ത്രിക്ക് 'വേൾഡ് പഞ്ചാബി കോൺഫറൻസിൽ' പങ്കെടുക്കാൻ ആഗ്രഹിക്കുന്നുവെങ്കിൽ അദ്ദേഹത്തിന് വിസ നൽകുന്ന കാര്യം പരിഗണിക്കുമെന്ന് പാകിസ്ഥാൻ വിദേശകാര്യ വക്താവ് അറിയിച്ചത്. പഞ്ചാബ് നിയമസഭയിൽ ഭഗവന്ത് മൻ തനിക്ക് പാകിസ്ഥാന്റെ ക്ഷണം ലഭിച്ചിട്ടുണ്ടെന്ന് അറിയിച്ചിരുന്നു. പഞ്ചാബി സംസ്കാരവും സാഹിത്യവും പങ്കുവെക്കുന്ന പരിപാടിയിൽ പങ്കെടുക്കാൻ തനിക്ക് താൽപ്പര്യമുണ്ടെന്ന് വ്യക്തമാക്കിയ മുഖ്യമന്ത്രി കേന്ദ്ര സർക്കാർ ഇക്കാര്യത്തിന് അനുമതി നൽകുമോയെന്ന കാര്യത്തിൽ സംശയം പ്രകടിപ്പിച്ചിരുന്നു. 2025 മെയ് 7 മുതൽ കർത്താർപൂർ ഇടനാഴി അടിച്ചിട്ടിരിക്കുകയാണ്. ഏപ്രിൽ 22-ന് പഹൽഗാം ഭീകരാക്രമണത്തിന് മറുപടിയായി ഇന്ത്യ നടത്തിയ 'ഓപ്പറേഷൻ സിന്ദൂറിനെ' തുടർന്നാണ് ഈ യാത്രാമാർഗ്ഗം അടച്ചിട്ടിരിക്കുന്നത്. പഞ്ചാബിലെ ഗുർദാസ്പൂർ ജില്ലയിലെ ദേര ബാബ നാനക്കിനെയും പാകിസ്ഥാനിലെ കർത്താർപൂരിലുള്ള ഗുർദ്വാര ദർബാർ സാഹിബിനെയും ബന്ധിപ്പിക്കുന്നതാണ് കർത്താർപൂർ ഇടനാഴി. സിഖ് മതസ്ഥാപകനായ ഗുരു നാനാക് ദേവ് തന്റെ ജീവിതത്തിന്റെ അവസാന കാലം ചെലവഴിച്ച ഇവിടം സിഖുകാർക്ക് അതീവ വിശുദ്ധമായ ഒരു ആരാധനാലയമാണ്. ഇന്ത്യ നിയന്ത്രണങ്ങൾ നീക്കുകയാണെങ്കിൽ തീർത്ഥാടകരെ സ്വാഗതം ചെയ്യാൻ തയ്യാറാണെന്ന് പാകിസ്ഥാൻ വ്യക്തമാക്കിയിട്ടുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Punjab Train Fire: പഞ്ചാബിൽ പാസഞ്ചർ ട്രെയിനിൽ തീപിടിത്തം; നാല് ബോഗികൾ കത്തിനശിച്ചു
അമൃത്സർ: പഞ്ചാബിൽ ട്രെയിനിൽ തീപിടിത്തം. അമൃത്സർ-ബിഹാർ കർമഭൂമി എക്സ്പ്രസ് ട്രെയിനിൻറെ നാല് ബോഗികൾ കത്തിനശിച്ചു. യാത്രക്കാർക്ക് ആർക്കും പരിക്കേറ്റിട്ടില്ല. പാട്യാലയിലെ രജ്പുര റെയിൽവേ സ്റ്റേഷന് സമീപത്ത് വച്ചാണ് അപകടമുണ്ടായത്. ബോഗിയുടെ ഉള്ളിൽ നിന്ന് പുക ഉയരുന്നത് കണ്ട യാത്രക്കാർ ചങ്ങല വലിച്ച് ട്രെയിൻ നിർത്തിക്കുകയായിരുന്നു. യാത്രക്കാർ ട്രെയിനിൽ നിന്ന് ഇറങ്ങിയോടിയതിനാൽ വൻ ദുരന്തം ഒഴിവായി. അഗ്നിരക്ഷാസേനയെത്തി തീയണച്ചു. ഷോർട്ട് സർക്യൂട്ടാണെന്നാണ് പ്രാഥമിക നിഗമനമെന്നാണ് റെയിൽവേ അറിയിക്കുന്നത്. സംഭവത്തിൽ കൂടുതൽ അന്വേഷണം നടക്കുകയാണ്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Delhi Air and School: ഡല്‍ഹിയില്‍ വായു മലിനീകരണം അതിരൂക്ഷം, സ്കൂളുകള്‍ക്ക് കര്‍ശന നിര്‍ദേശം
ഡൽഹിയിലെ വായുവിന്റെ ഗുണനിലവാരം വഷളായി. 377-ൽ എത്തിയ എക്യുഐ (AQI) വളരെ മോശം വിഭാഗത്തിലാണ് കഴിഞ്ഞ ദിവസം രേഖപ്പെടുത്തിത്. ദീപാവലി അടുത്തിരിക്കെ മലിനീകരണം കൂടുന്നതിനാൽ സ്കൂളുകൾ തുറക്കുമ്പോൾ കുട്ടികളുടെ ആരോഗ്യം സംരക്ഷിക്കാൻ അധികൃതർ മുൻകരുതൽ എടുക്കേണ്ടത് അത്യാവശ്യമാണ്. സ്കൂളുകൾക്ക് എന്ത് ചെയ്യാം? പടക്കം പൊട്ടിക്കുന്നതിനെതിരെ കുട്ടികളിൽ അവബോധം വളർത്തുന്നതിനായി നവംബർ 5,6 തീയതികളിൽ പ്രത്യേക അസംബ്ലികൾ സംഘടിപ്പിക്കാൻ ഡൽഹി വിദ്യാഭ്യാസ ഡയറക്ടറേറ്റ് സർക്കാർ, സ്വകാര്യ സ്കൂളുകൾക്ക് നിർദ്ദേശം നൽകി. പ്രസ് ട്രസ്റ്റ് ഓഫ് ഇന്ത്യയുടെ റിപ്പോർട്ട് പ്രകാരം ദീപാവലിക്ക് ശേഷം ഔട്ട്ഡോർ പ്രവർത്തനങ്ങൾ മാറ്റിവെക്കാനും, എയർ പ്യൂരിഫയറുകൾ സ്ഥാപിക്കാനും, ക്ലാസ് മുറികളിൽ സ്നേക്ക് പ്ലാന്റുകൾ വെക്കാനും ഡൽഹിയിലെ സ്വകാര്യ സ്കൂളുകൾ പദ്ധതിയിടുന്നുണ്ട്. വായു മലിനീകരണത്തിന്റെ ദൂഷ്യവശങ്ങളെക്കുറിച്ച് വിദ്യാർത്ഥികൾക്ക് ബോധവൽക്കരണം നൽകാനുള്ള നടപടികളും സ്കൂളുകൾ ശക്തമാക്കുന്നുണ്ട്. പരിസ്ഥിതി സംരക്ഷണത്തെക്കുറിച്ച് കുടുംബങ്ങളിലും സമൂഹങ്ങളിലും അവബോധം പരത്താൻ വിദ്യാർത്ഥികളെ പ്രോത്സാഹിപ്പിക്കുന്നതിനായി പോസ്റ്റർ നിർമ്മാണം, മുദ്രാവാക്യം രചന, ഉപന്യാസ രചന, സംവാദങ്ങൾ, ചിത്രരചനാ മത്സരങ്ങൾ എന്നിവ സംഘടിപ്പിക്കാനും സ്കൂളുകൾക്ക് നിർദ്ദേശം നൽകി. സ്കൂളുകൾക്ക് എങ്ങനെ തയ്യാറെടുക്കാം? എക്യുഐ മോശമാകുമ്പോഴോ വഷളാകുമ്പോഴോ പ്രഭാത അസംബ്ലി, പിടി, കായിക പരിശീലനങ്ങൾ, വിനോദയാത്രകൾ എന്നിവ നിർത്തിവെയ്ക്കുക. അവ ഇൻഡോർ വേദികളിലേക്ക് മാറ്റുകയോ മാറ്റിവെക്കുകയോ ചെയ്യുക. വെന്റിലേഷൻ സംവിധാനങ്ങൾ കൃത്യമായി പാലിക്കുക. സാധ്യമാകുന്നിടത്ത് എയർ പ്യൂരിഫയറുകൾ ഉപയോഗിക്കുക. സ്കൂളുകളിൽ പൊടിപടലങ്ങൾ ഉണ്ടാകുന്ന പ്രവർത്തനങ്ങൾ ഒഴിവാക്കുക. തുറസ്സായ സ്ഥലങ്ങളിൽ വെള്ളം തളിക്കുക. മാത്രമല്ല കാമ്പസിനുള്ളിൽ ജൈവമാലിന്യങ്ങളോ അവശിഷ്ടങ്ങളോ കത്തിക്കുന്നത് ഒഴിവാക്കുക. ആസ്ത്മ, ബ്രോങ്കൈറ്റിസ് അല്ലെങ്കിൽ മറ്റ് ശ്വാസകോശ സംബന്ധമായ അസുഖങ്ങളുള്ള വിദ്യാർത്ഥികളെ കണ്ടെത്തുക. അവർക്ക് ആവശ്യമായ ഇൻഹേലറുകൾ എപ്പോഴും ലഭ്യമാണെന്ന് ഉറപ്പുവരുത്തുകയും ഇക്കാര്യം മാതാപിതാക്കളെ മുൻകൂട്ടി അറിയിക്കുകയും ചെയ്യുക. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Kwala Intel: ഓഹരികൾ വാങ്ങാൻ മികച്ച സമയമേത്? ക്വാല ഇന്റൽ നിർദേശിക്കുന്നത് ഇങ്ങനെ
വിപണിയിൽ ഇടിവുണ്ടാകുന്ന സമയം ഓഹരികൾ വാങ്ങാൻ ഒരു മികച്ച അവസരമായി പലരും കാണാറുണ്ട്. എന്നാൽ ഇത് നിക്ഷേപത്തിന് അനുയോജ്യമായ സമയമാണോ? ഓഹരിയിലെ ഇടിവിന് കാരണം കമ്പനിയുടെ മോശം അവസ്ഥയാണെങ്കിൽ വിലക്കുറവിൽ ഓഹരികൾ വാങ്ങുന്നത് കൂടുതൽ നഷ്ടത്തിന് കാരണമാകാം. ബൈ ദ ഡിപ് (Buy The Dip) എന്താണ്? വിലയിടിവിന് ശേഷം ചില ഓഹരികളോ വിപണിയുമായി ബന്ധപ്പെട്ട ആസ്തികളോ വാങ്ങുന്നതിനെയാണ് ബൈ ദി ഡിപ് എന്നുവിളിക്കുന്നത്. നിക്ഷേപകർക്ക് താരതമ്യേന കുറഞ്ഞ വിലയിൽ വിപണിയിലേക്ക് പ്രവേശിക്കാൻ ഇത് മികച്ച ഒരു അവസരം ആകാമെങ്കിലും ഓഹരി വില അണ്ടർ വാല്യൂഡ് ആണെന്ന് ഇത് അർഥമാക്കുന്നില്ല. മോശം വരുമാനമോ കമ്പനിയുടെ അടിസ്ഥാന കാര്യങ്ങളിലെ പ്രശ്നങ്ങൾ കാരണമോ ഓഹരി വില ഇടിഞ്ഞതാകാം. അതിനാൽ തന്നെ ഓഹരി വില ഇടിയാനുണ്ടായ കാര്യങ്ങൾ മനസ്സിലാക്കി വേണം ഓഹരി വാങ്ങാൻ. നിക്ഷേപത്തിൽ വളരെ സെലക്ടീവ് ആകുക, പടിപടിയായി നിക്ഷേപം നടത്തുക, വിപണിയിലെ മാറ്റങ്ങളിൽ ജാഗ്രത പാലിക്കുക എന്നിവ പ്രധാനമാണെന്ന് ക്വാല ഇൻറൽ (Kwala Intel) വ്യക്തമാക്കുന്നു. ബൈ ദ ഡിപ് ചെയ്യേണ്ടതുണ്ടോ? വളരെ സെലക്ടീവായി ഓഹരികൾ വാങ്ങുക. മാർക്കറ്റ് ഇൻഡിക്കേറ്ററുകൾ, അടിസ്ഥാന കാര്യങ്ങൾ, വാല്യുവേഷനുകൾ, പടിപടിയായ നിക്ഷേപം എന്നിവയാണ് ക്വാല ഇൻറൽ എഐ സൂപ്പർ ബ്രെയിൻ മുന്നോട്ടുവയ്ക്കുന്ന നിർദേശങ്ങൾ. ഓഹരി വാങ്ങുമ്പോൾ ശ്രദ്ധിക്കേണ്ട പ്രധാനപ്പെട്ട കാര്യങ്ങൾ എന്തെല്ലാമാണെന്ന് ക്വാല ഇൻറൽ പറയുന്നു. ഓഹരി ഇടിയാൻ കാരണം എന്ത്? ഓഹരി ഇടിയാനുണ്ടായ കാരണം വ്യക്തമായി പരിശോധിക്കുക. ഇത് മൊത്തത്തിലുള്ള വിപണിയിലെ ചലനത്തെ തുടർന്നാണോ അതോ കമ്പനിയുമായി ബന്ധപ്പെട്ട ഇടിവാണോ എന്ന് പരിശോധിക്കണം. കമ്പനിയുടെ സാമ്പത്തിക സ്ഥിതി എത്രത്തോളം സുരക്ഷിതമാണെന്ന് പരിശോധിക്കുക. വരുമാനത്തിൻറെ പ്രകടനവും ബാലൻസ് ഷീറ്റും വിലയിരുത്തുക. പ്രൊമോട്ടർമാരും കോർപ്പറേറ്റ് ഗവേണൻസ് റിസ്കുകളും പ്രൊമോട്ടർമാരുമായി ബന്ധപ്പെട്ട റിസ്കുകളും കോർപ്പറേറ്റ് ഗവേണൻസും പരിശോധിക്കുക. നല്ല വാല്യൂ സ്റ്റോക്ക് ആണെന്ന് തോന്നിയാൽ പോലും മോശം കോർപ്പറേറ്റ് ഗവേണൻസ് കൂടുതൽ അപകടസാധ്യത ഉണ്ടാക്കിയേക്കാം. നിക്ഷേപ പദ്ധതി ഒരു നിക്ഷേപ പദ്ധതി ഉണ്ടായിരിക്കുക എന്നത് പ്രധാനപ്പെട്ട കാര്യമാണ്. എത്ര തുക നിക്ഷേപിക്കും എന്നത് പ്രധാനമാണ്. ഒരു ഓഹരിയിൽ കൂടുതൽ തുക നിക്ഷേപിക്കരുത്. ഘട്ടം ഘട്ടമായി നിക്ഷേപിക്കാൻ ശ്രദ്ധിക്കുക. ഡിപ് വാങ്ങുന്നതിന് പകരം മികച്ച ഓഹരികൾ വാങ്ങാൻ ശ്രദ്ധിക്കുക. കൂടുതൽ വിവരങ്ങൾ അറിയുന്നതിനായി Kwala Intel ഉപയോഗിക്കാം. ഓഹരി വിപണിയുമായി ബന്ധപ്പെട്ട സംശയങ്ങൾ ദൂരീകരിക്കാനും വിവരങ്ങൾ പരിശോധിക്കാനും ക്വാല ഇൻറൽ സഹായിക്കുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Supreme Court: ഇസിഎൽ ഫിനാൻസ് ലിമിറ്റഡിന് സുപ്രീംകോടതിയിൽ തിരിച്ചടി
ഇസിഎൽ ഫിനാൻസ് ലിമിറ്റഡിന് സുപ്രീംകോടതിയിൽ നിന്ന് തിരിച്ചടി. മറ്റൊരു കമ്പനിക്ക് പണം കടം കൊടുക്കുക മാത്രമല്ല, ആ കമ്പനിയുടെ ചെറുതും വലതുമായ എല്ലാ തീരുമാനങ്ങളിലും ഇടപെട്ട ഒരു ധനകാര്യ കമ്പനി. ഒരു വായ്പാ കമ്പനി കടം വാങ്ങുന്ന കമ്പനിയുടെ നയപരമായ തീരുമാനങ്ങളിൽ ഇടപെട്ടാൽ, അതിനെ വെറും വായ്പ നൽകുന്നയാളായി കണക്കാക്കാനാവില്ലെന്നും മറിച്ച് കമ്പനിയുടെ ഒരു 'റിലേറ്റഡ് പാ‍ർട്ടി' ആയി കണക്കാക്കാമെന്നും സുപ്രീം കോടതി വ്യക്തമാക്കി. സുപ്രീം കോടതി ഇസിഎൽ ഫിനാൻസിനെതിരെ നടത്തിയ നിരീക്ഷണങ്ങൾ എന്തെല്ലാമാണ്? 2016-ൽ, സാഹ ഇൻഫ്രാടെക് എന്ന കമ്പനി ഗ്രേറ്റർ നോയിഡയിൽ ഒരു റിയൽ എസ്റ്റേറ്റ് പ്രോജക്റ്റ് ആരംഭിച്ചു. ഈ പ്രോജക്റ്റിന് 'പ്രൊജക്റ്റ് എൻകോർ' എന്ന് പേരിട്ടു, പിന്നീട് അത് 'മേഘദൂതം എൻകോർ' എന്ന് പുനർനാമകരണം ചെയ്തു. 2016-ൽ ഈ പദ്ധതിക്കായി 160 കോടി രൂപയുടെ കടപ്പത്രങ്ങൾ പുറത്തിറക്കാൻ പദ്ധതിയിട്ടിരുന്നു. എന്നാൽ, 110 കോടി രൂപയുടെ കടപ്പത്രങ്ങൾ മാത്രമാണ് പുറത്തിറക്കിയത്, ഇവയെല്ലാം ഇസിഎൽ ഫിനാൻസ് വാങ്ങി. ഈ ഇടപാടിൽ പാം ഡെവലപ്പേഴ്‌സ് ഗ്യാരണ്ടറായി പ്രവർത്തിച്ചു. അതായത് സാഹ ഇൻഫ്രാടെക് പണം തിരിച്ചടയ്ക്കുന്നതിൽ പരാജയപ്പെട്ടാൽ, പാം ഡെവലപ്പേഴ്‌സ് ഉത്തരവാദിയായിരിക്കും. 2017-ൽ, പാം ഡെവലപ്പേഴ്‌സ് ഗ്യാരണ്ടിയായി ഇസിഎൽ ഫിനാൻസ് സാഹ ഇൻഫ്രാടെക്കിന് 90 കോടി രൂപ കൂടി വായ്പാ സൗകര്യം നൽകി. സാമ്പത്തിക ഇടപാടുകളും തട്ടിപ്പും ആരംഭിച്ചത് ഇവിടെ നിന്നാണ്. ഞെട്ടിക്കുന്ന വെളിപ്പെടുത്തലുകൾ സുപ്രീം കോടതിയിൽ സമർപ്പിച്ച ഫോറൻസിക് ഓഡിറ്റ് റിപ്പോർട്ട് ഞെട്ടിപ്പിക്കുന്ന ഒരു വെളിപ്പെടുത്തൽ നടത്തി. സാഹ ഇൻഫ്രാടെക്കിന്റെ കോർപ്പറേറ്റ് ഗ്യാരണ്ടറായിരുന്ന പാം ഡെവലപ്പേഴ്‌സിനെ സാഹ ഇൻഫ്രാടെക്കിൽ നിന്ന് മറ്റ് രണ്ട് കമ്പനികൾക്ക് ഫണ്ട് കൈമാറുന്നതിനുള്ള ഒരു മാർഗമായി ഉപയോഗിച്ചതായി റിപ്പോർട്ടിൽ പറയുന്നു. ഇസിഎൽ ഫിനാൻസിന്റെ കമ്പനികളുടെ മേലുള്ള നിയന്ത്രണം ആ കമ്പനികൾ പാം ഡെവലപ്പേഴ്‌സിന്റെ പ്രൊമോട്ടർമാരുടെ ഉടമസ്ഥതയിലുള്ളതാണെന്നും രണ്ട് കമ്പനികളെയും ഇസിഎൽ ഫിനാൻസ് നിയന്ത്രിച്ചിരുന്നതായി ഫോറൻസിക് റിപ്പോർട്ടുകൾ വെളിപ്പെടുത്തി. തുടർന്നുള്ള നടപടികൾ അതിലും ഞെട്ടിപ്പിക്കുന്നതായിരുന്നു. 2020 ൽ പാം ഡെവലപ്പേഴ്‌സ് പാപ്പരായി. ഇസിഎൽ ഫിനാൻസും അതിന്റെ ഡിബഞ്ചർ ട്രസ്റ്റിയും ഏകദേശം 270 കോടി രൂപയുടെ സംയുക്ത അവകാശവാദം മുന്നോട്ടുവച്ചു. കമ്പനിയുടെ ഭാവി ഗതി തീരുമാനിക്കുന്ന കമ്മിറ്റി ഓഫ് ക്രെഡിറ്റേഴ്‌സ് (സിഒസി) എന്ന കമ്മിറ്റിയിൽ തങ്ങളെത്തന്നെ ഉൾപ്പെടുത്തിയിട്ടുണ്ട്. കമ്പനിയുടെ "സ്വന്തം ആളുകൾ" അല്ലാത്ത വായ്പക്കാർക്ക് മാത്രമേ സിഒസിയിൽ ഇരിക്കാൻ കഴിയൂവെന്ന് നിയമമുണ്ട്. ഇസിഎൽ ഫിനാൻസ് ലിമിറ്റഡിന്റെ കൃത്രിമത്വങ്ങൾ വെളിച്ചത്തുവരാൻ തുടങ്ങിയത് ഇവിടെ നിന്നാണ്. പാം ഡെവലപ്പേഴ്‌സിന്റെ പാപ്പരത്ത നടപടികളും ഇസിഎൽ ഫിനാൻസും സംബന്ധിച്ച രേഖകൾ സുപ്രീം കോടതി പരിശോധിച്ചപ്പോൾ, ഞെട്ടിപ്പിക്കുന്ന ഒരു വെളിപ്പെടുത്തൽ ഉണ്ടായി. ഇസിഎല്ലിന് പണം തിരിച്ചുപിടിക്കാൻ അവകാശമില്ല. സുപ്രീം കോടതി എൻസിഎൽടി ഉത്തരവ് ശരിവച്ചു ഡയറക്ടർമാരെ നിയമിക്കാനും, ബോർഡ് തർക്കങ്ങൾ പരിഹരിക്കാനും, ത്രൈമാസ ബജറ്റ് അംഗീകരിക്കാനും ഇസിഎല്ലിന് അധികാരമുണ്ടായിരുന്നു. ഏതൊരു മാനേജ്മെന്റ് ഉദ്യോഗസ്ഥനെയും നീക്കം ചെയ്യുന്നത് വീറ്റോ ചെയ്യാൻ അതിന് അധികാരമുണ്ടായിരുന്നു. കമ്പനിയുടെ അക്കൗണ്ടുകളിൽ പോലും അവർക്ക് നേരിട്ടുള്ള നിയന്ത്രണം ഉണ്ടായിരുന്നു. ഈ രേഖകൾ പരിശോധിച്ച ശേഷം, നാഷണൽ കമ്പനി ലോ ട്രൈബ്യൂണൽ (NCLT) ഇസിഎൽ ഫിനാൻസ് ലിമിറ്റഡിനെ ക്രെഡിറ്റേഴ്‌സ് കമ്മിറ്റിയിൽ നിന്ന് ഒഴിവാക്കി. അടുത്തിടെ, സുപ്രീം കോടതി, എൻസിഎൽടിയുടെ ഉത്തരവ് ശരിവച്ചുകൊണ്ട്, ഇസിഎൽ ഫിനാൻസിനെ സിഒസിയിൽ നിന്ന് മാറ്റി നിർത്താനുള്ള തീരുമാനത്തിന് അംഗീകാരം നൽകി. ഇതോടൊപ്പം, കമ്പനിയുടെ കാര്യങ്ങളിൽ ഇടപെടുന്ന ഒരു കമ്പനിയെ സാധാരണ ബാഹ്യ കടക്കാരനായി കണക്കാക്കില്ല, മറിച്ച് "സ്വന്തം ആളായി" കണക്കാക്കും, അതിനാൽ കമ്പനിക്ക് പണം കുടിശ്ശികയുണ്ടെങ്കിൽ പോലും ആ കമ്മിറ്റിയിൽ ഇരിക്കാൻ അവകാശമില്ലെന്ന് സുപ്രീം കോടതി പരാമർശം നടത്തി. ക്രമക്കേടുകൾക്ക് കുറ്റക്കാരെന്ന് കണ്ടെത്തി സുപ്രീം കോടതിയുടെ ഉത്തരവ് ഇസിഎൽ ഫിനാൻസിന് വലിയ തിരിച്ചടിയായിരുന്നു. സുപ്രീം കോടതി മാത്രമല്ല, റിസർവ് ബാങ്ക് ഓഫ് ഇന്ത്യയും (RBI) ഇസിഎൽ ഫിനാൻസിന്റെ ഭാഗത്തുനിന്ന് ക്രമക്കേടുകൾ ഉണ്ടായതായി കണ്ടെത്തി. 2024 മെയ് മാസത്തിൽ, ഇസിഎൽ ഫിനാൻസിനും അതിന്റെ ഗ്രൂപ്പ് കമ്പനിയായ Edelweiss ARC-ക്കും മേൽ ആർബിഐ വ്യാപാര നിയന്ത്രണങ്ങൾ ഏർപ്പെടുത്തി. വായ്പയുമായി ബന്ധപ്പെട്ട നിരവധി ക്രമക്കേടുകൾക്ക് Edelweiss കമ്പനികൾ കുറ്റക്കാരാണെന്ന് ഒരു അന്വേഷണത്തിൽ കണ്ടെത്തിയതിനെത്തുടർന്നാണ് ആർബിഐ വ്യാപാര നിയന്ത്രണങ്ങൾ ഏർപ്പെടുത്തിയത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
ചലോ ദില്ലി റാലിയിൽ പങ്കെടുത്തില്ല; യൂത്ത് കോൺഗ്രസ് നേതാക്കൾക്ക് കൂട്ട സസ്‌പെൻഷൻ
ഭോപ്പാൽ: നവംബർ ഒന്നിന് രാംലീല മൈതാനിയിലെ ചലോ ദില്ലി പ്രതിഷേധത്തില്‍ പങ്കെടുക്കാത്ത യൂത്ത് കോണ്‍ഗ്രസ് നേതാക്കള്‍ക്ക് കൂട്ട സ്സ്‌പെന്‍ഷന്‍. നടപടി നേരിട്ടിരിക്കുന്നത് മധ്യപ്രദേശിലെ നേതാക്കള്‍ക്ക് എതിരെയാണ്. ഒമ്പത് ജില്ലാ പ്രസിഡന്റുമാരടക്കം 60 പേരെയാണ്‌ ദേശീയ നേതൃത്വം സസ്‌പെന്‍ഡ് ചെയ്തത്. സംഘടനാപരമായ അച്ചടക്കമില്ലായ്മയെന്നാണ് പാര്‍ട്ടിയുടെ വിശദീകരണം. അഞ്ച് സംസ്ഥാന വൈസ് പ്രസിഡന്റുമാർ, 14 സംസ്ഥാന ജനറൽ സെക്രട്ടറിമാർ, 32 സംസ്ഥാന സെക്രട്ടറിമാർ, ഒമ്പത് ജില്ലാ പ്രസിഡന്റുമാർ എന്നിവരെയാണ് സസ്‌പെൻഡ് ചെയ്തത്. കൂട്ട സസ്‌പെന്‍ഷനെതിരെ പാര്‍ട്ടിക്കുള്ളില്‍ പ്രതിഷേധമുയര്‍ന്നു. ആദ്യം കാരണം കാണിക്കല്‍ നോട്ടീസ് നല്‍കിയില്ലെന്ന് സസ്‌പെന്‍ഷന്‍ നേരിട്ട നേതാക്കള്‍ പരാതിയുയര്‍ത്തി. ഒമ്പത് ജില്ലാ പ്രസിഡന്റുമാര്‍, അഞ്ച് വൈസ് പ്രസിഡന്റുമാര്‍, 14 ജനറല്‍ സെക്രട്ടറിമാര്‍, 32 സെക്രട്ടറിമാര്‍ എന്നിവര്‍ക്കെതിരെയാണ് നടപടി സ്വീകരിച്ചിരിക്കുന്നത്. ഇതിനിടയിൽ കൂട്ട സസ്‌പെന്‍ഷനെതിരെ പാര്‍ട്ടിക്കുള്ളില്‍ പ്രതിഷേധമുയര്‍ന്നിട്ട്. സസ്പെൻഷനുമുന്നെ കാരണം കാണിക്കല്‍ നോട്ടീസ് നല്‍കിയില്ലെന്ന് സസ്‌പെന്‍ഷന്‍ നേരിട്ട നേതാക്കള്‍ പരാതിയുയര്‍ത്തിയിട്ടുണ്ട്. അച്ചടക്ക നടപടി നേരിട്ടവരിൽ വിന്ധ്യ മേഖലയിലെ മൈഹാർ, അനുപൂർ എന്നിവിടങ്ങളിൽ നിന്നുള്ളവരും, മാൾവ-നിമാർ മേഖലയിലെ അഗർ, നീമുച്ച്, ബർവാനി, ബുർഹാൻപൂർ എന്നിവിടങ്ങളിൽ നിന്നുള്ളവരും, ഗ്വാളിയോർ-ചമ്പൽ മേഖലയിലെ ഗുണ, ഭിന്ദ് എന്നിവിടങ്ങളിൽ നിന്നുള്ളവരും, ബുന്ദേൽഖണ്ഡ് മേഖലയിലെ ഛത്തർപൂരിൽ നിന്നുള്ളവരും അച്ചടക്ക നടപടി നേരിട്ടവരിൽ ഉൾപ്പെടുന്നു. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Multibagger Stocks: മൾട്ടിബാഗർ ഓഹരികൾ എങ്ങനെ തിരഞ്ഞെടുക്കാം? 7 പ്രധാന റൂളുകളുമായി ക്വാല ഇന്റൽ
മൾട്ടിബാഗർ ഓഹരികൾ കണ്ടെത്താൻ ഓരോ നിക്ഷേപകനും ആഗ്രഹിക്കാറുണ്ട്. നിക്ഷേപം നടത്തുന്ന തുകയെ പലമടങ്ങാക്കി മാറ്റി വൻ സാമ്പത്തിക വളർച്ച നൽകുന്നു എന്നത് തന്നെയാണ് മൾട്ടിബാഗർ ഓഹരികളുടെ പ്രത്യേകത. എന്നാൽ ഇത്തരം മികച്ച് ഓഹരികളെ കണ്ടെത്തുക എന്നത് വലിയ വെല്ലുവിളി നിറഞ്ഞ ഒന്നാണ്. പലപ്പോഴും സോഷ്യൽ മീഡിയ ട്രെൻഡുകളും തെറ്റായ പ്രചാരണങ്ങളും വിശ്വസിച്ച് കൃത്യമായ പഠനം നടത്താതെ പലരും നിക്ഷേപം നടത്താറുണ്ട്. എന്നാൽ കൃത്യമായ ഒരു സിസ്റ്റമാറ്റിക് പ്രക്രിയയിലൂടെ വിപണിയിലെ വിജയസാധ്യതയുള്ള ഓഹരികളെ കണ്ടെത്താൻ സാധിക്കുമോ? കൃത്യമായ ഡാറ്റാ റിസർച്ചിലൂടെയും ഫണ്ടമെന്റൽ അനാലിസിസിലൂടെയും അത്തരം ഓഹരികളെ മുൻകൂട്ടി തിരിച്ചറിയാൻ എഐ ടൂളായ ക്വാല ഇന്റൽ സഹായിക്കും. 'മൾട്ടിബാഗർ' ഓഹരിയെ മുൻകൂട്ടി കണ്ടെത്തുന്നത് എളുപ്പമാണോ എന്ന ചോദ്യത്തിന് ക്വാല ഇന്റൽ ഉത്തരം നൽകുന്നു... വലിയ നേട്ടം കൈവരിച്ച ശേഷം ഒരു ഓഹരിയെ മൾട്ടിബാഗർ ആയി തിരിച്ചറിയുക എന്നത് എളുപ്പമാണെന്ന് ക്വാല ഇന്റൽ പറയുന്നു. എന്നാൽ വളർച്ചയുടെ തുടക്ക ഘട്ടത്തിൽ തന്നെ അതിനെ കണ്ടെത്തുക എന്നത് വലിയ വെല്ലുവിളിയാണെന്നും എഐ ചൂണ്ടിക്കാട്ടുന്നു. മൾട്ടിബാഗർ ഓഹരികളെക്കുറിച്ച് പഠിക്കുമ്പോൾ മുൻപ് 'സർവൈവർഷിപ്പ് ബയസ്' എന്ന ചിന്താഗതിയുടെ ചതിക്കുഴിയിൽ നിക്ഷേപകർ വീണ് പോകാറുണ്ടായിരുന്നു. പരാജയപ്പെടുകയോ പ്രകടനം മങ്ങുകയോ പൂർണ്ണമായി അപ്രത്യക്ഷമാവുകയോ ചെയ്ത കമ്പനികളെ അവഗണിച്ച് വിജയിച്ച കമ്പനികൾക്ക് പുറകെ മാത്രം പോകാനായിരുന്നു നിക്ഷേപകർ താൽപര്യപ്പെട്ടിരുന്നതെന്ന് എഐ വ്യക്തമാക്കുന്നു. അടിസ്ഥാനപരമായ ഫണ്ടമെന്റൽ ഫിൽട്ടറുകൾ ഉപയോഗിച്ച് ഓഹരികളെ തിരഞ്ഞെടുപ്പ് ചുരുക്കാൻ കഴിയുമെങ്കിലും ഭാവിയിൽ അത് പ്രയോജനപ്പെടില്ലെന്ന് Kwala Intel ഓർമ്മിപ്പിക്കുന്നു. കാരണം മുൻകാലങ്ങളിൽ മികച്ച നേട്ടം നൽകി എന്നതുകൊണ്ട് മാത്രം ഒരു കമ്പനി ഭാവിയിലും മൾട്ടിബാഗർ ആകണമെന്നില്ലെന്ന് വ്യക്തം. കൂടാതെ സമീപകാല വിപണി തരംഗങ്ങളും വിലക്കയറ്റവും മാത്രം നോക്കി ഓഹരികൾ വാങ്ങുന്നത് തെറ്റായ പ്രവണതയാണെന്ന് ക്വാല ഇന്റൽ ചൂണ്ടിക്കാണിക്കുന്നു. നിഫ്റ്റി സ്മോൾക്യാപ് 100 പോലുള്ള മേഖലകളിൽ നിക്ഷേപിക്കുന്നവർ വിപണിയിലുണ്ടാകുന്ന ചാഞ്ചാട്ടങ്ങളും, അതിലെ കയറ്റവും ഇറക്കവും വ്യക്തമാക്കുന്ന അഡ്വാൻസ്-ഡിക്ലൈൻ അനുപാതവും കൃത്യമായി പഠിക്കണം. അതിന് ശേഷമേ നിക്ഷേപ തീരുമാനം എടുക്കാവുള്ളൂ. മൾട്ടിബാഗർ ഓഹരികൾ എങ്ങനെ തിരഞ്ഞെടുക്കാം? അറിഞ്ഞിരിക്കണം ഈ കാര്യങ്ങൾ ബിസിനസ് നിലവാരം മൾട്ടിബാഗർ ഓഹരികൾ തിരഞ്ഞെടുക്കുമ്പോൾ നിക്ഷേപകർ ആദ്യം അറിയേണ്ടത് കമ്പനി എന്ത് ഉൽപ്പന്നമാണ് നൽകുന്നതെന്നും ഉപഭോക്താക്കൾ അത് എന്തുകൊണ്ട് വാങ്ങുന്നു എന്നുമാണ്. മറ്റ് കമ്പനികളെ അപേക്ഷിച്ച് അവയ്ക്ക് വിപണിയിൽ നിലനിൽക്കാനും, സമ്മർദ്ദങ്ങൾക്കിടെ ലാഭം നിലനിർത്താനും സാധിക്കുന്നുണ്ടെന്ന് ഉറപ്പുവരുത്തണം. വളർച്ചയുടെ സ്ഥിരത നിക്ഷേപത്തിന് എപ്പോഴും വിൽപനയിലും ലാഭത്തിലും തുടർച്ചയായ വളർച്ച നേടുന്ന കമ്പനികളാണ് നല്ലത്. വിപണിയിൽ തിരിച്ചടികൾ നേരിടുമ്പോഴും ബിസിനസ് നിലനിർത്താൻ കമ്പനിക്ക് സാധിക്കുന്നുണ്ടോ എന്ന് നിക്ഷേപകർ ഉറപ്പുവരുത്തണം. റിട്ടേൺ ഓൺ ക്യാപിറ്റൽ എംപ്ലോയ്ഡ് ബിസിനസ്സ് ആവശ്യങ്ങൾക്കായി ഉപയോഗിക്കുന്ന ഓരോ രൂപ മൂലധനത്തിൽ നിന്നും എത്രത്തോളം ലാഭം നേടാൻ കമ്പനിക്ക് സാധിക്കുന്നു എന്നറിയാൻ ROCE സഹായിക്കുന്നു. മൾട്ടിബാഗർ ഓഹരികൾ തിരഞ്ഞെടുക്കുന്ന നിക്ഷേപകർ മുൻഗണന നൽകേണ്ടത് ഉയർന്നതും സ്ഥിരതയുള്ളതുമായ ROCE ഉള്ള കമ്പനികൾക്കാണ്. ക്യാഷ് കൺവേർഷൻ റിപ്പോർട്ട് ചെയ്യുന്ന ലാഭം മാത്രം നോക്കി നിക്ഷേപം നടത്താതെ 'ക്യാഷ് ഫ്ലോ' പരിശോധിച്ച് കമ്പനിയുടെ പേപ്പർ ലാഭം യഥാർത്ഥ പണമായി കമ്പനിയിലേക്ക് എത്തുന്നുണ്ടോ എന്നറിയണം. ലാഭം കൂടുതലും ക്യാഷ് ഫ്ലോ കുറവുമാണെങ്കിൽ അത് കമ്പനിയുടെ കടബാധ്യതകളെയോ കൃത്രിമത്വം നടന്നിരുന്നതായോ എന്നതിനെയാണ് സൂചിപ്പിക്കുന്നത്. ബാലൻസ് ഷീറ്റ് ഭാവിയിൽ ഉണ്ടായേക്കാവുന്ന കടബാധ്യതകൾ തീർക്കാൻ കമ്പനിക്ക് കഴിയുമോ എന്ന് അറിയാൻ ബാലൻസ് ഷീറ്റ് വ്യക്തമായി പഠിക്കണം. അതിന് ശേഷമെ നിക്ഷേപ കാര്യത്തിൽ തീരുമാനം എടുത്താവുള്ളൂ. Kwala Intel-ന്റെ റിപ്പോർട്ടുകൾ ഈ സങ്കീർണമായ സാമ്പത്തിക വിവരങ്ങൾ പഠിക്കാൻ സഹായിക്കുന്നു. മാനേജ്‌മെന്റിന്റെ കാര്യക്ഷമത ദീർഘകാലത്തേക്ക് പണം നിക്ഷേപിക്കാനാണ് നിങ്ങൾ പദ്ധതിയിടുന്നതെങ്കിൽ എത്രത്തോളം വിശ്വസ്തരാണ് കമ്പനി നടത്തുന്ന പ്രൊമോട്ടർമാരെന്ന് അറിഞ്ഞിരിക്കണം. അവരുടെ കോർപ്പറേറ്റ് ഭരണനിർവ്വഹണം സുതാര്യമാണോ കമ്പനിയുടെ ഫണ്ട് എങ്ങനെയൊക്കെ വിനിയോഗിക്കുന്നു എന്ന കാര്യങ്ങളൊക്കെ നിക്ഷേപകർ പരിശോധിക്കണം. വാല്യുവേഷനും വിപണിയിലെ അപകടസാധ്യതകളും കമ്പനി മികച്ചതായത് കൊണ്ട് മാത്രം ഓഹരികൾ ഏത് വിലയിലും വാങ്ങാൻ നിൽക്കരുത്. വാങ്ങിക്കുന്ന ഓഹരിയുടെ വില അതിന്റെ യഥാർത്ഥ മൂല്യത്തേക്കാൾ കൂടുതലാണ് എന്നുണ്ടെങ്കിൽ ഭാവിയിൽ വിപണിയിൽ ചെറിയ തിരിച്ചടിയുണ്ടായാൽ പോലും വലിയ നഷ്ടം വരുത്തിവയ്ക്കും. അതുകൊണ്ട് തന്നെ ന്യായമായ വാല്യുവേഷനിൽ ലഭിക്കുന്ന ഓഹരികൾ തിരഞ്ഞെടുക്കാൻ ശ്രദ്ധിക്കുക. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Salim Ismail Arrest: 438 കോടിയുടെ മയക്കുമരുന്ന് കേസ്: അന്താരാഷ്ട്ര മയക്കുമരുന്ന് കടത്തുകാരൻ സലിം ഇസ്മായിൽ ഡോല പിടിയിൽ
ന്യൂഡൽഹി: അന്താരാഷ്ട്ര മയക്കുമരുന്ന് കടത്ത് സംഘത്തിലെ പ്രധാന കണ്ണിയായ സലിം ഇസ്മായിൽ ഡോല അറസ്റ്റിൽ. ഗുജറാത്ത് ഭീകരവിരുദ്ധ സേന (എ.ടി.എസ്) ആണ് അറസ്റ്റ് ചെയ്തത്. 2022-ൽ വഡോദരയിലെ ഒരു നിർമ്മാണ ശാലയിൽ നിന്ന് 438.64 കോടി രൂപയുടെ 'മെഫെഡ്രോൺ' പിടിച്ചെടുത്ത കേസിലാണ് അറസ്റ്റ്. ഈ വർഷം ആദ്യമാണ് ഇയാളെ തുർക്കിയിൽ നിന്ന് ഇന്ത്യയിലേക്ക് നാടുകടത്തിയത്. മയക്കുമരുന്ന് നിർമ്മിക്കുന്നതിനാവശ്യമായ രാസവസ്തുക്കൾ വിതരണം ചെയ്തതും, ലഹരിമരുന്ന് വിൽപ്പന നടത്തിയതും സലിം ഡോലയാണെന്ന് എ.ടി.എസ് ഉദ്യോഗസ്ഥർ വ്യക്തമാക്കി. നിയമപരമായി സർവീസ് നടത്തുന്ന ചരക്ക് കണ്ടെയ്നറുകളിൽ ഒളിപ്പിച്ചാണ് ഇയാളുടെ നേതൃത്വത്തിലുള്ള സംഘം വിദേശത്തേക്ക് മയക്കുമരുന്ന് കടത്തിയിരുന്നതെന്നും അന്വേഷണ സംഘം വെളിപ്പെടുത്തി. ലഹരിമരുന്ന് സ്വീകരിക്കുന്നതിനായി ഉൽപന്നങ്ങൾ എത്തുന്ന രാജ്യങ്ങളിൽ വ്യാജ കമ്പനികൾ ഉണ്ടാക്കിയിരുന്നതായും എ.ടി.എസ് കണ്ടെത്തി. അധോലോക നേതാവ് ദാവൂദ് ഇബ്രാഹിമിന്റെ അടുത്ത അനുയായികളിൽ ഒരാളായ ഡോലയ്‌ക്കെതിരെ ഇന്ത്യയിൽ ലഹരിക്കടത്തുമായി ബന്ധപ്പെട്ട് നിരവധി കേസുകൾ നിലനിൽക്കുന്നുണ്ട്. കൂടാതെ, വലിയൊരു അന്താരാഷ്ട്ര മയക്കുമരുന്ന് ശൃംഖലയുടെ തന്നെ നിയന്ത്രണം സലിമിന് ഉണ്ടായിരുന്നതായും വിവരമുണ്ട്. ഇന്ത്യയുടെ ആവശ്യപ്രകാരം 2024 മാർച്ചിൽ ഇന്റർപോൾ പുറപ്പെടുവിച്ച റെഡ് കോർണർ നോട്ടീസിനെ തുടർന്നാണ് സലിം ഡോല തുർക്കിയിൽ വച്ച് പിടിയിലാകുന്നത്. തുടർന്ന് ഈ വർഷം ഏപ്രിലിൽ നാർക്കോട്ടിക്സ് കൺട്രോൾ ബ്യൂറോ (NCB) ഇയാളെ തുർക്കിയിൽ നിന്ന് ഇന്ത്യയിലെത്തിക്കുകയായിരുന്നു. ഒക്ടോബർ 31-നാണ് കേസിൽ ഗുജറാത്ത് ആന്റി ടെററിസം സ്‌ക്വാഡ് (ATS) ഡോലയെ ഔദ്യോഗികമായി കസ്റ്റഡിയിൽ വാങ്ങിയത്. 2022 ഡിസംബർ 1നാണ് വഡോദരയിലെ സിന്ധ്രോട്ട് ഗ്രാമത്തിന് സമീപം പ്രവർത്തിച്ചിരുന്ന ലഹരി നിർമ്മാണ കേന്ദ്രത്തിൽ ഗുജറാത്ത് എ.ടി.എസ് മിന്നൽ റെയ്ഡ് നടത്തിയത്. പരിശോധനയിൽ അന്താരാഷ്ട്ര വിപണിയിൽ 438.64 കോടി രൂപ മൂല്യം വരുന്ന 87.728 കിലോഗ്രാം മെഫെഡ്രോൺ ആണ് പിടിച്ചെടുത്തത്. എൻ.ഡി.പി.എസ് (NDPS) നിയമപ്രകാരം രജിസ്റ്റർ ചെയ്ത കേസിൽ ഇതുവരെ 10 പ്രതികളാണ് പിടിയിലായിട്ടുള്ളത്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
Cyclone Murasu: മുരസു ചുഴലിക്കാറ്റ് ആന്ധ്രാപ്രദേശില്‍ കരതൊട്ടു, കേരളത്തിലും ജാഗ്രതാ നിര്‍ദ്ദേശം
അമരാവതി: അതിതീവ്ര ചുഴലിക്കാറ്റായ മുരസു കരതൊട്ടു. ഇന്ന് പുലർച്ചെ 1 മണിയോടെ ആന്ധ്രാപ്രദേശിലെ പ്രകാശം ജില്ലയിലെ ഓങ്കോലിന് സമീപമാണ് ചുഴലിക്കാറ്റ് കരതൊട്ടത്. തെക്കൻ ആന്ധ്രാപ്രദേശിലെ പ്രകാശം, പൽനാട്, ബാപട്‌ല, ഗുണ്ടൂർ ജില്ലകളിലും മറ്റ് ഭാഗങ്ങളിലും അതിശക്തമായ മഴയ്ക്ക് മുരസു കാരണമായി. മണിക്കൂറിൽ 110 കിലോമീറ്റർ മുതൽ 120 കിലോമീറ്റർ വരെ വേഗതയിൽ ശക്തമായ കാറ്റും മഴയ്ക്കൊപ്പം അനുഭവപ്പെട്ടു. പലയിടത്തും മരങ്ങളും വൈദ്യുതി പോസ്റ്റുകളും കടപുഴകി വീണു. പലയിടത്തും വൈദ്യുതി തടസ്സവും ആശയവിനിമയ സംവിധാനങ്ങൾ താറുമാറാവുകയും ചെയ്തു. പലയിടത്തും റോഡുകൾക്ക് കേടുപാടുകൾ സംഭവിച്ചു. കടൽനിരപ്പ് ഉയരുന്നതും കനത്ത മഴയും തീരദേശവാസികൾക്ക് വലിയ ഭീഷണി ഉയർത്തുന്നുണ്ട്.
Tap to read more
&imwidth=640&imheight=360)
Cylone Murasu: മുരശ് ചുഴലിക്കാറ്റ് കരയിലേക്ക്; അതീവജാഗ്രതയിൽ ആന്ധ്ര; വിമാനങ്ങൾ റദ്ദാക്കി
അമരാവതി: മുരശ് ചുഴലിക്കാറ്റ് കരയിലേക്ക് അടുക്കുന്ന സാഹചര്യത്തിൽ ആന്ധാപ്രദേശിൽ അതീവ ജാഗ്രത പ്രഖ്യാപിച്ചിരിക്കുകയാണ്. ശക്തമായ മഴയും അതിശക്തമായ കാറ്റും ഉണ്ടാകുമെന്ന മുന്നറിയിപ്പിനെ തുടർന്നാണ് ധികൃതർ കൂടുതൽ മുകരുതലുകൾ എടുത്തിരിക്കുന്നത്. ഇതിന്റെ അടിസ്ഥാനത്തിൽ ആന്ധ്രയിലെ വിവിധ വിമാനത്താളങ്ങളിൽ നിന്നുള്ള പത്തൊൻപതോളം വിമാന സർവീസുകൾ റദ്ദാക്കിയിട്ടുണ്ട്. തെക്കൻ തീരദേശ ആന്ധ്രയിലും റയലസീമ ജില്ലകളിലും കനത്ത മഴയ്ക്ക് സാധ്യതയുണ്ടെന്നും റിപ്പോർട്ടുണ്ട്. അധികൃതരോട് സജ്ജരായിരിക്കാൻ മുംഖ്യമന്ത്രി ചന്ദ്രബാബു നായിഡു അറിയിച്ചിട്ടുണ്ട്. പാൽനാട്, പ്രകാശം, കൃഷ്ണ, ഗുണ്ടൂർ, നെല്ലൂർ ജില്ലകളിൽ ശക്തമായ മഴയുണ്ടാകുമെന്നാണ് റിപ്പോർട്ട്. വൈദ്യുതി വിതരണം തടയപ്പെട്ടാൽ പരിഹരിക്കാനുള്ള തയ്യാറെടുപ്പുകളെല്ലാം പൂർത്തിയായി. അധിക സേനയെയും വിന്യസിച്ചിട്ടുണ്ട്. ജനങ്ങള്‍ അത്യാവശ്യ ഘട്ടങ്ങളിലല്ലാതെ വീടുകളില്‍ നിന്നും പുറത്തിറങ്ങരുതെന്നും ഒപ്പം ദുരന്തനിവാരണ അതോറിറ്റിയുടെ നിര്‍ദേശങ്ങള്‍ കര്‍ശനമായി പാലിക്കണമെന്നും അധികൃതര്‍ അറിയിച്ചിട്ടുണ്ട്. കടലാക്രമണ സാധ്യതയുള്ളതിനാല്‍ മത്സ്യത്തൊഴിലാളികള്‍ കടലില്‍ പോകരുതെന്നും കാലാവസ്ഥാ നിരീക്ഷണ കേന്ദ്രം അറിയിച്ചിട്ടുണ്ട്. ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലും. ZEE MALAYALAM App ഡൗൺലോഡ് ചെയ്യൂ. Android Link. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
Tap to read more
&imwidth=640&imheight=360)
ശമ്പളത്തിൽ നിന്ന് എത്ര സേവ് ചെയ്യണം? അറിയാം 3 തരം നിക്ഷേപകരെക്കുറിച്ച്
സമ്പാദ്യ ശീലമുള്ളവരാണ് ഇന്ന് മിക്ക ആളുകളും. സുരക്ഷിതമായ ഒന്നിൽ ഭാവിയിലേക്കായി നിക്ഷേപിക്കുക എന്നതിനെ ഇന്ന് എല്ലാവരും അത്രയേറെ പ്രധാന്യത്തോടെയാണ് കാണുന്നത്. എന്നാൽ സാമ്പത്തിക ആസൂത്രണത്തിന് ലക്ഷ്യമിടുന്ന തുടക്കക്കാർ നേരിടുന്ന ഏറ്റവും വലിയ ചോദ്യങ്ങളിൽ ഒന്നാണ് അതിനായി എത്ര രൂപ മാറ്റി വയ്ക്കണമെന്നത്. ഓരോ വ്യക്തികളുടെയും സമ്പാദ്യ ശീലത്തെ അടിസ്ഥാനമാക്കി സാമ്പത്തിക വിദഗ്ദ്ധർ ആളുകളെ മൂന്നായിട്ടാണ് തരംതരിച്ചിരിക്കുന്നത്. അഗ്രസീവ് സേവേഴ്സ് (Aggressive Savers), മോഡറേറ്റ് സേവേഴ്സ് (Moderate Savers), ലൈഫ്‌സ്റ്റൈൽ സേവേഴ്സ് എന്നിങ്ങനെയാണ് ആ മൂന്ന് വിഭാഗം. അഗ്രസീവ് സേവേഴ്സ് പെട്ടെന്നുള്ള ഉപയോഗത്തേക്കാൾ അല്ലെങ്കിൽ നിലവിലുള്ള ജീവിതരീതിയെക്കാൾ ദീർഘകാല (ഭാവിയിലെ) സാമ്പത്തിക വളർച്ചയ്ക്കും സാമ്പത്തിക സ്വാതന്ത്ര്യത്തിനും മുൻഗണന നൽകുന്നതാണ് അഗ്രസീവ് സാവേഴ്‌സ്. വലിയ റിസ്ക് എടുത്തുകൊണ്ട് പരമാവധി മൂലധന വളർച്ച കൈവരിക്കുക എന്നതാണ് ഇവർ ലക്ഷ്യമിടുന്നത്. ഇതിനായി ഒരു കർശനമായ ബജറ്റ് ശൈലി തന്നെ ഇവർ പിന്തുടരുന്നു. വരുമാനത്തിന്റെ വലിയൊരു പങ്ക് തന്നെ ഇവർ മാറ്റിവയ്ക്കുന്നു. കാലക്രമേണ പണപ്പെരുപ്പത്തെ പോലും മറികടക്കുന്ന രീതിയിലുള്ള ഒരു വളർച്ചയാണ് ലക്ഷ്യം. മോഡറേറ്റ് സേവേഴ്സ് നിലവിലെ ജീവിതരീതിയും ഭാവി നിക്ഷേപവും ഒരുപോലെ മുന്നോട്ടുകൊണ്ടുപോകുന്നതിനാണ് മോഡറേറ്റ് സേവേഴ്സ് ഊന്നൽ നൽകുന്നത്. സ്വന്തമായൊരു വീട്, മക്കളുടെ ഉന്നത വിദ്യാഭ്യാസം തുടങ്ങിയ കൃത്യമായ ജീവിത ലക്ഷ്യങ്ങളെ അടിസ്ഥാനമാക്കിയാണ് ഇക്കൂട്ടർ സാമ്പത്തിക ആസൂത്രണം നടത്തുന്നത്. ദൈനംദിന ആവശ്യങ്ങൾക്കും ഇവർ ആവശ്യമായ പണം സൂക്ഷിക്കും. അതിനോടൊപ്പം തന്നെ ഇടക്കാല സാമ്പത്തിക ലക്ഷ്യങ്ങൾ കൈവരിക്കുന്നതിന് വേണ്ടി കൃത്യമായ തോതിൽ സമ്പാദ്യം വളർത്തിയെടുക്കുകയും ചെയ്യും. ലൈഫ്‌സ്റ്റൈൽ സേവേഴ്സ് ഭാവി സമ്പാദ്യത്തേക്കാൾ ഇന്നത്തെ ജീവിതസൗകര്യങ്ങൾക്ക് പ്രാധാന്യം നൽകുന്നവരാണ് ലൈഫ്‌സ്റ്റൈൽ സേവേഴ്സ്. ദിനംപ്രതിയുള്ള അനാവശ്യമല്ലാത്ത ചെലവുകളിൽ വിട്ടുവീഴ്ച ചെയ്യാതെ തന്നെ ഭാവിയിലെ അടിസ്ഥാന ആവശ്യങ്ങൾക്ക് സുരക്ഷിതമായ അടിത്തറയൊരുക്കുക എന്നതാണ് ഇവരുടെ സാമ്പത്തിക ലക്ഷ്യം. പണപ്പെരുപ്പം മൂലം നിങ്ങളുടെ നിക്ഷേപങ്ങളിൽ നിന്നുള്ള ആദായത്തിന്റെ യഥാർത്ഥ മൂല്യം കുറയുന്നു. സ്ഥിരനിക്ഷേപങ്ങളിൽ നിന്നുള്ള നിശ്ചിത വരുമാനത്തിന്റെ മൂല്യം കുറയ്ക്കുമ്പോൾ ദീർഘകാല ഇക്വിറ്റി നിക്ഷേപങ്ങൾക്ക് പണപ്പെരുപ്പം കൂടുതൽ വളർച്ച നൽകുകയാണ് ചെയ്യുന്നത്. സമ്പത്ത് സുരക്ഷിതമായി നിലനിർത്താൻ കൃത്യമായ 'അസറ്റ് അലോക്കേഷൻ' (Asset Allocation) ആവശ്യമാണ്. ഉദാഹരണമായി ഫിക്സഡ് ഡെപ്പോസിറ്റുകളിൽ 70% പണം നിക്ഷേപിക്കുന്നവർക്ക് പണപ്പെരുപ്പം മൂലം യഥാർത്ഥ ലാഭം ലഭിക്കാതെ പോകുന്നു. എന്നാൽ ഓഹരികളിൽ 80% തുക നിക്ഷേപിക്കുന്നവർക്ക് വിലക്കയറ്റത്തെ മറികടന്ന് മികച്ച വളർച്ച നേടാൻ സാധിക്കും. പണപ്പെരുപ്പത്തെ മറികടക്കുന്നതിനായി, നിക്ഷേപകർ തങ്ങളുടെ ലക്ഷ്യങ്ങൾക്കനുസരിച്ച് ഇക്വിറ്റി പങ്കാളിത്തം ഉറപ്പാക്കണമെന്ന് ക്വാലാ ഇന്റൽ വ്യക്തമാക്കുന്നു. ഓരോ വിഭാഗത്തിലുള്ള സമ്പാദ്യക്കാരും പ്രതിമാസ വരുമാനത്തിൽ നിന്ന് എത്ര തുക വീതം മാറ്റി വെക്കണം? കൃത്യമായ കണക്കുകളുമായി ക്വാലാ ഇന്റൽ (Kwala Intel)
Tap to read more